Lajme nga vendi
MICKOSKI PËR TATIMIN RETROAKTIV: TË DËSHMOHET PAGESA E TATIMIT
“Personat që kanë punuar jashtë vendit nuk do të paguajnë taksa nëse vërtetojnë se kompania përmes së cilës janë punësuar ka paguar taksa në vendin ku kanë punuar”, thotë kryeministri Hristijan Mickoski në përgjigje të pyetjes së Televizionit Koha në lidhje me njoftimet e DAP-it për pagesën e taksave për personat që kanë punuar jashtë vendit.
Kryeministri Hristijan Mickoski sqaroi se nuk bëhet fjalë për vendosje të një takse retroaktive. Sipas tij, baza ligjore për këtë detyrim është miratuar nga qeveria e mëparshme e përbërë nga LSDM dhe BDI. Ai theksoi se, për shkak se afatet ligjore kishin përfunduar në fund të vitit të kaluar, Drejtoria e të Ardhurave Publike (DAP) ishte e obliguar t’i njoftonte qytetarët dhe individët për të shlyer detyrimet tatimore ndaj shtetit.
“Dua të sqaroj disa gjëra. Nuk bëhet fjalë për taksë retroaktive. Ky është një ligj që u miratua nga qeveria e mëparshme e LSDM-së dhe BDI-së, ndërsa DAP-i, për shkak se afati ligjor para këtyre vendimeve skadoi në fund të vitit të kaluar, duhej t’u drejtohej individëve, si dhe të gjithë qytetarëve në vend, në mënyrë që ata të paguajnë taksën që duhet të paguajnë në shtet. Nëse DAP-i nuk do ta kishte bërë këtë, atëherë ndonjë qeveri pas nesh ose ndoshta kjo qeveri dhe do të kishte kërkuar përgjegjësi penale për DAP-in, ose më saktë për drejtoreshën, për dëmtimin e Buxhetit. DAP-i vetëm u dorëzoi individëve një njoftim se duhet ta shlyejnë atë detyrim brenda një afati të caktuar”.
Mickoski madje thotë se ka mbajtur takim në lidhje me kërkesat e fundit që u bënë nga qytetarët nëpër protesta, në Tetovë dhe Kumanovë, kryesisht të qytetarëve që kanë punuar në Irak dhe Afganistan.
“Patëm takim në kabinetin tim, biseduam me njerëz që ishin në pjesë të ndryshme të botës dhe arritëm në përfundimin se ata duhet të vërtetojnë se kompanitë që i punësuan ata paguanin taksë në vendin ose vendet ku ishin punësuar. Dhe në atë mënyrë, DAP-i nuk do ta paguajë atë taksë”.
Përndryshe organizatorët e protestave kanë paralajmëruar se protestat do të vazhdojnë deri sa të merren parasysh kërkesat e tyre.
Sektori për Punë të Brendshme Tetovë ka dorëzuar kallëzim penal kundër shtatë personave të dyshuar për organizimin e një skeme mashtrimi me qëllim përfitimin e dëmshpërblimeve financiare përmes inskenimit të pasojave të një aksidenti trafiku.
Sipas policisë, kallëzimi për veprën penale “Mashtrim” është ngritur ndaj A.B. (20) nga Reçica e Madhe, N.M. (66) nga Reçica e Vogël, I.I. (51) nga Tetova, A.R. (58) nga Tetova, I.R. (38) nga Gradeci i Gostivarit dhe N.M. (23) nga Koçani. Ndërsa ndaj A.B. (47) nga Tetova është ngritur kallëzim penal për “Ndihmë” në kryerjen e mashtrimit.
Sipas hetimeve, më 03.06.2025, pas një aksidenti të vërtetë trafiku mes dy automjeteve, dy të dyshuarit kryesorë kanë deklaruar në mënyrë të rreme se në aksident ishin përfshirë edhe katër persona të tjerë, ndonëse ata nuk kishin qenë pjesë e ngjarjes. Qëllimi ishte përfitimi i dëmshpërblimeve financiare.
Personi i shtatë, 47-vjeçari nga Tetova, dyshohet se ka luajtur rolin e “këshilltarit”, duke i udhëzuar të përfshirët se si të vepronin dhe duke i orientuar që të paraqiteshin në Spitalin Klinik të Tetovës si persona të lënduar nga aksidenti, me synimin për të kërkuar më pas kompensim monetar.
