Lajme nga vendi
Ahmeti pret delegacionin nga Ukraina: Solidarizohemi me luftën e popullit ukrainas për liri
Kryetari i Bashkimit Demokratik për Integrim, z. Ali Ahmeti, ka pritur në selinë e Partisë, një delegacion funksionarësh e personalitetesh publike nga Ukraina me të cilët ka biseduar për pasojat e agresionit rus dhe mënyrën e vendosjes së paqes.
Mysafirët, Tetjana Shçerbak, zëvendës–guvernatore e rajonit të Kievit, Violetta Dvornikova nga Këshilli i qytetit të Irpinit dhe Trohim Ivanov, zëvendës–kryebashkiak i qytetit të Vishgorodit, e informuan z.Ahmeti për gjendjen reale në shtetin e tyre, i cili dita-ditës është duke zgjeruar zonat e çliruara. Ata thanë se qëllimi i udhëtimit të tyre në Ballkanin Perëndimor është rrëfimi i së vërtetës për Ukrainën, e cila shpeshherë është shtrembëruar si rezultat i veprimeve toksike të shërbimeve sekrete dhe propagandistike të Rusisë.
“Maqedonia e Veriut është një vend i vogël, por gjithmonë ka për të qenë në mbështetje të kauzës suaj të drejtë. Personalisht,përherë kam përkrahur dhe përkrahë popujt të cilët luftojnë për lirinë e tyre. Me Ukrainën, Rusia është perandori, ndërsa pa të është vetëm Rusi”, tha z.Ahmeti duke i njohur të pranishmit me përvojat pozitive të Maqedonisë së Veriut.
Z.Ahmeti i siguroi mysafirët se populli ukrainas në fund do ngadhnjejë, njëjtë sikurse shqiptarët që fituan lirinë e tyre.
Gjatë bashkëbisedimit u tha se “më nuk ka probleme të huaja dhe vende të largëta, për shkak se në Ukrainë po zhvillohet luftë mes vlerave evropiane dhe regjimit diktatorial nga Kremlini”.
Rrjedhimisht, delegacioni nga Ukraina ishte mysafir itribunës së hapur të Universitetit të Evropës Juglindore (UEJL), të titulluar “Rrëfime nga Ukraina”, ku sollën dëshmi për atë se çfarë po ndodhë aktualisht në atdheun e tyre, i cili nga ky fillim vit është në shënjestër të agresionit rus
Para qëndrimit në Tetovë, Karvani për të vërtetën eUkrainës ka qëndruar në Vojvodinë, Bosnjë e Hercegovinë si dhe në Mal të Zi. Nismëtar i kësaj ndërmarrjeje është politikani i njohur opozitar serb dhe veprimtar për të drejtat e njeriut, Nenad Çanak.
Sipas informacioneve të marra nga prokuroritë publike në mbarë vendin, dita e sotme e zgjedhjeve lokale 2025 po zhvillohet përgjithësisht qetë dhe pa shkelje të mëdha të procesit zgjedhor, njofton Prokuroria Publike e Shtetit.
Që nga hapja e vendvotimeve në mëngjes, në prokuroritë publike dhe në adresën elektronike zyrtare izbori@jorm.mk nuk janë raportuar incidente apo parregullsi në vendvotime që do të kishin elemente të veprës penale.
“Një prokuror nga Prokuroria Publike e Strumicës është njoftuar gojarisht për fletëvotime të shtypura gabimisht në komunën e Novo Sellës dhe është zhvilluar bisedë lidhur me rastin. Komisioni Shtetëror i Zgjedhjeve është informuar që ta zëvendësojë materialin, por është konstatuar se nuk ka elemente të veprës penale. Gjatë ditës së djeshme janë evidentuar disa raste të izoluara me dyshime për blerje votash në Veles, Prilep, Kriva Pallankë dhe Sveti Nikole. Në të gjitha këto raste po ndërmerren veprime hetimore nën drejtimin e prokurorëve publikë për të verifikuar pretendimet. Gjithashtu janë pranuar disa informacione për shkelje të mundshme të heshtjes zgjedhore, por deri tani numri i ngjarjeve që mund të kenë elemente penale është shumë i vogël. Në bazë të këtyre të dhënave, procesi zgjedhor po zhvillohet pa pengesa të mëdha nga aspekti i ndjekjes prokuroriale”, thuhet në njoftimin e Prokurorisë Publike të Republikës së Maqedonisë së Veriut.
