Lajme nga vendi
SPB ; Kronika e zezë për ditën e djeshme 01 Prill Tetovë dhe Gostivar
Dje, në orën 11:50, në rrugën Tetovë-Gostivar, tek pika e pagesës rrugore në Gostivar, zyrtarë policorë nga Stacioni Policor për Siguri në Trafikun Rrugor Gostivar kanë privuar nga liria një 18-vjeçar nga fshati Vrapçisht i Gostivarit. Gjatë kontrollit në trafik, zyrtarët policorë kanë ndaluar automjetin e udhëtarëve “Rover” me targa të Gostivarit, të cilin ai e drejtonte, dhe pas kontrolleve të kryera është konstatuar se e ka drejtuar automjetin pa pasur leje drejtimi. Automjeti është konfiskuar, ndërsa ai është ndaluar në stacionin policor dhe pas dokumentimit të plotë të rastit do të vijojë kallëzimi sipas nenit 297-a të Kodit Penal.
……Dje, në orën 13:30, në rrugën rajonale Mavrovë-Rostushë, tek vendi i quajtur “Hani i Prisojnicës”, zyrtarë policorë nga Stacioni Policor Rostushë, kanë privuar nga liria një 43-vjeçar nga Shkupi, sepse gjatë kontrollit në automjetin e udhëtarëve “Audi” me targa të Shkupit, është gjetur dhe konfiskuar lëndë e bardhë pluhur. Ai është ndaluar në stacionin policor dhe pas dokumentimit të rastit do të vijojë parashtresa përkatëse.
……Dje, në orën 14:00, në rr. “Cvetan Dimov” në Tetovë, zyrtarë policorë nga SPB Tetovë, në bazë të urdhëresës gjyqësore për vuajtje të dënimit me burg për vepër penale të kryer sipas nenit 284-a të Kodit Penal, kanë arrestuar një 51-vjeçar nga Tetova. Ai është dërguar në Institucionin Ndëshkues- Përmirësues Burgu i Tetovës për vuajtjen e dënimit.
……Dje, në orën 15:00, zyrtarë policorë nga DPB Gostivar kanë privuar nga liria një person nga Gostivari, duke vepruar sipas denoncimit paraprak nga bashkëshortja e tij 48- vjeçare se e ka sulmuar fizikisht në shtëpinë familjare. Ai është ndaluar në stacionin policor dhe pas dokumentimit të rastit ndaj tij do të vijojë kallëzimi përkatës.
……Dje, në orën 15:35, në fshatin Bogovinë të Tetovës, zyrtarë policorë nga Stacioni Policor Kamjan kanë privuar nga liria personin një 66-vjeçar nga fshati Bogovinë. Ai dyshohet se ka kryer veprën penale “vjedhje e rëndë” sipas nenit 236 të Kodit Penal, ndërsa kërkohej me telegram nga DPB Kërçovë. Pas dokumentimit të plotë të rastit, ndaj tij do të vijojë kallëzimi përkatës.
……Dje, në orën 19:10, në Tetovë, zyrtarë policorë nga SPB Tetovë kanë privuar nga liria një 31-vjeçar nga rrethina e Tetovës, duke vepruar sipas denoncimit paraprak nga bashkëshortja e tij jashtëmartesore 36-vjeçare nga Tetova, se e ka kërcënuar dhe i ka kërkuar t`i blinte banesë dhe makinë, në të kundërt do ta vriste. Ai është ndaluar në stacionin policor dhe pas dokumentimit të rastit ndaj tij do të vijojë kallëzimi përkatës.
……Dje, në orën 18:40, në SPB Tetovë, një burrë 56-vjeçar nga Tetova ka denoncuar se para shtëpisë së tij është sulmuar fizikisht nga dhëndri i tij nga një fshat i Tetovës. Po ndërmerren masa për zbardhjen dhe dokumentimin e rastit.
……Më 01.04.2026, rreth orës 20:35, në SPB Tetovë është denoncuar se në bul. “Ilinden” në Tetovë, automjeti i udhëtarëve “Volksvagen Golf” me targa të Tetovës, i drejtuar nga një 65-vjeçar nga Tetova, ka goditur një këmbësore 52-vjeçare nga Tetova. Në aksident, lëndime të rënda trupore ka pësuar 52-vjeçarja, të konstatuara në Spitalin Klinik të Tetovës. Inspektimi në vendin e ngjarjes është kryer nga ekipi i SPB Tetovë.
……Dje, në orën 15:30, në SPB Tetovë është denoncuar se në rr. “Jasht Vardarit” në Tetovë, automjeti I udhëtarëve “Volksvagen Golf” me targa të Tetovës, i drejtuar nga një 70-vjeçar nga Tetova, ka goditur këmbësorin 46-vjeçar nga Tetova. Në aksident, këmbësori ka pësuar lëndime të rënda trupore, të konstatuara në Spitalin Klinik të Tetovës. Inspektimi është kryer nga ekipi i SPB Tetovë.
- Pas një periudhe ngecjeje, sot filluan punimet ndërtimore të njërit prej projekteve më të mëdha elektroenergjetike në dhjetë vitet e fundit. Vendosja e gurthemelit për linjën interkonektive 400 kV ndërmjet Maqedonisë së Veriut dhe Shqipërisë shënon rifillimin e projektit, i cili ka rëndësi strategjike për stabilitetin energjetik dhe integrimin rajonal. Projekti është pjesë e Korridorit 8 Pan-evropian, i cili do të mundësojë lidhjen direkte të sistemeve elektroenergjetike të dy vendeve, rritjen e sigurisë në furnizim dhe avancimin e shkëmbimit ndërkufitar të energjisë elektrike.
