Lajme nga vendi
Pendarovski: Maqedonia është e vetmja në rajon që ka treguar kapacitet për kompromis rreth çështjeve të vështira
Në vitin e ardhshëm pres forcimin edhe më intensiv të solidaritetit dhe partneritetit evropian, si dhe intensifikim të mëtejshëm të lidhjeve transatlantike. Ky është rreziku, por edhe garancia që do të sigurojë paqen, prosperitetin dhe forcimin e mëtejmë të demokracisë si në vendin tonë ashtu edhe në Evropë, theksoi presidenti Stevo Pendarovski në pritjen tradicionale vjetore që organizoi dje në mbrëmje për përfaqësuesit e trupi diplomatik të akredituar në Republikën e Maqedonisë së Veriut në Shkup.
Siç njoftojnë sot nga kabineti presidencial, Pendarovski theksoi se ata i përkasin një gjenerate politikanësh të cilët, siç tha, ballafaqohen me “detyrën aspak të lehtë për të përcaktuar konturet e rendit evropian në të cilin do të jetojnë qytetarët tanë, kur lufta dhe vuajtjet në Ukrainë do të marrin fund”.
“Përgjigja jonë sot ndaj ngjarjeve tragjike në Ukrainë flet se si e imagjinojmë Evropën dhe botën pas përfundimit të kësaj lufte. Paqja dhe çlirimi i Ukrainës është një prioritet që nuk ka alternativë. Nëpërmjet kryesimit tonë të OSBE-së këtë vit, ne do të përpiqemi të japim një kontribut, së bashku me të gjitha subjektet e tjera. Në këtë kontekst, është e rëndësishme nëse do të lejojmë që historia të përsëritet duke lënë që regjimet politike anakronike të qeverisin jetën tonë dhe të vendosin për të ardhmen tonë. Demokracia duhet të mbizotërojë dhe përgjegjësinë më të madhe për këtë e kanë ato vende që hapën dyert e demokracisë për shoqëritë tona kur Muri i Berlinit ra, para më shumë se 30 vitesh. Prandaj, kjo është koha kur angazhimet deklarative duhet të zëvendësohen me vendime të guximshme, pavarësisht nëse bëhet fjalë për ndihmën ushtarake dhe humanitare për Ukrainën, zgjerimin e Bashkimit Evropian, apo për sigurinë dhe përparimin ekonomik të gjithë hapësirës evropiane, rekomandoi Pendarovski.
Siç informon Kabineti i Pendarovskit, presidenti i vendit në fjalimin e tij para trupit diplomatik ka theksuar se Maqedonia e Veriut, si edhe më parë, në kuadër të kompetencave të tij do të përpiqet të vazhdojë në rrugën e integrimeve evropiane, dialogut dhe bashkëpunimit me të gjithë fqinjët e saj.
“Megjithatë, më duhet të theksoj se për vendin tim periudha e kaluar ishte e mbushur me sfida të mëdha dhe sulme joparimore ndaj parametrave të identitetit, me të cilat ndoshta në planin verbal është përballur vetëm Ukraina në historinë e re të Evropës. Dhe në kushte të tilla ne treguam pjekuri dhe vizion, duke marrë vendime për të cilat e dinim se do të kritikoheshim nga një pjesë e opinionit, të cilat mund të ulnin popullaritetin tonë dhe që nga disa mund të interpretoheshin edhe si mangësi, madje edhe dobësi. Pa modesti të rreme, deri tani jemi të vetmit në rajon që kemi treguar kapacitet për kompromis për çështje të vështira dhe kur themi se besojmë në vlerat e demokracisë, kjo për ne nuk është aspak vetëm retorikë dhe aq më pak dobësi. Me këto kompromise u bëmë anëtare e NATO-s dhe hapëm fazën e parë të negociatave me BE-në. Pas tre vitesh anëtarësim në Aleancë, besoj se askush nuk dyshon më se edhe një vend i vogël si Maqedonia e Veriut mund të jetë partner i rëndësishëm dhe të kontribuojë për paqen në kuadrin rajonal dhe atë evropian”, theksoi Pendarovski.
