Qytetarët që hyjnë në udhëkryq me dritë të gjelbër, por mbesin të bllokuar për shkak të ngarkesës në komunikacion dhe më pas u ndizet drita e kuqe, nuk do të gjobiten nga sistemi Safe City. Kështu bëri të ditur policia e Tetovës, duke sqaruar se çdo gjobë e shqiptuar gabimisht mund të ankimohet në SPB Tetovë, ndërsa Komuna paralajmëron vendosjen e semaforëve të rinj për lehtësimin e qarkullimit.Transmeton Tv Koha

Qytetarët që futen në të të gjelbërt por mbesi në udhëkryq për shkak të ngërçit në komunikacion dhe më pas ndizet drita e kuqe, nuk do të gjobiten nga Safe City.  Kështu thotë Muhamet Ademi nga policia e Tetovës kur u pyet për udhëkryqin te shkolla e mesme e mjekësisë, i cili bëri apel që edhe nëse dikush gjobitet për kalim në semafor të kuq, por në të vërtetë ka hyrë në gjelbërt, mund të drejtohet te SPB TETOVË për ta ankimuar atë vendim.

Nga ana tjetër kryetari i Komunës së Tetovës Bilall Kasami thotë se në Tetovë do të vendosen semaforë të rinj më bashkëkohor që do të mundësojnë qarkullim më të lehtë për qytetarët.]

Profesori i komunikacionit Agim Neziri thotë se në Tetovë akoma nuk janë pjekur kushtet për të funksionuar ky sistem, pasi që ka mangësi në shenja dhe mosfunksionim adekuat në semaforë.

Për ndryshe në Tetovë ka radar të Safe City në 3 lokacione, një në hyrje të Tetovës nga Shkupi, një në rrugën industriale afër Ecolog dhe një në bulevardin e Ilindenit, tek shkolla e mesme e mjekësisë që përveç shpejtësisë, kontrollon edhe shkeljet e rregullave të sinjalizimit ndriçues.

Advertisement

Ndwrkaq sa i përket paralajmërimeve për radar që janë vetëm në gjuhën maqedonase përgjat autostradës në zonën dhe rrethinën e Tetovës, Kasami tha se do të parashtrojnë kërkesë zyrtare në institucionet qëndrore që të njëjtat të bëhen edhe në gjuhën shqipe. Transmeton Tv Koha

Ka përfunduar takimi në Qeveri midis Kryeministrit Mickoski dhe Sindikatës së punonjësve të administratës, organeve të jurisprudencës dhe shoqatave qytetare. Takimi vjen pasi Kryeministri prezantoi ofertën për rritjen e pagave për të cilën kjo Sindikatë konfirmoi se është e pranueshme dhe se në mënyrë plotësuese do të bisedohet në kuadër të organizatave sindikalale.

Sindikata e punonjësve të administratës, organeve të jurisprudencës dhe shoqatave qytetare ka njoftuar se në takimin e sotëm në Qeveri është pranuar kërkesa e tyre për rritjen etapore tëp agave përmes marrëveshjeve kolektive veç e veç. Vendimi vjen pas protesës së punëtorëve të mbajtur më 28 janar.

TRPE DEANOSKI – KRYETAR I SINDIKATËS

“Siç paralajmëruam vitin e kaluar, do të jetë për disa vite, do të thotë në tri këste nga 8%, fatkeqësisht jo për 10%. Sërish do ta përsëris , nuk I morëm vitin e kaluar, megjithatë ja tani qeveria pajtohet t`I paguajë bshkërisht nga fillimi I marsit, në mënyrën ku të gjitha institucionet në administratën shtetërore dhge jurisprudencë do të duhet të nënshkruajnë marrëveshje kolektive dhe individuale për ta fituar këtë të drejtë”

Që të ndodh kjo, sindikatra duhet ta jep “dritën jeshile” pasi të përgatitet teksti I marrëveshjeve kolektive. Nëse prod të bëhet nënshgkrimi I marrëveshjeve trë reja kolektive.

