Connect with us

Lajme nga vendi

Korrupsion i madh gjatë tenderëve: ASHMAA ka blerë maska nga 104 denarë, ARM të njejtat për 2,7 denarë

Published

on

Produkte të njejta, si përshembull maska mbrojtëse, të cilat janë blerë në një periudhë të njejtë kohore, janë blerë me dallime të mëdha në çmime, e diku dallimi ka qenë madje edhe 500%. Kështu vlerëson Qendra për Komunikime Civile. Pas monitorimit të rreth 40 prokurimeve publike lidhur me pandeminë, kjo organizatë joqeveritare konfirmon se edhe në gjysmën e dytë të vitit 2021 ato kanë qenë me shumë probleme dhe me sjellje korruptive, informon Zhurnal.

 

Edhe më tej ka dallime të mëdha në çmime të produkteve, të blera në një periudhë të njejtë, që lëvizin madje deri në 500% dallim. Kjo është dëshmuar përmes shembujve për prokurime publike të dy produkteve më të blera gjatë gjithë korona rizës, e ato janë maska mbrojtëse për një përdorim dhe maskat respiratore N95. Edhe këtu, ashtu si te testet e shpejta për Covid, ka dallime të mëdha në çmime. Përshembull, nëse meren parasysh dy tenderët ku janë blerë 13 mijë maska, dallimi në çmim mes tyre është madje tre herë, gjegjësisht në njërin tender çmimi ka qenë për 195% më i shtrenjtë se tenderi i mëparshëm.

Kështu përshembull, Agjencia për Shërbime Mediatike Audio dhe Audiovizuele, për një maskë mbrojtëse N95 ka paguar madje 104,3 denarë për copë, ndërsa ka blerë 120 të tilla nga një ofrues. Ministria e Mbrojtjes përshembull, maskat e njejta, në periudhën e njejtë i ka blerë nga 2,71 denarë (ka blerë 13,000 maska).

E njejta është te maskat për një përdorim. ASHMAA i ka blerë nga 4,4 denarë ndërsa ARM nga 0,28 denarë,, që i bie se nuk kanë qenë madje as gjysmë denari.

Advertisement

Këtu dëshmohet se është menduar të ketë para të mjaftueshme për korrupsion. Sipas kësaj qendre, vlerat e vlerësuara të prokurimeve edhe më tej janë të larta nga çmimet e mara në tenderë, që është lënie hapësirë e qëllimshme për marrëveshje me vlera më të larta.

Më tej, bëhet marrëveshje jashtëligjore mes institucioneve dhe firmave. Dëshmitar për këtë, siç konstaton hulumtimi është si në vijim: Kur ka një ofrues ose ngelet një ofrues pas eliminimit të ofruesve tjerë në fazën e evaulimit, pothuajse pa përjashtim çmimi i ofruar përputhet ose është shumë afër te vlera e furnizimit, edhe pse ajo nuk është publikuar. Nuk është e mundur përputhje e tillë, nëse kjo nuk është dakorduar më herët me atë që duhet ta fitojë tenderin. Thjeshtë, nuk është e mundur që firma fituese të tenderave ta kishin qëlluar saktësisht vlerën e cila madje nuk është publikuar, transmeton Zhurnal.

Konkludim tjetër nga analiza me shembuj konkret, është se gjatë blerjes së reagjensave, ekziston varshmëri nga firma aparati i së cilëve për testime e përdor institucioni. Ajo përmbanë rrezik nga pagesa me çmime më të larta për reagjensa dhe mundësi për korrupsion.

Thuhet gjithashtu se ka qenë dobët me transparencën në dokumentacione në po këto procedura jo transparente me tenderë në katër sy, pa publikim të shpalljeve.

Puna tjetër që bie në sy është angazhimi i personave të jashtëm dhe firmave për zbatimin e prokurimeve publike në pandemi. Kjo sipas Qendrës për Komunikime Qytetare, sjellë rreziqe të larta nga përplasja e interesave dhe korrupsion.

