Lajme nga vendi
Priten rezultate për pacientin nga Kërçova, i dyshuar si i infektuar me linë e majmunit
Gjatë ditës së djeshme në Institutin e Shëndetit Publik (ISHP) të Maqedonisë së Veriut, është dorëzuar mostra për testimin e një rasti të dyshuar me linë e majmunit.
Pacienti është nga Kërçova dhe para disa ditësh i janë shfaqur puçra në trup, që është një nga simptomat e lisë së majmunëve.
Komisioni i Sëmundjeve Infektive, i cili mbajti mbledhjen e djeshme pasdite, rekomandoi vendosjen e izolimit në kushte shtëpie apo spitalore për të gjitha rastet e dyshuara dhe të konfirmuara dhe monitorimin e përditshëm epidemiologjik të personave që kanë pasur kontakt me rastet e konfirmuara.
“Komisioni i Sëmundjeve Infektive rekomandoi vendosjen e masave izoluese/karantinë dhe izolimin në kushte shtëpie apo spitalore të rasteve të dyshuara të lisë së majmunëve deri në testimin e tyre, izolimin e rasteve të konfirmuara në kushte shtëpie apo spitalore deri në shërimin e sëmundjes. Monitorim ditor epidemiologjik i kontakteve të rasteve të konfirmuara të lisë së majmunëve gjatë periudhës prej 21 ditësh”, njofton KSI.
Komisioni gjithashtu rikonfirmoi rekomandimin për Ministrinë e Shëndetësisë për marrjen e të gjitha masave të nevojshme parandaluese.
Kryetari i Komisionit për Sëmundje Infektive, Aleksandar Petliçkovski, ka bërë të ditur se pacienti nga Kërçova është në gjendje të mirë shëndetësore dhe nuk ka nevojë për hospitalizim.
Në Klinikën për Sëmundje Infektive në Shkup, siç informoi dje Ministria e Shëndetësisë, nuk ka asnjë pacient të shtruar që dyshohet se ka lisë së majmunit.
Petliçkovski nuk pret që kjo sëmundje të bëhet problem si virusi korona.
Sipas tij, në vend ka analiza për linë e majmunëve dhe tashmë Agjencia Evropiane e Barnave ka një vaksinë të miratuar, por vaksinimi masiv nuk është planifikuar.
“Zgjerimi nuk po shkon aq shpejt sa kishim frikë në fillim. Transmetimi ndodh në grupe të caktuara. Vaksinat rekomandohen në mbarë botën për grupet e rrezikut dhe ata me kontakte rreziku. Imunizimi masiv nuk parashikohet askund për momentin”, tha kryetari i Komisionit të Sëmundjeve Infektive.
Gjithsej 31,800 raste të lisë së majmunëve janë regjistruar në mbarë botën deri më 9 gusht.
Në Evropë, numri më i madh i rasteve është në Spanjë – 5,162, Gjermani – 2,982 dhe Britania e Madhe – 2,914.
Lajme nga vendi
MBJELLJET E GRURIT NË POLLOG NË RREZIK – BUJQIT PËRBALLEN ME KOSTO TË LARTA!
Edhe pse kushtet atmosferike janë të favorshme për mbjelljet vjeshtore, bujqit në rajonin e Pollogut po përballen me pasiguri ekonomike. Çmimet e ulëta të grurit, shpenzimet e larta të prodhimit dhe vështirësitë në shitjen e prodhimit të sivjetshëm po i dekurajojnë fermerët. Agronomët paralajmërojnë se pa masa konkrete mbështetëse, vendi rrezikon të bëhet gjithnjë e më i varur nga importi i grurit.
Vala e fundit e reshjeve ka ndikuar pozitivisht në përmirësimin e mungesës së mëparshme të ujit dhe ka siguruar lagështi optimale dhe produktive në shtresën sipërfaqësore të tokës.
Kjo ka krijuar kushte të favorshme agroekologjike për përfundimin e mbjelljeve vjeshtore dhe për fillimin e zhvillimit vegjetativ të kulturave drithërore.
Agronomi, Alirami Saliu, për Tv Koha, thotë se për mbjelljet vjeshtore ekziston një kalendar i përcaktuar, i cili për kushtet klimatike të rajonit të Pollogut parasheh periudhën nga mesi deri në fund të muajit tetor.
Mbjelljet vjeshtore po hyjnë në fazën përfundimtare. Kushtet atmosferike dhe lagështia në tokë janë të favorshme, por mbetet e paqartë se sa sipërfaqe do të mbillen këtë vit me grurë. Çmimet e ulëta të blerjes, shpenzimet e rritura të prodhimit dhe mungesa e leverdisë ekonomike po i detyrojnë bujqit të heqin dorë nga kultivimi i një pjese të sipërfaqeve bujqësore.