Prokuroria shton se Komisioni i përkohshëm për ndjekjen e parregullsive zgjedhore vazhdon ta monitorojë tërësisht procesin e votimit edhe sot, ndërsa adresa elektronike izbori@jorm.mk mbetet e hapur për çdo denoncim të dyshimeve për vepra penale që mund të ndikojnë në rrjedhën e zgjedhjeve.
Gjithashtu, në të gjitha prokuroritë themelore janë organizuar turne të jashtëzakonshme, ndërsa Prokuroria bashkëpunon ngushtë me institucionet e tjera kompetente për monitorimin e procesit zgjedhor.
“Të gjitha dyshimet e mundshme për vepra penale që mund ta cenojnë procesin zgjedhor do të hetohen, dhe rastet do të trajtohen me prioritet,” – thekson Prokuroria Publike e Shtetit.
Qytetarët e Maqedonisë së Veriut po votojnë në raundin e parë të zgjedhjeve lokale për 80 kryetarë komunash dhe për kryetar të qytetit të Skupit si njësi e veçantë e pushtetit lokal.
Kandidatët për pushtetin lokal në Maqedoninë e Veriut janë propozuar nga gjithsej 22 parti politike, 19 koalicione dhe 119 grupe votuesish, përkatësisht kandidatura të pavarura. Numrin më të madh të kandidatëve e ka qyteti i Shkupit me 16 kandidatë për kryetar komune dhe 19 lista për këshilltarë.
Votimi filloi të dielën (19.10.2025) në orën 07:00 të mëngjesit dhe sipas Komisionit Shtetëror të Zgjedhjeve (KSHZ) të gjitha vendvotimet janë të hapura dhe procesi është duke u zhvilluar pa pengesë. Qytetarët që shfrytëzuan të drejtën e votimit presin nga këto zgjedhje përmisim të mjedisit jetësor.
Denoncohen 20 shkelje të heshtjes zgjedhore
Gjatë heshtjes zgjedhore janë regjistruar 20 paraqitje për shkelje të heshtjes zgjedhore në Shkup, Kumanovë, Ohër, Manastirë, Strumicë dhe Veles. Pas masave të ndërmarra, 15 prej këtyre paraqitjeve nuk janë konfirmuar, njoftoi Ministria e Punëve të Brendshme. Ministri i Brendshëm Pançe Toshkovski ka informuar se mbi 90 përqind e kapaciteteve të Ministrisë së Brendshme janë të angazhuara në sigurimin e procesit zgjedhor, me një prani të shtuar në terren, veçanërisht rreth “pikave të nxehta” ku pritet një frekuencë më e lartë e qytetarëve. Sipas ministrit Tashkovski janë regjistruar edhe 47 postime në rrjetet sociale gjatë heshtjes zgjedhore, të cilat kanë të bëjnë me thirrje për të votuar për kandidatë të caktuar, si dhe video dhe fotografi të aktiviteteve partiake nëpër shtabe.
Monitorimi i votimeve
KSHZ-ja ka dhënë akreditime për ndjekjen e zgjedhjeve për 807 monitorues vendas dhe 644 monitorues ndërkombëtarë. ODIHR-ja është me më shumë montiorues të akredituar.
“Vëzhguesit tanë ndjekin një format standard dhe përderisa jemi këtu, i shikojmë të gjitha aspektet e zgjedhjeve nga lista zgjedhore, regjistrimi i kandidatëve, fushata, aktivitetet e fushatës edhe në terren, edhe online, monitorimi i mediave është gjithashtu një komponent shumë i rëndësishëm i punës sonë” ka deklaroi Mateo Mekaçi Shef i misionit të OSBE-ODIHR-së për monitorimin e zgjedhjeve lokale.
Rezultatet e para të zgjedhjeve lokale KSHZ duhet t’i shpallë brenda 12 orëve pas mbydhjes së qendrave të votimit, ndërsa raundi i dytë është caktuar për 2 nëntor.//DW
Komisioni Shtetëror i Zgjedhjeve njofton rezultatin e pjesëmarrjes deri në orën 13:00
“Deri në orën 13:00 janë pranuar të dhëna për pjesëmarrjen nga 3.207 vendvotime. Kanë votuar 335.244 qytetarë, që përbën 20,12% të votuesve”, thonë nga KSHZ.
Prokuroria: Deri tani, nuk ka shkelje të rënda në procesin zgjedhor
Maqedoni e Veriut: Zhvillohen zgjedhjet lokale
KSHZ: Deri në ora 13:00 kanë votuar 335.244 qytetarë, apo 20,12%
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
Aksident tragjik në autostradën Tetovë – Gostivar, humb jetën një grua 33 vjeçare | VIDEO