Në këtë vit, siç tha ai, presim të përfundojmë fazën e skriningut të procesit të negociatave me Unionin dhe të kalojmë në hapjen e klasterëve.
“Ndryshimet kushtetuese duhet të jenë së shpejti në agjendën e brendshme dhe në këtë kontekst, ne kemi nevojë për një atmosferë në të cilën të gjitha forcat pro-evropiane mund të bashkohen dhe t’i bëjnë ato ndryshime. Ai proces nuk do të jetë i lehtë dhe çdo provokim apo sulm i mëtejshëm ndaj identitetit tonë vetëm sa do ta komplikojë më tej atë. Me fjalë të tjera, në rrugën evropiane nevojitet një mjedis i qëndrueshëm dhe parashikueshmëri. Në të njëjtën kohë, nuk duhet të harrojmë se integrimi evropian për ne nuk nënkupton vetëm marrëdhënie të mira fqinjësore, por edhe përparim ekonomik, reforma serioze dhe luftë reale, jo retorike kundër korrupsionit të lartë”, shtoi Pendarovski.
Kreu i shtetit në fjalën e tij, siç informoi sot kabineti i tij, vlerësoi se rajoni në të cilin jetojmë është veçanërisht i prekur nga ngjarjet në Ukrainë, pavarësisht nëse bëhet fjalë për pasojat ekonomike dhe sociale apo, nga ana tjetër, ekspozimi ndaj kërcënimeve hibride dhe fushatave të lajmeve të rreme.
“Vitin e kaluar, hapja e negociatave mes Maqedonisë së Veriut dhe Shqipërisë, statusi kandidat i BeH-së, vendimi për anulimin e vizave për Kosovën dhe seria e masave ekonomike për të mbështetur ekonomitë kombëtare, pjesërisht riktheu besueshmërinë e Bashkimit Evropian në rajon. Politika të tilla do të kenë një efekt stabilizues në afat të gjatë vetëm nëse bazohen në një strategji afatgjatë për integrimin e plotë të rajonit në BE dhe nëse nuk janë vetëm një përgjigje ndaj luftës në Ukrainë. Një rajon i begatë i fokusuar në bashkëpunim dhe jo në konfrontime, është i mundur vetëm nëse Bashkimi Evropian është emëruesi ynë i përbashkët”, shtoi presidenti i vendit.Në fjalimin gjatë pritjes për diplomatët në vend, të cilën e mbajti Ambasadori i Shqipërisë, Fatos Reka, në rolin e doajenit të trupit diplomatik, Pendarovski njoftoi se në periudhën e ardhshme do të presë së paku tre presidentë nga rajoni dhe Evropa, dhe gjatë këtij viti tashmë janë organizuar disa vizita dypalëshe dhe shumëpalëshe.
“Qëllimi im është që politika e jashtme e Maqedonisë së Veriut të zhvillohet në mënyrë transparente dhe në interes të vlerave të përbashkëta që i ndajmë me vendet paqësore dhe demokratike”, theksoi Pendarovski.
Në Qendrën për Kulturë në Tetovë, në organizim të Familjes Ramadani dhe Shoqatës së Shkrimtarëve “Oeneum”, promovohen librat “Një melodi e këputur” e autorit Selim Ramadani, “Arti dhe pavdekësia – Selim Ramadani, me autorë Hava Muçollari dhe Ilmi Dervishi dhe “Na bashkoi poezia 25” me autorë Merita Shefqet Abazi dhe Ilmi Dervishi.
Këto promovime u bënë në kuadër të ceremonisë përkujtimore “Arti i përjetësisë – Selim Ramadani” post mortum.
