Connect with us

Lajme nga vendi

Badinteri në Kushtetuese, Kostadinovski: S’jemi organ politik

Published

2 months ago

on

Gjykata Kushtetuese nuk është organ politik. Kështu u përgjigj kryetari i Gjykatës Kushtetuese Darko Kostadinovski lidhur me kërkesën e Bashkimit Demokratik për Integrim për implementimin e parimit të Badinterit gjatë marrjes së vendimeve në Gjykatën Kushtetuese. Badinteri, sipas tij, është shumë i rëndësishëm në organin politik, ku miratohen ligjet, ndërsa nuk ka vend në asnjë Gjykatë Kushtetuese.
“Parimi i Badinterit është shumë i rëndësishëm për organe politike, siç është Kuvendi ku miratohen, plotësohen dhe ndryshohen ligjet. Gjykata Kushtetuese nuk është organ politik. Nëse zbatohet Badinteri në Gjykatën Kushtetuese, ajo do të nënkuptojë se jo gjykimet juridike, por të tjera do të vendosin për kushtetutshmërinë, ligjshmërinë dhe liritë dhe të drejtat e njeriut dhe qytetarit. Një gjë e tillë nuk ekziston askund në botë dhe për këtë arsye isha më i ashpër në kuptimin e asaj se nëse një gjë e tillë ndodhë është më mirë që këtij institucioni t’i vihet dryni dhe nuk ka nevojë për ekzistimin e saj.”, – deklaroi kryetari i Gjykatës Kushtetuese, Darko Kostadinovski.
Ligji për përdorimin e gjuhëve do të shqyrtohet pas kompletimit të përbërjes
Sa i përket Ligjit për përdorimin e gjuhëve që prej kohësh ndodhet në Gjykatën Kushtetuese, Kostadinovski tha se me kompletimin e Gjykatës Kushtetuese do të vazhdojnë të punojnë për të gjitha lëndët. Ai tha se në çdo paraqitje të tij ka apeluar që qytetarët të mos bien pre e manipulimeve politike.
“E dini qëndrimin tim, nuk ka lëndë të ndjeshme, më pak apo më shumë të ndjeshme. Ndjeshmëria nuk humbet me kalimin e kohës, për cilën do lëndë. Nëse sot është i ndjeshëm, do të jetë edhe në vitin 2035 apo 2050. Puna jonë është ta kthejmë besimin e qytetarëve në sundimin e ligjit dhe shtetit juridik, do të veprohet për secilën lëndë. Pres që shumë shpejt të kompletohet Gjykata Kushtetuese dhe menjëherë pas kësaj në takimin e parë të punës do të hapët çështja, natyrshëm. Ne kemi vendim se duhet të mbahet seancë përgatitore dhe kjo nuk ka ndryshuar.”, – theksoi kryetari i Gjykatës Kushtetuese, Darko Kostadinovski.
Sa i përket kërkesës për dhënien e provimit të jurisprudencës edhe në gjuhën shqipe dhe nëse kjo është në pajtueshmëri me Kushtetutën, Kostadinovski tha se do të përmbahet nga komentimi dhe prejudikimi, pasi që para tyre në procedurë të kushtetutshmërisë është Ligji për përdorimin e gjuhëve.FLORIJE KAMBERI
Related Topics:
Advertisement

Lajme nga vendi

Rindërtohet një rrugë në Dobrosht të Komunës së Tearcës investim mbi 13 milionë denarë

Published

5 minutes ago

on

April 17, 2026

By

Kryetari i Komunës së Tearcës Daut Memishi së bashku me zv/ministren e Transportit Kaltrina Zekolli qëndruan sot në fshatin Dobrosht të Komunës së Tearcës për të inspektuar punimet e shtrimit të një rruge.  Memishi tha se rreth 600 metër rrugë me 6 metër gjërësi dhe standard të lartë e cilësor, janë detajet e këtij projekti më se të nevojshëm për banorët e fshatit Dobrosht. Sipas tij, ky është projekti i parë nga granti i qeverisë ndërsa në vijim do të ketë edhe projekte tjera.

DAUT MEMISHI – Kryetar i Komunës së Tearcës

Zv/ministrja e Transportit Kaltrina Zekolli Shaqiri tha se ky është vetëm një nga 7 projektet që Qeveria ka ndarë për Komunën e Tearcës që në total kapin shumën 2.1 milionë euro ndërsa projeki konkret kushton 13 milionë denarë ose rreth 200.000 euro.

