Lajme nga vendi
Gashi: Ligji i vetëqeverisjes lokale varet nga vullneti i partive politike – Presidentja del me një propozim të ri për kufizimin e mandatit të kryetarëve të komunave në vetëm dy mandate
Ligji për vetëqeverisje lokale që nuk arriti të votohet përpara këtyre zgjedhjeve për shkak të mungesës së badinterit, sipas kryeparlamentarit, përsëri do të kthehen në tryezë të diskutimit. Por Afrim Gashi nuk mund të thotë nëse ky ligj do të hyjë në fuqi nga zgjedhjet e ardhshme lokale, duke nënvizuar se fati i të njëjtit varet nga vullneti i partive politike.
“Ligji për vetëqeverisje lokale, varet nga vullneti i partive politike, nëse ka vullnet, ka mundësi që menjëherë ta dorëzojmë dhe ta sjellim, por prapë këtë muaj do të shihet të bëhet edhe rikonstruimi i Qeverisë, t’i shohim ndryshimet e ministrave”, tha Afrim Gashi, Kryetar i Kuvendit.
Në versionin draft të këtij ligji, parashihet mundësia që qytetarët përmes një referendumi, të mund të shkarkojnë edhe kryetarët e komunave nëse nuk janë të kënaqur nga puna e tyre.
Në ligj parashikohet poashtu edhe policia komunale, respektivisht inspektorë të angazhuar për mirëmbajtjen e higjienës nëpër komuna dhe mundësinë për shqiptim të gjobave, nëse qytetarët kapen teksa hedhin mbeturina inerte në hapësira publike. Ligji mbeti në labirintet e Kuvendit, si pasojë e mungesës së shumicës së badinterit, pasi nuk mbështetet nga deputetët e Frontit Evropian.
Por derisa ligji mbetet i bllokuar, presidentja Gordana Siljanovska Davkova, del me një propozim të ri. Ajo propozon që të mendohet mundësia për kufizimin e mandatit të kryetarëve të komunave në vetëm dy mandate.
“Duhet të mendojmë nëse duhet që në zgjedhjet lokale të ekzistojë mundësia për vetëm dy mandate për kryetarët e komunës. Nëse ka një kufi në sistemet parlamentare, te presidentët me funksione ceremoniale, atëherë për të qenë e sinqertë, sistemi ynë i vetëqeverisjes lokale kualifikohet si kuazi-presidencial, me kompetenca shumë të forta për kryetarët e komunave. Prandaj ndodh diçka që është e pazakontë, ministrat ose deputetët vendosin të kandidojnë për kryetar komunash”, tha Gordana Siljanovska Davkova, Presidente e RMV-së.
Një problem shtesë, sipas saj, është edhe mungesa e një autoriteti tjetër ekzekutiv, përskaj kryetarit të komunës, në kuptimin e qeverisjes lokale, në formën e një bordi ekzekutiv, këshilli ekzekutiv ose organeve të shumëfishta ekzekutive. Sipas saj, kjo mungesë, nënkupton një përqendrim të fortë të pushtetit te një kryetari komune./ Alsat.mk
Kreu i Ash-së, (krahu i Selës) Ziadin Sela, në emisionin “Dialog te Lajm’i”, e ka shpalosur emrin e partisë së re.
Ziadin Sela: Njerëzit të cilët janë pjesë e këti grupacioni, janë të vërtetë, janë njerëz që kanë ideal, dhe do të vazhdojnë të ndërtojnë përsëri një strukturë të fortë politike, sepse nuk mendojmë që zgjidhja është dorëheqja dhe dorëzimi.
Gazetari: I bije kjo që mund të ndodh edhe formimi apo riformimi i një partije të re politike?
Sela: S’ja kam lënë rastësisë, sepse… Unë e kam krijuar atë parti të re politike. Është krijuar bile quhet akoma më mire, është Lidhja Shqiptare. Ka ngjyra kuq e zi dhe ne këtu nuk dorëzohemi nga kjo punë.
