Lajme nga vendi
Letër e hapur e ish kryetarit të Shkëndijës Samet Rasimi
Kërkesë zyrtare për informacion mbi shpërndarjen e fondeve të UEFA Hat Trick dhe FIFA Forward, zhvillimin e talenteve, projektet sociale dhe investimet infrastrukturore (2024–2026)
Drejtuar: Presidentit të Federatës së Futbollit të Maqedonisë së Veriut, z. Masar Omeragiq
Bordit Drejtues të Federatës së Futbollit të Maqedonisë së Veriut (FFM)
I nderuar President,
Të nderuar anëtarë të Bordit Drejtues,
Po ju drejtohem si ish-kryetar i klubeve të futbollit KF Rrufeja dhe KF Shkëndija, si dhe si person i angazhuar prej shumë vitesh në zhvillimin e futbollit, me kërkesë për transparencë të plotë lidhur me fondet e marra dhe të shpërndara nga FFM gjatë periudhës nga viti 2024 deri më sot.
Kjo kërkesë nuk ka karakter politik dhe nuk drejtohet kundër kryesisë aktuale apo ndonjë kryesie të mëparshme të FFM-së. Qëllimi i saj është transparenca institucionale, llogaridhënia dhe sigurimi që fondet e dedikuara për zhvillimin e futbollit të përdoren në përputhje me qëllimet për të cilat janë ndarë.
Me këtë kërkoj që të më vihen në dispozicion ose të publikohen këto informacione:
Shuma totale e fondeve të marra nga UEFA HatTrick dhe FIFA Forward nga 1 janari 2024 deri më sot.
Ndarja e detajuar e fondeve sipas kategorive:
zhvillimi i talenteve të rinj;
grassroots dhe futbolli amator;
projektet sociale;
infrastruktura sportive;
edukimi i trajnerëve dhe arbitrave;
kategori të tjera.
Lista e plotë e përfituesve dhe shumat e ndara për secilin përfitues.
Lista e klubeve amatore, akademive të futbollit, shkollave sportive dhe organizatave të tjera që kanë përfituar mbështetje financiare.
Lista e klubeve profesionale që kanë përfituar fonde zhvillimore dhe baza mbi të cilën është marrë vendimi për këto ndarje.
Vendimet e Bordit Drejtues, Komisionit Financiar dhe organeve të tjera kompetente të FFM-së lidhur me shpërndarjen e këtyre fondeve.
Raportet e auditimit të brendshëm dhe të jashtëm për fondet e UEFA-s dhe FIFA-s.
Kriteret e përdorura për përzgjedhjen e përfituesve dhe shpërndarjen e mjeteve.
Gjithashtu kërkoj sqarim publik mbi investimet infrastrukturore të realizuara në komunat dhe rajonet më pak të zhvilluara të Republikës së Maqedonisë së Veriut, veçanërisht në lidhje me:
fushat sportive;
qendrat stërvitore;
programet për të rinjtë;
projektet sociale dhe komunitare;
investimet në zonat rurale dhe rajonet me mungesë infrastrukture sportive.
Duke pasur parasysh se fondet e UEFA-s dhe FIFA-s janë të dedikuara për zhvillimin afatgjatë të futbollit, konsideroj se ekziston interes i ligjshëm publik për të ditur se si janë shpërndarë këto mjete dhe cilat klube, akademi, komunitete dhe të rinj kanë përfituar prej tyre.
Ju lutem që përgjigjja të më dorëzohet brenda afatit të arsyeshëm sipas procedurave dhe parimeve të transparencës dhe llogaridhënies.
Me respekt,
Samet Rasimi
Ish-kryetar i KF Rrufeja (2009–2014)
Ish-kryetar i KF Shkëndija
Republika e Maqedonisë së Veriut
Lajme nga vendi
Tensione në kufi! Paralajmërohen bllokada në pikat kufitare mes Maqedonisë së Veriut dhe Bullgarisë
Të dielën pritet të ketë bllokime të përkohshme në disa pika kufitare ndërmjet Maqedonisë së Veriut dhe Bullgarisë, pasi organizata bullgare “Maqedonia” ka paralajmëruar një aksion protestues që do të zgjasë rreth dy orë, raportojnë mediat bullgare.
Sipas njoftimeve, protestat do të zhvillohen në pikat kufitare Deve Bair, Dellçevë dhe Novo Sellë. Organizatorët pretendojnë se për mbajtjen e tyre kanë siguruar lejen e nevojshme nga Ministria e Punëve të Brendshme e Bullgarisë.
Ky paralajmërim vjen vetëm një ditë pas incidentit të ndodhur pranë Ambasadës së Bullgarisë në Shkup, ku u dogjën dy automjete me targa diplomatike. I dyshuari për rastin u identifikua dhe u arrestua menjëherë, ndërsa ngjarja u dënua si nga autoritetet maqedonase ashtu edhe nga ato bullgare.
Kryeministri Hristijan Mickoski informoi se të premten dhe të shtunën pritet të mbahen takime me partnerët e koalicionit nga VLEN dhe ZNAM, ku do të diskutohet për rikonstruimin e paralajmëruar të Qeverisë.