KALTRINA ZEKOLLI SHAQIRI – Zv/ministre e Transportit

Përndryshe në këtë ngjarje nga gazetarët u vu në pah mungesa e rrjetit të kanalizimit nëpër fshatërat e Komunës së Tearcës ndërsa të dy përfaqësusit institucional, Zekolli dhe Memishi u zotuan se do të punojnë në realizimin e kësaj mungese që ua vështirëson jetën banorëve të kësaj zone. 

Advertisement
Continue Reading

Lajme nga vendi

LSDM-ja DORËZOI KALLËZIM PENAL KUNDËR MICKOSKIT!

Published

20 minutes ago

on

April 17, 2026

By

LSDM-ja ka dorëzuar kallëzim penal kundër kryeministrit Hristijan Mickoski, duke e akuzuar për shkelje serioze të rendit kushtetues dhe juridik në shtet.

Socialdemokratët thonë se kryeministri, nga pozita e pushtetit ekzekutiv, ka paralajmëruar publikisht ndjekje penale dhe ka targetuar individë nga opozita dhe familjet e tyre, gjë që sipas tyre paraqet ndërhyrje të drejtpërdrejtë në punën e institucioneve të drejtësisë.

ALEKSANDAR DIMITRIJEVIQ – LSDM

“Kërkojmë që Prokuroria Publike të veprojë menjëherë mbi kallëzimin penal, ta thërrasë Mickoskin në pyetje dhe të parandalohet rrezikimi i mëtejmë i rendit juridik. Le të dëshmojë Prokuroria Publike se askush nuk është mbi ligjin dhe se mund të veprojë në mënyrë të pavarur, e jo vetëm me porosi. LSDM nuk do të tërhiqet para kërcënimeve”

Ekstradimi i ish-kryeministrit Nikolla Gruevski mund të kërkohet vetëm pasi atij t’i hiqet e drejta e azilit në Hungari – tha sot kryeministri Hristijan Mickoski, pas kritikave të shpeshta nga opozita se Qeveria po e zvarrit qëllimisht procedurën për kthimin e Gruevskit në vend.

Advertisement

HRISTIJAN MICKOSKI – Kryeministër

“Ekstradimi i ish-kryeministrit Nikolla Gruevski mund të kërkohet nëse në Hungari, ku ai ka marrë azil politik, atij i hiqet ky status. Në të kundërtën, përgjigjja ndaj një kërkese të tillë për ekstradim do të jetë negative”

Ndërkaq, lideri Venko Filipçe, në emër të LSDM-së, ka dërguar letra zyrtare drejtuar Bashkimit Evropian, Komisionit Evropian, Parlamentit Evropian, raportuesit për Maqedoninë si dhe ambasadorëve të vendeve anëtare të BE-së, për shkeljen serioze të rendit demokratik dhe kushtetues dhe sundimit të ligjit në Maqedoni, sic thonë, pas paralajmërimeve të Mickoskit për ndjekje politike.

Continue Reading

Lajme nga vendi

Mexhiti: VLEN nuk frikësohet nga zgjedhjet e parakohshme parlamentare, për BDI-në ky do ishte fundi i tyre

Published

29 minutes ago

on

April 17, 2026

By

Njëri nga liderët e VLEN, Izet Mexhiti thotë se VLEN vendosi standarde dhe vlera të reja në bllokun politik shqiptar dhe se nuk frikësohen nga zgjedhjet e parakohshme parlamentare.

“Dëshmuam dhe sollëm ndryshime në bllokun politik shqiptar pas 20 vitesh, jo individualisht, por si ekip, së pari bëmë bashkimin e opozitës duke kaluar suetat dhe ngjyrat partiake, sepse besoj në punë ekipore. Çdo javë shihemi si koalicion VLEN, bisedojmë për programin, atë që e kemi premtuar dhe bashkë i ecimpunët”, tha Mexhiti në “Samo intervju” në “Kanal5”.

Mexhiti gjithashtu tha se VLEN nuk frikësohet nga zgjedhjet e parakohshme parlamentare dhe nëse do të ndodhte kjo, për BDI-në do tëishte fundi i tyre.

“Kohën e fundit nuk i dëgjoj edhe po të ketë mundësi për zgjedhje të parakohshme të parët që i ikin kësaj janë ata, sepse do të thoshte fundi i tyre. Ky vit është i vetmi vit ku nuk do të ketë zgjedhje, është hapësirë e qeverisë që të realizojë programin që është premtuar dhe për momentin vlerësoj se nuk kanevojë të mbahen zgjedhje të parakohshme pasi kjo shumicë historikisht është më e madhja në Kuvend”, ka thënë Mexhiti.

Continue Reading

Më të lexuarat