Lajme nga vendi
Drejtori i Burgut të Shutkës përgënjeshtron Prokurorinë: Grubi ishte i sigurt në “Shutkë”
Drejtori i Burgut të Shutkës Boban Utkovski thekson për Alsat se nuk është e vërtetë që siguria e Artan Grubit do të ishte rrezikuar nëse do të qëndronte në paraburgim. Siç thotë Utkovski, ata ruajnë mbi 300 persona të kategorive të ndryshme të krimit dhe asnjëri nuk është i rrezikuar, pasi siguria është në nivelin më të lartë të mundshëm.
“Çdo të burgosuri i është e garantuar siguria brenda. Prapa nesh qëndron shteti, në pajtim me ligjet dhe dispozitat që janë të shkruara dhe ne i zbatojmë”. 02:55 “Ne punojmë në pajtim me ligjet dhe dispozitat për sigurinë e çdo personi të paraburgosur, mund të them se këtu nuk është kartel meksikan”, deklaroi Boban Utkovski, Drejtor i Burgut të Shutkës.
Drejtori Utkovski thotë se ekziston protokoll i saktë që garanton sigurinë e çdo të paraburgosuri, ndërsa për sigurinë fizike kujdesen edhe njësitet speciale.
“Këtu kemi sigurim dinamik dhe fizik, kemi kamera, kemi qen, kemi sistem të veçantë të mbajtjes së masës së paraburgimit ku është sistemi i qelisë. Kemi mënyrë të veçantë të zhvendosjes nga qelia, bartja te korridori ku parashikohet një orë për shëtitje, pastaj kur dërgohen tek avokati. E gjithë kjo është sipas protokollit dhe ligjit”, tha Boban Utkovski, Drejtor i Burgut të Shutkës.
Lidhur me rastin e Grubit, drejtori Utkovski thotë që askush nuk e ka kontaktuar as nga Prokuroria, Ministria e Brendshme apo Agjencia për Siguri Nacionale lidhur me gjendjen e sigurisë. Ndërkohë Utkovski thekson faktin që edhe nëse nuk do t’i kishin përmbushur kushtet e sigurisë, në shtet ekzistojnë dhe katër burgje të tjera hetuese ku do të mund të ishte dërguar për mbajtje. Nëse plani do të ishte për ta lëshuar në shtëpi, Utkovski thotë se do të duhej që të mendonin ndonjë mënyrë më të logjikshme se kjo. /Alsat.mk
Gjashtë kompanive u janë marrë licencat për kultivimin e kanabisit për qëllime mjekësore. Tek to u konstatuan mospërputhje, kumtoi sot ministri i Shëndetësisë Azir Aliu në konferecën për shtyp në Qeveri.
Janë marrë licencat, siç tha, e Alfafamit, e cila ishte e përfshirë në kontrabandën e marihuanës në Serbi, pastaj të Grin llajf, CBD medplant, Llajf plant, Atafarm dhe Kanabidois.
“Vendimet e Qeverisë bazohen në gjetjet e kontrolleve të kryera – magazinim jo i duhur i lules së tharë, njoftime jo konsistente ndaj Komisionit, mosparaqitje e dokumentacionit të plotë për shitje dhe transferim”, potencoi Aliu.
Përveç kontrolleve të kryera deri më tani në 13 subjekte juridike, Aliu paralajmëroi kontrolle në të gjitha 43 subjektet juridike të cilat kultivojnë kanabis për qëllime mjekësore.
Për shkak të lëshimeve dhe kepërdorimeve të mundshme të identifikuara në rregulloret ekzistuese ligjore, Aliu njoftoi një zgjidhje të re ligjore që do të miratohet kur të përfundojnë kontrollet në të 43 subjektet ligjore.
“Kemi detektuar lëshime në ligj dhe do të kemi një zgjidhje të re ligjore që nuk do të mund të keqpëroren. Këtë do t’ua lëmë ekspertëve, por do të kemi një zgjidhje ligjore e cila do të jetë në përputhje me direktivat e BE-së dhe atë që mungon në terren”, tha Aliu.
Denoncime penale per 7 veta, skemë për kurdisjen e aksidenteve në Tetovë
Drejtori i Burgut të Shutkës përgënjeshtron Prokurorinë: Grubi ishte i sigurt në “Shutkë”
Qeveria u merr licencat 6 kompanive të kanabisit
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
Aksident tragjik në autostradën Tetovë – Gostivar, humb jetën një grua 33 vjeçare | VIDEO
