Lajme nga vendi
RASTI “GRUEVSKI”: VMRO DHE LSDM ASHPËRSOJNË RETORIKËN!
Kryeministri Mickoski deklaroi sot se ka një parandjenjë, por mohoi se ka informacione, se ish-funksionarë të lartë që kanë qenë pjesë e qeverive të LSDM-së do të përballen me ndjekje.
I pyetur rreth çështjes së Nikola Gruevskit, ai u shpreh për parandjenjën e tij se do të ndiqen anëtarë të opozitës.
Sipas tij, shqetësues është fakti se opozita nuk i bën thirrje Vasko Kovaçevskit që të kthehet në vend për t`u përballur me drejtësinë.
Kovaçevski si ish-Drejtor i EMV-së është në mesin e 13 të dyshuarve për keqpërdorime me furnizime të mazutit dhe larje parash dhe për momentin është në arrati.
HRISTIJAN MICKOSKI – Kryeministër
“Pres që opozita të sillet me kritika edhe kur ish-funksionarë të qeverive të LSDM-së, ish-Kryeministra dhe të afërm të tyre, do të përfshihen me përndjekje të caktuara. Nuk them se kam informata, kam një parandjenjë. Pres që atëherë do të kenë press-konferenca të këtilla dhe nuk do të thonë se bëhet fjalë për ndjekje politike por do t`u bëjnë thirrje të përgjigjen para organeve për të dëshmuar pafajësinë e tyre”
LSDM-ja sot përmes një komunikate duke u thirrur në shkrimet e mediave gjermane pohojnë se rënia e Orbanit paraqet lajm të keq për Mickoskin.
Socialdemokratët vazhdojnë të insistojnë se po bien regjimet autokratike duke pretenduar se radhën e ka regjimi i Vuçiqit në Serbi, kurse më pas edhe i Mickoskit në Maqedoni.
LSDM-ja, duke u thirrur në paralajmërimet e pushtetit të ri në Hungari, i bëri thirrje direkte Ministrisë së Drejtësisë për procedurë urgjentë për ekstradimin e Gruevskit.
ANDREJ ZHERNOVSKI – LSDM
“Pas deklaratës së fundit të Kryeministrit të ri të Hungarisë, Peter Magjar, se Hungaria nuk do të jetë oazë strehe për kriminelë të arratisur, dërgojmë mesazh të drejtpërdrejtë në Ministrinë e Drejtësisë, pas zvarritje dhe menjëherë të qaset drejt kërkesës që Gruevski të kthehet aty ku bëri krimin – në Maqedoni”
Nga ana tjetër, Ministria e Drejtësisë, dje përmes një komunikate njoftoi se për ish-Kryeministrin në arrati, Nikola Gruevskin, deri tani është dorëzuar vetëm një kërkesë për ekstradim që mban datën 20 Nëntor 2018, kurse kërkesa është plotësuar edhe në Qershor të vitit 2019.
Sipas Ministrisë së Drejtësisë, Hungaria kishte refuzuar kërkesën e ekstradimit më 05 gusht 2019, me arsyetimin se Nikola Gruevskit i është miratuar azili, konform ligjeve hungareze, që nuk lejon dorëzimin e personit që gëzon statusin e këtillë në vendin nga ku është arratisur.
Ministria e Drejtësisë, siguron se në vazhdimësi ndjek rastin dhe ndërmerr të gjitha masat konform ligjit që t`i sigurojë dokumentet e nevojshme.
Kampionati në Ligën e dytë të futbollit vendor vazhdon nesër me ndeshjet e xhiros së 25-të. Shkëndija e Haraçinës është nikoqire e Pobedës.
Nesër me fillim në ora 15:30 në të gjitha terrenet e Ligës së dytë të futbollit vendor zhvillohen ndeshjet xhiros së 25-të.
Katër skuadrat pretendente për tre vendet e para Bregallnica, Ohri, Skopje dhe Shkëndija e Haraçinës, duhet të shënojnë fitore nëse duan që sezonin e ardhshëm të garojnë në elitën e futbollit.
Aktualisht lideri në renditjen e tabelës Bregallnica është mysafire e Detonit Plaçkovica, një sfidë e vështirë për ekipin nga Shtipi.
Ohri është nikoqire e Prespës, Skopje nikoqire e Kamenica Sasa, ndërsa Shkëndija e Haraçinës është nikoqire e Pobedës.
Tre skuadrat janë favorit absolut dhe çdo rezultat tjetër pos fitores do të ishte befasi.
Situata në pjesën e fundit të tabelës është më e qartë pasi ekipet si Prespa, Slloga e Vinicës, Pobeda dhe Golemo Konjare, nuk kanë gjasa për mbijetesë
Në javën e 25-të takohen: Osogova – Teteksi, Shkëndija – Pobeda, Bellasica – Kozhufi, Slloga – Vardari, Detonit Plaçkovica – Bregallnica , Golemo Konjare – Novaci, Skopje – Kamenica Sasa, Ohri – Prespa.
