Sport

CONFERENC LEAGUE: DINAMO CITY ELIMINOI HAJDUK-in E SPLITIT

Published

1 year ago

August 15, 2025

Egnatia Egnatia në Rrogozhinë pas kohës shtesë pësoi nga Olimpia e Lubjanës dhe u eliminua nga garat e mëtutjeshme . Drita e Gjilanit me humbje nga Steaua përfundoi rrugëtimin e saj në Europa Ligë, vazhdon në fazën e play off-it në Konferencë Liga. Eliminohet edhe Ballkani i Suharekës

Dinamo ka arritur një kualifikim historik në fazën“play off”të Konferencë Ligë ,pas fitores 3-1 në 120 minuta kundër gjigantit kroat të Hajdukun e Splitit, pasi në ndeshjen e parë kroatët fituan 2-1.

Sfida e luajtur në Arenën Kombëtare nisi me epërsi për Dinamon me golin që e realizoi Baton Zabërgja në minutën e 13’.

Kroatët i mbyllën 90 minutat me 10 lojtarë pas daljes me karton të kuq të Sanyang, ndërsa fati i kualifikimit do vendosej në shtesë.

Në minutën e 99’, Karaxhiç shënoi për miqtë, por brenda 2 minutave, Çardaku dhe Berisha kryen përmbysjen e çmendur dhe historike.

Kështu Dinamo avancon në “play off” të Konferencë Ligës, aty ku do të ndeshet me polakët e JAGIELLONIA.

Kampioni I Shqipërisë Egnatia përkundër lojës së mirë dhe dominimit gjatë 90 minutave , dështoi në minutat e fundit të ndeshjes kur sllovenët barazuan , ndërsa në kohën shtesë mysafirët ishin më konkretë dhe arritën të shënojnë fitore 4-2 për të vazhduar rrugëtimin e tyre në play off të Konferencë Ligës .

Drita e Gjilanit në “Fadil Vokrri” pësoi nga rumunët e Steauas 1-3 dhe me rezultatin e përgjithshëm 6-3 u eliminiuan nga Europa Liga dhe në turrin e katërt vazhdojnë në Fazën e Play off-it në Konferencë Liga me kundërshtarë me ekipin e Luksemburgut Differdange .

Nga garat europiane është eliminuar edhe Ballkani I Suharekës e cila pas fitores 1-0 në ndeshjen e pare, mbrëmë në ndeshjen kthyese pësoi disfatë me 4-0 nga skuadra e Irlandës së Veriut Shamrock Rovers .

Në raundin e katërt të garave evropiane Shkëndija do të prezantohet në play off-in Europa Ligës, ndërsa Drita e Gjilanit dhe Dinamo e Tiranës përfaqësohen në play off të Konferencë Liga.

SHABAN SINANI – TV KOHA

Sport

GRANIT XHAKA RIKTHEHET TE ZVICRA DHE MBETET KAPITEN

Published

3 hours ago

October 28, 2026

TetovaExpres

Përfaqësuesja zvicerane do të jetë e kompletuar për dy ndeshjet e nëntorit në kuadër të Ligës së Kombeve pasi rikthehen e Xhaka dhe Embolo. Granit Xhaka vazhdon të mbetet kapiten i ekipit zviceran.

Ylli I futbollit zviceran futbollisti shqiptar Granit Xhaka do të rikthehet në grumbullim me Zvicrën për dy ndeshjet e nëntorit kundër Sllovenisë dhe Skocisë në kuadër të UEFA Liga e Kombeve.

Vendimi është marrë nga bordi qendror i Federatës Zvicerane të Futbollit SFV pas një shqyrtimi të plotë të procedurave të përfunduara në lidhje me blerjen e certifikatave të falsifikuara të COVID në vitet 2021 dhe 2022.

Krahas Garnit Xhakës në përfaqësuesen e Zvicrës rikthehet edhe Breel Embolo, pasi që edhe ai ishte suspenduar.

