Lajme nga vendi
“Semafori i famshëm i Gostivarit” që mbetet damka e zezë e turizmit dhe turpi i policisë dhe politikanëve!
Shumë qytetarë e shfrytëzojnë fundjavën për të vizituar Ohrin ose Strugën, por ajo që më së shumti po i irriton dhe po shkaton nervozë është pritja e gjatë që bëhet gjatë kthimit në Shkup. Ata ta cilët duhet të kthehen në Shkup, duhet të presin me orë të tëra në hyrje të qytetit të Gostivarit. Edhe atë, jo pse ka ndodhur ndonjë aksident, jo pse ka pasur ndonjë problem, por arsyeaja është banale “semafori i famshëm i Gostivarit”, shkruan “Zhurnal.mk”.
Në hyrje të qytetit të Gostivarit nga ana e Strazhës, është një semafor që “koordinon” kolonat e makinave që vijnë nga Kërçova, Ohri e Struga me veturat që duhet të hyjnë në qytet nga fshatrat dhe lagjet për rreth të Gostivarit.
Ky absuditet në vetvete, i bën që turistët dhe qytetarët të presin me orë që të kalojnë nëpër austradën e Gostivarit dhe të lidhen drejt Tetovës e Shkupit!
Një problematikë e tillë ekziston gati se me vite, dhe askush deri më tani nuk u kujtua të gjejë një zgjidhje. Kur bota po shkon në hënë, në Gostivar nuk gjejnë zgjidhje për një semafor! Turp e gazi i botës që kur kalon andej, nuk di njëriu a të qajë apo të “zgërdhihet” me paaftësinë e këtij shteti.
Policia e Gostivarit sikur nuk e çan kokën për këtë siklet të qytetarëve, duket sikur rri anash e shikon seir dhe “gëzohet” që edhe në Gostiavar po bëhet trafik!
Më e pakta që mund të bëjë SPB e Gostivarit është që të nxjerrë disa policë aty dhe të mbaj rend. T’iu jap prioritet veturave që vijnë nga autostrada dhe të gjejë zgjidhje për veturat që lidhen nga fshatrat për rreth.
Krejt tek e fundit, zgjidhja më ideale do të ishte që të bëhej një rrethrrotullim, ku “semafori i famshëm” nuk do të ngarkonte edhe më shumë trafikun se sa të gjente zgjidhje.
SPB e Gostivarit bashkë me institucionet përkatëse duhet urgejntisht që të zgjidhin kaosin që po bëhet në pikën e semaforit, e cila lidhë kalimtarët për rrugën Strugë-Ohër dhe anasjelltas. Kjo kolonë po revolton shumë turistët nga jashtë, por edhe kalimtarët e vendit. Kjo është një turp për një shtet i cili këtë problem e ka ndërvite dhe nuk po arrin të gjej një zgjidhje.
Për pasojë, shumë shoferë rrezikojnë jetën e tyre dhe të tjerëve për rreth, duke u munduar që të arrijnë sa më shpejt në destinacion, ata futen në parakalime të rrezikshme dhe shpeshherë ndodhin askidente. Kjo pikë njihet edhe si pikë e vdekjes, pikërisht për faktin se nervozizmi në pritjet në kolonë, i bën shoferët të padurueshëm.
Një zgjidhje tjetër që praktikohet në të gjithë botën është edhe shmangia e kamionëve me peshë të rëndë nga trafiku. Nëse i shef kolonat, bashkë me veturat presin edhe kamionë që bartin pesha të rënda, e kjo edhe më shumë e ngarkon dhe e rritë rrezikun në trafik. Policia duhet të vendos rregull se kur mund të qarkullojnë këto kamionë. Zakonisht nëpër gjithë vendet e botës, kamionët e tillë kanë leje të kalojnë rrugën gjatë orëve të mbrëmjes, kur ka më pak vetura në qarkullim.