Advertisement

Në analizë, Qendra thotë se si prokurime publike për Covid janë blerë produkte që nuk mund lehtë të kenë lidhje me pandeminë. Përshembull, blerja e një veture zyrtare me timon të lëkurës, gjashtë buferë dhe ngjyrë metalik. Ose blerja e udhëzimeve të shtypura për gazetë ambulante, gazetë familjare patronazhi, raport për para, libër për rregullsi, receta, këshilltore për foshnja, kartonë shëndetësorë dental, blerja e kompjutorëve etj.

“Ajo që është interesante është se në këto tenderë të tillë nga shembujt e monitoruar ka patur vetëm nga një ofertë, madje edhe për blerjen e produkteve për të cilat ka konkurencë më të madhe, si përshembull për kompjutorë”, thuhet në analizë.

Rreth 40të procedura të përfshira paraqesin 52% nga të gjithë tenderët për Covid në periudhën e monitorimit (gjithsej ka patur 77 tenderë). Vlera e tenderëve të monitoruar ka shënuar 1,25 milion euro, që është 30,4% nga vlera e të gjithë tenderëve për Covid pandeminë në periudhën e analizuar (4,1 milion euro)./Zhurnal.mk

Advertisement
3 Comments

You must be logged in to post a comment Login

Leave a Reply

Lajme nga vendi

MPB paralajmëron: Kujdes nga SMS-të mashtruese për gjobat e trafikut

Published

on

Ministria e Punëve të Brendshme ka paralajmëruar qytetarët për shtimin e mesazheve mashtruese përmes SMS-ve, postës elektronike dhe rrjeteve sociale, përmes të cilave kërkohet pagesa e kundërvajtjeve të supozuara rrugore të regjistruara nga sistemi “Qyteti i Sigurt”.

Sipas MPB-së, bëhet fjalë për mashtrime të llojit “phishing”, ku qytetarëve u dërgohen mesazhe me linqe të rreme, përmes të cilave kërkohet që të fusin të dhënat e tyre personale dhe bankare. Qëllimi i këtyre veprimeve është keqpërdorimi i informacioneve dhe mjeteve financiare të qytetarëve. MPB-ja u bën apel qytetarëve që të mos hapin linqe të dyshimta dhe të mos vendosin të dhënat e kartelave bankare, fjalëkalimet apo informacione të tjera personale në ueb-faqe të paverifikuara. Gjithashtu, qytetarët këshillohen të mos kryejnë pagesa përmes linqeve të pranuara në mesazhe të dyshimta.
Nga Ministria rikujtojnë se njoftimet zyrtare me SMS për kundërvajtjet rrugore nga sistemi “Qyteti i Sigurt” dërgohen ekskluzivisht nga dërguesi “MVR-SC“ dhe përmbajnë detyrimisht targën e automjetit me të cilin është kryer kundërvajtja. Ndërkaq, linku zyrtar për informacione dhe pagesën e kundërvajtjeve është: http://safecountry.mvr.gov.mk. Sektori për Krim Kompjuterik pranë MPB-së, ndërkohë, po ndërmerr masa dhe veprime për zbulimin dhe sanksionimin e personave të përfshirë në këto mashtrime.
MPB-ja u bën thirrje qytetarëve që të tregojnë kujdes të shtuar dhe të verifikojnë çdo njoftim para se të ndërmarrin ndonjë veprim. përcjell Zhurnal.mk .

Continue Reading

Lajme nga vendi

Iskra Haxhi Vasileva merr drejtimin e Prokurorisë për Krim të Organizuar dhe Korrupsion, përpara saj disa raste të bujshme

Published

on

Iskra Haxhi Vasileva ka marrë zyrtarisht detyrën e shefes së Prokurorisë për Ndjekjen e Krimit të Organizuar dhe Korrupsionit në Maqedoninë e Veriut. Në moshën 43-vjeçare, ajo bëhet drejtuesja më e re e këtij institucioni, pasi bëri betimin para anëtarëve të Këshillit të Prokurorëve.

