Lajme nga vendi
Kronika e zezë – Tetovë dhe Gostivar, 17 Qershor
Pas mesnate në ora 01:40 në fshatin Bogovinë, zyrtarë policorë nga Stacioni Policor i Kamenjanit kanë privuar nga liria një 29 dhe 28 vjeçar të dy nga fshati Miletinë, komuna e Bërvenicës. Gjatë kontrollit të kryer në një automjet të parkuar të udhëtarëve “Polo” me targa të Tetovës, në të cilin ndodheshin të dy personat, është gjetur dhe sekuestruar një lëndë pluhur e bardhë. Pas dokumentimit të plotë të rastit do të vijojë parashtresa përkatëse.
……Dje në ora 22:10 në afërsi të nyjës rrugore të Grupçinit, zyrtarë policorë nga Stacioni Policor i Grupçinit kanë privuar nga liria një të mitur 17-vjeçar nga fshati Kopaçindoll, komuna e Zhelinës. Gjatë kontrollit të automjetit të udhëtarëve “Opel Astra” me targa të Tetovës, në të cilin ai ishte bashkëudhëtar, tek ai është gjetur dhe sekuestruar marijuanë. Ai është ndaluar në stacionin policor dhe pas dokumentimit të rastit ndaj tij do të vijojë parashtresa përkatëse.
…….Dje në ora 22:00 në rr. “Ilinden” në Gostivar, zyrtarë policorë nga DPB Gostivar kanë privuar nga liria një 54-vjeçar nga Gostivari, duke vepruar sipas një denoncimi të mëparshëm nga një 60-vjeçar nga Gostivari, se rreth orës 21:00 ai e ka sulmuar fizikisht atë dhe djalin e tij në një kazino, me çka ka përdorur edhe një send metalik dhe sprej për sy. Ai është ndaluar në stacionin policor dhe pas dokumentimit të rastit ndaj tij do të vijojë parashtresa përkatëse.
……Dje në ora 13:10 në DPB Gostivar, një 31-vjeçar nga fshati Gradec ka denoncuar se më 16.06.2026 rreth orës 19:10 në rr. “Ilinden” në Gostivar, pas një debati të mëparshëm, është sulmuar fizikisht nga një person nga fshati Debresh, i cili ka tentuar t’i marrë telefonin celular. Po ndërmerren masa për zbardhjen e plotë të rastit.
……Dje në ora 15:30 në DPB Gostivar, një 29-vjeçare nga fshati Çajlë, me banim në Gostivar, ka denoncuar se rreth orës 12:00 në oborrin e një ndërtese banimi në rr. “Nikola Parapunov”, ku ajo jeton, djali i saj tetëvjeçar është sulmuar fizikisht nga një i mitur 14-vjeçar nga e njëjta lagje. Sipas denoncimit, ai edhe më parë e ka sulmuar fizikisht vajzën e saj tetëvjeçare. Është njoftuar Qendra për Punë Sociale në Gostivar dhe po ndërmerren masa për zbardhjen e rastit
Dje në ora 16:45 në fshatin Kamenjan, zyrtarë policorë nga Stacioni Policor për Siguri në Trafikun Rrugor Tetovë kanë privuar nga liria një 37-vjeçar nga fshati Gurgurnicë. Gjatë një kontrolli në trafik është konstatuar se ai drejtonte automjetin motorik të udhëtarëve “Audi” me targa të Tetovës pa pasur leje drejtimi, gjegjësishtë pa patentë shoferi. Personi është ndaluar në stacionin policor për procedurë të mëtejshme, ndërsa automjeti është sekuestruar.
……Dje në ora 18:15 në rr. “Vëllezërit Ginoski” në Gostivar, zyrtarë policorë nga Stacioni Policor për Siguri në Trafikun Rrugor Gostivar kanë privuar nga liria një 29-vjeçar nga fshati Dobrosht, komuna e Tearcës. Gjatë një kontrolli në trafikun rrugor, zyrtarët policorë kanë ndaluar automjetin e udhëtarëve “Audi” me targa të Tetovës, të cilin ai e drejtonte, dhe pas masave të ndërmarra është konstatuar se ai e drejtonte atë pa pasur leje drejtimi. Automjeti është sekuestruar dhe ndaj tij do të paraqitet parashtresa përkatëse.
