Sport
BOTËRORI 2026: FITOJNË ANGLIA, GANA DHE KOLUMBIA
Në Grupin L, Anglia mposhti Kroacinë me rezultatin 4 me 2, në një duel që rezultoi tepër emocionues dhe i cilësisë së lartë. Pjesa e parë u mbyll me shifrat e barabarta 2 me 2, ku për anglezët autor i dy golave ishte Harri Kejn ndërsa për kroatët shënuan Baturina dhe Musa Ndërkohë që në pjesën e dytë të lojës, “Tre Luanët” e Tomas Tuhel, shënuan dy herë me Bellingham dhe Rashford, duke e nisur Botërorin me petkun e pretendentit.
Në ndeshjen tjetër të grupit L, përfaqësuesja e Ganës ka arritur të sigurojë një fitore dramatike me rezultatin minimal 1-0 përballë Panamasë. Gana mori tri pikë mjaft të rëndësishme falë një goli të shënuar në sekondat e fundit të shtesës. Në raundin e dytë Kroacia do të përballet me Panamanë, ndërsa Anglia me Ganën.
Në Grupin K, Portugalia e nisi Kupën e Botës me një barazim 1-1 ndaj Republikës Demokratike të Kongos. Paraqitja dhe rezultati i Portugalisë ka sjellë shumë kritika ndaj Ronaldos dhe skuadrës.Mbështetësit e Republikës Demokratike të Kongos e përjetuan me entuziazëm paraqitjen e parë të ekipit të tyre në Kupën e Botës, si edhe golin dhe pikën e parë të fituar. Cristiano Ronaldo u bë lojtari më i moshuar në një ndeshje të Kupës së Botës, duke vendosur një tjetër rekord në karrierën e tij të jashtëzakonshme.
Kolumbia e ka nisur me fitore pjesëmarrjen e saj në Kupën e Botës 2026, duke mposhtur me shifrat 3-1 ekipin e Uzbekistanit. Latino-amerikanët, ashtu siç pritej dominuan ndeshjen dhe fituan me golat e Munjoz, Luiz Diaz dhe Kampaz , ndërsa golin e nderit për Uzbekistanin e realizoi Fejzullaev .
Botërori vazdon nesër me ndeshjet: Kanada – Katari, Meksika – Koreja e Jugut dhe SHBA – Australia.
Pas shortit të hedhur nga UEFA, kampionia e Maqedonisë së Veriut, Shkëndija, ka mësuar kundërshtarin e mundshëm në fazën Play-off të UEFA Conference League. Nëse siguron kualifikimin, skuadra tetovare do të përballet me fituesin e çiftit IFK Göteborg (Suedi) ose KAA Gent (Belgjikë). Një sfidë e rëndësishme pret kuqezinjtë në rrugën drejt fazës së ligës së Conference League.
UEFA kërcënon me padi Gianni Infantino-n dhe e fton të mos eliminojë asnjë dokument në FIFA lidhur me projektin e tij të dështuar
UEFA ka kërcënuar Gianni Infantino-n me veprime ligjore për planin e tij të shitjes së Kupës së Botës dhe e ka paralajmëruar atë të mos shkatërrojë asnjë material që lidhet me të në FIFA.
“Telegraph Sport” ka mësuar se UEFA u ka dërguar gjithashtu një letër edhe Joshua Kushner, Greg Maffei, JP Morgan dhe OpenEconomics duke deklaruar se “po shqyrton në mënyrë aktive veprime ligjore” në lidhje me sipërmarrjen, e cila dështoi në zanafillë.
Në një letër dërguar Infantino-s të premten UEFA shkroi se: “UEFA me anë të kësaj letre jep njoftim zyrtar se po shqyrton në mënyrë aktive veprimet ligjore në lidhje me planin ‘FFE’.
Ju dhe FIFA duhet të ndërmerrni hapa të menjëhershëm për të identifikuar, gjetur dhe ruajtur të gjitha dokumentet dhe informacionin në lidhje me këtë projekt i cili është nën kujdestarinë ose kontrollin tuaj ose të FIFA-s.
Këto detyrime lindin pavarësisht nga çdo politikë e brendshme e ruajtjes që ju ose organizata juaj mbani dhe zëvendësojnë çdo politikë rutinë të shkatërrimit ose fshirjes së dokumenteve që do të zbatoheshin ndryshe”.
Në kuadër të manifestimit ‘Tetova n’Festë’ sheshi Lirira mbrëmë u shëndrua në arenën e sporteve luftarake ku boksier dhe kik boksier nga vendi dhe rajoni dhuruan një mbrëmje plot energji dhe garë. Boksieri tetovar Muarem Muaremi u shpall boksier i më mirë i këtij turneu ndërkombëtar
Në kuadër manifestimin ‘’Tetova n’Festë’ në një atmosferë të jashtëzakonshme sportive mbrëmë në sheshin ‘’ILirija’’ në organizim të klubit të boksit Shkëndija Boks që drejtohet nga Jusuf Hashimi në bashkëpunim me Federatën Nacionale të Boksit si klubit të Kik Boksit ‘’Alfa Gim’’ u mbajt turneu ndërkombëtar i boksit dhe të kik boksit, ku morën pjesë boksierë nga Shqipëria , Kosova, Bullgaria, Mali Zi dhe Maqedonia e Veriut dhe kik boksier nga Bosnja e Hercegovina. Delegat zyrtar i këtij turneu ishte Xhengis Prokaj. Në bazë të programit të paraparë nga organizatorët, u zhvilluan gjithsejt 9 lufta në boks dhe 4 lufta të kik boksit.
Boksieri më mirë i mbrëmjes në kategorinë e të rinjve unanimisht u shpall Ilir Selmani i klubit të boksit Shkëndija Boks, boksier më mirë jashtë vendit u shpall boksieri shqiptar Elton Gashi, teknik u më mirë Semi Elmazi i Shkëndija Boks , lufta më e mirë ishte ajo mes Donjet Ramanit dhe Denis Hysenlikaj, ndërsa boksieri më mirë Muharem Muharemi i klubit të boksit Shkëndija Boks.
Organizatori në shenjë respekti me mirënjohje nderoi trajneri nga Mali Zi dhe Bullgari referen bullgare Maria Georgieva Djundjurova. Një mirënjoheje e veçantë iu nda edhe për Kryetarin e Komunës së Tetovë Bilall Kasami.
Në sportin e Kik Boksit u zhvilluan katër duele ku në kategorinë e fëmijëve fitues doli Tiar Tairi, ndërsa në kategorinë e rëndë fituesi Dushko Jovçevski, në boksin ekstrem fituesi doli Toshe Cvetkov dhe në luftën kryesore të kik boksit fitues doli Stane Bojçevski.
Këtë event të boksit dhe kik boksit në sheshin ‘‘Ilirija’’ në Tetovë gjatë gjithë kohës e ndoqën një numër i konsiderueshëm i adhuruesve të boksit të cilët mbetën të kënaqur me cilësinë tyre sidomos të boksierëve të klubit Shkëndija Boks.
SHABAN SINANI – TV KOHA
100 MILIONË € NË VIT PËRFUNDOJNË NË TETOVË NGA ANA E MËRGIMTARËVE
VAZHDON VAPA AFRIKANE – TEMPERATURA MBI 40 GRADË!
Shkëndija mëson kundërshtarin e mundshëm në Play-off të UEFA Conference League
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Azizi zbulon dyfytyrësinë e Ali Ahmetit: Ja vazali që e mbronte Gruevskin
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
