Lajme nga vendi
Xhejms Rubin pas Podgoricës vjen në Shkup në bisedime për përballjen me dezinformatat ruse
Përfaqësuesi special dhe koordinator i Qendrës për angazhim global i Departamentit amerikan të shtetit, Xhejms Rubin, pas vizitës në Podgoricë, pritet të vijë në Shkup në bisedime me autoritetet e vendit për luftë kundër dezinformatave.
Rubin dje pas takimeve që i pati në Podgoricë, deklaroi se është i bindur se Mali i Zi më nuk do të kthehet nga Beogradi dhe Moska.
Në brifingun me gazetarët shprehu bindjen se lufta kundër dezinformatave do të jetë prioritet i qeverisë së re në Mal të Zi.
Rubin, siç transmetojnë mediat malazeze, vlerësoi se do të jetë e vështirë të arrihet progres në Ballkanin Perëndimor, nëse dezinformatat ruse dominojnë në këtë hapësirë.
Theksoi se në Mal të Zi ka numër të madh portalesh të cilat përhapin dezinformata nga Rusia dhe Kina.
“Për shembull, informacionet se në Ukrainë ka fabrikë për prodhimin e armëve biologjike janë të rrejshme. Gjithashtu, është gënjeshtër se SHBA-ja ka dashur luftë në Ukrainë”, tha Rubin.
Përveç Malit të Zi, ai këtë javë do t’i vizitojë edhe Maqedoninë e Veriut dhe Shqipërinë për të folur për luftën kundër dezinformatave ruse, si edhe për dialogun midis Prishtinës dhe Beogradit.
“Në Podgoricë dhe në Shkup, i dërguari special Rubin do të takohet me përfaqësues qeveritarë për ta përforcuar mbështetjen për nismat kundër dezinformatave. Ai do të bisedojë për angazhimin e Rusisë, Republikës Popullore të Kinës dhe aktorët e tjerë dashakeqës të cilët përdorin dezinformata për ta minuar demokracinë dhe sigurinë kombëtare në mbarë botën si dhe se si kombet tona munden në mënyrë kolektive t’i kundërshtojnë kërcënimet në hapësirën informative”, kumtoi Departamenti i Shtetit.
Gjatë qëndrimit në Tiranë, është paraparë të ketë takim me ambasadorët amerikanë të Ballkanit Perëndimor.
Xhejms Rubin u emërua në detyrën i dërguar special dhe koordinator i Qendrës për Angazhim Global i Departamentit amerikan të shtetit, nga sekretari shtetëror Entoni Blinken në dhjetor të vitit 2022.
Ka karrierë 35-vjeçare në politikën e jashtme. Ka punuar si diplomat, këshilltar politik, komentator, profesor dhe raportues.
Rubin ishte zëdhënës i Departamentit të shtetit gjatë luftës në Kosovë, ndërsa deri në vitin 2022 edhe ndihmës-sekretar i shtetit, gjatë mandatit të Medlin Ollbrajtit, në administratën e presidentit Bill Klinton.
Anëtari i Komisionit Shtetëror për Parandalimin e Korrupsionit (KSHPK), Besnik Xhemaili, është zgjedhur zëvendëskryetar i KSHPK-së, funksion që do ta kryejë gjashtë muaj.
Zgjedhja e zëvendëskryetarit të KSHPK-së është kryer sipas parimit të rotacionit, dhe renditja u përcaktua sipas rendit alfabetik të mbiemrave të anëtarëve të KSHPK-së, shpjegoi kryetari Adem Çuçuli.
“Mandati i zëvendëskryetares aktuale të KSHPK-së, Sofija Spasova Medarska, përfundon më 18 gusht, ndërsa mandati i zëvendëskryetarit të ri, Besnik Xhemaili, do të fillojë më 19 gusht të këtij viti”, theksoi Çuçul, propozimi i të cilit u pranua unanimisht.
Në seancën e sotme të KSHPK-së, kryetari Çuçul informoi se Komisioni ka evidentuar 30 persona të zgjedhur, të emëruar ose mandati i të cilëve ka përfunduar në prill, të cilët nuk e kanë përmbushur detyrimin ligjor për të paraqitur deklaratën e gjendjes pronësore dhe konfliktit të interesit brenda afatit ligjor. Për të gjithë personat, theksoi Çuçul, do të iniciohen procedura kundërvajtëse dhe shqiptohen gjoba.