……Dje në ora 23:45 në “Udhëkryqin e Qelqores” në Gostivar, zyrtarë policorë nga DPB Gostivar kanë privuar nga liria një 24-vjeçar nga Shkupi. Gjatë një kontrolli në trafikun rrugor, zyrtarët policorë kanë ndaluar automjetin e udhëtarëve “Volksëagen Golf” me targa të Shkupit, të cilin ai e drejtonte, dhe pas verifikimeve të kryera është konstatuar se ai e drejtonte pa leje drejtimi. Pas dokumentimit të plotë të rastit, ndaj tij do të vijojë parashtresa përkatëse.
…….Dje në ora 20:30 në Tetovë, zyrtarë policorë nga SPB Tetovë kanë privuar nga liria një 59-vjeçar nga Tetova, duke vepruar sipas një denoncimi të mëparshëm nga bashkëshortja e tij 50-vjeçare se pas një debati të shkurtër në shtëpinë familjare ai ka tentuar ta sulmojë fizikisht atë. Ai është ndaluar në stacionin policor dhe gjatë kontrollit të kryer është konstatuar se ishte nën efektin e alkoolit, përkatësisht se kishte 2.03 promilë alkool në gjak. Pas dokumentimit të plotë të rastit, do të vijojë kallëzimi përkatës.
……Dje në ora 21:05 në SPB Tetovë është denoncuar se në një shtëpi në Tetovë është gjetur i vdekur një 73-vjeçar nga Tetova. Mjeku ka konstatuar vdekjen pa gjurmë të dukshme dhune, ndërsa me urdhër të prokurorit publik, trupi i të ndjerit është dorëzuar në Mjekësinë Ligjore për obduksion. Këqyrjen e vendit të ngjarjes e kanë kryer prokurori publik dhe ekipi i ekspertizës nga SPB Tetovë.
……Dje në ora 21:00 në SPB Tetovë, një 45-vjeçar nga Tetova ka denoncuar se në një hapësirë parkingu në Tetovë, djali i saj I mitur është sulmuar fizikisht nga një 41-vjeçar nga Tetova. Po ndërmerren masa për zbardhjen e plotë të rastit.
……Dje në ora 19:45 në SPB Tetovë, një 60-vjeçar nga fshati Poroj i Tetovës, ka denoncuar se në ora 18:30 në fshat, nipi i tij i mitur, pas një debati të mëparshëm, është sulmuar fizikisht. Po ndërmerren masa për zbardhjen e plotë të ngjarjes.
……Gjatë natës mes datave 17 dhe 18.06.2026, në periudhën nga ora 00:30 deri në ora 01:10, zyrtarë policorë nga DPB Gostivar në bashkëveprim me zyrtarë policorë nga Stacioni Policor i Gallatë kanë realizuar një kontroll aksional në një objekt hotelier në fshatin Dobërdoll. Gjatë kontrollit, për shkak të keqpërdorimit të qëndrimit turistik, është arrestuar një 30-vjeçare nga Brazili. Ajo është ndaluar në stacionin policor dhe pas dokumentimit të plotë të rastit do të vijojë kallëzimi përkatës.
……Pas mesnate në ora 01:40 në fshatin Zhelinë të Tetovës, zyrtarë policorë nga Stacioni Policor i Grupçinit kanë arrestuar një 34-vjeçar nga Tetova, duke vepruar sipas një denoncimi të mëparshëm se ka prishur rendin dhe qetësinë publike me sjellje agresive. Pas verifikimeve të kryera është konstatuar se ai ishte nën efektin e alkoolit, përkatësisht se kishte 2.07 promilë alkool në gjak. Pas dokumentimit të plotë të rastit, do të vijojë parashtresa përkatëse.
