Lajme nga vendi
Spasovski apelon të mos bllokohen rrugët dhe të festohet në mënyrë dinjitoze më 4 shkurt
Nuk ka nevojë për asnjë organizim të qytetarëve për bllokim të rrugëve apo roje nate në ditën e festimit të ditëlindjes së Goce Dellçevit, sepse këtu janë institucionet e sistemit, deklaroi sot ministri i Punëve të Brendshme Oliver Spasovski pas thirrjes në rrjetet sociale drejtuar qytetarëve më 4 shkurt ta bollkojnë pikën pagesore Kumanovë – Shkup.
“Apeloj te të gjithë për festim të qetë, dinjitoz, ndërsa shteti, MPB dhe shërbimet e sigurisë janë këtu për të bërë gjithçka dhe për të siguruar kushte të qeta”, theksoi Spasovski.
Ministri tha se MPB dhe agjencitë kanë aktivitete të përditshme dhe se po formohet një shtab i posaçëm për këtë aktivitet. Spasovski është i bindur se numri i atyre që organizohen dhe duan të vijnë nuk do të jetë shumë i madh, sepse, siç theksoi, qytetarët nuk janë të disponuar për konflikte, duan stabilizim dhe përparim.
“Unë absolutisht nuk do të lejoj, si MPB, poshtërim të popullit dhe shtetit tonë, të paktën jo nga dikush që vjen nga jashtë. Ne jemi një popull mikpritës, që dimë të tregojmë nder dhe respekt, por ai nder dhe respekt duhet të na kthehet. Nuk do të lejojmë që dikush të vijë në shtëpinë tonë për të na poshtëruar. Në atë pjesë, institucionet punojnë dhe mbledhin informacione” theksoi Spasovski në emisionin “Utrinski Peçat”.
Lidhur me atë nëse eurodeputeti Angel Xhambaski do të shpallet persona non grata, Spasovski tha se vendimin do ta marrin kur të vijë koha.
“Vendimet nuk paragjykohen, sidomos në fushën e sigurisë. Ju nuk mund t’i tregoni planet dhe t’i lini ato të bëhen publike dhe t’i hapen të gjithëve. Politikanët e papërgjegjshëm mund ta bëjnë këtë. Institucionet do të punojnë seriozisht mbi bazën e të gjitha njohurive, do të përfshihen të gjithë sektorët në ngarkim të kësaj pjese që në fund të arrijmë qëllimin, që të jetë me paqe, stabilitet dhe siguri për qytetarët dhe vendin tonë”. ka thënë Spasovski.
Lajme nga vendi
“E blenë veturën në Strugë, e mbushën me drogë dhe e ngarkuan veturën në karrotrec”, MPB: Tre banorë të Shkupit kapen me 150 kg marihuanë
Më 27.01.2026, Departamenti për Luftimin e Krimit të Organizuar dhe Serioz pranë Ministrisë së Punëve të Brendshme i ka paraqitur Prokurorisë Publike për Ndjekjen e Krimit të Organizuar dhe Korrupsionit kallëzim penal kundër M.Z. (37), I.B. (61) dhe G.B. (59), të gjithë nga Shkupi, për shkak të dyshimit të bazuar për kryerjen e veprës penale “prodhim dhe vënie në qarkullim të paautorizuar të drogave narkotike, substancave psikotrope dhe prekursorëve”, sipas nenit 215 paragrafi 3 në lidhje me paragrafin 1 të Kodit Penal.
Sipas kallëzimit, më 26.01.2026, M.Z. nga një person nga Struga ka blerë një automjet motorik “Opel Combo” me targa kombëtare zvicerane, në të cilin, së bashku me I.B., kanë vendosur drogë narkotike – marihuanë. Më pas kanë kontaktuar G.B. me qëllim që automjeti të tërhiqej (shlepohej) nga Struga në Shkup për një çmim prej 200 eurosh, pasi automjeti nuk ishte në gjendje për qarkullim.
Pas mbërritjes në Shkup, i dyshuari i parë M.Z., së bashku me të dyshuarin e dytë I.B., i kanë kërkuar të dyshuarit të tretë G.B. që për shumën prej 40 eurosh të vazhdonte transportin deri në Sveti Nikollë, duke e tërhequr automjetin pas një automjeti “Mercedes”, me të cilin ata udhëtonin. Në rrugën rajonale, në afërsi të Sveti Nikollës, zyrtarët policorë, mbi bazën e informatave të marra më parë se do të kryhej transport i një sasie të madhe droge, e kanë ndalur automjetin transportues “Iveco” që po tërhiqte automjetin “Opel Combo”. Gjatë kontrollit të sediljes së pasme dhe hapësirës së bagazhit të automjetit “Opel”, janë gjetur tetë çanta, në të cilat ndodheshin 50 paketime me marihuanë, ndërsa bëhet fjalë për gjithsej 150 kilogramë.
Ideja është që zgjidhja ligjore të jetë gati deri në qershor.
