Si subjekt që VLEN, me kënaqësi dhe krenari njoftojmë opinionin publik se, për herë të parë pas shumë dekadash, 38 shqiptarë kanë nisur punë në sektorin e librave amë i cili është një hap i madh drejt barazisë, përfaqësimit të dinjitetshëm dhe integrimit real institucional të shqiptarëve në Maqedoninë e Veriut.

Punësimet e qytetarëve tanë tashmë kanë filluar, ky hov nuk ndalet dot. Bllokadat e sponsorizuara nga BDI përmes Taravarit morën fund. Tani çdo ditë e më shumë rritet numri i shqiptarëve që po punësohen në institucione të shumta. Po me këtë ritëm do të vazhdojmë akoma. Ne punësojmë sepse qytetarët tanë janë të aftë për të punuar. Punësimet tona nuk bëhen me kushtëzime e mito, por mbi bazën e meritës dhe parimit që njeriu i duhur në vendin e duhur.

Prandaj, veçojmë rastin që nën udhëheqjen profesionale të Faton Fazliut, po realizohet një transformim rrënjësor në këtë sektor vital për qytetarët. Janë në procedurë të avancuar edhe hapja e zyreve të reja për librat amë në komunat si Çashkë, Bërvenicë, Krushevë, Jegunovcë, Bogovinë dhe Dobridoll, zona këto që për vite të tëra ishin tërësisht të përjashtuara nga shërbimet shtetërore.

Kjo nuk është vetëm një politikë kadrovike, por një akt emancipues, një kthesë historike dhe një dëshmi konkrete se VLEN jo vetëm premton, por vepron. Jemi duke ndërtuar një administratë gjithëpërfshirëse, ku çdo qytetar trajtohet me dinjitet, dhe ku shqiptarët nuk janë më vetëm shikues, por pjesëmarrës aktivë dhe kontribues të shtetit.

Kjo është rilindje institucionale në praktikë. Ky është VLEN, zëri i dinjitetit, veprimit dhe ndryshimit!

Advertisement

Deri te Gjykata Themelore në Koçan është parashtruar akt prokurorial kundër 34 persona fizik dhe 3 persona juridik për tragjedinë në Koçan, ka bërë të ditur kryeprokurori publik Lupço Kocevski, transmeton TV21.

Për 11 persona është ndërpre procedura dhe nuk do të përndiqen më tej, sepse kundër tyre nuk ka dëshmi të mjaftueshme. Mes tyre janë ish drejtorët e Inspektoratit Shtetëror të Tregut dhe dy ish ministrat e Ekonomisë. Për anëtarin e grupit muzikor po ashtu është ndërprerë procedura pasi është në mjekim, si dhe për menaxherin e kompanisë pasi i njëjti ka ndërruar jetë gjatë mjekimit spitalor.

Kush akuzohen?

Tre të akuzuar janë pronari dhe personat përgjegjës në kompani, ku në Kabare Plus siç tha Kocevski kanë kryer veprimtari hotelerike “edhe pse objekti nuk i ka përmbushur kushtet minimale teknike”. I akuzuar është edhe vëllai i pronarit “Puls” pasi ai i ka shitur biletat.

Tre të akuzuar të tjerë janë inspektorë ndërtimorë në Komunën e Koçanit, pasi të njëjtit nuk kanë realizuar inspektim ndaj kabare “Plus” dhe kanë mundësuar që ky objekt të vazhdojë të veprojë jashtëligjshëm.

Advertisement

“Ata kanë mundësuar që “Puls” të punojë si kabare”, shtoi Kocevski.

Aktakuzë është ngritur edhe kundër kompanisë së sigurimit dhe 4 personave të sigurimit, prej të cilëve njëri aspak nuk posedon licencë për sigurim.

Të akuzuar janë edhe tre ish kryetarët e komunës së Koçanit.

Të akuzuar janë edhe katër drejtorë të Drejtorisë për Mbrojtje dhe Shpëtim dhe një inspektor gjeneral, i cili gjatë asaj kohe ka qenë udhëheq i sektorit i shërbimit inspektues të DMSh-së nuk kanë ndërmarrë masa për të parandaluar këtë fatkeqësisht duke mos realizuar mbikëqyrje.

