Connect with us

Lajme nga vendi

KASAMI: JEMI NË PËRPJEKJE TË VAZHDUESHME PËR LIRIMIN E HAPËSIRAVE PUBLIKE

Published

8 months ago

on

Bizneset private vazhdojnë të uzurpojnë hapësirat publike në qytetin e Tetovës, duke penguar qarkullimin e lirshëm të qytetarëve dhe duke krijuar kaos në qytet.  Për kryetarin e komunës së Tetovës, Bilall Kasami, komuna në bashkëpunim me institucionet e tjera kompetente është vazhdimisht në luftë me këta biznese që shfrytëzojnë në mënyrë të paligjshme hapësirat publike.   Ai thotë se do të vazhdojnë edhe më tutje me masat për konfiskimin e tezgave.

BILALL KASAMI – Kryetar i Komunës

“Në shumë raste, kemi intervenuar në bashkëpunim edhe me institucionet e tjera, me policinë, inspektoratin e tregut, edhe me drejtorinë e të hyrave publike dhe ka pasur raste që këto tavolina janë konfiskuar, janë marrë, sepse është fakt që ka pasur kështu situata, janë marrë nga Inspektorati, janë larguar dhe janë kthyer prapë. Por përsëri po them që është një luftë permanente për shkak të tendencës permanente nga disa biznese private që të shfrytëzojnë jashtë ligjith hapësirat publike. Lufta jonë është e përditshme dhe gati në përditshmëri apo c’do javë kemi aksion të Inspektoratit. Por, nëse nuk kanë efekt vetëm aksionet e Inspektoratit do I përsërisim aksionet e kordinuara edhe me organet e tjera për konfiskim të këtyre tavolinave.”

Kasami thotë se megjithatë, në trotuaret ku ka hapësirë prej më shumë se një metër e gjysmë janë dhënë leje për të zhvilluar këta biznese.

BILALL KASAMI – Kryetar i Komunës

Advertisement

“Ne e dimë si ka qenë situata më herët dhe si është sot. Lokacionet janë rreth lumit, në pjesën tjetër nuk e di se ku pengohet drejtë për së drejti lëvizja e qytetarëve. Në një pjesë janë me leje, aty ku I plotësojnë kushtet, ku nuk pengohet lëvizja e qytetarëve. Edhe në trotuare aty ku ka hapësirë janë me leje si tavolina apo tarraca të hapura. Por pjesa më e madhe, ku pengohet lëvizja e qytetarëve dhe situata nuk është ashtu sic ka qenë. Edhe në trotuara ku ka hapësirë më shumë se 1 metër e gjysmë, edhe në ato pjesë ku ka kushte jepet leje për tavolina sin ë shumicën e vendeve evropiane.”

Edhe qytetarët e anketuar nga TV Koha, deklarohen të revoltuar për uzurpimin e hapësirave publike dhe trotuareve.

Organet kompetente apelojnë deri  tek të gjithë ata që kanë uzurpuar vendet publike dhe zhvillojnë veprimtari tregtare, t’i lirojnë këto hapësira sepse të njëjtat u takojnë të gjithë qytetarëve.Në të kundërtën, sic theksojnë do të vijojë marrja e masave më të rrepta.

Related Topics:
Advertisement

Lajme nga vendi

“Vërshimet”, Tetova, Gostivari e Zhelina formojnë komisione për vlerësimin e dëmeve

Published

11 hours ago

on

February 17, 2026

By

Dhjetëra shtëpi të vërshuara, oborre të kthyera në liqene, por edhe rrugë të bllokuara dhe rrëshqitje dheu në disa vende. Ky është bilanci nga reshjet e dendura të shiut dhe dalja e lumenjve nga shtrati në rajonin e Pollogut. Komunat e Tetovës, Gostivarit dhe Zhelinës kanë filluar me formimin e komisioneve për vlerësim dhe evidentim të dëmeve, e në disa pika, edhe dislokim të banorëve nga objektet e banimit, si pasojë e rrezikut nga përmbytjet.

“Aktualisht po realizohen analiza të detajuara të rrezikshmërisë me qëllim që banorët e zonave ku siguria është cenuar, të zhvendosen në hapësira më të sigurta, dhe paralelisht po bëhet edhe evidentimi i objekteve të rrezikuara për të vërtetuar edhe statusin e tyre juridik. Sa i përket infrastrukturës rrugore, në rrugën e Banjës janë evidentuar rrëshqitje të mëdha të dheut dhe ekipet e komunës kanë ndërhyrë menjëherë për pastrim dhe normalizim të qarkullimit. Ndërhyrje janë realizuar edhe në Gjermë ku situata është më kritike”, tha Besarta Ramdani, zëdhënëse e Komunës së Tetovës.

