Lajme nga vendi
27 PRILLI “PLAGË E GJALLË” NË MEMORJEN POLITIKE TË MAQEDONISË!
“27 Prilli një ditë që tronditi shtetin, por nuk mundi idealin”, “Nga prova në Ringritje”. Në këtë mënyrë, përmes një grafike të ilustruar me foton e Ziadin Selës, Aleanca për Shqiptarët, ka rikujtuar 9-vjetorin e ngjarjeve të përgjakshme të 27 Prillit, ku në dhunën në Kuvend, më së shumti e pësoi, pikërisht Ziadin Sela.
“27 Prilli është dëshmia e gjallë se sa egër luftohesh kur refuzon kompromisin për kombin dhe sot, pas 9 vitesh, secili prej nesh duhet të shohë se në cilën anë të historisë është rreshtuar: jo veç për të parë veten, por më shumë për ta ditur si dhe ku do të jemi në të ardhmen.
Në anën e historisë nuk të rreshton rastësia, por guximi” – thuhet në postimin në Facebook, të ASH-së së Ziadin Selës.
Nuk ka munguar as edhe reagimi i LSDM-së. Sipas socialdemokratëve, sot më 27 Prill, shohim tendencat dhe ekipin e njëjtë duke adresuar kritika në adresë të partisë në pushtet, sic thonë, për robërim të shtetit.
Në një postim në Facebook, me rastin e përvjetorit të ngjarjeve në Kuvend, Oliver Spasovski, 27 Prillin e vitit 2017 e vlerësoi si ditën më të errët në historinë më të re të vendit”.
Sipas Spasovskit, në atë ditë njerëz të armatosur me dhunë u futën në parlament, ku u sulmuan deputetët dhe institucionet, me qëllim, sic thotë, të cënohet rendi demokratik dhe të bëhen përpjekje për të uzurpuar pushtetin.
Njerëz të pafajshëm janë dënuar për terrorizëm, ishte ky një process I montuar politik – deklaroi Kryeministri Mickoski.
HRISTIJAN MICKOSKI – Kryeministër
“Bëhet fjalë për proces të montuar politik nga ana e qeverisë së mëparshme. Sipas meje, njerëz të pafajshëm ishin shpallur terroristë. Ata bënë shkelje të caktuara dhe duhej që për ato shkelje të përgjigjen, e jo si terroristë”
Nëntë vite pas dhunës së përgjakshme në Kuvend dhe shtatë vite pas aktvendimit në procesin më voluminoz, në të cilin me dënime me burg për cënimin terrorist të rendit kushtetues u dënuan 16 persona, të dënuarit pretendojnë se e vërteta duhet të del në shesh.
Me dëshminë e një dëshmitari se ka dëshmuar rrejshëm, gjatë një prononcimi për mediat, Jane Çento, pretendon se do të dëshmojë se rasti i “27 Prillit” ka qenë i montuar./Tv Koha/
Anëtari i Komisionit Shtetëror për Parandalimin e Korrupsionit (KSHPK), Besnik Xhemaili, është zgjedhur zëvendëskryetar i KSHPK-së, funksion që do ta kryejë gjashtë muaj.
Zgjedhja e zëvendëskryetarit të KSHPK-së është kryer sipas parimit të rotacionit, dhe renditja u përcaktua sipas rendit alfabetik të mbiemrave të anëtarëve të KSHPK-së, shpjegoi kryetari Adem Çuçuli.
“Mandati i zëvendëskryetares aktuale të KSHPK-së, Sofija Spasova Medarska, përfundon më 18 gusht, ndërsa mandati i zëvendëskryetarit të ri, Besnik Xhemaili, do të fillojë më 19 gusht të këtij viti”, theksoi Çuçul, propozimi i të cilit u pranua unanimisht.
Në seancën e sotme të KSHPK-së, kryetari Çuçul informoi se Komisioni ka evidentuar 30 persona të zgjedhur, të emëruar ose mandati i të cilëve ka përfunduar në prill, të cilët nuk e kanë përmbushur detyrimin ligjor për të paraqitur deklaratën e gjendjes pronësore dhe konfliktit të interesit brenda afatit ligjor. Për të gjithë personat, theksoi Çuçul, do të iniciohen procedura kundërvajtëse dhe shqiptohen gjoba.
