Sport
KF SHKËNDIJA E GATSHME PËR GARAT EUROPIANE
Dje në orët e pasdites në stadiumin e qytetit në Tetovë, Shkëndija dhe Dinamo Sity zhvilluan kontrolluesen e fundit gjeneral pas ndeshjeve të raundit të parë në garat e Evropiane.Ndeshje me ritëm e fair play mes dy skuadrave përfundoi me fitoren e Shkëndijës 2-1.
Një miqësore luksi u zhvillua të martën pasdite në stadiumin e Qytetit në Tetovë, aty ku Shkëndija priti Dinamo Cityn nga Tirana në një duel përmbyllës të fazës përgatitore. Pas 90 minutave lojë cilësore ndeshja përfundoi me fitoren e vendasve me rezultatin 2-1. Autor të golave në këtë takim ishin Krasniqi dhe Jakupi për ekipin e Shkëndijës, ndërsa Itodo për ekipin Dinamo Sity nga Tirana . Trajneri Jeton Beqiri pas kësaj ndeshje tha se e rëndësishme është që asnjë futbollist nuk u dëmtua gjatë ndeshjes dhe pozitive si kontroll edhe si intensiteti siç çdo gjë tjetër ndërsa për kundërshtarin në garat evropiane shpreson se do ja dalin me sukses
‘’Patjetër duhet të besojmë shumë , të investojmë shumë. Ne kemi disa futbollist të cilët janë me pengesa të vogla siç është Kapiteni Besart Ibraimi, janë edhe dy-tre futbollist tjerë të cilët kanë pasur shqetësime për fat të mirë ato sot nuk çfaqën probleme . U dhamë mundësinë të gjithë futbollistëve që mos rrezikonim dëmtimet. Dhe unë besoj se duhet të besojmë shumë . TNS është ekip i cili vitin e kaluar ka qenë në grupe por asgjë nuk është e pamundur. Unë besoj se me një paraqitje të mençur, me një lojë kolektive , dhe normalisht që me pas me vete edhe fatin sportiv, edhe dinakërinë sportive besoj që mund të dalim me rezultat pozitiv në ndeshjen e parë‘’ tha trajneri Jeton Beqiri
Trajneri i Dinamo Sity Ilir Daja tha se se të luash me Shkëndijë gjithmonë është mirë në aspektin sportiv e duke qenë se luan me një nga ekipet më të mira të mbarë shqiptarisë dhe uroj që ekipi kuqezi denjësisht të përfaqësoj të gjithë shqiptarët në garat evropiane.’
‘’Sigurisht që unë pash edhe një Shkëndijë që përtej lojtarëve cilësorë që ka , pash edhe dorën e Jetonit, pra të stafit teknik dhe që beso se do jetë një pjesë shumë e rëndësishme në këtë rrugëtim në Evropë, sepse gjithmonë përplasesh me ekipe relativisht të forta. Dhe uroj që edhe Shkëndija e Jetonit të shkoni sa më lartë të jetë e mundur sepse në fund fare përfaqëson jo vetëm futbollin e Maqedonisë së Veriut, por për çdo arritje të çdo ekipi Shqiptar siç është edhe Shkëndija, neve gjithmonë na bëhet qejfi si për ekipet që janë në Super Ligën tonën , qoftë edhe të Kosovës’’ deklaroi pos tjerash Ilir Daja trajner i KF Dinamo Sity
Garat eliminatore për Ligën e Kampionëve fillojnë më 8 korrik me ndeshjet e para, ndërsa ato kthyese më 15 korrik. Shkëndija ndeshjen e parë e luanë në transfertë ndërsa atë kthyese më 15 korrik në Shkup.
Java e 10-të e sezonit vjeshtor në Ligën e dytë vazhdon të shtunën me tre përballje dhe të dielën me katër duele. Stadiumi I Kamjanit të dielën në ora 13:30 është nikoqire e derbit të Pollogut Kamjani – Teteksi.
Të shtunën dhe të dielën në gjitha terrenet e ekipeve të Ligës së Dytë, në program janë ndeshjet e javës së 10-të të sezonit vjeshtor.
Kjo javë karakterizohet me disa ndeshje mjaftë interesante që drejtpërdrejtë do të ndikojnë në renditjen në tabelën e klasifikimit.
Të shtunën,në program janë tre ndeshje; Euromilk – Kozhufi, AP Brera – Novaci dhe Shkupi – Ohri.
Të dielën në stadiumin e Kamjanit për herë të parw si anëtare të Ligës së dytë të Maqedonisë së Veriut do të zhvillohet një ndeshje derbi mes KF Kamjani dhe KF Teteksi.
Aktualisht dy skuadrat gjenden në mesin e tabelës me Kamjanin që mbanë pozitën e pestë me 14 pikë, ndërsa Teteksi në vendin e gjashtë me 13 pikë. Interesimi për të ndjekur këtë ndeshje është i madh andaj publiku ekipin e tyre duhet të përkrahë në mënyrë dinjitoze.
