Lajme nga vendi
Ndihmë amerikane në luftën kundër dezinformatave
Ne jemi shumë krenarë që Maqedoninë e Veriut e kemi anëtaren e 30-të të NATO-s. Këtë e theksoi sekretari Blinken në takimin me kryeministrin Dimitar Kovaçevski. Një aspekt i mbrojtjes është se siguria kibernetike ka të bëjë me mbrojtjen kundër dezinformimit. Jetojmë në një epokë teknologjie që e bën shumë të vështirë arritjen gjithmonë te e vërteta, te faktet, u shpreh ish ambasadori amerikan
Memorandumi i mirëkuptimit i nënshkruar së fundmi në Uashington nga kryeministri i Maqedonisë Dimitar Kovaçevski dhe përfaqësuesi special dhe koordinatori i Qendrës për Angazhim Global të Departamentit të Shtetit Xhejms Rubin, i cili përcakton bashkëpunimin mes dy vendeve në luftën kundër manipulimit dhe dezinformimit është një dokument strategjik shumë i rëndësishëm. Fokusi është në mbrojtjen e Maqedonisë së Veriut dhe Shteteve të Bashkuara të Amerikës, si aleatë në NATO, thotë ish-ambasadori amerikan në Shkup dhe ndihmës sekretar i shtetit Filip Riker në një intervistë për Zërin e Amerikës. “Ne jemi shumë krenarë që Maqedoninë e Veriut e kemi anëtaren e 30-të të NATO-s. Këtë e theksoi sekretari Blinken në takimin me kryeministrin Dimitar Kovaçevski. Një aspekt i mbrojtjes është se siguria kibernetike ka të bëjë me mbrojtjen kundër dezinformimit. Jetojmë në një epokë teknologjie që e bën shumë të vështirë arritjen gjithmonë te e vërteta, te faktet. Kjo është diçka që NATO e merr shumë seriozisht. Të gjitha vendet në rajon përballen me disa nga të njëjtat sfida. Ne jemi shumë të vetëdijshëm për dezinformatat e nxjerra nga Putini dhe Rusia. Këtë e kemi parë për shumë vite. Ne e dimë këtë këtu në SHBA. Ne dimë për manipulimin e mediave sociale, të mediave të tjera, për dezinformimin. Mendoj se është mirë që i dërguari special Xhejms Rubin ishte në gjendje të udhëtonte në rajon, përfshirë Maqedoninë e Veriut në prill. Ka pasur takime ndërsa me vizitën e kryeministrit këtu në Uashington, ishte një mundësi e shkëlqyer të isha i pari që nënshkruan një nga këto marrëveshje, e cila vetëm do t’i lejojë dy qeveritë tona të punojnë së bashku për të trajtuar sfidën e dezinformimit në këtë epokë të mediave moderne”, thotë Riker.
I pyetur nëse është i brengosur për shkak të përpjekjeve të Rusisë të përhapë dezinformata për ta minuar demokracinë dhe sigurinë kombëtare, veçanërisht në Maqedoni, Riker theksoi se është i dukshëm ndikimi në pjesën e qasjes së Moskës të përpiqet të krijojë jo vetëm dezinformata, por edhe trazira. “Kjo është pjesë e projekteve ruse për destabilizim. Një pjesë e të qenit një aleat i NATO-s është që ne të gjithë të punojmë së bashku dhe të përpiqemi t’i luftojmë ato aspekte. NATO është një aleancë mbrojtëse dhe është e përqëndruar në mbrojtjen e vendeve anëtare nga këto lloj elementësh shkatërrues”, thotë Riker.
