Lajme nga vendi
Sëmundja Dent
Sëmundja Dent
ICD N 25.8
Prevalenca: e panjohur
Sëmundja Dent është një çrregullim i rrallë gjenetik i veshkave i karakterizuar nga prania e proteinave në urinë, nivele të larta të kalciumit në urinë, kalcifikim në veshka (nefrokalcinozë), episode të përsëritura të gurëve në veshka (nefrolithiasis) dhe përfundimisht shpie në sëmundje kronike të veshkave. Simptomat zakonisht shfaqen në fëmijëri, por disa pacientë mund të mbeten të padiagnostikuar deri në moshën madhore. Në disa raste, çrregullimi përkeqësohet në mënyrë progresive duke çuar në sëmundje të rëndë veshkore gjegjësisht insuficiencë renale. Ka raste kur sëmundja mbetet e lehtë ose mesatare deri në pleqëri.
Sëmundja mund të ndahet në dy tipe: Tipi 1 i karakterizuar nga çrregullimet tashmë të përmendura të sistemit renal; Tipi 2, i cili përveç simptomave renale, karakterizohet gjithashtu edhe me paaftësi të lehtë intelektuale, zvogëlim i tonit muskulor (hipotoni) dhe çrregullime të shikimit. Sëmundja Dent Tipi 1 shkaktohet nga mutacionet në gjenin CLCN5, ndërsa Tipi 2 shkaktohet nga mutacionet në gjenin OCRL1. Këto mutacione mund të trashëgohen nga prindërit ose mund të ndodhin spontanisht (“de novo”), pa histori të mëparshme familjare. Sëmundja manifestohet plotësisht vetëm te burrat, ndërsa disa gra që mbartin gjenin e sëmundjes mund të zhvillojnë simptoma të lehta, si proteina në urinë, rritje e kalciumit në urinë ose, më rrallë, gurë në veshka. Sindroma Dent u përshkrua për herë të parë në literaturën mjekësore nga Charles Enrique Dent dhe M. Friedman në vitin 1964, kur ata raportuan rastin e dy djemve britanikë me rakit të shoqëruar me dëmtim tubular të veshkave të karakterizuar nga hiperkalciuria, hiperfosfaturia, proteinuria dhe aminoaciduria. Ky kombinim i simptomave nuk mori një emër deri 30 vjet më vonë, kur nefrologu Oliver Wrong e përshkroi sëmundjen më detajisht dhe e quajti atë për nder të mentorit të tij.
Shenjat dhe simptomat:
Simptomat specifike të sëmundjes mund të ndryshojnë në mënyrë drastike nga pacienti në pacient. Numri i vogël i rasteve të identifikuara dhe mungesa e studimeve të mëdha klinike i pengojnë mjekët të krijojnë një pasqyrë të plotë të simptomave dhe shenjave të sëmundjes dhe simptomave shoqëruese, të cilat mund të shfaqen në çrregullime të tjera.
Simptomat e zakonshme që lidhen me sëmundjen Dent tip 1 përfshijnë sasi të larta të proteinave me masë molekulare të vogël dhe kalciumit në urinë (proteinuri, hiperkalciuri). Këto mund të jenë simptomat e vetme te disa pacientë. Pacientët mund të kenë kalcifikime në veshka (nefrokalcinozë). Shpesh ndodhin episode të përsëritura të formimit të gurëve në veshka. Guri mund të shkaktojë një sërë simptomash, duke përfshirë gjak në urinë (hematuri), urinim të dhimbshëm (disuri), nxitje për të urinuar shpesh, dhimbje në rajonin e mesit (kolikë renale). Më pas vjen gjer në bllokim të rrugëve urinare dhe infeksione të shpeshta. Përfundimisht, çrregullimi mund të përparojë në sëmundje kronike të veshkave me një rënie progresive të funksionit të tyre. Simptomat që lidhen me sëmundjen e avancuar kronike të veshkave përfshijnë humbjen e oreksit, humbje peshe, lodhje dhe anemi. Në fazat e fundit të sëmundjes, pacientët mund të kenë nevojë për dializë ose transplantim të veshkave. Sëmundja Dent tip 2, përveç simptomave të tipit 1, mund të manifestohet edhe me çrregullime intelektuale, hipotoni, turbullim të thjerrëzës (kataraktë).
Diagnoza:
Diagnoza e sindromës Dent bazohet në identifikimin e simptomave karakteristike, një histori të detajuar, vlerësimin klinik të pacientit dhe teste të ndryshme të specializuara. Sëmundja mund të dyshohet te persona që në urinë kanë sasi të larta të proteinave me masë molekulare të vogël, hiperkalciuri dhe një nga këto: nefrokalcinozë, nefrolitiazë, hematuri, hipofosfatemi, sëmundje kronike të veshkave, dëshmi të trashëgimisë. Analiza kimike e mostrave të urinës mund të zbulojë nivele të larta të kalciumit dhe proteinave me masë molekulare të vogël. Diagnoza e sëmundjes konfirmohet me testim gjenetik molekular që identifikon mutacionet në gjene.