Në fund të fundit, policia e Gostivarit duhet të ketë përgjegjësi për këtë kaos, për gjithë ato jetë të humbura, për gjithë atë pasqyrë të keqe që ia japin turizmit në Maqedoninë e Veriut. Andaj, urgejntisht, sidomos gjatë sezonit të verës apo gjatë vikendeve, organet përgjegjëse në Gostivar bashkë me policinë të dalin e të marrin masat e nevojshme “semaforin ta çojnë në muze” e të vendosin një rreth rrotullim të thjeshtë, dhe të vendosin policë që do ta koordinojnë këtë rrëmujë!, shkruan “Zhurnal.mk”.
Lajme nga vendi
‘Fitonin’ 34 mijë euro me mallverzimeve gjatë shit-blerjes së veturave të konfiskuara
Drejtoria e Policisë Financiare ngriti kallëzim penal në Prokurorinë Themelore Publike në Shkup kundër personave N.I., B.G. në cilësinë e tyre si drejtues të personave juridikë, kundër dy personave juridikë, si dhe kundër pesë personave të punësuar në Agjencinë për Menaxhimin e Pasurisë së Sekuestruar F.A., G.A., P.K., F.J. dhe A.B., për shkak të ekzistencës së bazave të dyshimit për kryerjen e veprës penale “Keqpërdorim i procedurës për thirrjes publike, dhënie të kontratës së prokurimit publik ose partneritetit publik-privat” sipas nenit 275-c të Kodit Penal të Republikës së Maqedonisë së Veriut.
Të denoncuarit N.I. dhe B.G., si drejtues të dy personave juridikë, gjatë vitit 2021 me vetëdije dhe me qëllim të paracaktuar kanë shkelur rregulloret e procedurës për thirrje publike dhe dhënie të kontratës së prokurimit publik, me marrëveshje paraprake dhe veprime të koordinuara kanë shkelur konkurrencën në procedurën për shitjen e automjeteve të shkatërruara – skrap metali, të organizuar nga Agjencia për Menaxhimin e Pasurisë së Sekuestruar. Një person juridik u paraqit si konkurrent formal, dhe gjatë ankandit publik u paraqit një ofertë me një gabim teknik të qëllimshëm në një shumë monetare joreale, e cila i pengoi pjesëmarrësit e tjerë të vazhdonin më tej me ofertat.
Të pandehurit G.A., P.K. dhe F.J., si anëtarë të komisionit për zbatimin e procedurës, në kundërshtim me dispozitat ligjore të parashikuara në Ligjin për Menaxhimin e Pronës së Konfiskuar, Përfitimit Pasuror dhe Objekteve të Sekuestruara në Procedurën Penale dhe Kundërvajtje, dhe bazuar në një akt nënligjor dhe mendim ligjor të përgatitur nga A.B., me vetëdije ndihmuan në zbatimin e kësaj skeme të dakorduar dhe mundësuan lidhjen e një marrëveshjeje për shitjen e automjeteve të sekuestruara të shkatërruara si skrap metali midis Agjencisë për Menaxhimin e Pronës së Sekuestruar, të përfaqësuar nga F.A., dhe personit juridik të menaxhuar nga N.I., gjë që i mundësoi personit juridik të fitonte përfitim pasuror të paligjshëm në shumën prej 2.128.352 denarë.
Lajme nga vendi
Siljanovska: Balancuesi krijoi pushtet të korruptuar, ligjet duhet të miratohen me procedurë të rregullt
Presidentja Gordana Siljanovska Davkova sot deklaroi se heqja e balancuesit ishte e domosdoshme për shkak të rreziqeve korruptuese që i ka krijuar, duke theksuar njëkohësisht se çështjet e shtetësisi jorezidente, marrëdhëniet me Bullgarinë dhe politikat energjetike janë komplekse dhe duhet të zgjidhen përmes parimeve kushtetuese, debatit publik dhe respektimit të standarE madhee njerëzore dhe ekologjike.
Në një deklaratë për mediat pas hapjes së “Fundjavës për pastrim të përgjithshëm”, presidentja Gordana Siljanovska Davkova deklaroi se i a.q. balancuesi, në formatin që ka ekzistuar, në thelb çoi në korrupsion dhe kriminalizim.
Në lidhje me çështjen për shtetësinë jorezidente, ajo u përgjigj se zgjidhja duhet të miratohet përmes argumenteve.
