Lajme nga rajoni
Operacioni serb në Dardani: Media, institute e politikanë të paguar për ta rrëzuar shtetin
Në Republikën e Dardanisë, mercenarët e Serbisë janë rikthyer në forma të reja. Ish-opozita, disa segmente të shoqërisë civile, institute e media që i japin hapësirë “analistëve” pa dinjitet, janë bërë zëdhënës të politikave serbe – të financuar nga Beogradi dhe oligarkët e lidhur me të. Këta sot janë ngritur “lugat” kundër atyre që mbrojnë shtetin dhe sovranitetin e tij – Presidentes Vjosa Osmani dhe Kryeministrit në detyrë, Albin Kurti.
Në prag të fushatave zgjedhore, qytetarët duhet të jenë vigjilentë. Gjykata Kushtetuese, e cila shpesh vepron si instrument politik i ish-pushtetarëve, po merr rol të rrezikshëm për stabilitetin e vendit, me vendime që ndihmojnë një agjendë të imponuar – madje edhe përmes listave serbo-shqipfolëse që nuk e respektojnë shtetin.
Sot, Republika e Dardanisë përballet me rrezikun më serioz që nga paslufta. Ish-pushtetarët, të trembur nga zbardhja e aferave dhe përgjegjësive të tyre, po përpiqen të destabilizojnë vendin për t’u shpëtuar drejtësisë. Këta ishin njerëzit që e kthyen luftën e shenjtë të UÇK-së për liri në mjet për pasuri e pushtet.
Proceset në Hagë kanë zbuluar prapaskena të errëta – marrëveshje për ndarje territoresh, përpjekje për “korrigjim kufijsh” dhe plane për autonomi që do t’i jepnin Serbisë veriun e vendit. Dëshmi si ajo e James Rubin, i paguar 52 mijë euro në muaj për lobim në favor të ndarjes, zbulojnë sa thellë ka shkuar kjo tradhti.
Përfshirja e Edi Ramës në këtë projekt është po aq e qartë. Vizitat e tij të shpeshta në Hagë dhe bashkëpunimi me Vuçiqin dëshmojnë për një plan të rrezikshëm – që, nën maskën e “Ballkanit të Hapur”, synon ta kthejë “Serbinë e Madhe” në realitet rajonal. Projekti i vitit 2013 për Asociacionin, i nënshkruar nga Hashim Thaçi dhe më pas “zbutur” nga Isa Mustafa, mbetet një kërcënim i gjallë për pavarësinë e Dardanisë.
Deklarata e Thaçit se “ndarja e veriut është realitet i hidhur” flet vetë. Sot, në vend të përgjegjësisë, disa po e kthejnë në “hero” të atdheut. Ndërsa Rama, bashkë me Vuçiqin, përpiqet ta zëvendësojë identitetin e Dardanisë me idenë e një “Shqipërie të Bashkuar” nën kornizën e “Ballkanit të Hapur” – projekt që në fakt do t’i siguronte Serbisë dalje në Detin Adriatik dhe kontroll ekonomik mbi rajonin.
Historia përsëritet: si në vitin 1989 me suprimimin e autonomisë, kësaj radhe synimi është nënshtrimi përmes mashtrimeve ekonomike e politike. “Ballkani i Hapur” nuk është projekt bashkëpunimi, por plan për nënshtrim. Serbia, me ndihmën e Rusisë dhe aleatëve të saj shqiptarë, kërkon ta shuajë Dardaninë si shtet.
Në këtë betejë, çdo sulm kundër Albin Kurtit dhe Qeverisë aktuale është pjesë e këtij plani. Ata që punojnë për rrëzimin e tij – brenda e jashtë vendit – janë pjesë e rrjetit të mercenarëve që veprojnë për llogari të Vuçiqit e Ramës. Media të caktuara, institute dhe analistë të paguar janë zë i kësaj “Kolone të Pestë” që synon të përmbysë pavarësinë e fituar me gjak.
Sot, më shumë se kurrë, kërkohet kujdes, unitet dhe ndërgjegjësim kombëtar.
Republika e Dardanisë nuk dorëzohet, nuk blihet dhe nuk shuhet.
Nga Hafiz Shala – New York
15 tetor 2025
Lëvizja Vetëvendosje, Partia Guxo, Partia Alternativa dhe Partia Shqiptare Demokristiane kanë nënshkruar marrëveshjen e koalicionit parazgjedhor, duke e cilësuar atë si vazhdim të një rruge të përbashkët politike dhe angazhim të qartë ndaj qytetarëve të Republikës së Kosovës.
Sipas Partisë Guxo, ky koalicion nuk paraqet një bashkim të përkohshëm, por një qëndrim politik të vendosur për të qeverisur me përgjegjësi, për të mbrojtur interesin shtetëror dhe për ta vendosur qytetarin në qendër të çdo vendimi.
