Connect with us

Lajme nga vendi

Inflacioni në Maqedoninë e Veriut rritet deri në 10.9%! Kur pritet të stabilizohen çmimet?

Published

on

Inflacioni mesatar në periudhën janar-korrik të këtij viti është 10.9 për qind, për të cilin peshën më të madhe prej tre muajve e zë rritja e çmimeve të ushqimeve dhe energjisë. Banka Popullore sqaron se dinamika e inflacionit është ende kryesisht reflektim i faktorëve nga ana e ofertës, pra rritja e çmimeve të importit të ushqimeve dhe energjisë elektrike, duke përfshirë edhe çmimin e brendshëm të energjisë elektrike, që ndikohet nga zhvillimet në tregun botëror të energjisë.

Megjithatë, duke pasur parasysh natyrën afatgjatë të këtyre tendencave, presione të tilla përhapen shpejt në çmimet e produkteve dhe shërbimeve të tjera dhe nxisin më tej pritjet për inflacion, gjë që tregon nevojën për kujdes në politikat e brendshme.

Por, ndryshimi mujor i çmimeve të konsumit tregon një ngadalësim të caktuar, dhe një pjesë e madhe e rritjes mujore i detyrohet edhe vendimit të miratuar për ndryshime në çmimin e rregulluar të energjisë elektrike.

Në të njëjtën kohë, dinamika vjetore e inflacionit bazë ka mbetur e qëndrueshme. Gjithashtu, të dhënat dhe pritjet më të fundit në tregjet botërore tregojnë për një lehtësim gradual të presioneve të çmimeve, pra pritjet për çmimet e ushqimeve janë rikthyer në rënie, ndërkohë që çmimet e naftës pritet të stabilizohen në fund të vitit 2022 dhe më pas të ulen.

Sipas të dhënave të Entit Shtetëror të Statistikave, kostoja e jetesës në korrik të këtij viti në krahasim me korrikun e vitit të kaluar është rritur për 16 për qind, ndërsa çmimet me pakicë kanë shënuar rritje prej 14 për qind.

Advertisement

Krahasuar me qershorin e këtij viti, kostoja e jetesës është rritur me 1.9%, dhe çmimet e shitjes me pakicë me 2.5%.

Advertisement
1 Comment

You must be logged in to post a comment Login

Leave a Reply

Lajme nga vendi

MBJELLJET E GRURIT NË POLLOG NË RREZIK – BUJQIT PËRBALLEN ME KOSTO TË LARTA!

Published

on

Edhe pse kushtet atmosferike janë të favorshme për mbjelljet vjeshtore, bujqit në rajonin e Pollogut po përballen me pasiguri ekonomike. Çmimet e ulëta të grurit, shpenzimet e larta të prodhimit dhe vështirësitë në shitjen e prodhimit të sivjetshëm po i dekurajojnë fermerët. Agronomët paralajmërojnë se pa masa konkrete mbështetëse, vendi rrezikon të bëhet gjithnjë e më i varur nga importi i grurit.

Vala e fundit e reshjeve ka ndikuar pozitivisht në përmirësimin e mungesës së mëparshme të ujit dhe ka siguruar lagështi optimale dhe produktive në shtresën sipërfaqësore të tokës.

Kjo ka krijuar kushte të favorshme agroekologjike për përfundimin e mbjelljeve vjeshtore dhe për fillimin e zhvillimit vegjetativ të kulturave drithërore.

Agronomi, Alirami Saliu, për Tv Koha, thotë se për mbjelljet vjeshtore ekziston një kalendar i përcaktuar, i cili për kushtet klimatike të rajonit të Pollogut parasheh periudhën nga mesi deri në fund të muajit tetor.

Mbjelljet vjeshtore po hyjnë në fazën përfundimtare. Kushtet atmosferike dhe lagështia në tokë janë të favorshme, por mbetet e paqartë se sa sipërfaqe do të mbillen këtë vit me grurë. Çmimet e ulëta të blerjes, shpenzimet e rritura të prodhimit dhe mungesa e leverdisë ekonomike po i detyrojnë bujqit të heqin dorë nga kultivimi i një pjese të sipërfaqeve bujqësore.

Advertisement

Interesimi i ulët për blerjen e grurit dhe çmimi i ulët i prodhimit të sivjetshëm kanë bërë që një pjesë e fermerëve të mbeten me sasi të pashitura në depot e tyre. Ndërkohë, çmimet e naftës, plehrave artificiale dhe materialeve të tjera të nevojshme për prodhim vazhdojnë të rriten.

