Lajme nga bota
Uria masive në Gaza, turp që nuk kapërdihet
“Ky është turp që është i vështirë të kapërdihet kur e sheh me sytë e tu. Është moralisht e papranueshme dhe e pajustifikueshme”. Patriarku ortodoks gred, Theophilos III, ka thënë se kisha e tij “do të qëndrojë në solidaritet” me “të gjithë popullin e Gazës”
Udhëheqës fetarë të kishave në Jerusalem kanë thënë se janë rikthyer nga vizita në Gaza me “zemra të thyera”, teksa kanë përshkruar njerëzit e uritur dhe fëmijët e mësuar me zhurmat e bombardimeve. “Kemi parë burra që qëndrojnë në diell për orë me shpresën për një vakt ta thjeshtë”, ka thënë patriarku latin, kardinali Perbattista Pizzaballa. “Ky është turp që është i vështirë të kapërdihet kur e sheh me sytë e tu. Është moralisht e papranueshme dhe e pajustifikueshme”. Patriarku ortodoks gred, Theophilos III, ka thënë se kisha e tij “do të qëndrojë në solidaritet” me “të gjithë popullin e Gazës”, raportoi BBC.
Dy patriarkët zhvilluan vizitën e rrallë në Gazën e shkatërruar nga lufta pasi Izraeli goditi kishën katolike në Gaza javën e kaluar.
“Tre njerëz vdiqën nga komuniteti ynë, por mijëra kanë vdekur tashmë në Gaza”, ka thënë Pizzaballa. Edhe pse Ministria e Jashtme italianë pati lajmëruar se patriarkët janë futur në Gazë me 500 tonë ndihma, Pizzaballa ka thënë se “asnjë gram” ende nuk ka hyrë për shkak të problemeve logjistike. Ai përshkroi dëshpërimin e atyre që u kishin dalë përpara me shpresën për të marrë diçka. Pizzaballa dhe Theophilos III kanë thënë se takuan njerëz tepër të uritur.
MË SHUMË SE 100 ORGANIZATA HUMANITARE PARALAJMËROJNË PËR URI MASIVE
Më shumë se 100 organizata humanitare kanë paralajmëruar të mërkurën se “uria masive” po përhapet në Rripin e Gazës, ka raportuar AFP. Izraeli është duke u përballur me presion të shtuar ndërkombëtar për shkak të situatës katastrofike humanitare në territoret palestineze, ku më shumë se 2 milionë njerëz përballen me mungesë të rëndë ushqimi dhe nevojash të tjera bazike pas 21 muajsh të konfliktit, që u nxit nga sulmi i Hamasit në Izrael. Në Organizatën e Kombeve të Bashkuara (OKB) kanë deklaruar të martën se forcat izraelite kanë vrarë më shumë se 1,000 palestinezë që përpiqeshin të merrnin ndihmat ushqimore që nga fundi i muajit maj, kur edhe e filloi punën Fondacioni Humanitar i Gazës – i cili mbështetet nga Shtetet e Bashkuara dhe Izraeli – duke anashkaluar sistemin ekzistues të drejtuar nga OKB-ja.
Deklarata e përbashkët e nënshkruar nga 111 organizata, përfshirë Mjekët pa Kufij, “Save the Children” dhe “Oxfam”, ka paralajmëruar se “kolegët tanë dhe ata që ne ndihmojmë po zhduken nga uria”.
Organizatat kanë kërkuar një armëpushim të menjëhershëm në enklavën palestineze, hapjen e të gjitha pikave tokësore dhe lejimin e lirë të ndihmave përmes mekanizmave të udhëhequr nga OKB-ja. Zyrtarët izraelitë kanë thënë se ndihmat humanitare po lejohen të hynë në Gazë teksa e kanë akuzuar Hamasin për keqpërdorim të vuajtjeve civile, përfshirë vjedhjen e ndihmave ushqimore për t’i shitur ato me çmime më të larta apo për të hapur zjarr ndaj atyre që i presin furnizimet. Në deklaratën e tyre, organizatat humanitare kanë bërë të ditur se magazinat e mbushura me ndihma qëndrojnë të paprekura jashtë dhe brenda territorit, pasi janë bllokuar për të hyrë apo për t’u shpërndarë.
“Palestinezët janë të bllokuar në një cikël shprese dhe zhgënjimi, duke pritur për ndihma dhe armëpushim, vetëm që të zgjohen në kushte gjithnjë e më të këqija. Nuk është vetëm mundim fizik, por edhe psikologjik. Mbijetesa u paraqitet si iluzion”, thuhet në deklaratën e përbashkët.
IZRAELI E QUAN TË RREMË PARALAJMËRIMIN E 100 ORGANIZATAVE HUMANITARE
Zëdhënësi i Qeverisë izraelite, David Mencer, ka thënë të mërkurën se deklarata e përbashkët e nënshkruar prej më shumë se 100 organizatave humanitare, e cila paralajmëron për zgjerimin e krizës së urisë në Rripin e Gazës dhe njëkohësisht bën thirrje për armëpushim, është e rremë dhe s’përkon me realitetin në terren. Ai ka thënë se pretendimet për uri masive kanë qenë të vazhdueshme përgjatë zhvillimit të konfliktit, porse ajo s’është shkaktuar asnjëherë nga Izraeli, ka shkruar BBC. Sipas tij, uria është taktikë e përdorur prej grupit militant palestinez, Hamas, për të ushtruar më shumë trysni ndaj shtetit hebraik.
