Lajme nga vendi
Arben Fetai: Misioni ynë, çlirimi i çdo komune nga keqqeverisja e BDI-së
Zv/kryeministri Arben Fetai në një postim në rrjetin social facebook ka përshkruar rrugëtimin e tij politik.
Fetai thotë se qëllimi ishte për të sjellë ndryshimin tek shqiptarët dhe se kjo u arrit me ardhjen e VLEN-it në pushtet. Sipas tij, në VLEN ka patur gabime, mirëpo ajo ka qenë shpresë për shqiptarët.
Fetai shkruan se duhet gjetur formula për të çliruar komunat shqiptare nga BDI-ja dhe se ky duhet të jetë misioni.
Ja dhe postimi i tij i plotë:
“Rrugëtimin tim politik e kam nisur në Vetëvendosje! – një lëvizje që më ka formësuar si individ, politikisht dhe kombëtarisht. Aty kam mësuar se politika është mision dhe se ajo nuk guxon të konceptohet si profesion. Nga viti 2017 e këtej, ia kam kushtuar tërë angazhimin tim Aleancës për Shqiptarët, sepse aty kam parë vazhdimin natyral të asaj rruge dhe mundësinë më të denjë për ta sjellë ndryshimin aty ku dhemb më se shumti: në vendlindjen time.
Ishte një rrugë jo e lehtë, me vite të tëra përballje me një strukturë të kalbur të quajtur BDI, e cila ka degraduar gjithçka që ka prekur. U përballëm me gëzime e me zhgënjime, por nuk u dorëzuam asnjëherë. Dhe pastaj ndodhi ajo që dukej e pamundur: bashkimi i forcave opozitare shqiptare në VLEN, një bashkim ku edhe unë pata fatin dhe nderin të jap një kontribut jo të vogël. Dhe me kërkesë të Kryetarit tim, Dr Arben Taravarit, vendosa të braktis një jetë komode në Belgjikë për të marrë përgjegjësi.
Pas dy dekadash pritjeje, shpresa për ndryshim u kthye në realitet.
A ishte VLEN i përkryer? Jo. Si çdo bashkim i ndërtuar mes dallimeve dhe historive të ndryshme, kishte nevojë për kohë, për testim, për maturim. Por ishte një fillim i domosdoshëm, një përpjekje e sinqertë për të shembur një sistem kriminal e për të ndërtuar një tjetër mbi vlera, dinjitet dhe drejtësi. Dhe për këtë arsye, përballë pati armiqësi të egër, nga ata që varen nga mbajtja gjallë e një rendi të kalbur.
Por a ishte VLEN shpresë? Po, pa më të voglin dyshim. Ishte një projekt i guximshëm kombëtar që na dëshmoi se po, shqiptarët mund të bashkohen kundër një të keqe të përbashkët.
Unë besoj ende. Besoj se Aleanca për Shqiptarët do të mbetet besnike ndaj rrugës së saj – rrugës së Arbrit, të dinjitetit dhe guximit. Dhe besoj se, me vullnet të ndërsjellë, mund ta gjejmë formulën për të çliruar çdo komunë shqiptare nga keqqeverisja e BDI-së. Ky është misioni ynë. Sulmet dhe goditjet nën brez nuk i kontribuojnë këtij misioni. Për këtë mision do të vazhdoj të luftoj, pa i sharë ata me të cilët e sollëm ndryshimin, pa u përkulur.
Lajme nga vendi
Studentët në RMV sot në protesta, kërkojnë që provimi i jurisprudencës të jepet edhe në gjuhën shqipe
Studentët shqiptar të universiteteve në Maqedoninë e Veriut, sot duke filluar nga ora 12:30, do të protestojnë, ndërsa kërkojnë që provimi i jurisprudencës të mbahet edhe në gjuhën shqipe.
Studentët kanë bërë thirrje për pjesëmarrje masive të qytetarëve, pasi siç thonë kjo nuk është vetëm ‘lufta’ e tyre, por është ‘luftë’ për mbrojtjen e gjuhës.
Për shkak të protestës, do të ketë kufizime në trafik. Studentët kanë thënë se se rruga e lëvizjes do të jetë nga përpara sheshit “Karposhovo Vostanie”, rrugës “11 Mars”, përmes Urës së Gurit, dhe do të vazhdojë përgjatë rrugës “Nikola Vapcarov” dhe do të përfundojë në rrugën “Dimitrije Çupovski” përpara Ministrisë së Drejtësisë, ndërsa trafiku do të ridrejtohet në rrugët përreth.
“SPB Shkup – Njësia për Siguri në Trafikun Rrugor do të marrë masa për një regjim të veçantë trafiku. Ministria e Brendshme u bën thirrje të gjithë qytetarëve që marrin pjesë në trafik të respektojnë urdhrat e dhëna nga oficerët e uniformuar të policisë”, thonë nga MPB.
Moti sot në Maqedoninë e Veriut do të jetë me diell dhe relativisht i ngrohtë. Temperatura maksimale që arrijnë 23 gradë, sipas informacionit nga Drejtoria për Punë Hidrometeorologjike.
Deri në fund të ditës, moti do të mbetet i qëndrueshëm, me vranësira të lehta deri në mesatare dhe erë të lehtë deri në mesatare nga veriperëndimi.
Nesër pritet mot kryesisht me diell dhe i ngrohtë, me temperatura minimale nga 0 deri në 9 gradë, ndërsa temperaturat ditore do të lëvizin nga 19 deri në 25 gradë.
Studentët në RMV sot në protesta, kërkojnë që provimi i jurisprudencës të jepet edhe në gjuhën shqipe
Moti sot në Maqedoninë e Veriut
NDOTET LUMI VARDAR, KOMUNA E GOSTIVARIT NIS HETIMET PËR ZBULIMIN E AUTORIT
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
Aksident tragjik në autostradën Tetovë – Gostivar, humb jetën një grua 33 vjeçare | VIDEO
Shkup, panairi i patundshmërive të Dubait! Citi Casa rikthehet në hapësirat e COWORK21 më 31 maj dhe 1 qershor
-
Lajme nga rajoni2 weeks agoZbardhet dëshmia e autorit të vrasjes së Liridonës, Plava: Kisha marrëveshje me Murselin, më tha se Behgjet Pacolli ka qenë në dijeni
-
Lajme nga bota2 weeks ago“Do jem makthi i Iranit”, Trump ‘kërcënon’ sërish: Nëse nuk ulen në negociata, bombardimet do të shtohen
-
Lajme nga vendi2 months ago20-vjecari nga fshati Novo Sellë е Tetovës drejtonte mjetin pa leje i sekuestohet përkohësisht “BMV”