Shkrimtarë, poet por edhe ata që e kanë njohur për së afërmi vazhdojnë të insistojnë që Teatri I Tetovës ta mbajë emrin e tij.
AGIM VINCA – Krijues
“Selimi merrej edhe me krijimtari letrare, nuk ishte pa talent as edhe në këtë fushë, por për mua, ai në radhë të parë është aktor, është artist, krijues që la gjurmë në kulturën shqiptare, ndaj konsideroj se institucioni Teatri I Tetovës, që është teatër profesionist, duhet ta mbajë emrin e tij
Krijimtaria e tij ka qenë ushqimi i tij shpirtëror duke kërkuar hapësirë botimi në revistat dhe gazetat e asaj kohe ku ka qenë produktiv për aq sa ka shkruar duke u marrë me disa zhanre njëkohësisht.
XHELAL ZEJNELI – Profesor
“Ta zbardhim fytyrën, personalitetin, figurën e Selim Ramadanit, I cili është Migjeni i shqiptarëve, këtu në qytetin rrëzë Sharrit. Ka vdekur I ri 30-vjeçar në Spitalin e Shkupit dhe është aktori I parë shqiptar në Maqedoni, I diplomuar, I shkolluar që e ka kryer Akademinë e Artit. Të tjerët pas tij, shqiptarë të Maqedonisë, vijnë pas 30 vjetëve. Emrin e tij ne duhet ta përjetësojmë, nëpër institucionet e shkollat tona, universitetin, teatrin e Tetovës I cili është pa emër”
Ceremonia përkujtimore u organizua nga familja Ramadani në nderim të veprimtarisë së tij dhe boshllëkut që ka lënë pas. Ai u nda nga jeta i ri, gati në moshë sa Migjeni pa arritur t’i nxjerr të gjitha këngët e pakëndueme.
Kjo ceremoni mblodhi në Tetovë, krijues nga të gjitha hapësirat shqiptare.
Salla sportive e qytetit në Tetovë, e ndërtuar në vitet e 80-ta të shekullit të kaluar, ende nuk është vënë në përdorim.
Ky objekt sportiv me një kapacitet prej rreth 5,000 vendesh është i vetmi në qytet që përmbush standardet për ndeshje ndërkombëtare dhe të ligës së parë.
Megjithatë, në vend të sportit, salla, e cila strehon disa kompani prodhuese dhe shërbyese, përdoret për biznes.
Kryetari i Komunës së Tetovës, Bilall Kaami, tha se janë fituar të gjitha “betejat” ligjore dhe tani, salla është nën kompetencat e Komunës.
‘’Përfundimisht pas gati 5 viteve në krye të detyrës në Komunën e Tetovës janë fituar betejat ligjore dhe salla e sportit i është kthyer komunës së Tetovës. Komuna e Tetovës është duke përgatitur projekt për rikonstruminin e sallës dhe e njëjta të jetë në shërbim të sportit dhe atë duke i plotësuar të gjitha kriteret për lojëra ndërkombëtare për destinimin që e ka. Për basket, volejboll, hendboll dhe gjithë këto sporte të cila luhen në sallë. Unë besoj se shumë shpejt përkrah stadiumit si një terren kapital për sportin tetovar edhe salla e sportit do të jetë në shërbim të sportistëve tetovar’’ deklaroi kryetari i Komunës Bilall Kasami
Komuna e Tetovës thotë se palestra sportive e qytetit iu dha me koncesion një kompanie private në vitin 2001, e cila, sipas marrëveshjes, ka të drejtë ta menaxhojë deri në vitin 2034.
Janë zhvilluar negociata për ndërprerjen e koncesionit dhe dorëzimin e sallës te pushteti vendor, kurse sipas kreut të Komunës, tashmë salla vehet në shërbim të qytetarëve.
Këtë vit, Komuna e Tetovës mori në zotërim stadiumin e qytetit, i cili gjithashtu menaxhohej nga koncesionari privat që tani menaxhon palestrën sportive të qytetit.