“Ne hyjmë në këtë marrëveshje me bindjen se shteti forcohet vetëm përmes drejtësisë që vepron, institucioneve që funksionojnë dhe një qeverisjeje që nuk i shmanget llogaridhënies”, thuhet në postimin e publikuar në Facebook, transmeton INA.
Në reagim thuhet se lufta kundër korrupsionit, zhvillimi ekonomik dhe mirëqenia qytetare nuk janë vetëm premtime politike, por detyrime që burojnë nga besimi i qytetarëve.
Po ashtu, partitë vlerësojnë se ky koalicion përfaqëson stabilitet, drejtim dhe qartësi politike, me synim një Republikë më të fortë brenda vendit dhe më të sigurt në arenën ndërkombëtare, me orientim të palëkundur euroatlantik dhe partneritete strategjike të konsoliduara.
“Partia GUXO qëndron në këtë bashkim me përgjegjësi të plotë, për të garantuar se politika nuk mbetet fjalë, por kthehet në veprim që ndikon drejtpërdrejt në jetën e qytetarëve të Republikës së Kosovës”, thuhet në reagim.
Lajme nga rajoni
KQZ ka bërë të ditur se AKR dhe Nisma Socialdemokrate nuk do të marrin pjesë në zgjedhjet e ardhshme në Kosovë
Komisioni Qendror i Zgjedhjeve ka bërë të ditur se Aleanca Kosova e Re (AKR) dhe Nisma Socialdemokrate nuk do të marrin pjesë në zgjedhjet e ardhshme në Kosovë.
Sipas njoftimit të KQZ-së, deri në përfundim të afatit zyrtar më 7 maj në orën 24:00, këto dy subjekte politike kanë njoftuar zyrtarisht mospjesëmarrjen në procesin zgjedhor.
“Në listën e partive që kanë konfirmuar se nuk do të garojnë në zgjedhje janë gjithsej nëntë subjekte politike, ndërsa AKR dhe Nisma Socialdemokrate janë ndër partitë më të njohura që kanë vendosur të mos jenë pjesë e garës elektorale”.
Sipas KQZ, Partitë politike që kanë njoftuar mospjesëmarrjen në zgjedhje janë: 1. Partia Demokratike e Unitetit; 2. Balli Kombëtar i Kosovës; 3. Lëvizja Qytetare Vatra; 4. Bashkimi për Ndryshim Anamorava; 5. Partia e Drejtësisë; 6. Srpski Narodni Pokret; 7. Partia Reforma Demokratike; 8. Aleanca Kosova e Re; dhe 9. Nisma Socialdemokrate”.
Afati për njoftimin e pjesëmarrjes, mospjesëmarrjes apo formimit të koalicioneve ka qenë i hapur nga 1 deri më 7 maj 2026 dhe ka vlejtur për 53 partitë politike të regjistruara në Republikën e Kosovës./Periskopi
Më shumë se 250 kilogramë sudxuk dhe produkte mishi u sekuestruan dje në Shtutgart Stuttgart në një autobus nga Kosova, raportuan mediat në Prishtina, duke iu referuar mediave gjermane.
Policia gjermani njoftoi se produktet e mishit u ekspozuan nga era.
“Era e fortë që vinte nga disa çanta në zonën e ngarkesës konfirmoi shpejt dyshimin e tyre për produkte ushqimore të paligjshme. Në total, oficerët sekuestruan 252,8 kg produkte mishi gjatë inspektimit”, raportojnë mediat e Kosovës.
Në të njëjtin autobus u gjetën edhe mallra të tjera, të dyshuara si të kontrabanduara.
Sipas këtyre mediave, kishte cigare, dritare alumini dhe një kondicioner.
Përveç kësaj, u sekuestrua edhe një qen.
Janë nisur procedura për shmangie nga taksat kundër dy shoferëve të autobusëve dhe një mbledhësi mallrash në stacionin e autobusëve.
Shoferët e autobusëve do të përballen gjithashtu me gjoba për importimin ilegal të produkteve të mishit.(INA)
‘Fitonin’ 34 mijë euro me mallverzimeve gjatë shit-blerjes së veturave të konfiskuara
Siljanovska: Balancuesi krijoi pushtet të korruptuar, ligjet duhet të miratohen me procedurë të rregullt
KONGRESI I VLEN – QYTETARËT MIRËPRESIN BASHKIMIN!
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Azizi zbulon dyfytyrësinë e Ali Ahmetit: Ja vazali që e mbronte Gruevskin
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
Aksident tragjik në autostradën Tetovë – Gostivar, humb jetën një grua 33 vjeçare | VIDEO
-
Lajme nga rajoni2 months agoStudentët shqiptarë protestojnë në Shkup, Spiropali apelon për respekt të gjuhës
-
Lajme nga rajoni2 months agoDW: Milanoviçi i mbylli derën Vuçiçit dhe i dëmtoi të gjithë
-
Lajme nga rajoni2 months agoNga Skënderbeu te Nënë Tereza dhe Ismail Qemali, Kryeministri Rama promovon Samitin e Diasporës me videon e realizuar me IA