Lajme nga vendi
Ka filluar regjistrimi digjital në kufi, por vetëm me kërkesë të udhëtarëve
Pa radhë të gjata, pritje dhe turma në vendkalimet kufitare me Greqinë dhe Bullgarinë – nga fundjava ka filluar funksionimi i sistemit të ri për regjistrim elektronik të hyrjes dhe daljes në 29 vendet anëtare të zonës Shengen. Nuk do të ketë më vula në pasaportë – në hyrjen e parë në BE udhëtarëve u merren shenjat e gishtave dhe fotografohen. Çdo hyrje e qytetarëve të Maqedonisë në Bullgari apo Greqi regjistrohet në mënyrë digjitale, si pjesë e sistemit të ri të sigurisë “Entry–Exit” të Bashkimit Evropian.
Sipas Ministrisë së Punëve të Brendshme, nga ky sistem përjashtohen qytetarët që udhëtojnë në Islandë, Lihtenshtejn, Norvegji dhe Zvicër, ndërsa personave nën moshën 12 vjeçare nuk u merren shenjat e gishtave. Çdo shtet anëtar do ta përdorë sistemin në të paktën një pikë kufitare, ndërsa gradualisht numri i pikave do të zgjerohet deri në funksionalitet të plotë në të gjitha kalimet kufitare.
“Këto të dhëna do të përfshijnë informacione personale, përfshirë fotografinë e fytyrës dhe shenjat e gishtave, të dhënat nga dokumenti i udhëtimit, si dhe informacione për hyrjen, daljen ose refuzimin e hyrjes për shtetasit e vendeve të treta që kalojnë kufirin e jashtëm të zonës Shengen,” deklaroi zëdhënësi i MPB-së, Goce Andreevski.
Nga Oda Ekonomike e Veriut të Maqedonisë theksojnë se pas fillimit të zbatimit të sistemit nuk janë vërejtur vonesa apo pritje të gjata në kufi për transportuesit, megjithëse kryetari Aliu shtoi se ata vazhdimisht kërkojnë mënyra më funksionale dhe më të shpejta për kalimin kufitar.
Kreu i Ash-së, (krahu i Selës) Ziadin Sela, në emisionin “Dialog te Lajm’i”, e ka shpalosur emrin e partisë së re.
Ziadin Sela: Njerëzit të cilët janë pjesë e këti grupacioni, janë të vërtetë, janë njerëz që kanë ideal, dhe do të vazhdojnë të ndërtojnë përsëri një strukturë të fortë politike, sepse nuk mendojmë që zgjidhja është dorëheqja dhe dorëzimi.
Gazetari: I bije kjo që mund të ndodh edhe formimi apo riformimi i një partije të re politike?
Sela: S’ja kam lënë rastësisë, sepse… Unë e kam krijuar atë parti të re politike. Është krijuar bile quhet akoma më mire, është Lidhja Shqiptare. Ka ngjyra kuq e zi dhe ne këtu nuk dorëzohemi nga kjo punë.
Gazetari: Aleanca pra bëhet Lidhje…
Sela: Ideja e Aleancës dhe kauzave të Aleancës së vërtetë, e ka vazhdimsinë e vetë. Ne nuk ua lëmë rastësisë!/ Lajm tv & gazeta Lajm
Federata e Paqes Universale Shqipëri u bë pjesë e veprimtarisë përmbyllëse të Projektitit INNOV8PEACE, i zbatuar nga IAYSP Europe and the Middle East (EUME) në bashkëpunim me Universitetin e Tetovës dhe i bashkëfinancuar nga Bashkimi Evropian. Konferenca “From Youth Initiatives to Sustainable Peace” u mbajt në Universitetin e Tetovës, duke bërë bashkë rreth 150 profesorë, akademikë, studentë dhe aktivistë të paqes.
“Blej një biletë, shijo koncertin dhe ndihmo nevojtarët”. Kështu të paktën tingëllon organizimi I Manifestimit Humanitar që mbrëmë u mbajt në Pallatin e Kulturës.
Një mbrëmje e veçantë me art kulturë dhe humanitet me mesazhin Bashkohuni me ne për të ndihmuar dhe për të shpërndarë solidaritet.
Nxënësit e Shkollës së Mjekësisë dhe nxënës tjerë në bashkëpunim me Kryqin e Kuq përmes programit Promovimi I Vlerave Humane dhuruan një koncert me këngë, valle e recitale me një qëllim të vetëm – solidaritetin dhe humanitetin.
“Qëllimi ynë është që të mbledhim të holla, të mbledhim mjete që t`u ndihmojmë njerëzve në nevojë. Ne I kemi projektet tona, I kemi konceptuar se cilat janë, por nuk I nxjerrim në pah, dalëngadalë secilin projekt. Kemi 6 projekte, kemi ndarë nxënësit nëpër grupe për çdo projekt, ku secili grup ka detyrën e vet dhe dita-ditës merremi me punët tona dhe falë Kryqit të Kuq, falë PHV-së dhe Komunës që na ndihmonë me kësi organizime”
Fidani shprehet se nuk ka munguar solidariteti i tetovarëve dhe jo vetëm.
“Qytetarët janë shumë të interesuar. Deri tani kemi bërë 2-3 organizime në Qendër të Tetovës, ku kemi bërë shitje, secili nxënës ka sjellë diçka nga shtëpia, kemi gatuar diçka ose kanë punuar diçka me duart e tyre, ka patur interesim dhe kemi mbledhë një buxhet shumë të madh pasi tetovarët janë shumë solidarë dhe shumë human”
Ndryshe, në kuadër të Kryqit të Kuq, Programi Pronovimi I Vlerave Humane – PHV, ka për qëllim të edukojë të rinjtë mbi rëndësinë e humanizmit dhe respektit ndaj të tjerëve.
Programi është edukativ që nxit ndihmën ndaj njerëzve në nevojë, zhvillon ndjenjën e empatisë dhe tolerancës si dhe forcon bashkëpunimin dhe vullnetarizmin tek të rinjtë.
Lidhja Shqiptare, emri i ri i partisë së Ziadin Selës
Konferenca Përmbyllëse e Projektit Innov8Peace
PROGRAMI PVH – BLEJ NJË BILETË, SHIJO KONCERTIN, NDIHMO NEVOJTARËT!
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
Aksident tragjik në autostradën Tetovë – Gostivar, humb jetën një grua 33 vjeçare | VIDEO
Shkup, panairi i patundshmërive të Dubait! Citi Casa rikthehet në hapësirat e COWORK21 më 31 maj dhe 1 qershor
-
Lajme nga vendi2 months agoRrjeti i madh i dyqaneve për produkte të shtëpisë Comodita Home po rritet akoma më tepër, tash me dyqanin më të madh në Re Mall, Tetovë
-
Sport2 months agoOLIMPIADA DIMËRORE ‘’MILANO CORTINA 2026’’ FILLON MË 6 SHKURT
-
Lajme nga vendi2 months agoVLEN: Me Fetain në krye, nis goditja reale ndaj pasurisë së paligjshme