Ministri i Drejtësisë Igor Filkov do të caktojë takimin e parë të grupit të sapoformuar të punës.
Të premten, Kuvendi i Maqedonisë e ka dërguar listën tek Ministria e Drejtësisë me përfaqësues të nominuar nga partitë parlamentare dhe deputetë të pavarur, që do të marrin pjesë në grupin e punës për kodin e ri zgjedhor. Pritet të thirret seanca konstituive në të cilën duhet të caktohet mënyra e punës.
Lista e përfaqësuesve të propozuar të partive është tashmë para Ministrit të Drejtësisë Igor Filkov dhe pret që ai të caktojë takimin e parë.
Nga VMRO-DPMNE, grupi i punës do të përfshijë deputetët Antonijo Miloshoski dhe Ivanka Vasilevska, nga ZNAM Pavle Arsoski dhe Daniel Stojçevski, dhe nga VLEN-i, Saranda Imeri dhe Zeqirija Tairi.
Nga LSDM-ja opozitare, në trupin punues për Kodin Zgjedhor, do të marrin pjesë koordinatori Oliver Spasovski dhe Jovana Trençevska, nga BDI-ja, Arta Biljali Zendeli dhe Blerim Bexheti, ndërsa nga “Levica” Borislav Krmov dhe Rexhep Ismail. Nga krahu i Aleancës për Shqiptarët të udhëhequr nga Zijadin Sela, përfaqësues do të jenë deputetët Ilire Dauti dhe Elmi Aziri, dhe nga krahu i Arben Taravarit deputetët Rijad Shaqiri dhe Halil Snopce, ndërsa nga Partia e Turqve deputeti Bejcan Ilyas.
Nuk është e sigurt se kush do të jetë kryetar i grupit punues. Kohët e fundit, Kryetari i Kuvendit Afrim Gashi shprehu interes për të drejtuar Trupin punues, siç tha ai, me qëllim të përshpejtimin e punës, por nuk përjashtohet që në atë pozicion të zgjidhet edhe një përfaqësues nga Ministria e Drejtësisë.
Me këtë, deputetët do të duhet të fillojnë punën për kodin e ri zgjedhor.
Në takimin e liderëve te kryeministri Hristijan Mickoski, u ra dakord që një kod i ri zgjedhor është i nevojshëm dhe duhet të jetë gati deri në qershor.
Kodi zgjedhor është gjithashtu pjesë e Agjendës së Reformës.
Në takimin e fundit të koordinatorëve të grupeve parlamentare dhe Ministrit të Drejtësisë, u arrit në përfundimin se nëse deputetët vendosin, më shumë se një e treta e Kodit Zgjedhor do të ndryshohet. Në këtë rast, do të duhet të përgatitet një zgjidhje e re ligjore, përndryshe do të ndryshohet ajo ekzistuese. (plusinfo)
Lajme nga vendi
Gjykata Kushtetuese do të diskutojë dhe do të vendosë për 11 iniciativa për ligje, rregullore dhe marrëveshje kolektive
Gjykata Kushtetuese më seancën e sotme do të diskutojë dhe vendosë për 11 iniciativa për vlerësimin e kushtetutshmërisë dhe ligjshmërisë së akteve, një kërkesë për mbrojtjen e lirive dhe të drejtave të qytetarit dhe miratimin e një vendimi përfundimtar dhe nëntë projektvendime.
Në rend të ditës janë dispozita të kontestuara të Ligjit për Procedurën e Përgjithshme Administrative, Ligjit për Sigurimin Pensional dhe Invalidor, Ligjit për Gjykatat, Ligjit për Buxhetin Gjyqësor, Ligjit për Marrëdhëniet Detyrimore, si dhe disa rregullore dhe marrëveshje kolektive.
Gjykata do të debatojë edhe për iniciativa që lidhen me Ligjin për Sistemin Hekurudhor, Ligjin për Pastërtinë Publike, si dhe një vendim për miratimin e një Plani të Detajuar Urban në Komunën e Ohrit.
Para gjykatësve kushtetues do të gjendet edhe lënda e një kërkese për mbrojtjen e lirive dhe të drejtave të qytetarëve në përputhje me nenin 110, paragrafi 3 i Kushtetutës, të paraqitur nga partia politike “E Majta”, e cila potencon diskriminim në bazë të përkatësisë politike.
Parashtruesit e iniciativave janë persona fizikë, avokatë, subjekte juridikë dhe parti politike.
“E blenë veturën në Strugë, e mbushën me drogë dhe e ngarkuan veturën në karrotrec”, MPB: Tre banorë të Shkupit kapen me 150 kg marihuanë
Mali i Zi shfuqizon dispozitën ligjore për të dielën si ditë jopune
Ja deputetët që do të punojnë në përgatitjen e Kodit të Zgjedhor
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
Aksident tragjik në autostradën Tetovë – Gostivar, humb jetën një grua 33 vjeçare | VIDEO