Xhaka, mungoi në katër ndeshjet e shtatorit dhe tetorit në “Ligën e Kombeve ” pasi që kishte pranuar se falsifikoi testet e COVID-19, ku u shpall edhe fajtor nga një gjykatë në Lucern.

Kujtojmë se në raundin e pestë në Liga B grupi 1 më 3 nëntor përballen Skoci – Maqedoni e Veriut dhe Slloveni – Zvicër.

Shaban Sinani – TV Koha

Sport

BASKETBOLL: PANATHINAIKOSI KRYESON EUROLIGËN!

Published

3 hours ago

October 28, 2026

TetovaExpres

Në Euroligën e basketbollit për meshkuj janë zhvilluar gjashtë duele të raundit të të tetë. Panathinaikosi kryeson me 7 fitore e një disfatë. Real Madridi regjistroi fitoren e pestë radhazi.

Tre fitore të vendasve dhe tre fitore të ekipeve mysafire është epilogu u gjashtë ndeshjeve të zhvilluara mbrëmë në kuadër të raundit të tetë në Euroligën e basketbollit në kategorinë meshkujve

Në ndeshjen mes dy skuadrave spanjolle ekipi mbretëror i Real Madridit ka shënuar fitore të sigurt në transfertë kundër ekipit Baskonia 86-104. Reali pas startit katastrofal ku pati tre disfata të një pasnjëshme tani me 5 fitore radhazi renditet i gjashti në tabelë.

Fitore në transfertë ka regjistruar edhe Barcelona kundër Bayernit me rezultatin 88-84 si dhe Parisi kundër Dubait me shifrat 99-93.

Valencia në cilësin e vendasit ka mposhtur Fenerbbahçen 86-78, Panathinaikosi ka mposhtir Milanon 80-75 dhe Crevena Zvezda ka mposhtur Makabi Tel Aviv me rezultatin 100-78.

Pas raundit të tetë kryeson Panathinaikosi me 7 fitore e 1 disfatë e ndjekur nga Valencia dhe Fenerbahçe që kanë nga 6 fitore e dy humbje

Baskonia – Real Madrid 86 -104

Valencia – Fenerbahce 86-78

Panathinaikos – Milano 80 -75

Bayern – Barcelona 84 – 88

Crvena Zvezda – Maccabi Tel Aviv 100 –78

Dubai – Parisi 93 – 99

SHABAN SINANI – TV KOHA

Sport

LIGA E KATERT: KF BESA RRUGËTON FUQISHËM – KATËR FITORE RADHAZI

Published

1 day ago

October 27, 2026

TetovaExpres

Java e katërt në Ligën e katërt rajoni i gjashtë karakterizohet me tre fitore të vendasve, një barazim dhe një fitore e e mysafirëve dhe me 24 gola të shënuar. KF Besa vazhdon startin perfekt me katër fitore në po aq ndeshje.

Sezoni vjeshtor në Ligën e Katërt – Rajoni i Gjashtë, ka vazhduar me ndeshjet e xhiros së katërt.

Në pesë ndeshje e zhvilluara vendasit kanë regjistruar tre fitore një ndeshje ka përfunduar me barazim, ndërsa në një ndeshje ka fituara skuadra mysafire ku janë shënuar 24 gola.

Besa e Çellopekut vazhdon rrugëtimin e fitoreve, kësaj radhe në transfertë në stadiumin e Zhelinës mundi ekipin e Treboshit me rezultat të thellë 0-5.

Për Besën kjo ishte fitorja e katërt nga po aq ndeshje të zhvilluara në sezonin vjeshtor.

Ndeshja e vetme që ka përfunduar me barazim 1-1 është takimi Nerashti – Dardania.

Në tre ndeshjet tjera fitore kanë regjistruar ekipet vendase dhe atë Flamurtari – Rinia 6-3, Renova – Genç Kalemler Sport 4-2 dhe Pallatica – Piroku 2-0.

Tabelën e kryeson Besa me 12 pikë.

SHABAN SINANI – TV KOHA