Pas marrjes së detyrës, Haxhi Vasileva deklaroi se e konsideron nder emërimin në këtë funksion, por theksoi se ai njëkohësisht e ngarkon me përgjegjësi të madhe.

Emri i saj është bërë i njohur në opinion kryesisht përmes disa rasteve të bujshme që lidhen me korrupsionin e nivelit të lartë.

Ajo është prokurore në rastin e 350 mijë eurove të gjetura te gjyqtari i Apelit, Gjoko Ristov, si dhe në rastin kundër ish-drejtorit të Inspektoratit Shtetëror të Bujqësisë, Vace Anakiev, i dyshuar për ryshfet. Gjithashtu, udhëheq hetimet ndaj ish-drejtorit të Drejtorisë së Doganave, Stefan Bogoev, ndërsa ka qenë e përfshirë edhe në rastin kundër ish-kryetarit të Komunës së Novo Sellës, Boro Stojçev, lidhur me çështjen e marihuanës. Ajo ishte prokurore edhe në fillimet e rastit kundër kardiologut Zhan Mitrev.

Në krye të Prokurorisë, Haxhi Vasileva nuk trashëgon vetëm një funksion drejtues, por edhe një sërë lëndësh të hapura dhe çështjesh të ndjeshme që presin përgjigje institucionale.

Advertisement

Ndër temat që kanë ngjallur debat në javët e fundit është edhe hyrja e Alta Bankës në Maqedoninë e Veriut. Kryeprokurori i Shtetit, Nenad Saveski, ka deklaruar shkurt se institucionet po e ndjekin situatën.

E pyetur nga BIRN nëse Prokuroria ka një qëndrim lidhur me këtë çështje, Haxhi Vasileva tha se për momentin nuk mund të përgjigjet pa shqyrtuar paraprakisht materialet përkatëse.

Ajo theksoi se, në rast se paraqiten indicie ose baza më serioze për dyshime, çështja do të ndiqet me vëmendje.

„Nëse kemi gjurmë ose baza më serioze, natyrisht se këto janë tema që ndiqen me kujdes“, deklaroi ajo, duke iu referuar mundësisë së hapjes së lëndëve me iniciativë të Prokurorisë.

Sa i përket bashkëpunimit me Prokurorinë për Krim të Organizuar të Serbisë, ajo tha se bashkëpunimi ndërkombëtar është pjesë e detyrimeve ligjore dhe se me Serbinë ekziston një bashkëpunim i mirë.

Advertisement

Ndërkohë, partitë opozitare kanë kërkuar hapjen e hetimeve edhe për hyrjen e Alta Bankës në vend, si dhe për destinimin dhe shpenzimin e mjeteve të Lotarisë Shtetërore për organizimin e festimeve me rastin e Ditës së Pavarësisë. Deri më tani, të paktën publikisht, nuk ka informacione për veprime konkrete të Prokurorisë lidhur me këto çështje.

Lëndët e vjetra, sfida e parë për drejtuesen e re

Në tavolinën e saj e presin edhe disa lëndë që prej vitesh nuk kanë marrë epilog.

Një ndër to është rasti „Talir“, në të cilin VMRO-DPMNE akuzohet për pastrim parash, ndërsa procesi gjyqësor zvarritet prej gati tetë vitesh pa një vendim përfundimtar.

Sipas BIRN, gjatë këtij viti të gjitha seancat gjyqësore për këtë rast janë shtyrë ose anuluar. Publikimi vë në pikëpyetje edhe angazhimin e prokurores Engellushe Kadriu, e cila e mori lëndën nga Lençe Ristoska, për t’i dhënë më shumë dinamikë procesit.

Advertisement

Një tjetër sfidë janë dy lëndët e hapura lidhur me pretendimet për përgjim të paligjshëm të kryeministrit Hristijan Mickoski. Dyshimet për përgjim u bënë publike nga vetë Mickoski, i cili u referua në informacione nga Agjencia për Siguri Kombëtare dhe Agjencia për Zbulim.