Të dielën zhvillohen edhe ndeshjet Pelisteri – Detonit PLaçkovica , Rabotniçki – Bellasica dhe Makedonija Gj.P – Osogova
Të gjitha ndeshjet e xhiros së 10-të në Ligën e dytë të futbollit vendor fillojnë në ora 13-30.
Reprezentacioni i karatesë së Maqedonisë së Veriut në Kampionatin Ballkanik për kadetë, juniorë dhe U-21 që do të mbahet nga data 6 deri më 8 nëntor në Stamboll do të prezantohet me 75 garues.
Nga data 6 deri 8-të nëntor Stambolli është nikoqire edicionit të 26-të me radhë Kampionati Ballkanik i karatesë për kadet junior dhe U-21, ku pjesëmarrjen e kanë konfirmuar reprezentacionit Shqipërisë, Kosovës, Maqedonisë s Veriut, Bosnja e Hercegovina, Bullgarisë, Kroacisë, Qipros, Greqisë, Malit të Zi, Rumanisë, Serbisë, Sllovenisë si dhe nikoqirit Turqisë.
Drejtori sportiv i reprezentacionit në Federatën e karatesë së Maqedonisë së Veriut, Arlind Huseini për TV koha tha se pas sukseseve në kampionatin botërorë, pret suksese edhe në Kampionatin Ballkanik që do të mbahet në Stamboll,ku vendi ynë përfaqësohet me 75 garues.
Ndër aktivitetet e rëndësishme që do të mbahet gjatë këtij viti gjithsesi se është edhe Turneu Mbarëkombëtarë i karatesë që tradicionalisht mbahet me rastin e Ditës së Flamurit kombëtar 28 Nëntorit.
‘’Turneu mbarëkombëtarë për ditën e Flamurit 28 Nëntorit, do të zhvillohet përsëri në Tiranë me datën 28 dhe 29 nëntor, ku edhe ku edhe vendet pjesëmarrëse në fakt klubet shqiptare do të marrin pjesë nga i gjithë rajoni Mali i Zi, Kosova, Shqipëria , Presheva normal edhe klubet nga Maqedonia ‘’ tha Arlind Huseini
Nga këto aktivitete të reprezentacionit të karatesë krahas pjesëmarrjes dhe padyshim edhe sukseseve, pritet edhe mbajtja në kontinuitet e formës së garuesve për garat e ardhshme ndërkombëtare që do të mbahen edhe në vitin 2027.
Përfaqësuesja zvicerane do të jetë e kompletuar për dy ndeshjet e nëntorit në kuadër të Ligës së Kombeve pasi rikthehen e Xhaka dhe Embolo. Granit Xhaka vazhdon të mbetet kapiten i ekipit zviceran.
Ylli I futbollit zviceran futbollisti shqiptar Granit Xhaka do të rikthehet në grumbullim me Zvicrën për dy ndeshjet e nëntorit kundër Sllovenisë dhe Skocisë në kuadër të UEFA Liga e Kombeve.
Vendimi është marrë nga bordi qendror i Federatës Zvicerane të Futbollit SFV pas një shqyrtimi të plotë të procedurave të përfunduara në lidhje me blerjen e certifikatave të falsifikuara të COVID në vitet 2021 dhe 2022.
Krahas Garnit Xhakës në përfaqësuesen e Zvicrës rikthehet edhe Breel Embolo, pasi që edhe ai ishte suspenduar.
Xhaka, mungoi në katër ndeshjet e shtatorit dhe tetorit në “Ligën e Kombeve ” pasi që kishte pranuar se falsifikoi testet e COVID-19, ku u shpall edhe fajtor nga një gjykatë në Lucern.
Kujtojmë se në raundin e pestë në Liga B grupi 1 më 3 nëntor përballen Skoci – Maqedoni e Veriut dhe Slloveni – Zvicër.
Shaban Sinani – TV Koha
Pamje dramatike/ Babai e harroi mbi çatinë e makinës dhe u nis në rrugë, foshnja në Meksikë shpëton falë ndërhyrjes së motoçiklistit
Në pranga edhe pronari i “Sante Plus” në Shkup, Bilall Kara si dhe Geriana Arapi, po i kërkonte edhe Shqipëria
LIGA E DYTË: NDESHJA KAMJANI – TETEKSI NË QENDËR TË VËMENDJES
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Azizi zbulon dyfytyrësinë e Ali Ahmetit: Ja vazali që e mbronte Gruevskin
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
Aksident tragjik në autostradën Tetovë – Gostivar, humb jetën një grua 33 vjeçare | VIDEO
-
Lajme nga rajoni2 months agoFilloi në Hagë seanca për deklaratat përfundimtare ndaj Thaçit dhe të tjerëve
-
Lajme nga rajoni2 months agoKa ndërruar jetë Flora Brovina, një nga figurat e njohura të jetës politike dhe shoqërore në Kosovë
-
Lajme nga rajoni2 months agoThaçi e Krasniqi dënohen me nga 25 vjet burgim, Veseli 18 e Selimi 13