Bujqit paralajmërojnë se, nëse shteti dhe Ministria e Bujqësisë nuk ndërmarrin masa konkrete, Maqedonia gjithnjë e më shumë do të bëhet e varur nga importi i grurit.

Kohë më parë nga Ministria e Bujqësisë kanë bërë shpërndarjen e kartelave të naftës së gjelbër për bujqit.

Siç njoftojnë nga Ministria e Bujqësisë, për Tetovën janë ndarë gjithsej 1.577 kartela, në vlerë prej 11.953.292 denarësh, mbështetje e drejtpërdrejtë për uljen e kostove të prodhimit bujqësor.

/Tv Koha/ 

Advertisement
Continue Reading

Lajme nga vendi

BDI: JO VETËM “ALTA BANKA”, EDHE INSULINA NË DUAR TË BOTËS SËRBE!

Published

on

“Alta Banka” nuk është rasti i vetëm që një kompani serbe po investon në vendin tonë duke tentuar ta shtri ndikimin në vend, thonë nga Bashkimi Demokratik për Integrim.

Arta Bilalli nga kjo parti tha se blerja e Phoenix Pharma nga kompania serbe VEGA, e lidhur me biznesmenin Dejan Çakajac, bashkëpronar i kompanisë së lojërave të fatit Mozzart, është një rast tjetër që dëshmon tezën e opozitarëve.

ARTA BILALLI ZENDELI – BDI
“Më 3 prill 2025, Komisioni për Mbrojtjen e Konkurrencës, me vendimin nr. 08-55, miratoi blerjen e Phoenix Pharma nga kompania serbe VEGA, e lidhur me Dejan Çakajac, bashkëpronar i kompanisë së lojërave të fatit Mozzart. Insulina nuk është biznes i zakonshëm. Është ilaç jetik dhe furnizimi me të është çështje e sigurisë shëndetësore të shtetit. Prandaj, sot pyesim publikisht: Kush e ka vlerësuar rrezikun për sigurinë e furnizimit me insulinë? Pse Komisioni e miratoi këtë përqendrim dhe a ka pasur ndikim politik në këtë vendim?

Megjithatë, sapo përfundoi konferenca, rasti i përmendur nga Arta Bilalli u lidh me Qeverisjen e Arben Taravarit dhe kohën kur ai ka qenë në krye të Ministrisë së Shëndetësisë.

TV Koha kontatoi Taravarin, në një përgjigje me shkrim ai tha se kompania për të cilën flet BDI-ja është kompani private dhe se, shit blerja e kompanive private nuk është kompetencë e ministrit dhe ministries.

Advertisement

ARBEN TARAVARI – Ish Ministër i Shëndetësisë
Kompanitë private, kush i shet dhe kush i blen, nuk janë çështje që bien në kompetencë të Ministrisë së Shëndetësisë. Nuk kam pasur asnjë informacion se kush e ka shitur apo blerë ndonjë kompani të caktuar. Kjo nuk është përgjegjësi e ministrit dhe as e Ministrisë së Shëndetësisë.

Ndryshe, Phoenix Pharma në Maqedoninë e Veriut është një nga kompanitë kryesore të distribucionit me shumicë të barnave dhe produkteve farmaceutike. Roli i saj është shumë i rëndësishëm, sepse lidh prodhuesit e barnave me farmacitë, spitalet, institucionet shëndetësore dhe pacientët./Tv Koha – Shkup/

 

Continue Reading

Lajme nga vendi

Piloti shqiptar shpallet më i miri me avionët F-35 në forcën ajrore të SHBA

Published

on

Një tjetër histori suksesi që bën krenar çdo shqiptar! Edmond Smajli, pilot me origjinë nga Kosova, është shpallur më i miri në drejtimin e avionëve luftarakë F-35 në Forcën Ajrore të Shteteve të Bashkuara.
F-35 konsiderohet si një nga avionët më të avancuar dhe më të sofistikuar në botë, dhe të arrish të vlerësohesh si më i miri në këtë kategori është një arritje e jashtëzakonshme.
Me profesionalizëm të lartë dhe përkushtim maksimal, Smajli ka arritur të dallojë mes elitës së pilotëve amerikanë, duke dëshmuar aftësi të jashtëzakonshme dhe disiplinë të fortë.
Ky sukses nuk është vetëm personal, por një moment krenarie për gjithë shqiptarët, duke treguar se talenti dhe puna e palodhur nuk njohin kufij.
Një emër që tashmë shkruhet me germa të arta në historinë e aviacionit ushtarak!

Continue Reading

Më të lexuarat