Sipas njoftimeve të pushtetit vendor, stadiumi në Tetovë, ku aktualisht po kryhen aktivitete ndërtimi, do të marrë një pamje të re brenda 18 muajsh.
Shaban Sinani – TV Koha
Më 17.04.2026, zyrtarë policorë nga DPB Gostivar kanë privuar nga liria personin J.A.(28) nga fshati Senokos i Gostivarit. Gjatë bastisjes në shtëpinë e tij dhe objektet ndihmëse, të kryer me urdhër gjyqësor, zyrtarët policorë kanë gjetur dhe sekuestruar marihuanë. Pas dokumentimit të plotë të rastit, ndaj tij do të paraqitet kallëzim përkatës.
…..
Më 17.04.2026 në ora 10:20, zyrtarë policorë nga DPB Gostivar kanë arrestuar personat A.B.S.(55) dhe L.I.(60), të dy nga fshati Çajlë i Gostivarit, të cilët kanë prishur rendin dhe qetësinë publike me një përleshje fizike mes vete. Pas dokumentimit të plotë të rastit do të vijojë parashtresë përkatëse.
…..
Më 17.04.2026 në ora 13:15 në rrugën “Bllagoja Toska” në Tetovë, zyrtarë policorë nga SPB Tetovë kanë privuar nga liria personin H.K.(24) nga Tetova. Gjatë ndërmarrjes së masave, zyrtarët policorë kanë ndaluar një motoçikletë me targa të Tetovës, të cilin e drejtonte H.K., ku është konstatuar se e drejtonte pa leje drejtimi. Pas dokumentimit të plotë të rastit do të vijojë kallëzim përkatës.
……
Më 17.04.2026 në ora 16:30 në rrugën “Risto Oxhaklieski” në Gostivar, zyrtarë policorë nga DPB Gostivar kanë arrestuar Gj.A.(45) nga Gostivari pasi ka prishur rendin dhe qetësinë publike dhe pas marrjes së masave është konstatuar se është nën ndikimin e alkoolit, gjegjësisht i janë matur 1.67 promilë alkool në gjak. Pas dokumentimit të plotë të rastit do të vijojë parashtresë përkatëse.
…….
Më 17.04.2026 në ora 21:20 në Gostivar, në vendin e quajtur “Qelqore”, zyrtarë policorë nga DPB Gostivar kanë privuar nga liria personin N.R.(34) nga Gostivari, i cili drejtonte automjetin e udhëtarëve “Fiat” me targa të Gostivarit pa pasur të dhënë provimin për patentë shoferi. Pas dokumentimit të plotë të rastit do të vijojë kallëzim përkatës.
……
Më 17.04.2026 në ora 22:40, zyrtarë policorë nga DPB Gostivar kanë arrestuar personin L.E.(39) nga fshati Banjicë e Epërme e Gostivarit, pasi që ka prishur rendin dhe qetësinë publike me sjellje agresive. Pas dokumentimit të plotë të rastit do të vijojë parashtresë përkatëse.
……
Më 17.04.2026 në ora 14:55 në SPB Tetovë, personi L.I.(44) nga Tetova ka denoncuar se rreth orës 12:00 në një shkollë fillore, djali i tij i mitur është sulmuar fizikisht nga një bashkënxënës i tij. Po ndërmerren masa për zbardhjen e rastit.
……
Më 17.04.2026 në ora 20:15, zyrtarë policorë nga Departamenti i Policisë Galatë kanë privuar nga liria personin E.M. nga një fshat i Gostivarit, duke vepruar sipas denoncimeve paraprake se ka drejtuar kërcënime ndaj ish-partneres së tij 35-vjeçare dhe familjes së saj. Pas dokumentimit të plotë të rastit do të vijojë parashtresë përkatëse.
…..