Sa i përket mënyrës se si SHBA-ja mund t’i ndihmojë Maqedonisë që të përballet me ndikimin rus dhe përhapjen e dezinformatave, ai thekson se kjo është punë e të dërguarit special Rubin, i cili udhëheq me Qendrën për angazhim global në Departamentin e shtetit, i cili funksionin nën sekretarin shtetëror Blinken. “Së bashku mund t’i shqyrtojmë përpjekjet të dilat mund të ndihmojnë në luftën kundër llojit të dezinformatave të cilat u ndihmojnë mediumeve të binden se janë të fokusuar në të vërtetën. T’i kenë faktet dhe të mos jenë të bindur në të kundërtën përmes rrjeteve sociale ose përpjekjeve tjera nga Rusia e Vlladimir Putinit ose të tjerë që duan të bëjnë trazira edhe në rajon”, thotë Riker. Ai beson se Maqedonia e Veriut duhet ta vazhdojë rrugën drejt BE-së dhe të ndërmarrë hapat e nevojshëm siç ishte edhe në rastin me anëtarësimin në NATO, për të cilën ka mbështetje nga SHBA.
Lajme nga vendi
Stuhia po i afrohet Greqisë: Alarm i kuq për Halkidikin dhe Selanikun, paralajmërim për turistët
Shërbimi Kombëtar Meteorologjik Grek (EMY) ka lëshuar alarm të kuq për shkak të përkeqësimit të menjëhershëm të kushteve atmosferike, të cilat do të prekin vendin në periudhën nga 23 deri më 25 korrik. Pas disa ditësh valë ekstreme të nxehtësisë, pritet stuhie e fortë e shoqëruar me shi të rrëmbyeshëm, bubullima, erë të fortë dhe shfaqje lokale të breshërit.
Sipas parashikimeve, situata më kritike do të jetë të premten, kur moti i paqëndrueshëm do të godasë Halkidikin dhe Selanikun – rajone ku në këtë periudhë qëndrojnë një numër i madh turistësh maqedonas. Meteorologët paralajmërojnë për reshje të bollshme dhe goditje të forta të erës, të cilat mund të shkaktojnë probleme në trafik, si dhe kushte të rrezikshme përgjatë bregdetit dhe në plazhe.
Shërbimet kompetente u bëjnë thirrje qytetarëve dhe turistëve të jenë veçanërisht të kujdesshëm. Nëse vëreni re të errëta, bubullima ose shenja stuhie, rekomandohet që menjëherë të largohemi nga plazhet dhe deti. Shoferët duhet të shmangin udhëtimet gjatë reshjeve më të forta për shkak të uljes së dukshmërisë dhe mundësisë së rrugëve të përmbytura.
Në të njëjtën kohë, këshillohet ndjekja e rregullt e parashikimeve zyrtare të motit dhe respektimi i udhëzimeve të autoriteteve lokale.
Edhe pse stuhia nuk do t’i prekë njëkohësisht të gjitha pjesët e Greqisë, rreziku më i madh pritet në pjesën veriore të vendit, prandaj rekomandohet kujdes i shtuar për të gjithë ata që udhëtojnë ose qëndrojnë në këtë rajon.
Gjykata Themelore Penale në Shkup ka hequr urdhrin e paraburgimit për ish-presidentin e Federatës së Futbollit të Maqedonisë, Muamed Sejdini, pasi një gjyqtar në një procedurë paraprake pranoi garancinë e ofruar me vlerë mbi 1,150,000 euro.
Siç njoftoi Gjykata, garancia përbëhet nga një hipotekë mbi pasurinë e paluajtshme. Njëkohësisht, për të siguruar praninë e tij në rrjedhën e mëtejshme të procedurës, Sejdinit i është urdhëruar të marrë një masë paraprake – konfiskim i dokumentit të udhëtimit, shkruan “sportmedia.mk”.
Sejdini u paraburgos me propozim të Prokurorisë Themelore Publike në Shkup, dhe më 24 prill të këtij viti, atij iu caktua paraburgim prej 30 ditësh për shkak të rrezikut të arratisjes dhe mundësisë së ndikimit te dëshmitarët në hetim. Më vonë, masa u zgjat me vendim të Këshillit Penal.