Anëtarët e Komisionit Shtetëror për Parandalimin e Korrupsionit sot morën 51 vendime për të njëjtin numër rastesh nga ankues të njohur ose të panjohur në KSHPK.
Uji nga ujësjellësi në Gostivar mbetet vetëm për përdorim teknik dhe ende nuk ka rekomandim që të përdoret për pirje ose gatim, deklaroi kryeministri Hristijan Mickoski.
Sipas tij, arsyeja është paraqitja e një bakteri rezidual në instalimet e ujësjellësit, për shkak të të cilit uji vazhdon të jetë i ndaluar për konsum.
Duke komentuar akuzat ndaj Qeverisë se nuk ka ndërmarrë masa për të parandaluar ndotjen e ujit në Gostivar, Mickoski tha se në vitin 2021, kur lideri i SDSM-së, Venko Filipçe, ishte ministër i Shëndetësisë, ishin regjistruar mbi 400 ankesa për cilësinë e ujit në Gostivar.
Kryeministri i bëri thirrje Prokurorisë që t’i verifikojë këto pretendime, të hapë procedurë dhe të kryejë kontrolle në Institutin e Shëndetit Publik dhe Agjencinë e Ushqimit dhe Veterinarisë.
Sipas Mickoskit, institucionet kompetente duhet të sqarojnë pse, edhe pse kanë pasur mundësi të reagojnë, nuk kanë ndërmarrë masa për mbrojtjen e shëndetit të qytetarëve të Gostivarit.
Lajme nga vendi
Skandal me provimin e Stomatologjisë: Studentja i pagoi ryshfet profesorëve, policia kapi mijëra euro
Njësia për Krim Financiar pranë Ministrisë së Punëve të Brendshme ka ngritur kallëzim penal ndaj tre personave të dyshuar për përfshirje në një skemë korruptive lidhur me përfitimin e paligjshëm të certifikatës për provimin profesional në stomatologji.
Gjatë kontrolleve te dy prej të dyshuarve, policia ka sekuestruar shuma të konsiderueshme parash në valuta të ndryshme.
Sipas MPB-së, A.T. (27) nga Manastiri, studente e stomatologjisë, gjatë dhjetorit 2025 ka komunikuar disa herë përmes aplikacionit Viber me S.Ç. (56) nga Gostivari, profesor në Fakultetin e Stomatologjisë dhe ish-nënkryetar i Odës së Stomatologëve.
Siç njofton MPB-ja, pasi arritën marrëveshje, studentja i ka transferuar para në llogarinë bankare profesorit, me qëllim që ai të përdorte ndikimin e tij për t’i mundësuar marrjen e certifikatës si punëtore shëndetësore, edhe pse nuk i plotësonte kushtet e nevojshme.
Sipas kallëzimit penal, profesori më pas ka ndërhyrë te S.E. (63) nga Shkupi, i cili në atë periudhë ishte kryetar i Komisionit për Provimin Profesional pranë Ministrisë së Shëndetësisë.
Më 17 dhjetor 2025, studentja është paraqitur para komisionit, ka kaluar provimin dhe më pas ka marrë certifikatën shtetërore.
Gjatë aksionit, zyrtarët policorë nga Departamenti për Luftimin e Krimit të Organizuar dhe Krimit të Rëndë kanë kryer kontrolle në banesat e të dyshuarve të dytë dhe të tretë, ku janë sekuestruar 65.280 euro, 29.840 franga zvicerane dhe 161.500 denarë.
“Në bazë të provave të siguruara, A.T. dyshohet për veprën penale dhënie shpërblimi për ndikim të kundërligjshëm, S.Ç. për marrje shpërblimi për ndikim të kundërligjshëm, ndërsa S.E. për marrje ryshfeti”, njoftoi MPB.
Hetimet vazhdojnë për zbardhjen e plotë të rastit dhe përcaktimin e të gjitha rrethanave që lidhen me skemën e dyshuar korruptive.
Besnik Xhemaili zgjidhet zëvendëskryetar i Antikorrupsionit
Uji në Gostivar mbetet vetëm për përdorim teknik, nuk lejohet për pirje
Skandal me provimin e Stomatologjisë: Studentja i pagoi ryshfet profesorëve, policia kapi mijëra euro
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Azizi zbulon dyfytyrësinë e Ali Ahmetit: Ja vazali që e mbronte Gruevskin
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