“Çështja është komplekse. Ka vende ku ekziston shtetësia e dyfishtë, ka vende ku nuk ekziston. Sot të gjithë po përballemi me një eksod dhe mungesë të fuqisë punëtore, dhe po flasim për qenie njerëzore që kanë edhe të drejtën e jetës”, tha presidentja, duke shtuar se zgjidhjet duhet të merren pas një debati të gjerë publik dhe duke peshuar argumentet “pro” dhe “kundër”.
Lidhur me pritjet e saj për marrëdhëniet me qeverinë e re të Bullgarisë, Siljanovska Davkova deklaroi se pritjet duhet të drejtohen nga qeveria e re bullgare dhe kryeministri Rumen Radev, duke theksuar se populli bullgar pret stabilitet, reforma dhe luftë kundër korrupsionit dhe krimit.
Lidhur me kërkesat e organizatave joqeveritare për të vënë veton ndaj Ligjit për Burimet Minerale, presidentja theksoi se ato kanë një rol të rëndësishëm në shoqëri dhe meritojnë, siç e tha ajo, një “vend të gjelbër” në parlament.
Sipas saj, garancitë për mbrojtjen e mjedisit nuk përmbahen në këto ligje.
“Ato ligje, nëse keni parasysh Ligjin për burimet minerale, merren kryesisht me çështjet e energjisë. Ne kemi Kushtetutë, kemi edhe Ligj për mbrojtjen e mjedisit – ky është çelësi i qëndrimit ndaj këtyre ligjeve”, shtoi Siljanovska Davkova.
Ajo theksoi se shteti duhet të përgatitet njëkohësisht për sfidat e ardhshme energjetike dhe të kujdeset për natyrën.
Për ditë me radhë koalicioni VLEN ka ngritur intensitetit e aktivitetit publik duke paralajmëruër Kongresin e Bashkimit.
Sipas tyre e shtuna, do të kurorëzojë përpjekjet për unifikimin e faktorit politik shqiptar.
Koalicioni VLEN, nesër më 9 Maj – në Ditën e Evropës, do të mbajë Kongresin e bashkimit, ku 5 subjekte politike formalisht duhet të miratojnë vendimin për të vepruar si subjekt i vetëm politik në kuadër të bllokut politik shqiptar në vend. Në prag të Kongresit, VLEN doli me mesazhin se procesi i bashkimit ka qenë i gjatë dhe përplot me sfida politike, dyshime dhe tentativa për të parandaluar këtë process. Sipas VLEN-it, ky bashkim ka peshë historike dhe se ky është premtimi që VLEN ua dha shqiptarëve. Por, si e shohin qytetarët, këtë Kongres dhe këtë bashkim të VLEN-it?
“Çdo bashkim është i mirë. Madje unë kisha thënë se që të bashkohen të gjitha partitë”
“Edhe atë gajle do ia mbajë VLEN-it, unë jam plak”
“Më mirë me u bashkuar”
“Më mirë është. Deri tani Bilall Kasami ka punuar mirë. Jam i gëzuar”
“Mendoj se është mirë. Bilall Kasami duhet të jetë Kryetar”
“Është më mirë për shqiptarët. Cili të jetë Kryetar vet le ta vlerësojnë”
“Normalisht se është mirë. Sa më të bashkuar aq më mirë. Vet si do të vendosin organmet partiake, mendoj se Izeti do të ishte më mirë”
Pas Kongresit, VLEN, si pjesë e Qeverisë, do të duhet të përballet me shumë sfida që prekin drejtpërdrejtë qytetarët.
Situata ekonomike, migrimi i të rinjve, pozita e shqiptarëve, gjuha shqipe, eurointegrimet evropiane e shumë çështje tjera duhet që nga premtimet të shndërrohen në rezultate të prekshme./Tv Koha/
‘Fitonin’ 34 mijë euro me mallverzimeve gjatë shit-blerjes së veturave të konfiskuara
Siljanovska: Balancuesi krijoi pushtet të korruptuar, ligjet duhet të miratohen me procedurë të rregullt
KONGRESI I VLEN – QYTETARËT MIRËPRESIN BASHKIMIN!
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Azizi zbulon dyfytyrësinë e Ali Ahmetit: Ja vazali që e mbronte Gruevskin
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
