Katër ekipet evropiane Turqia, Bosnja e Hercegovina, Çekia, Suedia si dhe Iraku  dhe Republika Demokratike e Kongos pas ndeshjeve finale  të play off-it që u zhvilluan mbrëmë janë gjashtë vendet e fundit që siguruan  kualifikim në Botërorin2026

 Kupa e Botës 2026 ka mësuar 48 skuadrat të cilat do të përfaqësohen në  Kupën e Botës 2026 që mbahet në SHBA, Kanada  dhe Meksikë  që fillon  më 11 qershor dhe do të zgjas derri më 19 korrik 2026 .

 Çekia, Bosnje Hercegovina, Turqia, Suedia, Iraku dhe Republika Demokratike e Kongos janë gjashtë skuadrat e fundit që siguruan një biletë nga faza play-off, teksa bie në sy eliminimi i Italisë, të cilët  mbeten  për të tretën herë radhazi jashtë botërorit.

 Në Grupin A të Botërorit, Çekia i bashkohet Meksikës, Afrikës së Jugut dhe Koresë së Jugut.

Bosnja luan në Grupin B së bashku me Kanadanë, Katarin dhe Zvicrën.

Advertisement

 Në Grupin D Turqia bashkohet me SHBA-në, Paraguain dhe Australinë, ndërsa Suedia do garojë kundër Holandës, Japonisë dhe Tunizisë në Grupin F.

 Iraku rikthehet në Kupën e Botës pas 40 vitesh, duke u bashkuar në Grupin I me Francën, Senegalin dhe Norvegjinë.

 Ndërkohë pjesë e Grupit K do jetë edhe Republika Demokratike e Kongos, ku do rivalizojë me emra si Portugalia, Uzbekistani dhe Kolumbia.

 Ky do jetë Botërori i parë ku do marrin pjesë plot 48 skuadra të ndara në 12 grupe.

Advertisement

 Grupet e Kupës së Botës 2026:

Grupi A: Meksikë, Afrika e Jugut, Korea e Jugut, Çekia

Grupi B: Kanada, Bosnje Hercegovina, Katar, Zvicër

Grupi C: Brazil, Marok, Haiti, Skoci

Grupi D: SHBA, Paraguai, Australi, Turqi

Advertisement

Grupi E: Gjermani, Curaçao, Bregu i Fildishtë, Ekuador

Grupi F: Holandë, Japoni, Suedi, Tunizi

Grupi G: Belgjikë, Egjipt, Iran, Zelanda e Re

Grupi H: Spanjë, Kepi i Gjelbër, Arabia Saudite, Uruguai

Grupi I: Francë, Senegal, Irak, Norvegji

Advertisement

Grupi J: Argjentinë, Algjeri, Austri, Jordani

Grupi K: Portugali, RD Kongo, Uzbekistan, Kolumbi

Grupi L: Angli, Kroaci, Gana, Panama

Advertisement

4 kombëtare siguruan Botërorin nga play-offi i UEFA-së, duke e kompletuar pothuajse grupet e Botërorit 2026.

Bosnja dhe Hercegovina, i vazhdoi makthin Italisë duke i bërë të mungojnë Botërorin e tretë radhazi pasi i mposhtën nga penalltia sikurse Çekia ndaj Danimarkës.

Më e dhimbshja për ne ishte humbja e “Dardanëve” në “Fadil Vokrri”, që u mposhtën nga Turqia me rezultat 0-1 si dhe Suedia që arriti të eliminonte Poloninë me rezultat 3-2.

Bosnja, gjendet në grupin B me Kanadanë, Katarin dhe Zvicrën, ndërsa Çekia në grupin A me Meksikën, Korenë e Jugut, Afrikën e Jugut.

Turqia, do të jetë në grupin D krah Australisë, Paraguajit dhe SHBA-së, ndërsa Suedia në grupin F me Holandën, Japoninë dhe Tunizinë.

Advertisement

Presidenti i FIFA, Gianni Infantino, deklaroi se organizata nuk ka plane alternative për pjesëmarrjen e përfaqësueses së Iranit në Kupën e Botës që do të mbahet në SHBA, Kanada dhe Meksikë.

Sipas Presidentit të FIFA-s, nuk ka një plan B, C apo D – por vetëm plan A dhe po punohet që të sigurohet që Irani t’i zhvillojë ndeshjet e tyre në Kupën e Botës në kushtet më të mira të mundshme.

“Jetojmë në një kontekst kompleks gjeopolitik dhe nuk mund t’i zgjidhim këto probleme, por kemi aftësinë të bashkohemi dhe të krijojmë kushte që bota të mblidhet në një atmosferë paqeje dhe feste” – u shpreh Infantino.

Më herët, kreu i Federatës së Futbollit të Iranit, Mehdi Taxh, njoftoi se është në bisedime me FIFA-n për zhvendosjen e ndeshjeve të Iranit nga SHBA në Meksikë.

Federata i është drejtuar FIFA-s pas deklaratës së presidentit amerikan Donald Trump, i cili e konsideroi praninë e iranianëve në turne si të papërshtatshme për shkak të sigurisë së tyre.

Advertisement

Sipas kalendarit të turneut, Irani pritet të përballet me Zelandën e Re më 16 qershor dhe Belgjikën më 21 qershor në Ingëllvud, ndërsa më pas do të luajë në Sietël kundër Egjiptit më 27 qershor.

Më 28 shkurt, SHBA dhe Izraeli filluan sulme ndaj objektivave në Iran, përfshirë edhe kryeqytetin Teheran.