Sport
Qazim Laçi me mesazh të fortë para Serbisë: Zemra shqiptare nuk dorëzohet kurrë
Kombëtarja shqiptare ka nisur përgatitjet për dy përballje kyçe në kuadër të eliminatoreve të Botërorit 2026. Më 7 qershor, kuqezinjtë do të presin Serbinë në “Arena Kombëtare”, ndërsa më 10 qershor do të udhëtojnë drejt Letonisë. Në konferencën për shtyp, Qazim Laçi u shfaq i motivuar dhe plot besim, duke analizuar të dyja ndeshjet dhe duke dërguar sinjale të forta për kundërshtarët.
I pyetur për përballjen me Serbinë dhe faktin që luhet në shtëpi, mesfushori dibran u shpreh: “Mendimi im është se na pret një ndeshje shumë të fortë, teksa do të luajmë në shtëpi. Serbia nuk është favorite, jemi të barabartë dhe diçka e tillë do të shihet në fushë. Do të përgatitemi për atë që duhet të japim në fushë, kjo ka rëndësi për ne. Na kërkohet të jemi profesionistë në fushë dhe të mos përfshihemi nga emocionet që vijnë nga jashtë”.
Lidhur me mbështetjen e tifozëve, Laçi nuk ka asnjë dyshim se ata do të jenë prezentë dhe shtysë për kombëtaren: “Unë besoj se tifozët do të jenë gjithmonë pas nesh. Kjo është ndeshje e veçantë, nga të gjithë kërkohet kujdes. Në gjithë këto vite që jam këtu, tifozët nuk kanë bërë gjëra të këqija. Sigurisht, i pres në stadium të na mbështesin sa më shumë”.
Sa i takon formës fizike të kombëtares, Laçi theksoi rëndësinë e përgatitjes mendore: “Nga ana fizike do të përgatitemi shumë. Aspekti fizik është shumë i rëndësishëm, por duhet të jemi të qetë dhe të kemi mentalitet të fortë. Kjo do të na ndihmojë të jemi të fortë edhe fizikisht”.
Shqipëria mban vendin e dytë në grup, ndaj Laçi e sheh këtë si mundësi të artë që nuk duhet shpërdoruar: “Patjetër kemi një shans të madh, pasi luajmë në shtëpinë tonë ndaj Serbisë. Kjo do të jetë forca jonë, duhet të hyjmë në fushë për të fituar, emocionet t’i lëmë mënjanë atë ditë. Duhet të punojmë në stërvitje dhe të bëjmë ato gjërat që na kërkon trajneri”.
Kur u pyet për dëshirën personale në lidhje me vend-zhvillimin e ndeshjes ndaj Serbisë, Laçi tregoi qetësi dhe profesionalizëm: “Ne jemi profesionistë dhe do të merremi me futbollin. Natyrisht, është gjë e mirë të luash në shtëpi, ku nuk na mungon kurrë mbështetja e tifozëve. Do të jetë një ndeshje e rëndësishme, ku do të kërkojmë të marrim 3 pikët”.
Ai shtoi se kjo kombëtare është e përgatitur për sfida të tilla: “Nuk mendoj se ekipit kombëtar i mungon zemra. Ne kemi shpirt dhe zemër të fortë për të përballuar çdo gjë”.
Lidhur me sfidën e dytë ndaj Letonisë, Laçi nënvizoi se nuk ka vend për nënvlerësim: “Nuk kemi ndeshje të lehta dhe kundërshtarë që i nënvlerësojmë. Na presin 2 ndeshje shumë të rëndësishme kualifikuese, ndaj duhet të kemi kujdes. Fitorja ndaj Serbisë duhet të lidhet edhe me një 3-pikësh ndaj Letonisë”.
Konflikti Valverde – Çuameni kishte nisur që të mërkurën. Gjithçka filloi në fushë, vazhdoi edhe në zhveshtore, ku debati përfundoi në përleshje fizike.
Sipas raportimeve, gjatë konfliktit Valverde ra dhe goditi kokën në një tavolinë në zhveshtore. Për shkak të seriozitetit të goditjes, mesfushori uruguaian u dërgua menjëherë në spital për ekzaminime shtesë.
Edhe pse lojtari është liruar për trajtim në shtëpi dhe ndodhet në gjendje stabile, protokollet mjekësore kërkojnë pushim të detyrueshëm prej 10 deri në 14 ditësh. Kjo do të thotë se Valverde do ta humbasë me siguri “El Clasicon” e së dielës në “Camp Nou”, ndeshje në të cilën Barcelona mund ta sigurojë matematikisht titullin në La Liga.
Përmes një deklarate zyrtare, Valverde ka mohuar përplasjen fizike.
Në reagimin zyrtar, “klubi mbretëror” theksoi se nuk do të tolerojë sjellje të tilla:
“Real Madridi njofton se pas ngjarjeve të ndodhura këtë mëngjes është hapur procedurë disiplinore ndaj lojtarëve tanë Federico Valverde dhe Aurelien Tchouameni. Klubi do të informojë publikun pas përfundimit të procedurave të brendshme.”
Ky incident shihet si vazhdim i atmosferës së tensionuar brenda skuadrës madrilene.
