Lajme nga vendi
Rasti “Lidhja Ndërkombëtare”, 5 vjet burg për Boki-13
Gjykata Themelore Penale në Shkup sot miratoi një aktvendim të ri në procedurën e përsëritur për rastin “Lidhja Ndërkombëtare”, me të cilin të pandehurit morën dënime më të ulëta krahasuar me vendimin fillestar të vitit 2022.
Në këtë procedurë të përsëritur, Bojan Jovanovski – Boki 13 u shpall fajtor për veprat penale “mashtrim” dhe “pastrim parash”, për të cilat iu shqiptua një dënim unik prej pesë vitesh burg.
Jasna Ercegoviq u dënua me dy vjet burg për “pastrim parash”, ndërsa koha e kaluar në arrest shtëpiak do t’i llogaritet në dënim.
Hristina Blazhevska mori një dënim me kusht prej një viti burg për “pastrim parash”, të cilin nuk do ta vuajë nëse nuk kryen vepër penale të re brenda tre viteve.
Mile Jovanovski u dënua me një vit e gjashtë muaj burg me kusht për “pastrim parash”, me të njëjtin kusht për moskryerje të një vepre të re penale.
Ndërkohë, personi juridik u gjobit me një milion denarë.
Vendimi i mëparshëm
Në vendimin e shkallës së parë, të miratuar më 7 prill 2022, Gjykata Penale kishte shqiptuar gjithsej 14 vjet burg për të pandehurit.
Bojan Jovanovski ishte dënuar me nëntë vjet burg për “mashtrim” dhe “pastrim parash”;
Jasna Ercegoviq me katër vjet burg për të njëjtat vepra;
Hristina Blazhevska me një vit burg për “pastrim parash”;
ndërsa Mile Jovanovski me dy vjet burg me kusht për “pastrim parash” dhe “tregti të paautorizuar me armë”.
Në atë vendim, Frosina Tashevska Remenski dhe Hristina Blazhevska u liruan nga akuza për “mashtrim”, ndërsa personi juridik “Lidhja Ndërkombëtare” u gjobit me një milion denarë.
Përsëritja e procedurës
Në prill të vitit 2024, Gjykata e Apelit e Shkupit e anuloi aktvendimin fillestar, pasi pranoi disa nga ankesat e të pandehurve dhe urdhëroi përsëritjen e procedurës.
Apeli në atë kohë konfirmoi vendimin lirues për Frosina Tashevska Remenskin dhe Hristina Blazhevskën për pjesën që lidhej me “mashtrimin”, ndërsa e ridrejtoi dënimin për Mile Jovanovskin, i cili tani është dënuar me një vit burg për “trafikim të paautorizuar me armë”.
Rasti “Lidhja Ndërkombëtare” lidhet me një aktivitet të organizuar kriminal që përfshinte mashtrime dhe pastrim parash përmes organizatës joqeveritare me të njëjtin emër, të udhëhequr nga Bojan Jovanovski.
Sipas akuzës, përmes kësaj organizate ishin mbledhur mjete financiare nga individë dhe kompani nën pretekstin e ndërtimit të shtëpive për të moshuar dhe projekteve sociale, të cilat më pas ishin keqpërdorur për përfitime personale.
Ministria e Punëve të Brendshme i njofton qytetarët se, sipas informacioneve të pranuara nga organet kompetente të Republikës së Greqisë, më 27.07.2026 (e hënë) është paralajmëruar grevë e punonjësve të doganave në pikat kufitare greke Evzoni (Bogorodicë), Dojrani (Dojran) dhe Niki (Mexhitli).
“Gjatë periudhës nga ora 05:00 deri në 09:00 sipas kohës së Maqedonisë (06:00–10:00 sipas kohës së Greqisë), në këto pika kufitare, automjetet e udhëtarëve do të lejohen të kalojnë çdo 10 minuta, ndërsa qarkullimi i automjeteve të transportit të mallrave do të jetë plotësisht i ndërprerë, si për hyrje ashtu edhe për dalje nga Republika e Greqisë”.
“Ministria e Punëve të Brendshme do të ndërmarrë të gjitha masat e nevojshme dhe do të angazhojë të gjitha kapacitetet njerëzore dhe teknike për menaxhimin e situatës”, – thonë nga MPB.
Sipas të dhënave nga institucionet publike shëndetësore në Gostivar, gjatë ditës së djeshme (23.07.2026) janë regjistruar gjithsej 197 pacientë të rinj, përkatësisht persona që për herë të parë kanë kërkuar ndihmë mjekësore, çka tregon një ulje krahasuar me një ditë më parë.
Në Spitalin e Përgjithshëm “Dr. Ferid Murad” në Gostivar janë regjistruar gjithsej 117 vizita të reja, prej të cilave 82 në repartin e sëmundjeve infektive (pa shtrime të reja në spital dhe me tre pacientë të liruar), 40 në repartin e pediatrisë dhe 7 vizita në Qendrën e Urgjencës.
Në Shtëpinë e Shëndetit në Gostivar janë regjistruar 80 vizita të reja në shërbimin kujdestar, si dhe 13 thirrje në Shërbimin e Ndihmës së Shpejtë.
Lajme nga vendi
Hetime për kredinë hungareze 1 miliardë € që mori Maqedonia e Veriut, urdhëron Magyar
Qeveria në Hungari, e udhëhequr nga Péter Magyar, do të hetojë nëse ka pasur keqpërdorim të mundshëm të fondeve shtetërore në lidhje me kredinë prej një miliard eurosh që “Eximbanka” shtetërore ia dha Maqedonisë së Veriut.
Kështu njoftoi dje Magyar, i cili, siç raportuan mediat vendase, ndau se kredia e marrë nga Maqedonia e Veriut është një nga katër rastet e lidhura me “Eximbank”-un, për të cilat sot Ministria e Ekonomisë dhe Energjetikës ka dorëzuar ankesa, shkruan Fokus.
„Ministria e Ekonomisë dhe Energjetikës dorëzoi katër ankesa të enjten për mashtrim të dyshuar në vlerë totale prej një mijë miliardë forintash, në katër raste të ndryshme. Të gjitha kanë të bëjnë me aktivitetet e ‘Eximbank’-ut“ – tha Magyar.
Ai theksoi se kredia u dha në kushte shumë të favorshme me një normë interesi prej 3,25 për qind.
Kredia, tha ai, do t’i kushtojë buxhetit hungarez 90 miliardë forinta (rreth 248 milionë euro) për shkak të diferencave të interesit.
„Kjo paraqet një barrë prej 90 miliardë forintash (rreth 248 milionë euro) për buxhetin hungarez, ndërsa shteti hungarez mori përsipër garanci 100 për qind për kredinë nën udhëheqjen e qeverisë së Orbanit“, tha Magyar.
Sipas tij, norma e interesit me të cilën “Eximbanka” shtetërore i dha kredinë Maqedonisë është shumë më e favorshme se normat e interesit me të cilat kompanitë hungareze dhe qytetarët e vendit marrin hua.(INA)
MPB, të hënën në mëngjes grevë e doganierëve grekë në pikat kufitare
Spanja shpall emergjencën kombëtare për shkak të zjarreve masive, mbi 10 mijë persona evakuohen
Ulet numri i rasteve të qytetarëve që kërkojnë ndihmë mjekësore në Gostivar
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Azizi zbulon dyfytyrësinë e Ali Ahmetit: Ja vazali që e mbronte Gruevskin
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
