Në Ligën e Tretë të futbollit  në Rajonin e Gjashtë në mesin e  tre  ekipeve  që   pretendojnë  kreun e  tabelës  është  edhe  klubi i futbollit Dobroshti  që  pas  10  xhirove  të zhvilluara mbajnë pozitën e dytë  pas  Dritës së Bogovinës. Synimi I tyre është ngjitja në kategori më të lartë.

Sezoni vjeshtor në Ligën e Tretë – Rajoni i Gjashtë, krahas  Dritës  së Bogovinës  në sipërfaqe ka nxjerrë edhe një pretendent tjetër për  kreun e tabelës.

KF Dobroshti i themeluar në vitin 1997, me 7 fitore , 1 barazim dhe 1 disfatë, me  22 pikë të  grumbulluara mbanë  pozitën e  dytë në tabelë.

Arben Gafuri, anëtari i kryesisë së klubit, i cili njëherit është edhe lojtar aktiiv në këtë skuadër, për TV Koha u shpreh se pas tre viteve gara në Ligën e Tretë, tashmë  janë pjekur kushtet  dhe mundësitë për një rang më të lartë.

‘Gati tre  vite me radhë jemi  në ligën e tretë dhe dy vitet e fundit ne bisedim  me  kryesinë  dhe me sponsorët tanë  dhe  gjithë ata  që na  përkrahin  kemi  vendos  që të  garojmë  për  tu inkuadruar  në ligë të  dytë. Kemi afruar  lojtar  cilësor, staf  të përgatitur dhe  kemi  financa  që na premtojnë  që  të shkojmë në ligë të dytë .  Ne jemi  një grup shumë i konsoliduar  i kryesisë  në bashkëpunim edhe me lojtarët . E kemi një përkrahje të  fuqishme nga  sponsorët  nga  diaspora , bashkësia lokale e fshatit tonë  si dhe  institucionet  si Komuna e Tearcës  ku ne  i përkasim‘’ 

Advertisement

KFDobroshti krahas përkrahjes që ka nga bashkësia vendore,  sipas Arben Gafurit  mbështetja nuk mungon as edhe  nga institucionet por edhe kompanitë private.

‘’Në rajonin  tonë kryesisht  bizneset  që operojnë dhe  që janë nga fshati Dobroshtë  po edhe  bizneset jashtë  fshatit tonë në komunën të Tearcës  japin përkrahje për klubin e Dobroshtit  dhe sportin nëpër gjithësi., Tash kemi edhe  lojtar  që janë  nga jashtë  gati  gjysma e fontit të lojtarëve  është  nga  jashtë , Kjo e bënë që edhe  firmat të afrohen. Dmth ku  synimi është  më i lartë  normal edhe  sponsorët shohin  diçka më shumë tek ne ‘’

Arben  Gafuri,  si anëtar i KF Dobroshtit, ditë më parë është pritur edhe nga  Zv/Ministrja e Sportit, Safije Sadiku Shaini, me të cilën kanë biseduar për situatën e klubit.

‘’Me  zëvendësministren zonjën  Safje biseduam rreth problemeve të infrastrukturës që kemi, problemet e klubit, problemet e që na  tangojnë neve çdo  ditë si klub , si pjesë e sportit.  Ajo na  dha një përkrahje  të madhe  që  do  të jetë  afër nesh për çdo problem  që do  faqet tek ne‘’

Arben Gafuri  është i vetëdijshëm se për një rang më lartë nevojiten kushte dhe  infrastructure, por me përkrahjen e  sponsorëve, tifozëve  që janë  një numër të konsiderueshëm, shpresojnë  që  të arrijnë qëllimin.

Advertisement

Testi i parë paraqet superderbi në Ligën e Tretë, Dobroshti – Drita e Bogovinës, ku krahas rezultatit pozitiv premtojnë spektakël të vërtetë./Tv Koha/

Për të dytën ditë me radhë, në Shkup po zhvillohet Kampionati Evropian i Kick Boksit, ku marrin pjesë përfaqësues nga 42 shtete.

Në mesin e shteteve pjesëmarrëse është edhe Republika e Kosovës, e cila në këtë kampionat përfaqësohet me pesë garues.

Kreu i Federatës së Kick Boksit të Kosovës, Fatmir Makolli, në një prononcim për TV Koha, ka bërë të ditur se Kosova tashmë ka shënuar fitoren e parë, ndërsa garat zhvillohen në disa faza, deri në finalen e madhe.

Makolli theksoi se synimi i përfaqësueses së Kosovës është që kampionatin ta përfundojë me medalje dhe të kthehet në shtëpi me rezultate pozitive.

Në fund, Makolli falënderoi edhe Ambasadorin e Kosovës, i cili kishte vizituar dhe takuar përfaqësuesit kosovarë në Shkup, duke shprehur mbështetjen për ta.

Advertisement

Ndryshe, në këtë kampionat marrin pjesë mbi 1.400 garues nga 42 shtete, përfshirë Maqedoninë e Veriut, Shqipërinë, Kosovën dhe shumë vende të tjera evropiane./Tv Koha – Shkup/ 

Në pritje të dy ndeshjeve të fundit kundër Skocisë dhe Sllovenisë në kuadër  të Ligës B në  UEFA LIGA e Kombeve,  përfaqësuesja e Maqedonisë  së Veriut, nga   dita e hënë ka nis përgatitjet intensive në kampin stërvitor të FFM-së.

Përfaqësuesja më e mirë e Maqedonisë zhvilloi stërvitjen e sotme para dy ndeshjeve të fundit të fazës së grupeve në Ligën e Kombeve.

Të përzgjedhurit e seleksionuesit  Goce Sedloski do të përballen në transfertë me  Skocinë në Glazgov dhe me Slloveninë në Shkup.

Futbollisti Darko Çurlinov, i cili mungoi në katër ndeshjet e shtatorit dhe tetorit, është  rikthyer në ekip dhe shprehet me tone optimiste për epilog pozitiv në dy ndeshjet.

„Gjithmonë ka qenë nder për mua të luaj për këtë fanellë dhe gjithmonë do të jap maksimumin. Shpresojmë për më të mirën. Natyrisht, do të analizojmë dhe do të përpiqemi të zbatojmë në fushë gjithçka që do të na thotë trajneri. Minutazhi në klub është shumë i rëndësishëm dhe ajo energji përcillet edhe këtu. Është mirë që të gjithë luajmë në klubet tona, që kemi minutazh, dhe besoj se kjo do të ketë ndikim pozitiv në këto dy ndeshje“ deklaroi  futbollisti Çurlinov

Advertisement

Kujtojmë se Maqedonia e Veriut në katër ndeshjet e para ka po aq disfata dhe e keqja të jetë më e madhe nuk ka shënuar asnjë gol , ndërsa  ka pranuar  10-të.

Pas katër xhirove të zhvilluara  në grupin B e kryeson Zvicra me 12 pikë e ndjekur  nga Sllovenia me 7, Skocia  me  4 dhe Maqedonia e Veriut me 0 pikë

Ndeshjet e raundit të pestë: Skoci – Maqedoni e Veriut  dhe Slloveni – Zvicër zhvillohen të premten me  fillim në ora 20:45