Kohët e fundit janë raportuar edhe konflikte të tjera mes lojtarëve, përfshirë përplasje ku janë përmendur Antonio Rudiger dhe Kylian Mbappe.
Sipas mediave spanjolle, drejtori i përgjithshëm Jose Angel Sanchez është shokuar nga sjellja e futbollistëve vetëm pak ditë para ndeshjes më të rëndësishme të sezonit.
Në prag të El-Klasikos, tema kryesore tek tifozët e Real Madridit është peticioni online që kishte nisur më herët, nëse duan që Kilian Mbappe të largohet nga “Mbretërit”. Qëllimi ishte të arrihen 200.000 nënshkrime, por peticioni u bë më viral se sa që pritej dhe tashmë ka 2.8 milion nënshkrime, të tifozëve që pajtohen që Mbappe të largohet nga “Santjago Bernabeu”.
Mësohen ekipet finaliste edhe në Ligën Europa dhe të Konferencës.
Në finale të Europa Ligës me 20 maj në Stamboll do të përballen Freiburg – Aston Vila, ndërsa në atë të Konferencë Ligës më 27 maj në Lajpcig do të përballen Rayo Vajekano – Crystal Palas.
Aston Vila dhe Freiburgu janë dy finalistet e sezonit 2025/2026 në Ligën e Europës. Dy duelet e kthimit të raundit gjysmëfinal, prodhuan plot 8 gola, teksa skuadra e Unai Emeri, mposhti 4 – 0 Notingham Forestin, duke përmbysur kështu rezultatin e sfidës së pare.
Mbrëmje historike edhe për Freiburgun, që fitoi me rezultatin 3 me 1 ndaj Bragës. Aston Vila i dha fund serisë prej tre humbjesh radhazi dhe siguroi kualifikimin në finalen e dytë europiane në historinë e klubit, ku do të përballet me Freiburgu, 44 vite pas finales së parë.
Ndeshja finale e Europa Ligës Freiburg – Aston Vila zhvillohet më 20 maj në Stamboll
Në Konferencë Liga, Rajo Vajekano ka shkruar historinë duke siguruar për herë të parë kualifikimin në një finale të kupave europiane, pasi mposhti francezët e Strasburgut 1-0.
Në finale është kualifikuar edhe Crystal Palace, ekip e cila eliminoi Shakhtar Donetskun me rezultatin 2-1. Edhe për klubin anglez kjo do të jetë finalja e parë europiane në histori, ndërsa synimi do të jetë fitimi i trofeut të dytë madhor në më shumë se 120 vite ekzistencë profesionale.
Ndeshja finale mes Rayo Vajekano – Crystal Palas do të zhvillohet më 27 maj në Lajpcig.
Tanimë kur dihen të gjitha ekipet finaliste në garat evropiane të UEFA-së, nga gjashtë të skuadrat finaliste të garave evropiane, katër trajnerë janë spanjollë, Luis Enrike si trajner i PSG-së dhe Mikel Arteta i Arsenalit, do të kërkojnë trofeun e Ligës së Kampionëve.
Unai Emeri me Aston Vilën synon trofeun e Europa League dhe Inigo Perez me Rajo Vajekanon, synon trofeun e Ligës së Konferencës.
Të shtunën dhe të dielën me fillim në program janë ndeshjet e javës së 31-të të kampionatit në Ligën e parë të futbollit vendor. Kjo javë mund të jetë edhe vendimtare sa i përket titullit kampion por edhe për ekipet që luftojnë për mbijetesë në elitën e futbollit vendor.
Kuqezinjtë tetovar pas dy dështimeve të fundit, disfatës nga Bashkimi në Tetovë dhe barazimit me Sileksin në Kratovë, pothuajse kanë humbur gjasat se mund të mbrojnë titullin kampion.
Derisa matematikisht ende ekzistojnë gjasat, Shkëndija në ndeshjen e nesërme duhet të jetë në nivelin e duhur pasi ekipi nga Struga ka matematikat e veta.
Ndeshje interesante do të zhvillohet edhe në Shkup aty ku lideri në renditjen e tabelës Vardari është nikoqire e Sileksit.
Me fitore eventuale Vardari do të ishte edhe një hap pranë titullit kampion .
Nesër në program është edhe ndeshja në Manastir mes Pelisterit dhe Shkupit, ku vendasit janë favorite absolute.
Të tre ndeshjet e së shtunës fillojnë ora 16:00.
Tre ndeshjet tjera të javës së 31-të zhvillohen të dielën me fillim në ora 16:00, takohen: Arsimi – Bashkimi, Makedonija Gj.P – Tikveshi dhe AP Brera- Rabotniçki.
‘Fitonin’ 34 mijë euro me mallverzimeve gjatë shit-blerjes së veturave të konfiskuara
Siljanovska: Balancuesi krijoi pushtet të korruptuar, ligjet duhet të miratohen me procedurë të rregullt
KONGRESI I VLEN – QYTETARËT MIRËPRESIN BASHKIMIN!
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Azizi zbulon dyfytyrësinë e Ali Ahmetit: Ja vazali që e mbronte Gruevskin
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
