Lajme nga vendi
Manifestimi për nder të Shën Kirilit filloi me takimin e Xhaferi me kolegun e tij italian Fontana
Kryetari i Kuvendit të Republikës së Maqedonisë së Veriut, Talat Xhaferi nga Roma paralajm,roi se nesër së bashku me një delegacion bullgar do të vendosin lule në bazilikën “Santa Maria Maxhore” ku ndodhet pllakë përkujtimore në gjuhën maqedonase për nder të Shën Kirilit.
“Nuk mund të paragjykoj se cilat tema dhe çështje do të diskutohen në takimin e nesërm me delegacionin bullgar. Por sigurisht që komunikimi i drejtpërdrejtë është i mirëseardhur dhe mendoj se shkon në favor të gjetjes së zgjidhjeve të mundshme pozitive në raport me proceset që po drejtojmë”, tha Xhaferi pas takimit me kryetarin e Dhomës së Përfaqësuesve të Republikës së Italisë, Lorenco Fontana.
Xhaferi, njoftoi raportuesi i MIA-s nga Roma, theksoi se parlamentet janë institucione që mund të komunikojnë lirshëm dhe më drejtpërdrejt dhe të shprehin marrëdhëniet e tyre në bashkëpunim dhe komunikim të ndërsjellë.
“Ne komunikojmë në mënyrë parlamentare siç kërkohet nga demokracia parlamentare në të dy vendet. Kryetari i Parlamentit të Bullgarisë është i ri. Ne u pamë në Pragë, por këtu kemi rastin të nderojmë bashkërisht arsimtarët sllavë, të cilët në kohën kur punuan krijuan diçka për të mirën e përbashkët. Dhe në këtë kontekst, nuk ka problem që nesër ta shfaqim bashkë, ata në pllakën e tyre, ndërsa ne në pllakën tonë. Në atë kontekst, nuk ka asnjë problem për gjërat që janë objekt i komunikimit politik ditor mes institucioneve në të dy vendet”, tha Xhaferi.
Kryetari i Kuvendit në Romë u takua me kryetarin e Dhomës së Deputetëve të Republikës së Italisë, Lorenco Fontana. Në takimin e mbajtur pasditen e sotme në Dhomën e Deputetëve, Xhaferi dhe Fontana deklaruan se Maqedonia e Veriut dhe Italia kanë bashkëpunim të shkëlqyer dhe marrëdhëniet janë në nivel të lartë në të gjitha aspektet e komunikimit.
Republika e Italisë, siç deklaroi Xhaferi pas takimit, është në mesin e dhjetë ekonomive më të pranishme në Republikën e Maqedonisë së Veriut dhe në këtë kontekst është konstatuar se pjesëmarrja në investime në vendin tonë mund të përmirësohet.
Të dy bashkëbiseduesit shkëmbyen mendime për zhvillimet gjeostrategjike dhe të përgjithshme në botë si pasojë e luftës në Ukrainë.
“Lorenzo u interesua edhe për qasjen tonë ndaj nevojave për përfundimin e skriningut dhe hapin e ardhshëm sa i përket obligimeve që kemi për hapjen e negociatave me BE-në”, tha Xhaferi.
Fontana, siç tha Xhaferi, ka ripërsëritur mbështetjen e tij të parezervë për integrimet evropiane dhe kjo përkon me bashkëpunimin dypalësh tre dekadash ndërmjet Maqedonisë së Veriut dhe Italisë.
Delegacioni shtetëror kishtar sot pasdite do të marrë pjesë në koncertin e nxënësve të vitit të tretë në QSHMB, Goce Zlatev dhe Magdalena Dërmaç.
Në kuadër të aktiviteteve të Verës Tetovare “Tetova n’Festë”, u organizua ora poetike “Puhizë në Vargje”, të organizuar nga Shoqata e Shkrimtarëve “OENEUM”.
Ky aktivitet mblodhi poetë, krijues dhe dashamirës të letërsisë, duke sjellë një mbrëmje të veçantë kushtuar poezisë, fjalës së bukur dhe vlerave kulturore që pasurojnë jetën artistike të qytetit tonë.
U lexuan poezi, poetët nga vendi, Kosova e Shqipëria lexuan punimet e tyre autoriale. Ata vinin nga Kukësi, Dibra, Prizreni, Vitia, Suhareka, Shkupi, Gostivari dhe Tetova.
Komuna e Tetovës, sic thanë autoritetet e kësaj Komune, mbetet e përkushtuar në mbështetjen e aktiviteteve kulturore që promovojnë krijimtarinë, artin dhe afirmimin e vlerave letrare.
Shoqata e Shkrimtarëve Oeneum ka falënderuar pjesëmarrësit e orës poetike “Puhizë në vargje” por ka nderuar me mirënjohje edhe Bruno Cekën veprimtarin e cështjes kombëtare që veprom në diasporë duke potencuar se vlera dhe kontributi I tyre për çështje kombëtare është e pa përshkrueshme me fjalë./Tv Koha/
Dje në ora 14:00 në Tetovë, zyrtarë policorë nga SPB Tetovë kanë privuar nga liria një 29-vjeçare nga Tetova, duke vepruar sipas një denoncimi paraprak se ajo kishte sulmuar fizikisht djalin e saj shtatëvjeçar. Ajo është ndaluar në stacionin policor dhe pas dokumentimit të rastit do të vijojë parashtresë përkatëse.