Advertisement

Ndërkohë krahas protestës së LSM-së, punonjësit në sektorin private ne janë në pritje të zgjidhjes ligjore me të cilën do të rritej paga minimale.Transmeton Tv Koha

Vendimi i Ministrisë së Drejtësisë që provimi i jurisprudencës të mbahet vetëm në gjuhën maqedonase ka nxitur reagime të forta nga studentët shqiptarë, partitë politike dhe institucionet diplomatike. Studentët, përmes një peticioni të nënshkruar nga 385 juristë të ardhshëm, kërkojnë që provimi të jepet edhe në gjuhën shqipe, duke theksuar se kjo u garantohen me ligj, ndërsa autoritetet insistojnë se provimi shërben si test për njohjen aktive të gjuhës maqedonase si kusht për ushtrimin e profesioneve juridike.

Provimi i jurisprudencës nuk mund të mbahet në shqip sepse shërben si test për njohjen aktive të gjuhës maqedonase, e cila është kusht ligjor për ushtrimin e profesioneve juridike (gjyqtar, prokuror, avokat, noter, përmbarues), thonë nga Ministria e Drejtësisë, pas peticionit të studentëve shqiptarë të cilët kërkuan që krahas provimit të jurisprudencës në maqedonisht, i njëjti të mbahet edhe në shqip.

Nga Bashkimi Demokratik për Integrim thonë se mohimi I të drejtës për testim në shqip të juristëve përbën shkelje të të drejtës kolektive dhe të marrëveshjeve politike që kanë garantuar stabilitetin ndëretnik.

“Vendimi i Ministrisë së Drejtësisë, i drejtuar nga Igor Filkov, për të refuzuar zyrtarisht peticionin e studentëve dhe për të lejuar dhënien e provimit të jurisprudencës vetëm në gjuhën maqedonase, përbën një hap serioz prapa në respektimin e të drejtave kolektive të shqiptarëve dhe një barrierë të drejtpërdrejtë për përfaqësimin e barabartë në sistemin gjyqësor. Bashkimi Demokratik për Integrim vlerëson se çdo tentativë për relativizimin e statusit të gjuhës shqipe përbën shkelje të marrëveshjeve politike që kanë garantuar stabilitetin ndëretnik dhe orientimin evropian të vendit” thonë nga BDI-ja.

Bilall Kasami nga Koalicioni VLEN thotë për çështjen e provimit të jurispodencës edhe në gjuhën shqipe po zhvillohen bisedime në kuadër të qeverisë për të gjetur zgjidhje.

Advertisement

Së fundmi 385 studentë shqiptarë nga tre fakultete të juridikut (UT, UEJL, UNT) në Maqedoninë e Veriut përmes një peticioni kërkojnë nga institucionet që provimi i jurisprudencës të jepet edhe në gjuhën shqipe, në gjuhën në të cilën i kryejnë studimet, pasi siç thonë, u takon me ligj. Peticioni është dorëzuar te Ministra e Drejtësisë, Agjencia për Zbatimin e Gjuhëve, Inspektorati për Përdorimin e Gjuhëve, Kryetari i Kuvendit dhe te zëvendëskryeministri i pare.

Në lidhje me peticionin e parashtruar nga studentët, nga Agjensioni për Zbatimin e Gjuhës theksojnë “se organ kompetent për organizimin, realizimin dhe mbajtjen e provimit të jurisprudencës, përfshirë formimin e komisione e, procedurat përkatëse dhe mbajtjen e evidencës, është Ministria e Drejtësisë”.

“Agjencia e Zbatimit të Gjuhës e RMV-së mbetet në gatishmëri të plotë institucionale për të ofruar mbështetje për të gjitha kërkesat që i parashtrohen institucionit tonë”, thanë nga AZGJ.

Shqetësimet e studentëve shqiptarë kanë arritur edhe në Ambasadën e Shqipërisë në Shkup. Ambasadori Denion Meidani tha se e kanë adresuar këtë çështje në instancat relevante.

 “Kërkesat e studentëve për qasje të barabartë në arsim dhe në proceset profesionale janë pjesë e një debati më të gjerë mbi zbatimin praktik të të drejtave të garantuara me ligj dhe funksionimin efektiv të institucioneve”, tha Denion Meidani.

Advertisement

Ambasadori thotë se këtë shqetësim e kanë adresuar në disa instanca relevante, duke theksuar rëndësinë e respektimit të të drejtave gjuhësore, në përputhje me legjislacionin në fuqi dhe me parimet e barazisë qytetare.