Sport
VOLEJBOLL: NESËR ZHVILLOHEN NDESHJET E RAUNDIT TË KATËRT
Kampionati në ligën e parë të volejbollit për meshkuj vazhdon nesër me ndeshjet e xhiros së katërt në fazën play off dhe play out. Liria është nikoqire e Vesna Probishtipit, ndërsa Shkëndija mysafire e Makedonija Xhio. Të hënë zhvillohet ndeshja mes Sushevës dhe Universitetit të Tetovs
Këtë fundjavë në program janë ndeshjet e raundit të katërt në Ligën e Parë të volejbollit në kategorinë e meshkujve si në fazën play off ashtu edhe në atë të play out.
Nesër në program janë ndeshjet UGD Shtipi –Boreci dhe Strumica – Rabotniçki, ndërsa më 16 shkurt të hënën me fillim në ora 20 e 30, do të zhvillohet përballja mes Sushevës dhe Universitetit të Tetovës.
Në fazën e play out Liria e Zherovjanit nesër me fillim në orën 15:30, do të përballet me ekipin e Vesna Probishtip. Skuadra e Zherovjanit në këtë përballje konsiderohet favorite. Shkëndija nesër udhëton në Strumicë ku do përballet me ekipin Makedonija Xhio. Kuqezinjtë janë optimist se do të regjistrojnë fitoren e katërt radhazi në këtë pjesë të kampionatit. Ndeshja Makedonija Xhio – Shkëndija fillon në ora 15:00
Shaban Sinani – TV Koha
Shorti i Ligës së Kombeve për sezonin 2026/27 në Grupin 1 të Ligës A do të ketë përballë Italinë, Francën, Belgjikën dhe Turqinë . Maqedonia e Veriut është në Grupin B1, Kosova në Grupin B 3, ndërsa Shqipëria në grupin C1.
Shorti i hedhur mbrëmë në sallën ceremoniale në Bruksel ka përcaktuar rrugëtimin e përfaqësueses së Maqedonisë Veriut në edicionin e pestë të UEFA Liga e Kombeve 2026/27.
Shorti i Ligës së Kombeve për sezonin 2026/27 ka prodhuar ndeshje të zjarta sidomos në Ligë A dhe B. Kështuq në katër grupet e Ligës A do të përballen sa vijon: Grupin A1 do të ketë përballë Italinë, Francën, Belgjikën dhe Turqinë. Në Grupin A2 do të përballen Gjermania, Holanda, Serbia dhe Greqia. Në Gripin A3 do të përballen .Spanja Kroacia; Anglia dhe Republika Çeke dhe në grupin A4 do të përballen Portugali; Danimarkë; Norvegji
Përfaqësuesja e Maqedonisë së Veriut në futboll për kundërshtarë në edicionin e pestë të UEFA Liga e Kombeve në grupin B1 për kundërshtarë do të ketë Skocinë, Zvicrën dhe Slloveninë . Në grupin B2 do të garojnë Hungaria, Ukraina, Gjeorgjia dhe Irlanda e Veriut ndërsa në Grupin B 3 do të garojnë Izraeli, Austria, Republika e Irlandës dhe Kosova. Dhe në Grupin B4 Polonia, Bosnja e Hercegovina, Rumania dhe Suedia.
Kombëtarja e Shqipërisë në Ligën C, do të garon në grupin C1 së bashku me: Finlandën, Bjellorusinë dhe San Marinon.
Objektivi Maqedonisë së Veriut , Kosovës dhe Shqipërisë gjithsesi është i qartë, vendi i parë në grup. hap rrugën për një “biletë sigurie” drejt Play-Off të Europianit 2028.
Ndeshjet do të zhvillohen në një format të ri dhe të ngjeshur. Për herë të parë, UEFA do të aplikojë “dritaren e gjatë”, ku 4 ndeshjet e para do të luhen brenda një blloku midis 24 shtatorit dhe 6 tetorit 2026, ndërsa dy sfidat mbyllëse në nëntor. Ky format kërkon një stol të gjatë dhe përgatitje të lartë fizike, pasi do të luhet çdo tre ditë.
LIGA “A”
Grupi A1: Franca, Italia, Belgjika, Turqi.
Grupi A2: Gjermani, Holanda, Serbi, Greqi.
Grupi A3: Spanja, Kroaci, Angli, Çekia.
Grupi A4: Portugali, Danimarka, Norvegji, Uells.
Liga “B”
Grupi B1: Skoci, Zvicra, Slloveni, Maqedoni e Veriut.
Grupi B2: Hungari, Ukraina, Gjeorgji, Irlanda e Veriut.
Grupi B3: Izrael, Austri, Irlanda, Kosova.
Grupi B4: Poloni, Bosnja & Hercegovina, Rumani, Suedi.
Liga “C “
Grupi C1: Shqipëria, Finlanda, Bjellorusi, San Marino.
Grupi C2: Mali i Zi, Armeni, Qipro, Fituesi i Letoni-Gjibraltar.