Trajtimi:
Trajtimi i sindromës Dent fokusohet në simptomat specifike që janë evidente te çdo pacient. Trajtimi adekuat kërkon përpjekjet e koordinuara të një ekipi specialistësh (pediatër, internist, nefrolog, urolog, nutricionist). Këshillimi gjenetik mund të jetë i dobishëm për pacientët dhe familjet e tyre. Për shkak të incidencës së ulët të kësaj sëmundjeje, ende nuk janë kryer studime në një grup të madh pacientësh. Medikamentet e njohura si tiazide mund të përdoren për të parandaluar përsëritjen e gurëve në veshka dhe për të ulur nivelet e kalciumit në urinë. Megjithatë, për shkak të efekteve anësore të mundshme, këto barna duhet të përdoren me kujdes. Vitamina D për trajtimin e rakitizmit, nëse përdoret, duhet të përdoret me kujdes, sepse sasitë e tepërta të vitaminës D mund të rrisin nivelin e kalciumit në urinë. Ngecja në rritje tek fëmijët mund të trajtohet me hormonin e rritjes. Nëse funksioni i veshkave vazhdon të bjerë në mënyrë progresive ose nëse sëmundja diagnostikohet vonë, mund të kërkohet trajtim më agresiv, duke përfshirë hemodializën, dializën peritoneale dhe transplantin e veshkave. Më në fund, nevojiten më shumë kërkime, për të përcaktuar metodat më efektive të trajtimit që do të sigurojnë siguri afatgjatë dhe rezultate më të mira për pacientët.
Në Qendrën për Kulturë në Tetovë, në organizim të Familjes Ramadani dhe Shoqatës së Shkrimtarëve “Oeneum”, promovohen librat “Një melodi e këputur” e autorit Selim Ramadani, “Arti dhe pavdekësia – Selim Ramadani, me autorë Hava Muçollari dhe Ilmi Dervishi dhe “Na bashkoi poezia 25” me autorë Merita Shefqet Abazi dhe Ilmi Dervishi.
Këto promovime u bënë në kuadër të ceremonisë përkujtimore “Arti i përjetësisë – Selim Ramadani” post mortum.
Shkrimtarë, poet por edhe ata që e kanë njohur për së afërmi vazhdojnë të insistojnë që Teatri I Tetovës ta mbajë emrin e tij.
AGIM VINCA – Krijues
“Selimi merrej edhe me krijimtari letrare, nuk ishte pa talent as edhe në këtë fushë, por për mua, ai në radhë të parë është aktor, është artist, krijues që la gjurmë në kulturën shqiptare, ndaj konsideroj se institucioni Teatri I Tetovës, që është teatër profesionist, duhet ta mbajë emrin e tij
Krijimtaria e tij ka qenë ushqimi i tij shpirtëror duke kërkuar hapësirë botimi në revistat dhe gazetat e asaj kohe ku ka qenë produktiv për aq sa ka shkruar duke u marrë me disa zhanre njëkohësisht.
XHELAL ZEJNELI – Profesor
“Ta zbardhim fytyrën, personalitetin, figurën e Selim Ramadanit, I cili është Migjeni i shqiptarëve, këtu në qytetin rrëzë Sharrit. Ka vdekur I ri 30-vjeçar në Spitalin e Shkupit dhe është aktori I parë shqiptar në Maqedoni, I diplomuar, I shkolluar që e ka kryer Akademinë e Artit. Të tjerët pas tij, shqiptarë të Maqedonisë, vijnë pas 30 vjetëve. Emrin e tij ne duhet ta përjetësojmë, nëpër institucionet e shkollat tona, universitetin, teatrin e Tetovës I cili është pa emër”
Ceremonia përkujtimore u organizua nga familja Ramadani në nderim të veprimtarisë së tij dhe boshllëkut që ka lënë pas. Ai u nda nga jeta i ri, gati në moshë sa Migjeni pa arritur t’i nxjerr të gjitha këngët e pakëndueme.
Kjo ceremoni mblodhi në Tetovë, krijues nga të gjitha hapësirat shqiptare.
Salla sportive e qytetit në Tetovë, e ndërtuar në vitet e 80-ta të shekullit të kaluar, ende nuk është vënë në përdorim.
Ky objekt sportiv me një kapacitet prej rreth 5,000 vendesh është i vetmi në qytet që përmbush standardet për ndeshje ndërkombëtare dhe të ligës së parë.