Njëra nga lëndët është hapur në dhjetor të vitit 2024, por deri më tani në asnjërën nuk është nisur hetim dhe nuk ka persona të dyshuar.

Vëmendje të veçantë kërkon edhe rasti i furnizimit me mazut, i cili shkaktoi reagime të shumta politike. Prokurorja Katerina Kolaroviq fillimisht e hodhi poshtë kallëzimin penal, por prokurori i lartë Jovan Cvetanovski e anuloi vendimin dhe e ktheu lëndën në Prokurorinë për Ndjekjen e Krimit të Organizuar dhe Korrupsionit.

Çështja mori edhe dimension politik pas deklaratave publike të kryeministrit Hristijan Mickoski dhe ministrit të Punëve të Brendshme, Pançe Toshkovski.

Këto janë vetëm disa nga rastet në të cilat drejtuesja e re do të duhet të dëshmojë nëse prioritetet e saj do të mbeten vetëm premtime programore apo do të shndërrohen në rezultate konkrete.

Advertisement

Në programin me të cilin fitoi këtë pozitë, Haxhi Vasileva ka premtuar procedura më efikase dhe më të shpejta, hetime financiare dhe konfiskim të pasurisë së përfituar në mënyrë të paligjshme, forcim të kapaciteteve institucionale, digjitalizim, si dhe rritje të transparencës dhe besimit të publikut.

Haxhi Vasileva, e cila ushtron detyrën e prokurores që nga viti 2009, në funksionin e ri do të punojë me një ekip prej 11 prokurorësh.(INA)

Continue Reading

Lajme nga vendi

AKSION GUERIL: PËR DEPUTETËT MISH – PËR STUDENTËT QEPË DHE KONZERVA!

Published

on

Me një aksion gueril urban të titulluar “Kontrastet shoqërore”, organizatat joqeveritare u dolën në mbështetje studentëve dhe luftës së tyre për një standard më të mirë jetese.

Me dy tavolina të ndryshme dhe dy meny të ndryshme, njëra për deputetët dhe tjetra për studentët, në sheshin e vogël pranë Qendrës Tregtare “Bunjakovec” në Shkup, grupi “Aksionet artistike urbane” synon të paraqesë edhe vizualisht pabarazinë në shoqërinë e Maqedonisë.

Siç shihet në aksion, aktivistët e këtij grupi duan të tregojnë se tryeza studentore, me bukë, një konservë ton dhe qepë, pasqyron kufizimet e shumës prej 140 denarësh që studentët marrin nga shteti si subvencion për ushqim.

Në anën tjetër, menyja dhe ushqimi i shtruar në tryezën e deputetëve hapin çështjen e çmimeve të privilegjuara në bufenë e Kuvendit dhe pyetjen se përse pikërisht ata që kanë më shumë, në këtë shtet, gjithmonë paguajnë më pak.

Sipas aktivistëve, kontrasti bardhezi mes dy tavolinave tregon më së miri se me 140 denarë nuk mund të sigurohet një vakt studentor i denjë dhe i balancuar nga ana ushqyese.

Advertisement

“Deri kur për disa luks në kurriz të shtetit, e për të tjerët luftë për mbijetesë?” – ka shkruar në Facebook, Blendi Hodai nga Forumi për Reforma në Arsim.

Pikërisht vlera e shujtës studentore ishte bërë shkas i një përplasjeje mes tij dhe Kryeministrit Mickoski, pasi ky i fundit kishte deklaruar se nuk është sjellje e mirë të ofendohen profesorët.

Blendi Hodai kishte publikuar në profiling e tij në Facebook, menynë e restorantit të Kuvendit, ku deputetët mund të ushqehen me çmime të privilegjuara.

“Pyetja është e thjeshtë: pse ushqimi me çmime të privilegjuara për funksionarët konsiderohet i arsyeshëm, ndërsa subvencionimi i ushqimit për studentët bëhet objekt debati?” – kishte shtruar pyetjen Blendi Hodai./Tv Koha/

Advertisement
Continue Reading

Më të lexuarat