Lajme nga vendi
Ndryshimet në ligjet për marrëdhëniet e punës dhe për planifikim urbanistik në seancë plenare në Kuvendin e RMV-së
Kuvendi sot duhet ta vazhdojë seancën e 115-të, në rendin e ditës së së cilës është pakoja e ligjeve për ndërtimin e korridoreve 8 dhe 10d. Propozim-ligjet për ndryshimin e Ligjit për Marrëdhëniet e Punës dhe Ligjit për Planifikim Urbanistik kanë kaluar në Komisionin për Çështje Evropiane, ndërsa sot duhet të shqyrtohet Propozim ligji për ndryshimin e Ligjit për ndërtim.
Propozim-ndryshimet e Ligjit për marrëdhëniet e punës janë pika e 14-të, ndërsa ndryshimet në Ligjin për planifik urbanistik pika 17-të në këtë seancë plenare.
Me ndryshimet në Ligjin për Marrëdhëniet e Punës, mundësohet puna jashtë orarit më gjatë se tetë orë në javë dhe më shumë se 190 orë në vit, në rastet kur bëhet fjalë për veprimtari me interes kombëtar dhe strategjik për shtetin, pas pëlqimit paraprak me shkrim të punonjësit. Për shkak të natyrës së gjërave, siç theksohet, do të lejohet që aktivitetet të zhvillohen edhe të dielave.
“Punëtorët mbrohen me Ligjin për marrëdhëniet e punës dhe çdo orë jashtë orarit do të paguhet 35 për qind sipas Ligjit dhe Kontratës Kolektive. Në përputhje me ligjin, punëtorët kanë të drejtë në pushim ditor dhe javor, njoftoi Qeveria më 5 maj pas miratimit të pakos prej pesë ligjeve të cilat miratohen pas procedurës së shkurtuar dhe me flamur evropian.
Siç shpjegoi zëvendësministri i Punës dhe Politikës Sociale, Enver Husein në konferencën për shtyp të mbajtur më 5 maj, puna jashtë orarit nuk do të thotë 60 orë në javë, por ajo do të varet nga kushtet atmosferike në terren dhe çdo orë jashtë orarit do të paguhet 35 për qind sipas Ligjit dhe Kontratës Kolektive, me deklaratë paraprake për pëlqim nga punonjësi.
“Puna mbi 40 orë në javë do të konsiderohet dhe paguhet si jashtë orarit me respektimin e detyrueshëm të dispozitave për pushim ditor dhe javor. Kjo do të thotë se punonjësi do të ketë të drejtën e pushimit prej të paktën 12 orësh në vazhdimësi ndërmjet dy ditëve të njëpasnjëshme gjatë 24 orëve. Gjithashtu, punonjësi ka të drejtën e një periudhe javore pushimi prej të paktën 24 orësh të vazhdueshme plus 12 orë pushim ditor. Përveç kësaj, për shkak të natyrës së punës dhe detyrave që kryhen në punë me interes kombëtar, lindi nevoja që ajo të mund të realizohej edhe të dielave. Ligji i propozuar parashikon një ndryshim që mundëson rregullimin e vendit dhe mënyrës së pagesës së pagave për punëtorët në projekte me interes kombëtar dhe strategjik”, tha Husein.
Opozita nuk është dakord me dispozita të tilla për 60 orë pune, ndërsa kanë reaguar edhe sindikatat. Nga lidhja e Sindikatave të Maqedonisë u bënë thirrje deputetëve që të mendojnë seriozisht para se të votojnë ligjin që cenon të drejtat e punëtorëve. Siç informuan ata, kanë marrë mbështetje nga Konfederata Botërore e Sindikatave (ITUC) dhe Sindikata Evropiane për Sektorin Publik.
“Ky ligj është i rrezikshëm. ONP e theksoi rëndësinë e ditës tetë-orëshe dhe javës 48-orëshe për të mbrojtur shëndetin dhe sigurinë e punëtorëve. Qeveria e Maqedonisë së Veriut është e detyruar ta mbështesë këtë dhe ta tërheqë menjëherë këtë ligj të rrezikshëm”, rekomandon ITUC.
Në letrën, megjithatë, nga Sindikata evropiane për Sektorin Publik, thuhet se koha e punës jashtë orarit paraqet kërcënim serioz për shëndetin dhe sigurinë dhe rrezikon ofrimin e shërbimeve publike të sigurta dhe cilësore.
“I bashkohemi ITUC-së për t’i bërë thirrje Qeverisë së Maqedonisë së Veriut që të tërheqë këtë iniciativë dhe të angazhohet plotësisht me partnerët socialë për çdo rishikim të planifikuar të legjislacionit të punës. Ne do të monitorojmë me kujdes situatën në konsultim me kolegët tanë në Maqedoninë e Veriut dhe presim përgjigje pozitive nga ju për këto çështje kritike”, thuhet në reagimin e Sindikatës evropiane për Sektorin Publik.
