Huliganët polakë të klubit Jagiellonia janë sulmuar të enjten mbrëma nga tifozët boshnjakë të Novi Pazarit. Novi Pazari dhe Jagiellonia u takuan të enjten në Novi Pazar, në afërsi të kufirit me Kosovën.

 Atmosfera para dhe gjatë ndeshjes së Ligës së Konferencës ndërmjet Novi Pazarit dhe Jagiellonias ka qenë e mbushur me tension dhe përplasje të dhunshme. Të enjten në mbrëmje, në qytetin e Novi Pazarit, pranë kufirit me Kosovën, tifozët boshnjakë u përleshën me një grup huliganësh polakë të ardhur për të mbështetur ekipin e tyre.

Përleshja ka  filluar kur tifozët polakë, të njohur si pro-serbë filluan thirrje provokuese kundër Kosovës.

Sipas raportimeve nga mediet lokale dhe rrjetet sociale, përplasjet fizike kanë ndodhur që përpara fillimit të takimit, me të paktën një tifoz polak të lënduar si pasojë e përleshjes.

Grupi i tifozëve ekstremistë të Jagiellonias kishte shfaqur që më herët qëndrime hapur anti-Kosovë, përmes sloganeve dhe deklaratave provokuese para udhëtimit në Serbi. Kjo retorikë u pasua edhe gjatë ndeshjes, ku huliganë serbë që ndodheshin në stadium brohoritën slogane të njohura nacionaliste si “Kosova është Serbi”.

Advertisement

FIFA ka ndëshkuar Serbinë me mbyllje të pjesshme të stadiumit në ndeshjen që do të luajë kundër Anglisë muajin e ardhshëm në kuadër të kualifikueseve për Kupën e Botës, pas sjelljes raciste të disa tifozëve gjatë fitores 3-0 ndaj Andorrës në qershor, njoftoi të enjten Federata Serbe e Futbollit (FSS).

Serbia, e cila gjithashtu u gjobit me 50,000 franga zvicerane (62,877 dollarë), duhet të mbajë të mbyllur të paktën 15% të kapacitetit pas portave në stadiumin “Rajko Mitić” në Beograd kur të presë Anglinë për ndeshjen e Grupit K më 9 shtator, shtoi FSS.

“Federata e Futbollit të Serbisë u bën sërish apel tifozëve… të kujtojnë se FSS është nën monitorim të posaçëm nga organet disiplinore të FIFA-s dhe UEFA-s dhe se ka zero tolerancë për shkeljet e rregullave dhe ligjeve,” thuhet në një postim në platformën X.

Serbia u ndëshkua edhe vitin e kaluar nga UEFA me mbyllje të pjesshme të stadiumit për sjelljen e tifozëve gjatë Ligës së Kombeve.

Serbia, që ndodhet në vendin e tretë në grup, do të udhëtojë drejt Letonisë më 6 shtator, përpara se të presë liderët e grupit, Anglinë, që deri tani kanë fituar të tria ndeshjet e tyre. Fituesi i grupit me pesë skuadra kualifikohet direkt në Kupën e Botës 2026, ndërsa vendi i dytë kalon në fazën e “playoff”-it.

Advertisement

 Në ndeshjen e raundit të parë në Konferencë Ligë, fitore të rëndësishme ka  shënuar Vardari kundër ekipit Lozana, ndërsa fitore kanë regjistruar edhe ekipet shqiptare Egnatia,Dinamo dhe Vllaznia. Prishtina barazon në Irlandën e Veriut, ndërsa Deçiqi humbë në Tuz. Ndeshjet kthyese zhvillohen  pas një jave.

 Klubi i futbollit Vardari, shënoi fitore të madhe 2-1, kundër skuadrës zvicerane  Lozana në ndeshjen e parë të raundit të dytë të UEFA Liga e Konferencave në ndeshjen që u zhvilluan  në arenën ‘’Todor Proeski’’ në Shkup  para një numri  të  konsiderueshëm  të  tifozëve  të  cilët ishin në përkrahje  të  ekipit të tyre.

Vardari që nga  fillimi i ndeshjes ishte e vendosur që të krijoje epërsi për  ndeshjen  kthyese  që pas një  jave  do të zhvillohet në Lozan.  “Kuqezinjtë” kaluan  në epërsi në minutën e dytë shtesë të pjesë së parë me golin që e realizoi Roxhers Mato

Në fillim të pjesës së dytë,  mysafirët  nga Zvicra arritën të  barazojnë rezultatin  me  golin e  bukur  që e realizoi Diakite në minutën e 59-të. Pas këtij goli të barazimit skuadra vendase ishte e përkushtuar që me çdo kusht të  shënoi  golin e  fitores dhe pas  shumë tentimeve ishte kapiteni Azar Omeragiq  i cili  gjeti  golin e dytë  në minutën e  78  që  dli  të  jetë edhe  rezultati  përfundimtar  i takimit 2-1  për  Vardarin.

Ndeshja  kthyese Lozana – Vardari do të zhvillohet  më  31 korrik me  fillim në ora  20:45  në  stadiumin ‘’Stade de la Tuiliere”  të Lozanës.

Advertisement

Tre ekipet shqiptare, Egnatia, Dinamo dhe Vllaznia bënë një mbrëmje të mrekullueshme dje. Të tre ekipet e Superiores arritën të triumfonin në ndeshjet e tyre përkatëse në raundin e dytë të Konference Ligë . Egnatia u  kthye me  fitore  në transfertën me Dinamon në Minsk duke fituar 0-2. Dinamo e Tiranës  gjithashtu  kthehet me fitore  1-2  nga transferua  me Atletic Escaldes  në Andorë, ndërsa  Vllaznia  në ‘’Loro Boriqi’’ në Shkodër me përmbysje mundi Vikingur të Rekjavik  të Islandës  2-1.

Skuadra  shqiptare Deçiqi në Tuz  pësoi  disfatë 0-2  nga  Rapid  Viena, Prishtina kthehet ballëlart nga Irlanda e Veriut,duke luajntur baras 0:0 me Larne.

SHABAN SINANI – TV KOHA