Megjithatë, në vend të sportit, salla, e cila strehon disa kompani prodhuese dhe shërbyese, përdoret për biznes.
Kryetari i Komunës së Tetovës, Bilall Kaami, tha se janë fituar të gjitha “betejat” ligjore dhe tani, salla është nën kompetencat e Komunës.
‘’Përfundimisht pas gati 5 viteve në krye të detyrës në Komunën e Tetovës janë fituar betejat ligjore dhe salla e sportit i është kthyer komunës së Tetovës. Komuna e Tetovës është duke përgatitur projekt për rikonstruminin e sallës dhe e njëjta të jetë në shërbim të sportit dhe atë duke i plotësuar të gjitha kriteret për lojëra ndërkombëtare për destinimin që e ka. Për basket, volejboll, hendboll dhe gjithë këto sporte të cila luhen në sallë. Unë besoj se shumë shpejt përkrah stadiumit si një terren kapital për sportin tetovar edhe salla e sportit do të jetë në shërbim të sportistëve tetovar’’ deklaroi kryetari i Komunës Bilall Kasami
Komuna e Tetovës thotë se palestra sportive e qytetit iu dha me koncesion një kompanie private në vitin 2001, e cila, sipas marrëveshjes, ka të drejtë ta menaxhojë deri në vitin 2034.
Janë zhvilluar negociata për ndërprerjen e koncesionit dhe dorëzimin e sallës te pushteti vendor, kurse sipas kreut të Komunës, tashmë salla vehet në shërbim të qytetarëve.
Këtë vit, Komuna e Tetovës mori në zotërim stadiumin e qytetit, i cili gjithashtu menaxhohej nga koncesionari privat që tani menaxhon palestrën sportive të qytetit.
Sipas njoftimeve të pushtetit vendor, stadiumi në Tetovë, ku aktualisht po kryhen aktivitete ndërtimi, do të marrë një pamje të re brenda 18 muajsh.
Shaban Sinani – TV Koha
Më 17.04.2026, zyrtarë policorë nga DPB Gostivar kanë privuar nga liria personin J.A.(28) nga fshati Senokos i Gostivarit. Gjatë bastisjes në shtëpinë e tij dhe objektet ndihmëse, të kryer me urdhër gjyqësor, zyrtarët policorë kanë gjetur dhe sekuestruar marihuanë. Pas dokumentimit të plotë të rastit, ndaj tij do të paraqitet kallëzim përkatës.
…..
Më 17.04.2026 në ora 10:20, zyrtarë policorë nga DPB Gostivar kanë arrestuar personat A.B.S.(55) dhe L.I.(60), të dy nga fshati Çajlë i Gostivarit, të cilët kanë prishur rendin dhe qetësinë publike me një përleshje fizike mes vete. Pas dokumentimit të plotë të rastit do të vijojë parashtresë përkatëse.
…..
Më 17.04.2026 në ora 13:15 në rrugën “Bllagoja Toska” në Tetovë, zyrtarë policorë nga SPB Tetovë kanë privuar nga liria personin H.K.(24) nga Tetova. Gjatë ndërmarrjes së masave, zyrtarët policorë kanë ndaluar një motoçikletë me targa të Tetovës, të cilin e drejtonte H.K., ku është konstatuar se e drejtonte pa leje drejtimi. Pas dokumentimit të plotë të rastit do të vijojë kallëzim përkatës.
……
Më 17.04.2026 në ora 16:30 në rrugën “Risto Oxhaklieski” në Gostivar, zyrtarë policorë nga DPB Gostivar kanë arrestuar Gj.A.(45) nga Gostivari pasi ka prishur rendin dhe qetësinë publike dhe pas marrjes së masave është konstatuar se është nën ndikimin e alkoolit, gjegjësisht i janë matur 1.67 promilë alkool në gjak. Pas dokumentimit të plotë të rastit do të vijojë parashtresë përkatëse.
…….
Më 17.04.2026 në ora 21:20 në Gostivar, në vendin e quajtur “Qelqore”, zyrtarë policorë nga DPB Gostivar kanë privuar nga liria personin N.R.(34) nga Gostivari, i cili drejtonte automjetin e udhëtarëve “Fiat” me targa të Gostivarit pa pasur të dhënë provimin për patentë shoferi. Pas dokumentimit të plotë të rastit do të vijojë kallëzim përkatës.
……
Më 17.04.2026 në ora 22:40, zyrtarë policorë nga DPB Gostivar kanë arrestuar personin L.E.(39) nga fshati Banjicë e Epërme e Gostivarit, pasi që ka prishur rendin dhe qetësinë publike me sjellje agresive. Pas dokumentimit të plotë të rastit do të vijojë parashtresë përkatëse.
