Biznesmeni shqiptar, Samir Mane po i shtrijnë investimet e tij edhe në qytetin e Tetovës, shkruan Tema.

Siç mësohet, Mane do të investojë në “shtëpinë përmirësuese për fëmijët”, ku ai do të arrijë një marrëveshje me Myftininë e Tetovës për ta mar me koncension 30 vjeçar.

Bëhet fjalë për vendin afër stadiumit tek “Kf Dardanët”, ku sipas burimeve ai do të ndërtoj një fshat të vogël. Brenda ditëve pritet që kjo marrëveshje të finalizohet.

Shoqata Ohrid SOS po reagon ndaj fotografive të publikuara që tregojnë pemë të prera dhe bimësi të shkatërruar në zonën pranë burimeve të lumit Drini i Zi në Sveti Naum, brenda zonës së mbrojtjes strikte të Parkut Kombëtar Galicica.

“Fotot që po ndajmë u publikuan këtë mëngjes. Priten pemë dhe bimësi në burimet e Crni Drim në Sveti Naum, një zonë e mbrojtur në mënyrë strikte brenda Parkut Kombëtar Galiçicë. Ne i jemi përgjigjur Inspektoratit Shtetëror të Mjedisit, Ministrisë së Mjedisit dhe Burimeve Natyrore, inspektorëve komunalë dhe Parkut Kombëtar Galiçicë, me një kërkesë për të kryer menjëherë një inspektim të jashtëzakonshëm dhe për të përcaktuar se kush e kreu prerjen dhe pse, nëse është marrë miratimi nga parku dhe institucionet e tjera kompetente, dhe nëse është kryer pa miratim, të zbatohen sanksionet më të rrepta kundër autorëve”, thuhet në njoftim.

Ministria e Kulturës nuk ka ende përgjigje të qartë për Ansamblin Muzikor të Tetovës i cili përmendet si një nga institucionet që mund të racionalizohen sipas Draft-strategjisë për kulturën 2026–2030. Nga Ministria e Kulturës për Portalb.mk thonë se Ansambli nuk do të mbyllet, megjithatë thonë se do të vendoset në periudhën në vijim për institucionet që funksionojnë me kapacitete të kufizuara.

Draft-strategjia për kulturën 2026–2030 në Maqedoninë e Veriut ka nxitur reagime të shumta në opinion dhe nga artistët të cilët thonë se nuk duhet të lejohet mbyllja e Ansamblit të Tetovës.

Analiza e gjendjes tregoi se një pjesë e institucioneve nuk janë të kompletuara me staf dhe nuk kanë hapësirë të përshtatshme për punë, prandaj, një nga fushat prioritare në Strategjinë Kombëtare i referohet institucioneve kombëtare dhe riformësimit të tyre në drejtim të autonomisë më të madhe në funksionim dhe përmirësimit të sistemit të veprimit, me masa dhe aktivitete konkrete të përcaktuara në Planin e Veprimit për zbatim.

“Në Strategjinë Kombëtare askund nuk është theksuar se Institucioni Kombëtar “Ansambli Muzikor në Republikën e Maqedonisë së Veriut” – Tetovë, apo ndonjë institucion tjetër, do të mbyllet”, thonë nga Ministria e Kulturës.

Ministria thotë se në periudhën në vijim do të realizojë një analizë të thellë dhe gjithëpërfshirëse të rrjetit ekzistues prej 72 institucionesh kombëtare, nga e cila pritet të dalin tregues të qartë për veprimet e ardhshme.

Advertisement

“Qëllimi i kësaj fushe prioritare është krijimi i një sistemi institucional kulturor funksional dhe efikas”, thonë nga Ministria e Kulturës.

Advertisement