Lajme nga vendi
Formohet Oda e re e kontabilistëve, financierëve dhe tatimpaguesve
Përmirësimi i mjedisit afarist për zhvillimin e profesionit të kontabilitetit-financiar dhe këshilltar tatimor, përmes promovimit, ngritjes së standardeve profesionale dhe adresimit adekuat të sfidave, është fokusi i aktiviteteve të Odës së re të kontabilistëve, financierëve dhe tatimpaguesve, e cila është e regjistruar dhe është pjesë e Lidhjes së Odave ekonomike.
Për kryetar të Odës së re është zgjedhur Romeo Kostadinov, këshilltar tatimor me përvojë 30 vjeçare në sferën ekonomike, financiare dhe të kontabilitetit.
Oda, siç qëndron në kumtesën e LOE-së, me të gjitha kapacitetet e saj profesionale do të punojë që të afirmohet si partner i barabartë i organeve shtetërore, qendrave arsimore dhe institucioneve të tjera nga sistemi ekonomik për të arritur avancimin e profesionit dhe të arrihet një progres më i gjerë shoqëror. Ajo do të përfshihet gjithashtu në inicimin e pjesëmarrjes së barabartë në përgatitjen e ligjeve dhe rregulloreve të tjera nga fusha e kontabilitetit, financiare dhe tatimore, si dhe në përcaktimin e pikëpamjeve dhe pozicioneve profesionale për kryerjen sa më të përshtatshme të veprimtarive.
Me formimin dhe funksionimin e Odës së re, aktivitetet e Lidhjes fitojnë vlerë të shtuar sepse sektorët që mbulohen kanë implikime më të gjera në funksionimin e të gjitha subjekteve afariste dhe në përgjithësi në sistemin ekonomik dhe tatimor në vend. Lidhja e Odave Ekonomike të Maqedonisë është organizata më e madhe kombëtare afariste me 35 oda ekonomike sektoriale, bilaterale dhe rajonale dhe mbi 30 grupe, shoqata dhe asociacione.
Për shkak të zjarrit në Parkun Kombëtar Jasen, rruga rajonale R1106 Makedonski Brod – Shkup është e mbyllur për të gjitha llojet e automjeteve.
Trafiku në rrugët e tjera të vendit po zhvillohet pa probleme, në rrugë kryesisht të thata.
Intensiteti i trafikut në rrugët jashtë zonave urbane është rritur.
“Për shkak të pushimeve verore, vërehet një frekuencë e shtuar e automjeteve, në pikën kufitare “Tabanoc” koha e pritjes për hyrje dhe dalje është rreth 20 minuta. Në pikën kufitare “Bogorodicë” koha e pritjes për dalje është rreth 20 minuta, ndërsa në pikat e tjera kufitare në anën maqedonase nuk ka vonesa më të gjata gjatë hyrjes ose daljes nga vendi”, thonë nga LAMM.
Gjatë 24 orëve të fundit, ka pasur gjithsej 18 zjarre në zona të hapura në të gjithë vendin, nga të cilat tre janë aktive, njoftoi këtë mëngjes Qendra e Menaxhimit të Krizave (QMK).
Zjarret janë aktive në territorin e komunave Makedonski Brod, Prilep dhe Mavrovë e Rostushë. Në “Jasen” po digjet një mal i përzier. Në zonën e fshatit Bellovodicë, në vendin e quajtur “Livada”, po digjet një mal me ah. Në territorin e fshatit Cerovë, po digjet një mal me kërcell të ulët dhe po digjen prerje drurësh.
Nga zjarret e shuar, dy ishin në territorin e komunave Gostivar, Petrovec dhe Tetovë, ndërsa të tjerat ishin në rajonin e Gazi Babës, Dollnenit, Zhelinës, Krushevës, Negotinës, Radovishit, Strugës, Studeniçanit dhe Çeshinovës – Obleshevës.
Lajme nga vendi
Shtetasi serb kapet gjatë tentativës për të kontrabanduar orë Rolex dhe Omega në Maqedoni
Një shtetas serb është kapur gjatë tentativës për të kontrabanduar orë dy orë Rolex dhe një orë Omega në Maqedoni, përcjell TV21. Nga Drejtoria e Doganave thonë se orët janë zbuluar në veturën e personit në fjalë, i cili po përpiqej të hynte në Maqedoni përmes pikës kufitare “Tabanoc”. Bëhet fjalë për modelet Rolex Submariner, Rolex Sky-Dweller dhe Omega Speedmaster, vlera e të cilave sipas Doganës është 38,000 euro.
“Kundër personit është ngritur kallëzim penal për shkak të dyshimit të bazuar për kryerjen e veprës penale – kontrabandë. Shoferi, me qëllim që të shmangë kontrollin doganor, vendosi orët në një kuti të vogël lëkure, të cilën e futi në çantën e tij të zezë së bashku me sende të tjera për përdorim personal. Produktet e sekuestruara janë dorëzuar pranë Prokurorisë Themelore Publike në Kumanovë”, thonë nga Drejtoria e Doganave.
“Jam gati për TAKIM dypalësh me Putin”, Zelensky i prerë: Dua “reagim të fortë” nga SHBA nëse Putini e refuzon!
Pas Prishtinës, edhe në Hagë do të mbahet protestë në mbështetje të ish-krerëve të UÇK-së
TRAGJEDI familjare në SHBA : 34 vjeçarja vret burrin dhe dy fëmijë, më pas veten
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
Aksident tragjik në autostradën Tetovë – Gostivar, humb jetën një grua 33 vjeçare | VIDEO
Shkup, panairi i patundshmërive të Dubait! Citi Casa rikthehet në hapësirat e COWORK21 më 31 maj dhe 1 qershor
-
Lajme nga vendi3 years ago
Zyra e Avokatit të Popullit në Tetovë sot do të jetë e hapur
-
Lajme nga vendi3 years ago
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
-
Lajme nga vendi3 years ago
Kovaçevski paralajmëroi drejtor të ri të Drejtorisë për Zbatimin e Sanksioneve