Prokuroria dyshon Sejdinin për përvetësim prej më shumë se 700,000 eurosh në lidhje me ndërtimin e tribunës në stadiumin e Ohrit, si dhe për abuzime financiare me vlerë miliona dollarë në Federatën e Futbollit të Maqedonisë. (Open-TV)
Dje në orën 14:10 në SPB Tetovë, një 53-vjeçar nga Tetova ka denoncuar se rreth orës 12:00 në një objekt shitës në Tetovë, pas një mosmarrëveshjeje të mëparshme, është sulmuar fizikisht nga një person nga Tetova. Po merren masa për zbardhjen e plotë të rastit.
……Dje në orën 21:25 në fshatin Çegran të Gostivarit, zyrtarët policorë kanë privuar nga liria një 25-vjeçar nga fshati Çegran, duke vepruar sipas një denoncimi të mëparshëm se ka prishur rendin dhe qetësinë publike, e më pas është sjellë me agresivitet ndaj zyrtarëve policorë që po kryenin detyrën zyrtare. Pas dokumentimit të plotë të rastit, do të vijojë parashtresa përkatëse.
……. Pas mesnate në orën 00:40 në rrugën “Jasht Vardarit” në Tetovë, zyrtarët policorë nga SPB Tetovë kanë privuar nga liria një 33-vjeçar nga fshati Çellopek i Tetovës, duke vepruar sipas një denoncimi të mëparshëm nga partnerja e tij jashtëmartesore 28-vjeçare se rreth orës 00:40 e ka sulmuar fizikisht pas një debati të shkurtër. Ai është ndaluar në stacionin policor dhe pas dokumentimit të rastit do të vijojë kallëzimi përkatës.
…….Sot në mëngjes në orën 04:50, zyrtarët policorë nga Stacioni Policor Gallatë kanë privuar nga liria një 49-vjeçar nga rajoni i Gostivarit, duke vepruar sipas një denoncimi të mëparshëm nga bashkëshortja e tij 43-vjeçare se se është sjellë me agresivitet ndaj saj dhe fëmijëve të tyre në shtëpinë familjare, si dhe ka sulmuar fizikisht djalin e tij 20-vjeçar, me ç’rast ka përdorur një mjet të mprehtë. Pas dokumentimit të plotë të rastit, do të vijojë kallëzimi përkatës.
………Dje në orën 08:01 në SPB Tetovë është denoncuar se në fshatin Bërvenicë të Tetovës, një automjet udhëtarësh ka goditur një 22-vjeçar nga fshati Bërvenicë dhe është larguar nga vendi i ngjarjes. Në aksident, këmbësori ka pësuar lëndime të rënda trupore, të konstatuara në Spitalin Klinik të Tetovës. Këqyrjen e vendit të ngjarjes e ka kryer ekipi hetimor i SPB Tetovë dhe po merren masa për gjetjen e shoferit dhe për zbardhjen e plotë të rastit.
…….Dje rreth orës 12:20 në SPB Tetovë është denoncuar se në bulevardin “Ilinden” në Tetovë, një 50-vjeçar nga Tetova, duke drejtuar një moped me targa të Tetovës, ka rënë në rrugë. Në aksident drejtuesi I mopedit ka pësuar lëndime të rënda trupore, të konstatuara në Spitalin Klinik të Tetovës. Këqyrjen e vendit të ngjarjes e ka kryer ekipi hetimor i SPB Tetovë.
Stuhia po i afrohet Greqisë: Alarm i kuq për Halkidikin dhe Selanikun, paralajmërim për turistët
Sejdini u lirua pasiqë paraprakisht u ofrua garanca prej 1.1 milion eurosh
Shtatë ndeshje të Botërorit 2026 nën dyshime për manipulim të mundshëm të basteve
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Azizi zbulon dyfytyrësinë e Ali Ahmetit: Ja vazali që e mbronte Gruevskin
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