Gazetari: Aleanca pra bëhet Lidhje…
Sela: Ideja e Aleancës dhe kauzave të Aleancës së vërtetë, e ka vazhdimsinë e vetë. Ne nuk ua lëmë rastësisë!/ Lajm tv & gazeta Lajm
Federata e Paqes Universale Shqipëri u bë pjesë e veprimtarisë përmbyllëse të Projektitit INNOV8PEACE, i zbatuar nga IAYSP Europe and the Middle East (EUME) në bashkëpunim me Universitetin e Tetovës dhe i bashkëfinancuar nga Bashkimi Evropian. Konferenca “From Youth Initiatives to Sustainable Peace” u mbajt në Universitetin e Tetovës, duke bërë bashkë rreth 150 profesorë, akademikë, studentë dhe aktivistë të paqes.
“Blej një biletë, shijo koncertin dhe ndihmo nevojtarët”. Kështu të paktën tingëllon organizimi I Manifestimit Humanitar që mbrëmë u mbajt në Pallatin e Kulturës.
Një mbrëmje e veçantë me art kulturë dhe humanitet me mesazhin Bashkohuni me ne për të ndihmuar dhe për të shpërndarë solidaritet.
Nxënësit e Shkollës së Mjekësisë dhe nxënës tjerë në bashkëpunim me Kryqin e Kuq përmes programit Promovimi I Vlerave Humane dhuruan një koncert me këngë, valle e recitale me një qëllim të vetëm – solidaritetin dhe humanitetin.
“Qëllimi ynë është që të mbledhim të holla, të mbledhim mjete që t`u ndihmojmë njerëzve në nevojë. Ne I kemi projektet tona, I kemi konceptuar se cilat janë, por nuk I nxjerrim në pah, dalëngadalë secilin projekt. Kemi 6 projekte, kemi ndarë nxënësit nëpër grupe për çdo projekt, ku secili grup ka detyrën e vet dhe dita-ditës merremi me punët tona dhe falë Kryqit të Kuq, falë PHV-së dhe Komunës që na ndihmonë me kësi organizime”
Fidani shprehet se nuk ka munguar solidariteti i tetovarëve dhe jo vetëm.
“Qytetarët janë shumë të interesuar. Deri tani kemi bërë 2-3 organizime në Qendër të Tetovës, ku kemi bërë shitje, secili nxënës ka sjellë diçka nga shtëpia, kemi gatuar diçka ose kanë punuar diçka me duart e tyre, ka patur interesim dhe kemi mbledhë një buxhet shumë të madh pasi tetovarët janë shumë solidarë dhe shumë human”
Ndryshe, në kuadër të Kryqit të Kuq, Programi Pronovimi I Vlerave Humane – PHV, ka për qëllim të edukojë të rinjtë mbi rëndësinë e humanizmit dhe respektit ndaj të tjerëve.
Programi është edukativ që nxit ndihmën ndaj njerëzve në nevojë, zhvillon ndjenjën e empatisë dhe tolerancës si dhe forcon bashkëpunimin dhe vullnetarizmin tek të rinjtë.
Lidhja Shqiptare, emri i ri i partisë së Ziadin Selës
Konferenca Përmbyllëse e Projektit Innov8Peace
PROGRAMI PVH – BLEJ NJË BILETË, SHIJO KONCERTIN, NDIHMO NEVOJTARËT!
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
Aksident tragjik në autostradën Tetovë – Gostivar, humb jetën një grua 33 vjeçare | VIDEO
Shkup, panairi i patundshmërive të Dubait! Citi Casa rikthehet në hapësirat e COWORK21 më 31 maj dhe 1 qershor
-
Lajme nga vendi2 months agoRrjeti i madh i dyqaneve për produkte të shtëpisë Comodita Home po rritet akoma më tepër, tash me dyqanin më të madh në Re Mall, Tetovë
-
Sport2 months agoOLIMPIADA DIMËRORE ‘’MILANO CORTINA 2026’’ FILLON MË 6 SHKURT
-
Lajme nga vendi2 months agoVLEN: Me Fetain në krye, nis goditja reale ndaj pasurisë së paligjshme