……Dje në ora 16:35 në SPB Tetovë është denoncuar se në rrugën lokale drejt fshatit Bërvenicë ka rënë zjarr në një stallë në pronësi të një 67-vjeçari nga Tetova. Zjarri është shuar nga Njësia Territoriale Kundër Zjarrit Tetovë, ndërsa persona të lënduar nuk ka. Një ekip nga SPB Tetovë ka kryer këqyrjen e vendit të ngjarjes.
……Dje në ora 15:00 në DPB Gostivar është denoncuar se në rr. “Ilija Anteski-Smok” në Gostivar ka rënë zjarr në një ndërtesë banimi, pronësi e një 29-vjeçari nga Gostivari. Nga zjarri është përfshirë një pjesë e fasadës, zjarri është shuar nga Njësia Territoriale Kundër Zjarrit Gostivar, ndërsa persona të lënduar nuk ka. Këqyrjen e vendit të ngjarjes e ka kryer një ekip nga DPB Gostivar.
……Dje në ora 13:00 në SPB Tetovë është denoncuar se në rrugën lokale fshati Vejcë – fshati Selcë të Tetovës, një katërcikël me targa të Tetovës, i drejtuar nga një 25-vjeçare nga fshati Sellcë, ka dalë nga rruga. Në aksident, lëndime të rënda trupore ka pësuar 25-vjeçarja, ndërsa me lëndime trupore kanë kaluar bashkëudhëtaret e saj, të dyja nga fshati Sellcë, të konstatuara në Spitalin Klinik të Tetovës. Këqyrja është kryer nga një ekip i SPB Tetovë.
Lajme nga vendi
Nikolloski: Me trenin e shpejtë do të udhëtohet për 1 orë e 25 minuta nga Shkupi në Selanik dhe për 2 orë e gjysmë deri në Beograd
Zëvendëskryeministri dhe ministër i Transportit dhe Lidhjeve, Aleksandar Nikoloski, në samitin ministror për transport të organizuar nga Sekretariati i Komunitetit të Transportit, foli për planet dhe zhvillimin e infrastrukturës rrugore dhe hekurudhore të Korridorit 10 dhe Korridorit 8.
Nikoloski theksoi se samiti dërgon një mesazh të qartë për përkushtimin e përbashkët të vendeve nëpër të cilat kalon Korridori 10, duke nënvizuar se ndërtimi i tij do të kontribuojë që ai të bëhet korridori më i rëndësishëm ekonomik i transportit në Evropë.
Sipas tij, me realizimin e projekteve të planifikuara infrastrukturore do të reduktohet ndjeshëm koha e udhëtimit dhe transportit të mallrave në rajon.
“Shkup – Selanik do të udhëtohet për 1 orë e 25 minuta, Shkup – Beograd për dy orë e gjysmë, ndërsa treni i mallrave nga Athina do të arrijë në Vjenë për më pak se 24 orë. Nga Selaniku deri në Budapest transporti hekurudhor i mallrave do të zhvillohet për rreth 12 deri në 14 orë”, theksoi Nikoloski.
Ai vlerësoi se modernizimi i infrastrukturës së transportit përgjatë Korridorit 10 do të sjellë qarkullim më të shpejtë të njerëzve dhe mallrave, lidhje më të madhe ekonomike dhe mundësi të reja zhvillimi për vendet e rajonit. përcjell Zhurnal.mk .
Lajme nga vendi
Komuna e Tetovës ndan nga 100 euro vauçer për filloristët: Zbardhen datat dhe procedurat e aplikimit
Komuna e Tetovës ka njoftuar zyrtarisht prindërit se së shpejti do të hapet procesi i aplikimit për përfitimin e vauçerëve për nxënësit e regjistruar në klasën e parë. Lajmin e ka bërë të ditur kryetari i komunës, Bilall Kasami, përmes një njoftimi zyrtar.
Sipas detajeve të publikuara në image.png, procesi i aplikimit do të jetë i hapur nga data 23 qershor deri më 10 korrik 2026.