……
Më 17.04.2026 në ora 14:55 në SPB Tetovë, personi L.I.(44) nga Tetova ka denoncuar se rreth orës 12:00 në një shkollë fillore, djali i tij i mitur është sulmuar fizikisht nga një bashkënxënës i tij. Po ndërmerren masa për zbardhjen e rastit.
……
Më 17.04.2026 në ora 20:15, zyrtarë policorë nga Departamenti i Policisë Galatë kanë privuar nga liria personin E.M. nga një fshat i Gostivarit, duke vepruar sipas denoncimeve paraprake se ka drejtuar kërcënime ndaj ish-partneres së tij 35-vjeçare dhe familjes së saj. Pas dokumentimit të plotë të rastit do të vijojë parashtresë përkatëse.
…..
Më 17.04.2026 në ora 19:00 në Departamentin e Policisë Rostushë, A.B.(21) ka denoncuar se në vendin e quajtur “Çeshma e Poshtme” në fshatin Skudrinjë, pas një mosmarrëveshjeje paraprake për vendparkim, është sulmuar fizikisht nga A.R.(50), të dy nga fshati Skudrinjë, komuna e Mavrovës dhe Rostushës. Po ndërmerren masa për zbardhjen e rastit.
……
Më 17.04.2026 në ora 22:15 në DPB Gostivar është denoncuar prishje e rendit dhe qetësisë publike me përleshje fizike mes E.A. dhe L.”x”. Gjatë ndërmarrjes së masave, zyrtarët policorë kanë gjetur të lënduar L.”x”, të cilit i është dhënë ndihmë nga qytetarët, ndërsa personi tjetër është larguar nga vendi i ngjarjes. Po ndërmerren masa për zbardhjen e rastit.
……
Më 17.04.2026 në ora 22:50 në fshatin Pallçisht i Poshtëm, komuna e Bogovinës, zyrtarë policorë nga Departamenti i Policisë Kamjan kanë privuar nga liria personat M.A.(27), Sh.H.(35), S.R.(43) dhe A.D.(36), të gjithë nga fshati Toplicë, pasi gjatë kontrollit të automjetit të udhëtarëve “Opel” me targa të Gostivarit, të cilin e drejtonte Sh.H., ndërsa të tjerët ishin pasagjerë, në automjet është gjetur dhe sekuestruar marihuanë. Pas dokumentimit të plotë të rastit do të vijojë parashtresë përkatëse.
……
Më 17.04.2026 në ora 16:00 në rrugën rajonale Shkup-Tetovë, në fshatin Zhelinë, zyrtarë policorë kanë ndaluar automjetin e udhëtarëve “Mercedes” me targa të Tetovës, të drejtuar nga K.Sh.(31) nga fshati Rogle, komuna e Zhelinës. Gjatë kontrollit të ushtruar, zyrtarët policorë kanë konstatuar se i denoncuari kryen transport publik të udhëtarëve pa licencë. Pas dokumentimit të plotë të rastit do të vijojë kallëzim përkatës.
…..
Më 18.04.2026 në ora 00:40 në DPB Gostivar, nga Qendra Urgjente Gostivar është denoncuar se tek ata është dërguar me lëndime të rënda trupore 42-vjeçarja V.N.. Sipas denoncimit, ajo i ka marrë lëndimet nga shpërthimi i një bombole gazi dhe për shkak të seriozitetit të lëndimeve është transferuar në Kompleksin e Klinikave “Nënë Tereza” në Shkup. Këqyrja e vendit të ngjarjes është kryer nga ekipi i DPB Gostivar.
KARATE: ISA ELMAZI PJESËMARRËS NICOSIA KARATE OPEN 2026
“ARTI I PËRJETËSISË”: CEREMONI PËRKUJTIMORE PËR SELIM RAMADANIN!
ÇEFERIN NGA SHKUPI: FUTBOLLI S`DUHET TË JETË PRIVILEGJ PËR TË PASURIT!
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
Aksident tragjik në autostradën Tetovë – Gostivar, humb jetën një grua 33 vjeçare | VIDEO
Shkup, panairi i patundshmërive të Dubait! Citi Casa rikthehet në hapësirat e COWORK21 më 31 maj dhe 1 qershor
-
Lajme nga bota3 weeks ago“Do jem makthi i Iranit”, Trump ‘kërcënon’ sërish: Nëse nuk ulen në negociata, bombardimet do të shtohen
-
Lajme nga rajoni3 weeks agoZbardhet dëshmia e autorit të vrasjes së Liridonës, Plava: Kisha marrëveshje me Murselin, më tha se Behgjet Pacolli ka qenë në dijeni
-
Sport3 weeks agoBARDHI: NËNVLERËSIMI VETËM SE NA MOTIVON KUNDËR DANIMARKËS!