Anëtarët e Komisionit Shtetëror për Parandalimin e Korrupsionit sot morën 51 vendime për të njëjtin numër rastesh nga ankues të njohur ose të panjohur në KSHPK.
Uji nga ujësjellësi në Gostivar mbetet vetëm për përdorim teknik dhe ende nuk ka rekomandim që të përdoret për pirje ose gatim, deklaroi kryeministri Hristijan Mickoski.
Sipas tij, arsyeja është paraqitja e një bakteri rezidual në instalimet e ujësjellësit, për shkak të të cilit uji vazhdon të jetë i ndaluar për konsum.
Duke komentuar akuzat ndaj Qeverisë se nuk ka ndërmarrë masa për të parandaluar ndotjen e ujit në Gostivar, Mickoski tha se në vitin 2021, kur lideri i SDSM-së, Venko Filipçe, ishte ministër i Shëndetësisë, ishin regjistruar mbi 400 ankesa për cilësinë e ujit në Gostivar.
Kryeministri i bëri thirrje Prokurorisë që t’i verifikojë këto pretendime, të hapë procedurë dhe të kryejë kontrolle në Institutin e Shëndetit Publik dhe Agjencinë e Ushqimit dhe Veterinarisë.
Sipas Mickoskit, institucionet kompetente duhet të sqarojnë pse, edhe pse kanë pasur mundësi të reagojnë, nuk kanë ndërmarrë masa për mbrojtjen e shëndetit të qytetarëve të Gostivarit.
Lajme nga vendi
Skandal me provimin e Stomatologjisë: Studentja i pagoi ryshfet profesorëve, policia kapi mijëra euro
Njësia për Krim Financiar pranë Ministrisë së Punëve të Brendshme ka ngritur kallëzim penal ndaj tre personave të dyshuar për përfshirje në një skemë korruptive lidhur me përfitimin e paligjshëm të certifikatës për provimin profesional në stomatologji.
Gjatë kontrolleve te dy prej të dyshuarve, policia ka sekuestruar shuma të konsiderueshme parash në valuta të ndryshme.
Sipas MPB-së, A.T. (27) nga Manastiri, studente e stomatologjisë, gjatë dhjetorit 2025 ka komunikuar disa herë përmes aplikacionit Viber me S.Ç. (56) nga Gostivari, profesor në Fakultetin e Stomatologjisë dhe ish-nënkryetar i Odës së Stomatologëve.
Siç njofton MPB-ja, pasi arritën marrëveshje, studentja i ka transferuar para në llogarinë bankare profesorit, me qëllim që ai të përdorte ndikimin e tij për t’i mundësuar marrjen e certifikatës si punëtore shëndetësore, edhe pse nuk i plotësonte kushtet e nevojshme.
Sipas kallëzimit penal, profesori më pas ka ndërhyrë te S.E. (63) nga Shkupi, i cili në atë periudhë ishte kryetar i Komisionit për Provimin Profesional pranë Ministrisë së Shëndetësisë.
Më 17 dhjetor 2025, studentja është paraqitur para komisionit, ka kaluar provimin dhe më pas ka marrë certifikatën shtetërore.
Gjatë aksionit, zyrtarët policorë nga Departamenti për Luftimin e Krimit të Organizuar dhe Krimit të Rëndë kanë kryer kontrolle në banesat e të dyshuarve të dytë dhe të tretë, ku janë sekuestruar 65.280 euro, 29.840 franga zvicerane dhe 161.500 denarë.
“Në bazë të provave të siguruara, A.T. dyshohet për veprën penale dhënie shpërblimi për ndikim të kundërligjshëm, S.Ç. për marrje shpërblimi për ndikim të kundërligjshëm, ndërsa S.E. për marrje ryshfeti”, njoftoi MPB.
Hetimet vazhdojnë për zbardhjen e plotë të rastit dhe përcaktimin e të gjitha rrethanave që lidhen me skemën e dyshuar korruptive.
Besnik Xhemaili zgjidhet zëvendëskryetar i Antikorrupsionit
Uji në Gostivar mbetet vetëm për përdorim teknik, nuk lejohet për pirje
Skandal me provimin e Stomatologjisë: Studentja i pagoi ryshfet profesorëve, policia kapi mijëra euro
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Azizi zbulon dyfytyrësinë e Ali Ahmetit: Ja vazali që e mbronte Gruevskin
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