Në kuadër të aktiviteteve të Verës Tetovare “Tetova n’Festë”, u organizua ora poetike “Puhizë në Vargje”, të organizuar nga Shoqata e Shkrimtarëve “OENEUM”.
Ky aktivitet mblodhi poetë, krijues dhe dashamirës të letërsisë, duke sjellë një mbrëmje të veçantë kushtuar poezisë, fjalës së bukur dhe vlerave kulturore që pasurojnë jetën artistike të qytetit tonë.
U lexuan poezi, poetët nga vendi, Kosova e Shqipëria lexuan punimet e tyre autoriale. Ata vinin nga Kukësi, Dibra, Prizreni, Vitia, Suhareka, Shkupi, Gostivari dhe Tetova.
Komuna e Tetovës, sic thanë autoritetet e kësaj Komune, mbetet e përkushtuar në mbështetjen e aktiviteteve kulturore që promovojnë krijimtarinë, artin dhe afirmimin e vlerave letrare.
Shoqata e Shkrimtarëve Oeneum ka falënderuar pjesëmarrësit e orës poetike “Puhizë në vargje” por ka nderuar me mirënjohje edhe Bruno Cekën veprimtarin e cështjes kombëtare që veprom në diasporë duke potencuar se vlera dhe kontributi I tyre për çështje kombëtare është e pa përshkrueshme me fjalë./Tv Koha/
Dje në ora 14:00 në Tetovë, zyrtarë policorë nga SPB Tetovë kanë privuar nga liria një 29-vjeçare nga Tetova, duke vepruar sipas një denoncimi paraprak se ajo kishte sulmuar fizikisht djalin e saj shtatëvjeçar. Ajo është ndaluar në stacionin policor dhe pas dokumentimit të rastit do të vijojë parashtresë përkatëse.
……
Dje në ora 00:15, në SPB Tetovë, një 46-vjeçar nga fshati Xhepçisht ka denoncuar se në oborrin e një shtëpie në fshati Xhepçisht është sulmuar fizikisht nga dy persona nga i njëjti fshat, ndërsa është përdorur edhe një send të fortë. Po ndërmerren masa për zbardhjen e rastit.
……
Dje në ora 12:45 në SPB Tetovë, një grua 38 vjeçare nga Tetova ka denoncuar se ka vërejtur se nga data 30.06.2026 deri më 15.07.2026 janë kryer 78 transaksione të paautorizuara me kartelën e saj debitore, me çka është dëmtuar për një shumë të përgjithshme prej 226.172 denarë. Po ndërmerren masa për zbardhjen e rastit.
……
Dje në ora 11:00, në rrugën Kuzman Josifovski Pitu në Tetovë, zyrtarë policorë nga SPB Tetovë, në bazë të urdhëresës gjyqësore, kanë privuar nga liria një 59-vjeçar nga Tetova, i kërkuar për vuajtje të dënimit me burg për vepër penale të kryer sipas nenit 235 a paragrafi 1 të Kodit Penal. Ai është dërguar në Institucionin Ndëshkimor Përmirësues Burgu i Tetovës për vuajtjen e dënimit.
…..
Dje në ora 13:50, në SPB Tetovë, një 34-vjeçar nga Tetova ka denoncuar se në rrethin e një fabrike në Tetovë është sulmuar fizikisht. Po punohet në zbardhjen e rastit.
……
Dje në ora 17:45, në bulevardin Vëllezërit Gjinovski në Gostivar, zyrtarë policorë nga Stacioni Policor për Siguri në Trafikun Rrugor Gostivar kanë ndaluar një moped me targa të Gostivarit, i drejtuar nga një 17 vjeçar nga fshati Bellovisht, Gostivar. Gjatë kontrollit është konstatuar se i mituri po drejtonte mopedin para se të fitonte të drejtën e drejtimit, përkatësisht pa patentë shofer. Pas konsultimit me prokurorin publik kujdestar pranë PTHP Gostivar, shoferi është privuar nga liria, mopedi është konfiskuar dhe pas dokumentimit të rastit do të dorëzohet kallëzim përkatës.
……
Pas mesnate në ora 00:25, në një kazino në Tetovë, zyrtarë policorë nga SPB Tetovë kanë privuar nga liria një 59-vjeçar nga fshati Reçicë e Vogël, pasi gjatë kontrollit tek ai është gjetur një qese me lëndë pluhur të bardhë. Pas dokumentimit të rastit do të dorëzohet parashtresë përkatëse.