“Çdo herë që ka krizë të urisë në Gazë, ajo është e orkestruar nga Hamasi”, është shprehur Mencer. “Ata po përpiqen të parandalojë shpërndarjen e ushqimit duke plaçkitur kamionët me ndihma”.
Sa u përket bisedimeve për armëpushim, ai e ka akuzuar sërish Hamasin se po e refuzon propozimin e Katarit. Ekipi negociator izraelit ndodhet ende në Doha, dhe se informacioni i vetëm zyrtar tani për tani është se Izraeli po e pret përgjigjen përfundimtare të grupit militant. Mencer ka shtuar se Izraeli kërkon që pengjet e mbajtura në enklavën palestineze të lirohen menjëherë, tek ka nënvizuar se “ne kemi 50 pengje që po mbahen aty, disa prej tyre janë vrarë e disa të tjerë janë ende gjallë”.
Imazhet e publikuara nga Varrezat Narellan në Camden, pranë Bondi Beach, kanë tronditur opinionin publik, pasi tregojnë një akt vandalesk të rëndë ndaj varreve myslimane, vetëm pak ditë pas sulmit terrorist vdekjeprurës që ndodhi të dielën. Sipas autoriteteve dhe përfaqësuesve të komunitetit, individë të panjohur shpërndanë koka derri mbi varret myslimane, në një akt që besohet të ketë qenë hakmarrës. Në fenë islame, mishi i derrit konsiderohet i ndaluar dhe i papastër, çka e bën veprimin veçanërisht fyes dhe provokues.
Nga sulmi, deri më tani, kanë humbur jetën 16 persona, përfshirë edhe babain 50-vjeçar të armatosur, ndërsa 42 të tjerë janë dërguar në spital. Policia konfirmoi se 14 viktima vdiqën në vendngjarje dhe dy të tjerë ndërruan jetë më vonë në spital. Viktimat ishin të moshave nga 10 deri në 87 vjeç. 24-vjeçari Naveed Akram ndodhet ende në spital nën mbikëqyrjen e policisë, pasi u qëllua nga oficerët gjatë ndërhyrjes. Udhëheqësi i shquar islam i Sidneit, Dr. Jamal Rifi, deklaroi se komuniteti mysliman nuk i konsideron autorët e sulmit si pjesë të Islamit.
“Ajo që bënë ata nuk tolerohet nga asnjëri prej nesh. Vrasja e civilëve të pafajshëm është e barabartë me vrasjen e gjithë njerëzimit,” tha ai, duke cituar parimet fetare.
Autoritetet australiane kanë paralajmëruar reformë urgjente të ligjeve për armët pas zbulimit tronditës se Sajid Akram (50), autori i sulmit në plazhin Bondi, ishte pronar i ligjshëm i plot gjashtë armëve të zjarrit. Akram dhe djali i tij Navid (24) akuzohen për sulm terrorist ndaj komunitetit hebre, i cili dje po festonte Hanukën, ku humbën jetën 16 persona dhe dhjetëra të tjerë u plagosën.
Swiss Residence
Sulmuesi ishte anëtar i një klubi gjuetie
Komisioneri i policisë në Uellsin e Ri Jugor, Mal Lejnion, konfirmoi se sulmuesi kishte leje për armë që nga viti 2015. “Babai kishte leje për armë që nga viti 2015”, deklaroi Lejnion, duke shtuar se Akram zotëronte gjashtë armë legale, të cilat tashmë janë konfiskuar.
“Ai ishte anëtar i një klubi gjuetie”, tha Lejnion. Më vonë u konstatua se Akram ishte anëtar i klubit të gjuetisë “Zastava”, me seli në Bonerig, më pak se dy kilometra nga shtëpia e tij. Klubin e gjuetisë “Zastava” në Sidnei e drejtojnë anëtarë të komunitetit serb.
Hetuesit zbuluan se babai dhe djali kishin ushtruar qitje në poligonin e Cecil Park. Hetimet balistike dhe forenzike duhet të përcaktojnë nëse armët e konfiskuara janë të njëjtat për të cilat Akram kishte leje. Në portofolin e djalit 24-vjeçar u gjet një kartë anëtarësimi e klubit, por ende nuk është konfirmuar zyrtarisht nëse edhe ai ishte anëtar.
Më shumë armë se para masakrës në Port Arthur
Në Uellsin e Ri Jugor janë të regjistruara mbi 1.1 milion armë zjarri, nga të cilat një e treta ndodhen në periferi të Sidneit. Shqetësues është fakti se sot në Australi ka më shumë armë sesa para masakrës në Port Arthur në vitin 1996, kur u vranë 35 persona.