“Zonat më të prekura në Komunën e Gostivarit kanë qenë, fshati Forinë, fshati Llakavicë, fshati Turçan i Vogël dhe disa lagje të qytetit, por ne si komunë, kemi bashkëpunuar me banorët dhe nga gjitha të dhënat që përmendëm më kritike ka qenë Forina. Për vlerësimin e dëmit, tani do formojmë një komision dhe do dalim në terren për të vlerësuar dëmet në fshatin Forinë dhe banorëve që janë prekur nga vërshimet”, u shpreh Safet Asani, komisioni për mbrojtje dhe shpëtim Komuna e Gostivarit.

Zona e fundit ku pati përmbytje një ditë më parë ishte fshati Strimnicë.

“Në këtë lagje afërsisht 12 shtëpi kanë dëme materiale që iu ka hy uji nëpër bodrume. Ne si ekipe e komunës ishim afër qytetarëve dhe u ndihmuam sa mundëm, andaj shpresoj që Ministria e Ekologjisë dhe institucionet më lartë të marrin masa që ky problem të përfundoj”, deklaroi Suad Alili, Ndërmarrja Publike Komuna e Zhelinës.

Advertisement

Sipas udhëheqësve të komunave dhe Drejtorisë për Mbrojtje dhe shpëtim përmbytjet janë si pasojë e mos pastrimit në kohë të shtretërve të lumenjve, dhe hedhjes së pakontrolluar të mbeturinave nëpër lumenj. /Alsat.mk

Continue Reading

Lajme nga vendi

Kosova, 18 vjet shtet i pavarur, krerë shtetesh urojnë Kosovën

Published

11 hours ago

on

February 17, 2026

By

Me rastin e Ditës së Pavarësisë së Republikës së Kosovës, figura të larta shtetërore e politike kanë përcjellë urime për qytetarët dhe institucionet e Republikës së Kosovës. Presidentja e Maqedonisë së Veriut, Gordana Siljanovska Davkova ka uruar Ditën e Pavarësisë së Kosovës, duke thënë se si vende mike kultivojnë marrëdhënie të fqinjësisë së mirë.
“Urime për 18-vjetorin e shpalljes së pavarësisë së Republikës së Kosovës, me dëshira për stabilitet dhe prosperitet. Si vende mike, ne kultivojmë marrëdhënie të fqinjësisë së mirë dhe punojmë për realizimin e vizionit të përbashkët për integrim evropian të rajonit. Shpresoj të thellojmë dhe forcojmë partneritetin në interes të qytetarëve të të dy vendeve.”, ka shkruar presidentja e RMV-së, Gordana Siljanovska Davkova.
Kryetari i Kuvendit, Afrim Gashi, uroi pavarësinë e Kosovës duke kujtuar sakrificën dhe përkushtimin për liri.
“Kjo festë është një moment reflektimi dhe krenarie kombëtare, që mishëron sakrificën, përkushtimin dhe vizionin për liri e shtetndërtim. Pavarësia e Kosovës përfaqëson triumfin e vullnetit të lirë të qytetarëve për të ndërtuar një shtet demokratik, të drejtë dhe të orientuar drejt së ardhmes evropiane.”, shkroi kryetari i Kuvendit, Afrim Gashi.
Edhe zëvendëskryeministri i parë, Bekim Sali, ka uruar Kosovën për 18-vjetorin e Pavarësisë.
“17 shkurti është një datë që simbolizon sakrificën, qëndresën dhe flijimin për liri e pavarësitë popullit të Kosovës, por edhe të gjithë shqiptarëve. Pavarësia e saj u ngrit mbi gjakun dhe guximin e dëshmorëve, si dhe mbi veprën e pavdekshme të Adem Jasharit dhe familjes së tij, që përjetësisht do të mbeten simbol i sakrificës dhe i qëndresës kombëtare. Në emër të Qeverisë së Republika e Maqedonisë së Veriut dhe në emrin tim shpreh urimet më të përzemërta për Ditën e Pavarësisë së Kosovës.”, shkroi zëvendëskryeministri i parë, Bekim Sali.
Urime janë përcjellë edhe nga ShBA-ja dhe BE-ja. Presidenti i Shteteve të Bashkuara të Amerikës, Donald Tramp, në një letër dërguar presidentes Vjosa Osmani, ka theksuar se ShBA-ja mbetet e palëkundur në mbështetjen e sovranitetit dhe integritetit territorial të Kosovës.
“Shtetet e Bashkuara mbeten të palëkundura në mbështetjen e tyre për sovranitetin dhe integritetin territorial të Kosovës. Ndërsa marrëdhëniet tona vazhdojnë të thellohen, ne presim me padurim ta zgjerojmë partneritetin tonë, përfshirë përmes rritjes së tregtisë dhe investimeve që nxisin prosperitetin e përbashkët.”, thuhet në letrën e Trampit.
Udhëheqës të vendeve anëtare të Bashkimit Evropian, si presidenti i Francës dhe presidenti i Gjermanisë, kanë uruar pavarësinë e Kosovë, duke theksuar mbështetjen e tyre për vendin dhe perspektivën e saj evropiane.
ARMEND MURSELI
Continue Reading