Interesimi i ulët për blerjen e grurit dhe çmimi i ulët i prodhimit të sivjetshëm kanë bërë që një pjesë e fermerëve të mbeten me sasi të pashitura në depot e tyre. Ndërkohë, çmimet e naftës, plehrave artificiale dhe materialeve të tjera të nevojshme për prodhim vazhdojnë të rriten.
Bujqit paralajmërojnë se, nëse shteti dhe Ministria e Bujqësisë nuk ndërmarrin masa konkrete, Maqedonia gjithnjë e më shumë do të bëhet e varur nga importi i grurit.
Kohë më parë nga Ministria e Bujqësisë kanë bërë shpërndarjen e kartelave të naftës së gjelbër për bujqit.
Siç njoftojnë nga Ministria e Bujqësisë, për Tetovën janë ndarë gjithsej 1.577 kartela, në vlerë prej 11.953.292 denarësh, mbështetje e drejtpërdrejtë për uljen e kostove të prodhimit bujqësor.
/Tv Koha/
Lajme nga vendi
BDI: JO VETËM “ALTA BANKA”, EDHE INSULINA NË DUAR TË BOTËS SËRBE!
“Alta Banka” nuk është rasti i vetëm që një kompani serbe po investon në vendin tonë duke tentuar ta shtri ndikimin në vend, thonë nga Bashkimi Demokratik për Integrim.
Arta Bilalli nga kjo parti tha se blerja e Phoenix Pharma nga kompania serbe VEGA, e lidhur me biznesmenin Dejan Çakajac, bashkëpronar i kompanisë së lojërave të fatit Mozzart, është një rast tjetër që dëshmon tezën e opozitarëve.
ARTA BILALLI ZENDELI – BDI
“Më 3 prill 2025, Komisioni për Mbrojtjen e Konkurrencës, me vendimin nr. 08-55, miratoi blerjen e Phoenix Pharma nga kompania serbe VEGA, e lidhur me Dejan Çakajac, bashkëpronar i kompanisë së lojërave të fatit Mozzart. Insulina nuk është biznes i zakonshëm. Është ilaç jetik dhe furnizimi me të është çështje e sigurisë shëndetësore të shtetit. Prandaj, sot pyesim publikisht: Kush e ka vlerësuar rrezikun për sigurinë e furnizimit me insulinë? Pse Komisioni e miratoi këtë përqendrim dhe a ka pasur ndikim politik në këtë vendim?
Megjithatë, sapo përfundoi konferenca, rasti i përmendur nga Arta Bilalli u lidh me Qeverisjen e Arben Taravarit dhe kohën kur ai ka qenë në krye të Ministrisë së Shëndetësisë.
TV Koha kontatoi Taravarin, në një përgjigje me shkrim ai tha se kompania për të cilën flet BDI-ja është kompani private dhe se, shit blerja e kompanive private nuk është kompetencë e ministrit dhe ministries.
ARBEN TARAVARI – Ish Ministër i Shëndetësisë
Kompanitë private, kush i shet dhe kush i blen, nuk janë çështje që bien në kompetencë të Ministrisë së Shëndetësisë. Nuk kam pasur asnjë informacion se kush e ka shitur apo blerë ndonjë kompani të caktuar. Kjo nuk është përgjegjësi e ministrit dhe as e Ministrisë së Shëndetësisë.
Ndryshe, Phoenix Pharma në Maqedoninë e Veriut është një nga kompanitë kryesore të distribucionit me shumicë të barnave dhe produkteve farmaceutike. Roli i saj është shumë i rëndësishëm, sepse lidh prodhuesit e barnave me farmacitë, spitalet, institucionet shëndetësore dhe pacientët./Tv Koha – Shkup/
Lajme nga vendi
Piloti shqiptar shpallet më i miri me avionët F-35 në forcën ajrore të SHBA
Një tjetër histori suksesi që bën krenar çdo shqiptar! Edmond Smajli, pilot me origjinë nga Kosova, është shpallur më i miri në drejtimin e avionëve luftarakë F-35 në Forcën Ajrore të Shteteve të Bashkuara.
F-35 konsiderohet si një nga avionët më të avancuar dhe më të sofistikuar në botë, dhe të arrish të vlerësohesh si më i miri në këtë kategori është një arritje e jashtëzakonshme.
Me profesionalizëm të lartë dhe përkushtim maksimal, Smajli ka arritur të dallojë mes elitës së pilotëve amerikanë, duke dëshmuar aftësi të jashtëzakonshme dhe disiplinë të fortë.
Ky sukses nuk është vetëm personal, por një moment krenarie për gjithë shqiptarët, duke treguar se talenti dhe puna e palodhur nuk njohin kufij.
Një emër që tashmë shkruhet me germa të arta në historinë e aviacionit ushtarak!


You must be logged in to post a comment Login