Siç deklaroi sot Mickoski, duke iu përgjigjur pyetjeve të gazetarëve, pas vizitës në Spitalin e Përgjithshëm të rikonstruktuar në Komunën e Strumicës, bashkëpunimi mes VMRO-DPMNE-së dhe VLEN-it vazhdon si deri më tani.
HRISTIJAN MICKOSKI – Kryeministër
“Për të premten dhe të shtunën janë caktuar takimet me partnerët e koalicionit nga VLEN dhe ZNAM. Tani nuk jemi para zgjedhjeve, por në gjysmën e dytë të mandatit. Kemi një bashkëpunim jashtëzakonisht korrekt dhe miqësor me VLEN-in dhe pres që të vazhdojmë në të njëjtën frymë. Pas realizimit të bashkëpunimit tonë pas zgjedhjeve të vitit 2024, pasuan zgjedhjet lokale ku ata fituan bindshëm në 10 komuna, prandaj nuk shoh asnjë pengesë që ky bashkëpunim të mos vazhdojë”, theksoi Mickoski
Mickoski kishte deklaruar më herët se me rikonstruimin do të merret pas përvjetorit të partisë. Kjo nënkupton se takimet me partnerët qeveritarë VLEN dhe ZNAM mund të nisin që ditën e ardhshme, me qëllim rikonfigurimin e kabinetit qeveritar.
Kryeministri ka theksuar se fokusi gjatë rikonstruimit do të jetë më shumë te cilësia dhe përmbajtja sesa te numri i ndryshimeve.
Në këtë drejtim do të zhvillohen bisedime me bashkëkryetarët e VLEN-it, Izet Mexhiti dhe Bilall Kasami, si dhe me liderin e ZNAM-it, Maksim Dimitrievski.
Mickoski ka përsëritur disa herë se, përveç zëvendësimit të disa ministrave, janë të mundshme edhe rokada të resorëve ndërmjet partnerëve të koalicionit, nëse në tavolinë paraqiten propozime më cilësore kadrovike se ato aktuale.
Paralelisht me rikonstruimin e Qeverisë, në opinion po qarkullojnë edhe spekulime për zgjedhje të parakohshme parlamentare në pranverën e vitit 2027, megjithëse kryeministri ka theksuar vazhdimisht se është për zgjedhje të rregullta në vitin 2028, përveç rasteve kur, siç ka thënë ai, “opozita e provokon një gjë të tillë”./Tv Koha/
Më 17 qershor 2018, në fshatin Nivici, në brigjet e Liqenit të Prespës në Greqi, Shkupi dhe Athina nënshkruan marrëveshjen historike me të cilën u tejkalua kontesti shumëvjeçar për emrin. Me këtë u hap rruga për integrimin euroatlantik dhe shteti, me emrin e ri Republika e Maqedonisë së Veriut, u bë anëtari i 30-të i NATO-s. Tetë vjet pas nënshkrimit të Marrëveshjes së Prespës, marrëdhëniet ndërmjet Maqedonisë së Veriut dhe Greqisë karakterizohen nga përparime, por edhe nga sfida në zbatimin e obligimeve të marra.
Në këtë ditë, tetë vjet më parë, në brigjet e Liqenit të Prespës, Maqedonia dhe Greqia nënshkruan marrëveshjen që i dha fund kontestit tredekadësh për emrin dhe hapi një kapitull të ri në marrëdhëniet ndërmjet dy vendeve.
Marrëveshja e Prespës, e nënshkruar nga kryeministrat e atëhershëm Zoran Zaev dhe Aleksis Cipras, mbetet një nga marrëveshjet diplomatike më të rëndësishme në historinë e re të Ballkanit. Edhe pse nuk i përmbushi të gjitha pritshmëritë që lidhen me integrimin evropian dhe nuk arriti t’i tejkalojë ndarjet e brendshme politike, ajo i mundësoi vendit anëtarësimin në NATO dhe i dha fund një mosmarrëveshjeje që për dekada kishte bllokuar përparimin e tij ndërkombëtar.
Mbështetësit e marrëveshjes e konsiderojnë atë si shembull të guximit politik dhe diplomacisë së suksesshme, ndërsa kritikët vazhdojnë ta kundërshtojnë edhe sot. Megjithatë, mbetet fakt se Prespa u bë një model i njohur ndërkombëtarisht për zgjidhjen e mosmarrëveshjeve të ndërlikuara përmes dialogut dhe kompromisit.
Tetë vjet më vonë, marrëveshja vazhdon të nxisë debate në shoqërinë në Maqedoninë e Veriut, por edhe të kujtojë se çështjet më të vështira politike mund të zgjidhen kur ekziston vullneti për marrëveshje dhe vizion për të ardhmen./Tv Koha/
Tensione në kufi! Paralajmërohen bllokada në pikat kufitare mes Maqedonisë së Veriut dhe Bullgarisë
RIFORMATIMI QEVERITAR: TAKIMET NISIN TË PREMTEN DHE TË SHTUNËN!
TETË VITE NGA NËNSHKRIMI I MARRËVESHJES SË PRESPËS
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Azizi zbulon dyfytyrësinë e Ali Ahmetit: Ja vazali që e mbronte Gruevskin
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