Grupi C3: Kazakistan, Sllovaki, Ishujt Faroe, Moldavi.
Grupi C4: Islanda, Bullgari, Estoni, Fituesi i Luksemburg-Malta.
Liga “D “
Grupi D1: Humbësi i Gjibraltar-Letoni, Humbësi i Malta-Luksemburg, Andorra.
Nesër me fillim në ora 13:00, në Kavadar do të zhvillohet ndeshja hapëse e javës së 18-të mes Tikveshit dhe Shkëndijës. Dy ekipet do të mundohen të nxjerrin maksimumin nga kjo përballje. Pesë takimet tjera zhvillohen të dielën, të hënën dhe të martën
Pjesa e dytë e kampionatit në Ligën e Parë të futbollit të Maqedonisë së Veriut vazhdon që nesër me ndeshjen e xhiros së 18-të , ndërsa ndeshja hapëse e kësaj jave do të zhvillohet në Kavadar aty ku do të përballen Tikveshi vendas dhe Shkëndija e Tetovës. Në Xhiron e 17-të Tikveshi mundi Shkupin 6-0, ndërsa Shkëndija mundi ekipin e Struga Trim Lum 2-0. Duke u bazuar në renditjen aktuale pikët nga kjo ndeshje janë shumë të rëndësishme edhe për Tikveshin që aktualisht gjendet ne pjesën e poshtme të tabelës por edhe për ekipin kuqezi që lufton për të mbrojtur titullin kampion. Në pritje të ksaj ndeshje kampionate futbollisti Imran Fetai tha se fitorja e së martës kundër Struga Trim Lum na motivon edhe më tepër që në ndeshjes së nesërme ti qasemi me seriozitetin më të madh
‘’Ndeshjet i marrim një nga një ne , ajo me Strugën tash harrohet dhe shkojmë në ndeshjen e nesërme ku serish shkojmë për tre pikë dhe shkojmë ti marrim. Ato në terren vendas janë shumë të mirë ku vet kam luajtur dhe që atje në terrenin vendas ato motivohen dhe bëjnë lojë të mirë. Po normal ne i kemi parasysh gjitha dhe shkojmë për fitore. Qasja duhet të jetë si çdo herë motivim maksimal , qasje serioze dhe Shkojmë për tre pikë’’ deklaroi futbollisti Imran Fetai
Pesë ndeshjet tjera do të zhvillohen të dielën, të hënën dhe të marten sipas këtij orari të caktuar. Të dielën takohen Struga-Trim Lum – Sileksi dhe Rabotniçki – Vardari, të hënën takohen Aresimi – AP Brera dhe Makedonija GJ.P – Shkupi dhe të martën kur edhe mbyllet java e 18-të takohen Bashkimi – Pelisteri.
Lojërat Olimpike Dimërore janë një nga ngjarjet më të rëndësishme sportive që zhvillohen aktualisht në botë. Deri më sot dy vendet më të suksesshme me medalje të fituara janë Italia dhe Norvegjia, ndërsa deri më sot janë 21 vend kanë fituar medalje.
Lojërat Olimpike Dimërore 2026, tani më kanë hyrë në ditën e gjashtë të garave, aty ku reformojnë 2900 sportist nga 92 vende të botës . Që para fillimit të këtij edicion të 25-të Lojërat Olimpike Dimërore , njohësit e mirë të sporteve dimërore favorizonin disa nga vendet të cilat mund të fitonin më tepër medalje . Pas gjashtë ditëve që nga fillimi i garave shihet qartë se vendet favorite janë duke dëshmuar këtë epitet duke shënuar rezultate të nivelit të lartë për çka edhe kanë fituar numër më të madh të medaljeve olimpike . Këtë epitet si favoritë e kanë dëshmuar pikërisht Norvegjia dhe Italia vende të cilat deri më sot kanë fituar nga 13 medalje secila, ndërsa SHBA ka 12 medalje
Norvegjia deri më sot ka shtatë medalje të arta, dy të argjendta i dhe katër bronzi. SHBA ka 4 medalje ari, 6 medalje argjendi dhe 2 medalje bronzi. Zvicra gjithashtu ka 4 medalje ari, një medalje të argjendtë dhe dy medalje bronzi
Deri ditën e sotme janë 11 vende që kanë fituar medalje të arta, ndërsa 21 vende kanë fituar medalje qoftë të argjendi apo të bronzit. Kujtojmë se Lojërat Olimpike dimërore që kanë filluar më 6 shkurt do të përfundojnë më 22 shkurt
Kallëzim penal kundër 35-vjeçarit nga Tetova, nën dyshimin për kryerje “dhunë” dhe “denoncim i rremë i veprës penale”.
Ministri Sali në takimin ministror të KE-së për zbatimin e CBAM
Aftësitë e fituara përmes mësimit joformal dhe përvojës praktike do të mund të validohen përmes Qendrave Rajonale për Arsim Profesional dhe Trajnim
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
Aksident tragjik në autostradën Tetovë – Gostivar, humb jetën një grua 33 vjeçare | VIDEO