Ky ngjarje e nxiti qeverinë e asaj kohe të miratonte Marrëveshjen Kombëtare për Armët e Zjarrit dhe të nisë një program masiv të riblerjes, përmes të cilit u tërhoqën nga përdorimi 650.000 armë. Megjithatë, të dhënat e Australia Institute nga maji i këtij viti tregojnë se sot në Australi ka mbi katër milionë armë private të regjistruara — rreth 800.000 më shumë sesa para programit të riblerjes.
Lajme nga bota
Transmetuesit kombëtarë e shqyrtojnë pjesëmarrjen e Izraelit në Eurovision mes kërcënimeve për bojkot
Organizatorët e garës vjetore të këngës, Eurovision, do të mblidhen sot për të biseduar dhe mbase për të votuar nëse Izraeli mund të marrë pjesë vitin e ardhshëm, pasi disa vende kanë kërcënuar se do të tërhiqen nëse ai nuk përjashtohet për shkak të luftës në Rripin e Gazës.
Në takimin në selinë e Unionit Evropian të Transmetuesve (EBU) në Gjenevë do të shqyrtohen rregulla të reja, synimi i të cila është t’i dekurajojnë qeveritë dhe palët e treta nga promovimi i tepruar i këngëve për të ndikuar te votuesit, pas akuzave se Izraeli e ka fryrë padrejtësisht këngën e tij pjesëmarrëse këtë vit.
Izraeli – i cili doli i dyti në garën e vitit 2025 – nuk u është përgjigjur këtyre akuzave, por shpesh argumenton se është përballur me një fushatë shpifjesh globale.
Festivali po përballet me një “moment vendimtar”, tha eksperti i Eurovisionit, Paul Jordan.
Transmetues kombëtarë nga Sllovenia, Irlanda, Spanja dhe Holanda kanë kërcënuar se do ta bojkotojnë festivalin, i cili mbahet në maj të vitit 2026 në Austri, nëse Izraeli lejohet të marrë pjesë.
Kundërshtarët e pjesëmarrjes së Izraelit përmendin shqetësimet për numrin e palestinezë të vrarëve në Gazë, që ka tejkaluar shifrën prej 70.000, sipas autoriteteve shëndetësore të Gazës.
Lufta në Gazë u shkaktua nga sulmi i 7 tetorit 2023 nga grupi militant palestinez Hamas në Izrael, ku u vranë 1.200 njerëz dhe u rrëmbyen 251 të tjerë. Hamasi është i shpallur organizatë terroriste nga Shtetet e Bashkuara dhe fuqi të tjera.
Nëse anëtarët nuk bindën se rregullat e reja – të cilat synojnë ta mbrojnë neutralitetin dhe paanshmërinë e garës – janë të mjaftueshme, atëherë do të ketë votim për pjesëmarrjen e Izraelit, tha EBU-ja.
Ministri i Shtetit për Kulturën, Wolfram Weimer, i tha Reutersit se Gjermania nuk duhet të marrë pjesë në Eurovision nëse Izraeli përjashtohet.
“Izraeli e ka vendin në Festivalin Evropian të Këngës (ESC)”, tha ai.
“Nuk duhet të ketë ESC pa Izraelin”, shtoi ai.
Transmetuesi gjerman ARD nuk ka komentuar, ndërsa transmetuesi austriak, ORF, dëshiron që Izraeli të marrë pjesë.
Transmetuesi publik izraelit KAN tha se po përgatitet për garën e vitit të ardhshëm dhe se së shpejti do t’i publikojë ndryshimet në procesin e përzgjedhjes së këngës që do ta përfaqësojë Izraelin.
KAN tha se do të paraqesë qëndrimin e tij në rast të përjashtimit të mundshëm në takim.
Eurovision është garë në të cilën këngëtarë nga vende të ndryshme të Evropës, dhe disa përtej saj, garojnë nën flamurin kombëtar me synimin për t’u shpallur kampionë të kontinentit, një lloj Olimpiade e muzikës pop.
Është gjithashtu një arenë ku shpesh pasqyrohen politika dhe rivalitete rajonale. Rusia u përjashtua nga Eurovisioni pasi e nisi pushtimin e plotë të Ukrainës në vitin 2022./evropaelire./
BASKETBOLL: HAPOEL TEL AVIVI PRINË TABELS NË EUROLIGË
Deri më 30 nëntor të këtij viti, nga tatimet dhe kontributet janë mbledhur 3,97 miliardë euro
Gashi: Në janar do të miratojmë kalendar pune, duhet të ndërpritet qasja se Kuvendi është makineri votimi për ligje
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
Aksident tragjik në autostradën Tetovë – Gostivar, humb jetën një grua 33 vjeçare | VIDEO
Shkup, panairi i patundshmërive të Dubait! Citi Casa rikthehet në hapësirat e COWORK21 më 31 maj dhe 1 qershor
-
Lajme nga vendi2 months agoBilall Kasami : Mega projekti që po bëhet realitet investim prej 70 milionë denarëve Tetova po transformohet
-
Lajme nga vendi2 months agoUniversiteti i Tetovës shpreh ngushëllime për vdekjen e studentes Daorsa Spahija
-
Lajme nga vendi2 months agoDogana konfiskoi 130 kilogramë mariuhanë