……
Pas mesnate në ora 00:30, në rrugën rajonale Tetovë – Jazhincë, në fshatin Përshefcë, zyrtarë policorë nga Stacioni Policor Tearcë kanë ndaluar një automjet udhëtarësh BMV me targa të Tetovës, i drejtuar nga një 19-vjeçar, ndërsa si bashkëudhëtarë kanë qenë dy 19-vjeçarë tjerë dhe një 14 vjeçar, të gjithë nga fshati Novo Sellë, Zhelinë. Gjatë kontrollit të automjetit janë gjetur dhe konfiskuar tri kapele të zeza fantomka, tri thika dhe një pendrek. Ata janë arrestuar dhe ndaluar në stacionin policor dhe pas dokumentimit të rastit do t u dorëzohet kallëzim përkatës sipas nenit 80 paragrafi 1 të Ligjit për Armët.
Lajme nga vendi
AUV-ja po kryen analiza të jashtëzakonshme, analizat e fundit treguan se uji në Gostivar ka qenë i sigurt për pije
Pas paraqitjes së një numri të shtuar të qytetarëve që gjatë dhjetë ditëve të fundit janë ankuar për probleme me stomakun, Agjencia e Ushqimit dhe Veterinarisë (AUV) ka kërkuar të kryhen kontrolle të jashtëzakonshme të ujit të pijshëm që shpërndahet përmes ujësjellësit të qytetit në Gostivar. Nga Departamenti për Higjienë dhe Ekologji Shëndetësore pranë Qendrës së Shëndetit Publik-Gostivar, kanë konfirmuar se dje është kryer një kontroll i jashtëzakonshëm dhe janë marrë mostra nga katër pika matëse.
Në lidhje me: Dyshime për ndotje të ujit në Gostivar, MPB: Ujësjellësi dhe komuna dyshohet se injektuan në rrjet ujë nga ujërat e zeza
“Sa i përket ujit dhe situatës aktuale, përveç analizave të rregullta kemi bërë edhe analiza të jashtëzakonshme. Rezultatet e fundit të analizave që i kemi kryer të hënën ishin të mira, përkatësisht parametrat fiziko-kimikë dhe mikrobiologjikë ishin në rregull. Dje kemi marrë edhe disa mostra të tjera për analiza të jashtëzakonshme, por për rezultatet duhet të presim deri nesër ose eventualisht deri të hënën. Për momentin nuk mund të themi asgjë konkrete për to”, deklaroi për MIA-n, dr. Berun Mustafa, specialist i higjienës në Qendrën e Shëndetit Publik në Gostivar.
Nga Spitali i Përgjithshëm “Ferid Murad” kanë konfirmuar se në repartin infektiv dhe atë pediatrik ka një numër të shtuar kontrollesh dhe qytetarësh që ankohen për diarre, dhimbje barku, të vjella dhe temperaturë të lartë. Sipas gjetjeve fillestare dhe pamjes klinike, me shumë gjasa bëhet fjalë për viroza sezonale dhe nuk ka lidhje epidemiologjike mes rasteve. Mjekët rekomandojnë që qytetarët të kenë kujdes më të madh për higjienën dhe zakonet e përditshme, veçanërisht gjatë periudhës së verës kur temperaturat janë të larta dhe rreziku nga infeksionet e zorrëve rritet ndjeshëm.
“Qytetarët duhet të jenë të kujdesshëm për shkak të numrit të shtuar të sëmundjeve të zorrëve, si nga uji ashtu edhe nga ushqimi. Para së gjithash, nuk duhet të konsumojnë ushqime që mund të shkaktojnë këto sëmundje, si ushqimet që nuk janë përgatitur mirë termikisht. Ushqimet dhe produktet duhet të jenë të freskëta. Gjithashtu, frutat dhe perimet duhet të lahen mirë para përdorimit. Dhe natyrisht, uji duhet të përdoret nga burime për të cilat qytetarët konsiderojnë se janë të sigurta”, rekomandoi dr. Mustafa.
Tri analizat e fundit të ujit nga ujësjellësi i Gostivarit, të kryera gjatë muajit të fundit nga Departamenti për Higjienë dhe Ekologji Shëndetësore pranë Qendrës së Shëndetit Publik, kanë treguar se uji ka qenë i shëndetshëm dhe i sigurt për përdorim.
“TETOVA N`FESTË”: MBAHET ORA POETIKE “PUHIZË NË VARGJE”
Kronika e zezë – Tetovë dhe Gostivar, 16 Korrik
AUV-ja po kryen analiza të jashtëzakonshme, analizat e fundit treguan se uji në Gostivar ka qenë i sigurt për pije
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Azizi zbulon dyfytyrësinë e Ali Ahmetit: Ja vazali që e mbronte Gruevskin
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
