Mbyllja e hapësirës për paqartësi, improvizime dhe keqpërdorime që në të kaluarën shkaktuan mosbesim dhe abuzime. Ky është Ligji për Përfaqësim të Drejtë dhe të Përshtatshëm, i cili dje mori “dritë jeshile” nga Qeveria. Ligji do të zëvendësojë “balancerin” e mëparshëm – një mjet që përdorej për të përcaktuar përqindjen e përfaqësimit të duhur të të punësuarve në sektorin publik sipas çdo komuniteti etnik.

Koalicioni VLEN e përshëndeti miratimin e këtij draft-ligji, duke e përshkruar atë si një arritje historike dhe një hap të rëndësishëm drejt barazisë institucionale, pasi pas më shumë se dy dekadash, kjo çështje po rregullohet për herë të parë me ligj.

Vazhdojnë provokimet – në këtë mënyrë përmes rrejeteve sociale ka reaguar Bujar Osmani nga BDI-ja.

“Qeveria paska miratuar një ligj karikaturë të Karakamishevës për “përfaqësim të drejtë”, ku balancuesi, që ishte formulë obligative ligjore për garantimin e përfaqësimit të drejtë, zëvendësohet me një komision i cili një herë në vit do të japë raport për përfaqësimin e drejtë. Provokim pas provokimi. Deri kur?” – shkruan Osmani në Facebook.

Aleanca për Shqiptarët do ta kundërshtojë fuqishëm propozim-ligjin e hartuar nga Tanja Karakamisheva, i cili përbën një goditje të drejtpërdrejtë ndaj parimit të përfaqësimit të drejtë dhe adekuat të shqiptarëve në institucionet shtetërore – reagojnë nga ASH-ja e Arben Taravarit.

Advertisement

“Ne kërkojmë tërheqjen e menjëhershme të këtij propozim-ligji dhe hapjen e një procesi gjithëpërfshirës, transparent dhe në përputhje me parimet kushtetuese dhe standardet evropiane për përfaqësim të drejtë” – thonë nga ASH-ja.

Por, si do të funksionojë tani ky ligj?
Sipas qeverisë, do t’i kushtohet vëmendje e veçantë përmirësimit të përfaqësimit të qytetarëve që i përkasin komuniteteve të nën-përfaqësuara në organet e pushtetit shtetëror dhe institucionet e tjera të sektorit publik.

Sipas ligjit, “kualifikimet, aftësitë dhe kompetenca mbeten kriteri kryesor, ndërsa përkatësia ndaj një komuniteti të nën-përfaqësuar mund të merret parasysh vetëm si kriter dytësor, në rast të kualifikimeve dhe kompetencave të barabarta midis kandidatëve.”

Ligji parashikon gjithashtu krijimin e një Trupi Koordinues për monitorimin e përfaqësimit të drejtë dhe të përshtatshëm, i cili do të mbikëqyrë dhe do të garantojë zbatimin e ligjit në praktikë.

Balanceri u shfuqizua me vendim të Gjykatës Kushtetuese më 9 tetor 2024.

Advertisement

Më parë, më 18 shtator 2024, Gjykata Kushtetuese kishte nisur procedurë për balancerin, pasi gjykatësit diskutuan nëse ky mjet cenonte parimin e kompetencës dhe aftësive profesionale dhe shkelte të drejtën kushtetuese për punësim dhe zgjedhje të lirë të punës.

Kjo çështje u ngrit pas një iniciative të Komisionit Shtetëror për Parandalimin e Korrupsionit (KSHPK) për shkak të keqpërdorimeve gjatë punësimeve.

Një zjarr ka shpërthyer sot në Shkolla e Mesme Zef Lush Marku në Shkup. Sipas informacioeve, jozyrtare, zjarri ka nisur nga djegia e një mjeti plastik në tualetin e shkollës, raporton Alsat.

Nxënësit janë detyruar të braktisin menjëherë objektin për sigurinë e tyre.

Autoritetet ende nuk kanë dhënë informacione zyrtare për shkakun dhe pasojat e incidentit.

Mimoza Musa do të jetë një nga nënkryetaret e VLEN-it ndërsa Azir Aliu po punon në rregullimin e statusit të partisë, i cili është një nga pesë anëtarët e komisionit për shndërrim të koalicionit në subjekt politik. Këtë sot e pohoi vetë Azir Aliu nga grupacioni i ASH-së që është pjesë e qeverisë, duke shtuar se po punojnë intenzivisht dhe se të gjitha gjërat do të marrin jetë më 9 maj, kur edhe do të mbahet kongresi i partisë.

Aliu tha se ende mbajnë komunikim me Arben Fetahun, pavarësisht se politikisht i kanë rrugët e ndara, duke lënë të nënkuptohet se Fetahu pas rikosntruimit të qeverisë nuk do të mbajë më postin e zv/kryeministrit.

Kujtojmë se ASH-ja u përça në prag të zgjedhjeve parlamentare të vitit 2024, kur Arben Taravari u nda nga Ziadin Sela, për tu reshtuar në VLEN kundrejt Selës që u rreshtua në Frontin Europian. Më pas, para zgjedhjeve lokale të vitit 2025, Tarvari vendosi ta lëshojë qeverinë dhe t’i bashkëngjitet koalicionit të BDI-së, pjesë e të cilit ishte edhe Sela, por Azir Aliu së bashku me Arben Fetahin vazhduan të qëndrojnë në VLEN duke mbajtur kështu edhe postet ministrore që u takonin. Me vendimin e krerëve që VLEN që partia në formim të funksionojë vetëm me 2 kryetarë e jo me 4 kryetarë më rotacion siç thuhej në fillim, Arben Fetahi dhe dhe disa të tjerë dolën si të pakënaqur nga ky vendim, me çka edhe u distancuan nga Azir Aliu i cili pranoi këtë mënyrë funksionimi të VLEN-it, ku grupacionit të ASH-së nuk i takon posti i kryetarit por vetëm i nënkryetarit.