Lajme nga vendi

Badinteri në Kushtetuese, Kostadinovski: S’jemi organ politik

Published

11 hours ago

on

February 17, 2026

By

Gjykata Kushtetuese nuk është organ politik. Kështu u përgjigj kryetari i Gjykatës Kushtetuese Darko Kostadinovski lidhur me kërkesën e Bashkimit Demokratik për Integrim për implementimin e parimit të Badinterit gjatë marrjes së vendimeve në Gjykatën Kushtetuese. Badinteri, sipas tij, është shumë i rëndësishëm në organin politik, ku miratohen ligjet, ndërsa nuk ka vend në asnjë Gjykatë Kushtetuese.
“Parimi i Badinterit është shumë i rëndësishëm për organe politike, siç është Kuvendi ku miratohen, plotësohen dhe ndryshohen ligjet. Gjykata Kushtetuese nuk është organ politik. Nëse zbatohet Badinteri në Gjykatën Kushtetuese, ajo do të nënkuptojë se jo gjykimet juridike, por të tjera do të vendosin për kushtetutshmërinë, ligjshmërinë dhe liritë dhe të drejtat e njeriut dhe qytetarit. Një gjë e tillë nuk ekziston askund në botë dhe për këtë arsye isha më i ashpër në kuptimin e asaj se nëse një gjë e tillë ndodhë është më mirë që këtij institucioni t’i vihet dryni dhe nuk ka nevojë për ekzistimin e saj.”, – deklaroi kryetari i Gjykatës Kushtetuese, Darko Kostadinovski.
Ligji për përdorimin e gjuhëve do të shqyrtohet pas kompletimit të përbërjes
Sa i përket Ligjit për përdorimin e gjuhëve që prej kohësh ndodhet në Gjykatën Kushtetuese, Kostadinovski tha se me kompletimin e Gjykatës Kushtetuese do të vazhdojnë të punojnë për të gjitha lëndët. Ai tha se në çdo paraqitje të tij ka apeluar që qytetarët të mos bien pre e manipulimeve politike.
“E dini qëndrimin tim, nuk ka lëndë të ndjeshme, më pak apo më shumë të ndjeshme. Ndjeshmëria nuk humbet me kalimin e kohës, për cilën do lëndë. Nëse sot është i ndjeshëm, do të jetë edhe në vitin 2035 apo 2050. Puna jonë është ta kthejmë besimin e qytetarëve në sundimin e ligjit dhe shtetit juridik, do të veprohet për secilën lëndë. Pres që shumë shpejt të kompletohet Gjykata Kushtetuese dhe menjëherë pas kësaj në takimin e parë të punës do të hapët çështja, natyrshëm. Ne kemi vendim se duhet të mbahet seancë përgatitore dhe kjo nuk ka ndryshuar.”, – theksoi kryetari i Gjykatës Kushtetuese, Darko Kostadinovski.
Sa i përket kërkesës për dhënien e provimit të jurisprudencës edhe në gjuhën shqipe dhe nëse kjo është në pajtueshmëri me Kushtetutën, Kostadinovski tha se do të përmbahet nga komentimi dhe prejudikimi, pasi që para tyre në procedurë të kushtetutshmërisë është Ligji për përdorimin e gjuhëve.FLORIJE KAMBERI
Continue Reading

Më të lexuarat