Të akuzuar siç bëri të ditur janë edhe 5 nëpunës shtetëror, një sekretar shtetëror dhe dy ministra të Ekonomisë pasi aspak nuk kanë vepruar ndaj rregulloreve.

Advertisement

Dëshmi shtesë janë siguruar edhe për një nëpunës shtetëror i cili në vazhdimësi i ka përgatitur licencat për “Plus” duke pranuar edhe dhurata për vete dhe të tjerët.

Në aktakuzë janë përfshirë edhe katër persona zyrtarë, inspektorë në Sektorin për inspektim Shtip me qytetet Koçan, Shën Nikollë, Berovë, Dellçevë dhe Vinicë.

“Ata aspak nuk kanë vepruar ndaj rregulloreve”, tha Kocevski duke shtuar se janë “dakorduar për mosveprim”.

Përgjegjësi është vendosur edhe te anëtarët e grupit muzikor kjo për shkak të mjeteve piroteknike, por që është ndërprerë procedura për disa pasi njëri ka ndërruar jetë, kurse tjetri është në gjendje të rëndë shëndetësore. Përgjegjësi për këtë pjesë është vendosur edhe te pronari, menaxheri i lokalit – biri i tij dhe te katër pjesëtarë të sigurimit të klubit.

Advertisement

Me pompozitet dhe për të larguar vëmendjen nga dështimet e mëdha politike dhe administrative, koalicioni VLEN njoftoi për disa punësime në Drejtorinë e Librave Amë. Këto lajme serviren si suksese për të mbuluar realitetin e hidhur në terren: diskriminimin sistematik dhe spastrimin e shqiptarëve nga institucionet shtetërore.

Të dhënat janë të qarta dhe alarmante. Vetëm në javën e fundit:
• Në Agjencinë për Ushqim dhe Veterinari u punësuan 21 maqedonas dhe asnjë shqiptar.
• Në ndërmarrjen publike “Pyjet e Maqedonisë” – Strugë, 11 shqiptarë u pushuan nga puna pa asnjë shpjegim ligjor.
• Në Policinë e Tetovës, qytet me shumicë shqiptare, u pranuan 12 maqedonas dhe vetëm 1 shqiptar.
• Në Ministrinë e Financave u shpall konkurs për 40 vende pune – u punësuan 19 maqedonas, sepse vetëm aq kishin aplikuar, ndërsa 21 pozita u anuluan për të shmangur punësimin e shqiptarëve.

Kjo është fytyra e vërtetë e një pushteti që po ndërton një administratë etnikisht të pastër, duke i përjashtuar shqiptarët sistematikisht dhe me qëllim. Sipas të dhënave nga burime të pavarura dhe raportime të besueshme, që nga qershori i vitit 2024, kur pushteti kaloi në duart e VMRO-DPMNE-së dhe satelitëve të saj politikë, mbi 800 shqiptarë janë larguar apo detyruar të largohen nga administrata publike.

Në vend të një qasjeje përfaqësuese dhe gjithëpërfshirëse në institucione, qytetarët shqiptarë përballen me një fushatë të organizuar për t’i zhveshur ata nga çdo rol në jetën publike. Përpjekjet për të shitur disa punësime kozmetike si suksese janë tallje me qytetarët dhe një përpjekje e dështuar për të mbuluar të vërtetën me propagandë.

Aleanca për Shqiptarët dënon me forcë këtë politikë të diskriminimit dhe përjashtimit dhe kërkon:
1. Hetim të pavarur për rastet e punësimeve dhe largimeve nga puna mbi baza etnike.
2. Ndërprerje të menjëhershme të politikës së spastrimit etnik nga institucionet shtetërore.
3. Përfshirje të përfaqësuesve ndërkombëtarë në monitorimin e barazisë në punësim.

Advertisement

Shqiptarët nuk janë qytetarë të dorës së dytë. Ata kanë kontribuar dhe vazhdojnë të kontribuojnë për këtë shtet. Heshtja përballë këtij diskriminimi është bashkëfajësi. Aleanca për Shqiptarët nuk do të heshtë!

Aleanca për Shqiptarët