Connect with us

Lajme nga vendi

Arrestohet një person në Tetovë, zbardhen tre vepra penale që i ka kryer

Published

3 years ago

on

MPB Maqedoni informon se dje (10.04.2023) rreth orës 16:15 në Tetovë, zyrtarë policorë të SPB Tetovë e kanë arrestuar 27-vjeçarit E.I nga Tetova.

Ai dyshohet se më 10.09.2023 ka kryer dy grabitje dhe një tentim grabitje në kazino në Tetovë.

“Duke kërcënuar punonjësit me një send të mprehtë dhe të fortë, ai ka marrë një sasi të caktuar parash. Me parashtresë përkatëse që do të mbulojë tri veprat penale të kryera, sot (11.04.2023), në koordinim me Prokurorin Publik do të paraqitet para gjykatësit në procedurë paraprake në Gjykatën Themelore të Tetovës”, thuhet në njoftim.

Related Topics:
Advertisement

Lajme nga vendi

Virusi i barkut dominues tek fëmijët, Ademi: Me rëndësi marrja e terapisë adekuate

Published

19 seconds ago

on

January 29, 2026

By

Në periudhën e dimrit, përveç gripit, aktuale janë edhe viruset e ndryshme. Momentalisht tek fëmijët po dominon virusi i barkut, thotë  mjeku Sejfullah Ademi. Sipas tij, simptomat janë me mundime, shtrëngime të barkut, të vjella që zgjasin nga tre deri në shtatë ditë, varësisht nga imuniteti i fëmijëve.
“Te popullata vetëm se është aktuale virusi i barkut, më të rrezikuar janë fëmijët që janë pjesa më e prekur nga e gjithë popullata. Simptomat duke filluar janë me barkqitje, të vjella, mundime, si dhe shtrëngime të lehta në bark, gjë që na alarmon se ne duhet të ndërmarrim masa që situatën e tillë ta përmirësojmë dhe t’u ndihmojmë duke filluar me terapinë simptomatike, por duhet të ndiqet situata që të mos vështirësohet gjendja që mund t’i komplikojë pastaj gjërat.”, – deklaroi mjeku, Sejfullah Ademi.
Mjeku Sejfullah Ademi thekson se është e preferuar që pacientët me virus të barkut fillimisht të marrin terapinë më të lehtë, elektrolitet, dhe pastaj të shihet në bazë të simptomave.
“Terapia duke filluar nga më e lehta, dhënia e elektroliteve, probiotikëve një ashtu preferohet, sa më shumë lëngje, ushqime të lehta, që mos ta mundojmë sistemin gastrointestinal, një farë forme e acaruar nëse themi, që duhet të ketë kujdes familja që çfarë ushqimi u jep fëmijëve që t’i kalojë sa më shpejt virusi aktual.”, – theksoi mjeku, Sejfullah Ademi.
Mjeku Ademi apelon prindërit që të ndjekin në vazhdimësi gjendjen e fëmijës që vuan nga virusi i barkut, që të evitohen problemet e tjera shëndetësore. Po ashtu rekomandohet që të kujdesemi në marrjen e mineraleve dhe vitaminave me ushqim të shëndetshëm.VLORA LATIFI TOPOJANI
Continue Reading

Lajme nga vendi

BDI: 40 milionë euro kredi, investim monoetnik që diskriminon nxënësit dhe studentët shqiptar

Published

11 minutes ago

on

January 29, 2026

By

Bashkimi Demokratik për Integrim (BDI) në një kumtesë për media thotë se e dënon ashpër vendimin e qeverisë për marrjen e kredisë prej 40 milionë euro për ndërtimin dhe renovimin e shkollave dhe konvikteve, e cila sipas BDI-së, në mënyrë të qëllimshme dhe të papranueshme është orientuar pothuajse tërësisht në qytetet maqedone.

“Investimet në arsim janë të mirëseardhura dhe të domosdoshme, por ato duhet të jenë të drejta, gjithëpërfshirëse dhe të balancuara, duke reflektuar realitetin multietnik të shtetit dhe nevojat reale të të gjithë qytetarëve. Përjashtimi i shkollave dhe konvikteve me nxënës shqiptarë nga projektet kapitale në arsim përbën diskriminim institucional dhe shkelje të parimit të barazisë”.

“Ky vendim nuk është as rastësi dhe as gabim teknik – është politikë e pastër diskriminuese, e cila synon të përjashtojë komunat shqiptare nga investimet kapitale dhe të rikthejë praktikat e vjetra të ndarjes etnike të buxhetit shtetëror”.

BDI kërkon publikimin e menjëhershëm të listës së projekteve përfituese; sqarimin e kritereve të ndarjes së mjeteve; nëse kjo padrejtësi vazhdon, qeveria mban përgjegjësi të plotë politike dhe morale për thellimin e ndarjeve në vend.