Lajme nga vendi
Bastisje në disa lokacione në RMV për shkak të dyshimeve për prodhim dhe shpërndarje të pornografisë me fëmijë
Bastisje po kryhen në disa lokacione për shkak të dyshimeve për prodhim dhe shpërndarje të pornografisë së fëmijëve, raportuan sot disa media. Siç raporton MIA, ky është një veprim që po kryhet në koordinim midis Ministrisë së Brendshme (MPB) dhe Prokurorisë Themelore Publike (PTHP) Shkup, në të cilin po ndërmerren veprime për të siguruar prova për këtë rast.
MPB informon se pas marrjes së urdhrave të bastisjes dhe në koordinim me PTHP-në e Shkupit, po ndërmerren veprime për të siguruar prova.
Prokuroria gjithashtu konfirmoi se bastisjet po kryhen në koordinim me MPB-në.
“Prokuroria Themelore Publike (PTHP) Shkup siguroi urdhra bastisjeje dhe në koordinim me MPB-në, po ndërmerren veprime për të siguruar prova”, tha Prokuroria në një deklaratë.
Më shumë detaje ndërsa bastisjet janë duke vazhduar, siç shtojnë ata, nuk mund të ndahen.
Sipas informacioneve nga disa media, bastisjet po kryhen në shtatë lokacione në të gjithë vendin, me qëllim sigurimin e provave për veprën penale të prodhimit dhe shpërndarjes së pornografisë së fëmijëve.
Komuna e Tetovës ka nisur realizimin e një projekti të shumëpritur infrastrukturor. Me iniciativë të kryetarit Bilall Kasami, kanë filluar punimet për ndërtimin e qarkores mbi fshatin Shipkovicë, që është hapi i parë drejt rrugës Tetovë–Prizren. Projekti synon përmirësimin e lidhjes ndërmjet Tetovë dhe Prizren dhe konsiderohet me rëndësi të veçantë për zhvillimin rajonal.
Atë që nuk e realizuan me vite as qeveritë e mëparshme dhe as ajo aktuale, po e nis Komuna e Tetovës. Me iniciativë të komunës dhe në krye me kryetarin Bilall Kasami, janë ndarë mjete për ndërtimin e qarkores mbi fshatin Shipkovicë, që konsiderohet hapi i parë drejt realizimit të rrugës Tetovë–Prizren. Kasami njoftoi se tashmë është përzgjedhur operatori dhe kanë nisur punimet në terren.
“Bëhet fjalë për një projekt që është pjesë e segmentit të rrugës Tetovë–Prizren, konkretisht qarkorja mbi fshatin Shipkovicë, për të cilën Komuna e Tetovës ka ndarë mjete. Në bazë të procedurave të tenderimit është përzgjedhur operatori që do të bëjë depërtimin, punët përgatitore dhe projektimin e rrugës. Kjo është pjesë e segmentit Tetovë–Prizren.”
Sipas Kasamit, segmenti i parë i rrugës Tetovë–Prizren do të lidhet me rrugën rajonale Tetovë–Kodra e Diellit. Do të ndërtohet qarkorja mbi Shipkovicë deri në dalje të fshatit, ndërsa pjesa tjetër do të shfrytëzojë trasenë ekzistuese, me ndërhyrje për zgjerim.
“Segmenti do të fillojë nga rruga Tetovë–Kodra e Diellit, në kthesën mbi Shipkovicë dhe do të vazhdojë deri në dalje të fshatit, tek ura mbi lumë. Pjesa tjetër e rrugës Tetovë–Prizren do të jetë në trasenë ekzistuese, por do të nevojitet zgjerim. Sipas informatave nga terreni, tashmë është bërë identifikimi i trasesë dhe do të vazhdojnë punimet për depërtimin e rrugës.”
Ndërkohë, në pjesën e Kosovës punimet për rrugën Tetovë–Prizren tashmë kanë nisur. Qeveria e Kosovës deri më tani ka ndarë rreth 2 milionë euro për projektin. Projekti parasheh edhe ndërtimin e një tuneli rreth 6.4 kilometra, i cili pritet të realizohet me bashkëfinancim nga Qeveria e Maqedonisë së Veriut dhe ajo e Kosovës. Kostoja totale e projektit vlerësohet rreth 200 milionë euro
Filloi ndërtimi i linjës interkonektive 400 kV Maqedonia e Veriut – Shqipëria
Bastisje në disa lokacione në RMV për shkak të dyshimeve për prodhim dhe shpërndarje të pornografisë me fëmijë
KASAMI NIS RRUGËN TETOVË-PRIZREN, QEVERIA ENDE PASIVE!
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
Aksident tragjik në autostradën Tetovë – Gostivar, humb jetën një grua 33 vjeçare | VIDEO
Shkup, panairi i patundshmërive të Dubait! Citi Casa rikthehet në hapësirat e COWORK21 më 31 maj dhe 1 qershor
-
Lajme nga vendi2 months agoRrjeti i madh i dyqaneve për produkte të shtëpisë Comodita Home po rritet akoma më tepër, tash me dyqanin më të madh në Re Mall, Tetovë
-
Lajme nga bota7 days ago“Do jem makthi i Iranit”, Trump ‘kërcënon’ sërish: Nëse nuk ulen në negociata, bombardimet do të shtohen
-
Lajme nga rajoni7 days agoZbardhet dëshmia e autorit të vrasjes së Liridonës, Plava: Kisha marrëveshje me Murselin, më tha se Behgjet Pacolli ka qenë në dijeni