Më 17.04.2026 në ora 19:00 në Departamentin e Policisë Rostushë, A.B.(21) ka denoncuar se në vendin e quajtur “Çeshma e Poshtme” në fshatin Skudrinjë, pas një mosmarrëveshjeje paraprake për vendparkim, është sulmuar fizikisht nga A.R.(50), të dy nga fshati Skudrinjë, komuna e Mavrovës dhe Rostushës. Po ndërmerren masa për zbardhjen e rastit.
……
Më 17.04.2026 në ora 22:15 në DPB Gostivar është denoncuar prishje e rendit dhe qetësisë publike me përleshje fizike mes E.A. dhe L.”x”. Gjatë ndërmarrjes së masave, zyrtarët policorë kanë gjetur të lënduar L.”x”, të cilit i është dhënë ndihmë nga qytetarët, ndërsa personi tjetër është larguar nga vendi i ngjarjes. Po ndërmerren masa për zbardhjen e rastit.
……
Më 17.04.2026 në ora 22:50 në fshatin Pallçisht i Poshtëm, komuna e Bogovinës, zyrtarë policorë nga Departamenti i Policisë Kamjan kanë privuar nga liria personat M.A.(27), Sh.H.(35), S.R.(43) dhe A.D.(36), të gjithë nga fshati Toplicë, pasi gjatë kontrollit të automjetit të udhëtarëve “Opel” me targa të Gostivarit, të cilin e drejtonte Sh.H., ndërsa të tjerët ishin pasagjerë, në automjet është gjetur dhe sekuestruar marihuanë. Pas dokumentimit të plotë të rastit do të vijojë parashtresë përkatëse.
……
Më 17.04.2026 në ora 16:00 në rrugën rajonale Shkup-Tetovë, në fshatin Zhelinë, zyrtarë policorë kanë ndaluar automjetin e udhëtarëve “Mercedes” me targa të Tetovës, të drejtuar nga K.Sh.(31) nga fshati Rogle, komuna e Zhelinës. Gjatë kontrollit të ushtruar, zyrtarët policorë kanë konstatuar se i denoncuari kryen transport publik të udhëtarëve pa licencë. Pas dokumentimit të plotë të rastit do të vijojë kallëzim përkatës.
…..
Më 18.04.2026 në ora 00:40 në DPB Gostivar, nga Qendra Urgjente Gostivar është denoncuar se tek ata është dërguar me lëndime të rënda trupore 42-vjeçarja V.N.. Sipas denoncimit, ajo i ka marrë lëndimet nga shpërthimi i një bombole gazi dhe për shkak të seriozitetit të lëndimeve është transferuar në Kompleksin e Klinikave “Nënë Tereza” në Shkup. Këqyrja e vendit të ngjarjes është kryer nga ekipi i DPB Gostivar.
KARATE: ISA ELMAZI PJESËMARRËS NICOSIA KARATE OPEN 2026
“ARTI I PËRJETËSISË”: CEREMONI PËRKUJTIMORE PËR SELIM RAMADANIN!
ÇEFERIN NGA SHKUPI: FUTBOLLI S`DUHET TË JETË PRIVILEGJ PËR TË PASURIT!
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
Aksident tragjik në autostradën Tetovë – Gostivar, humb jetën një grua 33 vjeçare | VIDEO
Shkup, panairi i patundshmërive të Dubait! Citi Casa rikthehet në hapësirat e COWORK21 më 31 maj dhe 1 qershor
-
Lajme nga bota3 weeks ago“Do jem makthi i Iranit”, Trump ‘kërcënon’ sërish: Nëse nuk ulen në negociata, bombardimet do të shtohen
-
Lajme nga rajoni3 weeks agoZbardhet dëshmia e autorit të vrasjes së Liridonës, Plava: Kisha marrëveshje me Murselin, më tha se Behgjet Pacolli ka qenë në dijeni
-
Sport3 weeks agoBARDHI: NËNVLERËSIMI VETËM SE NA MOTIVON KUNDËR DANIMARKËS!