Në Kuvend, deputetët i dhanë “dritë jeshile” vazhdimit të situatës së krizës në vend lidhur me furnizimin me derivate të naftës. Me këtë vendim, situata e krizës do të jetë në fuqi deri më 20 Korrik 2026.
Për shkak se rreziqet për ndërprerje në furnizimin me naftë dhe derivate të saj vazhdojnë të jenë të pranishme, Kuvendi në seancën e sotme plenare miratoi vendim për vazhdimin e gjendjes së krizës në territorin e Republikës së Maqedonisë së Veriut.
Ky vendim, i cili më parë u mbështet edhe nga Komisioni për Mbrojtje dhe Siguri, parashikon vazhdimin e gjendjes së krizës deri më 20 korrik 2026.
Zbatimi i tij do të fillojë më 21 prill 2026, menjëherë pas publikimit në “Gazetën Zyrtare”.
Në arsyetim thuhet se kjo masë vjen si pasojë e përkeqësimit të situatës ndërkombëtare të sigurisë dhe energjisë pas përshkallëzimit të konfliktit në Lindjen e Mesme, si dhe nga çrregullimet serioze në transportin e naftës së papërpunuar – veçanërisht përmes Ngushticës së Hormuzit.
Me qëllim zbutjen e efekteve të krizës, Qeveria ka ndërmarrë disa masa, përfshirë uljen e TVSH-së për energjentët, si dhe uljen e akcizave për naftën dhe benzinat pa plumb.
Këto hapa synojnë ruajtjen e standardit jetësor të qytetarëve dhe sigurimin e furnizimit të pandërprerë.
Pas ndryshimeve politike në Hungari dhe formimit të një qeverie të re, si dhe paralajmërimeve se tre politikanë – mes tyre edhe ish-kryeministri maqedonas Nikola Gruevski – do të duhet të largohen nga vendi, LSDM-ja paralajmëron për rrezikun e një arratisjeje të re të tij, këtë herë drejt Rusisë ose Belorusisë.
Kryeministri i ardhshëm hungarez, Peter Maxhar, ka deklaruar se Hungaria nuk do të jetë më strehë për politikanë në arrati.
Ai theksoi se bëhet fjalë për Nikola Gruevskin, por edhe për politikanët polakë Zbignjev Ziobro dhe Marcin Romanovski.
Nga LSDM-ja thonë se Polonia tashmë ka reaguar duke dërguar kërkesë zyrtare për ekstradim, ndërsa Qeveria e udhëhequr nga Hristijan Mickoski, sipas tyre, ende nuk ka paraqitur një kërkesë të tillë për Nikola Gruevskin.
LSDM
“Sipas informacioneve tona, Gruevski nuk do të fitojë azil në Turqi, por po negocion për t’u zhvendosur në Rusi ose Bjellorusi. Pyetja është çfarë çmimi do të paguajë Maqedonia për këtë arratisje. Vlerësojmë s ekziston një rrezik real që Gruevski t’i shpëtojë sërish drejtësisë, për shkak të zvarritjeve institucionale dhe kalkulimeve politike”
Kryeministri Hristijan Mickoski deklaroi se, nëse Nikola Gruevski paraqitet në Maqedoni, organet e drejtësisë do të veprojnë në përputhje me vendimin e formës së prerë.
Kërkesa e fundit zyrtare për ekstradimin e Nikola Gruevskit është paraqitur në vitin 2019 për të gjitha rastet për të cilat është shpallur fletarrest ndërkombëtar.
Kërkesa është refuzuar nga autoritetet hungareze me arsyetimin se Gruevskit i është dhënë azil dhe, sipas legjislacionit hungarez, ai nuk mund të ekstradohet në shtetin nga i cili është arratisur.
Ish-ministrat e drejtësisë në vitet e kaluara kishin paralajmëruar disa herë se, kur të krijohen kushtet, do të kërkohet sërish ekstradimi i tij.
MËSOHEN GJYSMËFINALISTËT NË LIGËN EUROPA DHE TË KONFERENCËS!
LIGA E DYTË: NESËR ZHVILLOHET JAVA E 25-të E KAMPIONATIT
FURNIZIMI ME NAFTË: SITUATË KRIZE DERI MË 20 KORRIK 2026!
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
Aksident tragjik në autostradën Tetovë – Gostivar, humb jetën një grua 33 vjeçare | VIDEO
Shkup, panairi i patundshmërive të Dubait! Citi Casa rikthehet në hapësirat e COWORK21 më 31 maj dhe 1 qershor
-
Lajme nga bota3 weeks ago“Do jem makthi i Iranit”, Trump ‘kërcënon’ sërish: Nëse nuk ulen në negociata, bombardimet do të shtohen
-
Lajme nga rajoni3 weeks agoZbardhet dëshmia e autorit të vrasjes së Liridonës, Plava: Kisha marrëveshje me Murselin, më tha se Behgjet Pacolli ka qenë në dijeni
-
Sport3 weeks agoBARDHI: NËNVLERËSIMI VETËM SE NA MOTIVON KUNDËR DANIMARKËS!