Kush ka të drejtë aplikimi?
Të drejtë për të përfituar nga kjo mbështetje kanë:
Të gjithë nxënësit që janë regjistruar në klasën e parë deri më datën 22 qershor 2026.
Si të aplikoni dhe ku dorëzohen dokumentet?
Për t’u bërë pjesë e këtij programi mbështetës, prindërit duhet të ndjekin këto hapa:
Marrja e formularit: Formulari i aplikimit mund të merret fizikisht pranë Sektorit për Veprimtari Publike në Komunën e Tetovës ose mund të shkarkohet online nga faqja zyrtare e komunës.
Dorëzimi i dokumenteve: Të gjitha dokumentet e nevojshme për aplikim duhet të dorëzohen të kompletuara pranë të njëjtit sektor, respektivisht në Sektorin për Veprimtari Publike në Komunën e Tetovës.
Ky hap vjen si një masë lehtësuese për familjet tetovare që përgatisin fëmijët e tyre për të nisur ciklin fillor në vitin e ri shkollor.
Angazhimi kuptimplotë i grave në politikë, vendimmarrje dhe jetën publike është një çështje që nuk i prek vetëm gratë, por të gjithë shoqërinë. Kjo ishte tema e diskutumit që u zhvillua sot në hapësirat e Komunës së Tetovë nën organizim të institutit për lidership dhe ambasadës gjermane në Maqedoni të Veriut. Në këtë dialog të hapur u ndanë përvoja, ide dhe propozime për një shoqëri më gjithëpërfshirëse dhe më të barabartë.
Pranvera Kasami nga Instituti për Lidership tha se gratë në Maqedoni të Veriut ende nuk e kanë arritur nivelin e duhur në përfaqësim dhe vendimmarrje. Kasami madje shtoi se interesimi i tyre nuk është vetëm në kuanitet po numra por më shumë në cilësi dhe vendimmarje të vërtetë.
PRANVERA KASAMI – Instituti për lidership
“Demokracia nuk matet vetëm me praninë e qytetarëve në proces pubike por me fuqinë e tyre për të ndikur në vendimet që prekin jetën e përdritshme” kështu deklaroi kreu i Komunës së Tetovës Bilall Kasami gjatë këtij debati. Kasami tha se gratë nuk duhet të shihen vetëm si numër përfaqësues por që të njëjtat duhet të kenë mundësitë dhe të drejtat e barabarta në vendimmarrje. Kasami me plot mburje tha se gjysmat e drejtorëve në institucionet arsimore në Tetovë udhëhiqen nga gjinia femërore.
BILALL KASAMI – Kryetar Komune
Edhe pse gratë në Maqedoninë e Veriut kanë shënuar përparim në përfaqësimin politik, pjesëmarrja e tyre në vendimmarrje mbetet ende e pamjaftueshme. Aktualisht, gratë përbëjnë rreth 39% të deputetëve në Kuvend, ndërsa në Qeveri zënë vetëm 12.5% të posteve ministrore. Në nivel lokal, vetëm 2 nga 81 komuna drejtohen nga gra. Këto të dhëna tregojnë se sfida nuk është vetëm rritja e numrit të grave në institucione, por edhe fuqizimi i rolit të tyre në proceset vendimmarrëse. Një shoqëri më e barabartë dhe më demokratike kërkon pjesëmarrje të plotë dhe ndikim real të grave në të gjitha nivelet e pushtetit.
Nikolloski: Me trenin e shpejtë do të udhëtohet për 1 orë e 25 minuta nga Shkupi në Selanik dhe për 2 orë e gjysmë deri në Beograd
Komuna e Tetovës ndan nga 100 euro vauçer për filloristët: Zbardhen datat dhe procedurat e aplikimit
ZËRI I GRAVE NË VENDIMMARRJE, ENDE LARG FUQISË SË PLOTË
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Azizi zbulon dyfytyrësinë e Ali Ahmetit: Ja vazali që e mbronte Gruevskin
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
