Një fitore  e  ekipit vendas  dhe  katër  të ekipeve  mysafire  me 24  gola të shënuar  është  epilogu i ndeshjeve  të javës së pestë në Ligën e parë të futbollit për femra. Luboteni vazhdon të kryeson me  13 pikë.

Kampionati  në Ligën e parë të  futbollit   të femrave  ka vazhduar   fundjavën  që e  lamë pas me ndeshje e  xhiros së pestë.

Në këtë xhiro ekipet favorite  nuk kanë lejuar asnjë befasi përkundrazi kanë regjistruar fitore  të  thella.

 Lideri në  renditjen e tabelës  Luboteni   ka  shënuar  fitore  8-2  në transfertë me  ekipin e  Reçica nga  Kumanova.

Në këtë  ndeshje  ka  shkëlqyer futbollistja  strugane  Yllza  Maksuti me 5 gola të shënuara.

Advertisement

Në ndeshjet tjera të javës së pestë janë regjistruar  këto rezultate: Tiverija Brera – Koçani 8-1, Vardari 2023 – Skopje 2014 0-1, Istatov 2015 Skopje – Kamenica Sasa 1-3, ndeshja  AS United – Pelister Pro2026,  luhet më  17  shtator.

Tabelën e kryeson Luboteni me  13 pikë,  para Skopje 2014 me  12 pikë dhe  Tiverija Brera me  10 pikë.

Me ndeshjet e xhiros  së parë zyrtarisht ka  filluar  sezoni i ri në Ligën e tretë Perëndim ku garojnë 13 ekipe. Drita e Bogovinës dhe Cetinska  nisën me fitore të larta, Në gjashtë ndeshje janë regjistruar 31 gol.

Fundjavën që e lamë pas zyrtarisht ka filluar kampionati  i  ri  në Ligën e  tretë në grupin Perëndim.

Në gjashtë ndeshjet e zhvilluara, pesë u fituan nga  vendasit kurse vetëm në njërën fitore shënuan mysafirët. Ushënuan gjithsejt 31 gola.

Klubi i  futbollit Drita e Bogovinës, që në ndeshjen e parë ka  shpallur pretendimet për  titullin kampion, në  takimin e parë  para   tifozëve vendas  ka  regjistruar  fitore  të thellë 7-1  kundër Jehonës së Përshevcës, ku ka shkëlqyer futbollisti Shpend Asani me 5  gola të shënuar.

Fitore  të sigurt në javën e parë të kampionatit  ka regjistruar edhe   debutuesi  klubi i futbollit Cetinska kundër  Xhepçishtit  4-1.

Advertisement

 Gostivar gjithashtu ka shënuar fitore 3-1  kundër Vardarit të Bërvenicës, Luboteni mundi  Gradecin  6-3, ndërsa  Skënderbeu  në Poroj mundi  2-0 Korabin e Dibrës.

Fitoren e vetme  në cilësinë e  mysafirit  e ka  regjistruar  Dobrosht  që  në Zhelinë mundi ekipin  Liria 2-1.

 Me ndeshjen  Shkëndija e Haraçinës  – Skopje u kompletua  java e shtatë e cila  solli një fitore për  ekipin  vendas dhe katër barazime me  gjithësejt  19 gola të shënuar. Me  tre  pikët e djeshme  Shkëndija e Haraçinës ngjite në vendin e tretë me  13 pikë.

Me  fitoren  1-0  kundër Skopjes  në ndeshjen e  fundit të javës së shtatë  në Ligën e parë të  futbollit vendor  Shkëndija e Haraçinës  tani me 13  pikë është ngjitur në pozitën e tretë në tabelën e klasifikimit pas Shkëndijës së Tetovës me  16 pikë dhe Struga Trim Lum me 14.

Shkëndija e Haraçinës dje shënoi një fitore  të vështirë por me peshë të madhe kundër Skopjes , ku autor i golit të vetëm ishte Dashmir Elezi i cili në minutën e 87 të lojës shënoi për fitoren e vendasve.

Fitorja solli  shumë gëzim tek tifozët vendas të cilët me siguri do të jenë në numër shumë më të madh në  ndeshjen e xhiros së tetë kundër Vardarit .

Pas ndeshjes ndihmës  trajneri  Burim Sadiki tha se pas dy fitoreve radhazi në transfertë ishte radha  të shënojnë  fitore edhe  stadiumin e Çairit para  tifozëve  vendas.

Advertisement

“Pas  dy fitoreve radhazi në terren  mysafirë ishte  koha  që ta shijojmë fitoren e parë si vendas. Ndeshja ishte e vështirë e kishim parasysh këtë aspekt  pasi që  gjithë javës kemi përgatit  ekipin që do të jetë vështirë do të jetë ndeshja  rëndë ku ne  do ta dominojmë topin.  Ashtu ishte edhe  gjatë gjithë ndeshjes , në pjesën e parë patëm disa vështërsi  të cilat në pjesën e dytë i mënjanuam. Pjesa e dytë ishte  thuajse perfekt , dominim total  arritëm të bëjmë disa aksione të bukura  dhe çka ishte më e bukura  goli erdhi fare në fund. Një gëzim për ne. Vazhdojmë këtë rrugëtim  prej tre fitoreve   tash na pret një periudhë më të qetë”  deklaroi ndihmës trajneri Burim Sadiki

Për Haraçinasit  ishte kjo fitorja e katër sezonale në 7-të xhirot e zhvilluara  ku kanë edhe një barazim dhe  dy  disfata. Në xhiron e tetë  Shkëndija e Haraçinës është mysafire e Vardarit.

Në xhiron e tetë takohen: Shkëndija – Bashkimi, Sileksi – Tikveshi,  Bregallnica – Skopje,  Vardari – Shkëndija e Haraçinës  dhe Struga Trim Lum – Arsimi.