Continue Reading

Lajme nga vendi

Protesta e LSM-së, Mickoski: LSM-ja refuzoi rritjen prej 40%

Published

21 minutes ago

on

January 29, 2026

By

Pas protestave të Lidhjes së Sindikatave të Maqedonisë për rritjen e pagës minimale nga 397 euro në 600 euro, nuk kanë pushuar reagimet e partive politike, por edhe të vet sindikatave. Nga VMRO-DPMNE-ja kanë akuzuar kryetarin e Lidhjes së Sindikatave, Sllobodan Trendafillov, se ky i fundit hodhi poshtë një rritje të pagave prej 40 për qind në 2 vitet e ardhshme, vendim që ishte në dëm të punëtorëve. Ndërsa, Kryeministri e ritheksoi se ai përkrah çdo zgjidhje që do të arrijnë punëdhënësit dhe Lidhja e Sindikatave të Punëtorëve.
“Ne u ofruam vitin e kaluar dhe këtë ja po e bëj publike, ofertë kjo e cila akoma është e hapur në tavolinë, që përfshin nga paga për muajin mars të vitit 2026 deri në mars të vitit 2028. Kjo tregon se, që nga muaji prill i këtij viti deri në muajin prill të vitit 2028, rritja e pagave të jetë diku për 40 për qind, por nga LSM-ja atë e refuzuan.”, – deklaroi kryeministri, Hristijan Mickoski.
LSM: Pagë minimale 600 euro
Por, nga LSM-ja kanë hedhur poshtë këtë pohim dhe shprehen të gatshëm të nënshkruajnë një marrëveshje të re kolektive, por nëse nuk ka rritje të pagës minimale protestat do të vazhdojnë. Nga Lidhja e Sindikatave nuk kanë ndërmend të heqin dorë nga kërkesat e tyre dhe se rritja e pagës minimale në 600 euro është vijë e fundit e tolerancës.
“Që nesër le të vijnë Qeveria, Kryeministri, Ministri i Financave, Ministri i Punës apo dikush tjetër, po ju them se menjëherë do ta nënshkruaj një marrëveshje të tillë kolektive dhe do t’i presim me vulë dhe me stilolaps në duar. Opinionit duhet t’i tregohet drejt, se një marrëveshje të tillë kolektive nuk kemi pasur asnjëherë në tavolinë. Lëshime mund të bëhen vetëm në rritje të pagës minimale, por jo edhe të ulet, 600 euro është vija e fundit e kuqe, ku ne si LSM do të pranojmë të bisedojmë, mund të flasim për 650 apo 700.”, – theksoi Tërpe Deanoski nga LSM.
Organizata e punëdhënësve kundër LSM-së
Por, Angel Dimitrov nga Organizata e Punëdhënësve, kanë pohuar se kjo kërkesë e LSM-së është e pabazë.
“36 mijë denarë paraqet rritje prej 47 për qind të pagës së tanishme minimale, dhe kjo nuk bazohet në asnjë kriter ekonomik. Në vend nuk ka pasur rritje prej 47 për qind të asnjë produkti ose lëmie, prandaj kërkesat e tyre janë të pabaza. Direktivat evropiane parashohin që tek vendet anëtare paga minimale të sillet rreth 50 për qind nga paga mesatare.”, – u shpreh kryetari i Organizatës së Punëdhënësve, Angel Dimitrov.
LSDM-ja ofron zgjidhje të reja ligjore
Përderisa Qeveria çështjen e rritjes së pagës minimale e hedh tek Sindikata e Punëdhënësve dhe Lidhjes së Sindikatave, nga partia opozitare LSDM kanë dhënë propozim-ligje, të cilat do të dorëzohen në Kuvend.
“Ne kemi përgatitur zgjidhje të reja ligjore, të cilat do t’i dorëzojmë në Kuvend, do të kërkojmë që paga minimale të rritet në 600 euro, si dhe ngrirje të pagave të funksionarëve. Këtë propozim-ligj do t’ia dërgojmë Lidhjes së Sindikatave, dhe ta analizojnë, apo nëse kanë sugjerime.”, – deklaroi lideri i LSDM-së, Venko Filipçe.
Të dhënat zyrtare treguan se midis 25.000 dhe 35.000 punëtorë marrin pagën minimale ose një pagë më të ulët se minimumi i përcaktuar me ligj. Për më tepër, ajo që i shqetëson sindikalistët është struktura e pagave në gjysmën e parë të vitit 2025. Të dhënat thonë se deri në 33.5% e punonjësve morën një pagë më të ulët se 30.000 denarë, ndërsa 73% e punëtorëve morën një pagë nën mesataren. FITIM KRYEZIU
Continue Reading

Më të lexuarat