……
Dje në ora 00:15, në SPB Tetovë, një 46-vjeçar nga fshati Xhepçisht ka denoncuar se në oborrin e një shtëpie në fshati Xhepçisht është sulmuar fizikisht nga dy persona nga i njëjti fshat, ndërsa është përdorur edhe një send të fortë. Po ndërmerren masa për zbardhjen e rastit.
……
Dje në ora 12:45 në SPB Tetovë, një grua 38 vjeçare nga Tetova ka denoncuar se ka vërejtur se nga data 30.06.2026 deri më 15.07.2026 janë kryer 78 transaksione të paautorizuara me kartelën e saj debitore, me çka është dëmtuar për një shumë të përgjithshme prej 226.172 denarë. Po ndërmerren masa për zbardhjen e rastit.
……
Dje në ora 11:00, në rrugën Kuzman Josifovski Pitu në Tetovë, zyrtarë policorë nga SPB Tetovë, në bazë të urdhëresës gjyqësore, kanë privuar nga liria një 59-vjeçar nga Tetova, i kërkuar për vuajtje të dënimit me burg për vepër penale të kryer sipas nenit 235 a paragrafi 1 të Kodit Penal. Ai është dërguar në Institucionin Ndëshkimor Përmirësues Burgu i Tetovës për vuajtjen e dënimit.
…..
Dje në ora 13:50, në SPB Tetovë, një 34-vjeçar nga Tetova ka denoncuar se në rrethin e një fabrike në Tetovë është sulmuar fizikisht. Po punohet në zbardhjen e rastit.
……
Dje në ora 17:45, në bulevardin Vëllezërit Gjinovski në Gostivar, zyrtarë policorë nga Stacioni Policor për Siguri në Trafikun Rrugor Gostivar kanë ndaluar një moped me targa të Gostivarit, i drejtuar nga një 17 vjeçar nga fshati Bellovisht, Gostivar. Gjatë kontrollit është konstatuar se i mituri po drejtonte mopedin para se të fitonte të drejtën e drejtimit, përkatësisht pa patentë shofer. Pas konsultimit me prokurorin publik kujdestar pranë PTHP Gostivar, shoferi është privuar nga liria, mopedi është konfiskuar dhe pas dokumentimit të rastit do të dorëzohet kallëzim përkatës.
……
Pas mesnate në ora 00:25, në një kazino në Tetovë, zyrtarë policorë nga SPB Tetovë kanë privuar nga liria një 59-vjeçar nga fshati Reçicë e Vogël, pasi gjatë kontrollit tek ai është gjetur një qese me lëndë pluhur të bardhë. Pas dokumentimit të rastit do të dorëzohet parashtresë përkatëse.
……
Pas mesnate në ora 00:30, në rrugën rajonale Tetovë – Jazhincë, në fshatin Përshefcë, zyrtarë policorë nga Stacioni Policor Tearcë kanë ndaluar një automjet udhëtarësh BMV me targa të Tetovës, i drejtuar nga një 19-vjeçar, ndërsa si bashkëudhëtarë kanë qenë dy 19-vjeçarë tjerë dhe një 14 vjeçar, të gjithë nga fshati Novo Sellë, Zhelinë. Gjatë kontrollit të automjetit janë gjetur dhe konfiskuar tri kapele të zeza fantomka, tri thika dhe një pendrek. Ata janë arrestuar dhe ndaluar në stacionin policor dhe pas dokumentimit të rastit do t u dorëzohet kallëzim përkatës sipas nenit 80 paragrafi 1 të Ligjit për Armët.
Lajme nga vendi
AUV-ja po kryen analiza të jashtëzakonshme, analizat e fundit treguan se uji në Gostivar ka qenë i sigurt për pije
Pas paraqitjes së një numri të shtuar të qytetarëve që gjatë dhjetë ditëve të fundit janë ankuar për probleme me stomakun, Agjencia e Ushqimit dhe Veterinarisë (AUV) ka kërkuar të kryhen kontrolle të jashtëzakonshme të ujit të pijshëm që shpërndahet përmes ujësjellësit të qytetit në Gostivar. Nga Departamenti për Higjienë dhe Ekologji Shëndetësore pranë Qendrës së Shëndetit Publik-Gostivar, kanë konfirmuar se dje është kryer një kontroll i jashtëzakonshëm dhe janë marrë mostra nga katër pika matëse.
Në lidhje me: Dyshime për ndotje të ujit në Gostivar, MPB: Ujësjellësi dhe komuna dyshohet se injektuan në rrjet ujë nga ujërat e zeza
“Sa i përket ujit dhe situatës aktuale, përveç analizave të rregullta kemi bërë edhe analiza të jashtëzakonshme. Rezultatet e fundit të analizave që i kemi kryer të hënën ishin të mira, përkatësisht parametrat fiziko-kimikë dhe mikrobiologjikë ishin në rregull. Dje kemi marrë edhe disa mostra të tjera për analiza të jashtëzakonshme, por për rezultatet duhet të presim deri nesër ose eventualisht deri të hënën. Për momentin nuk mund të themi asgjë konkrete për to”, deklaroi për MIA-n, dr. Berun Mustafa, specialist i higjienës në Qendrën e Shëndetit Publik në Gostivar.
Nga Spitali i Përgjithshëm “Ferid Murad” kanë konfirmuar se në repartin infektiv dhe atë pediatrik ka një numër të shtuar kontrollesh dhe qytetarësh që ankohen për diarre, dhimbje barku, të vjella dhe temperaturë të lartë. Sipas gjetjeve fillestare dhe pamjes klinike, me shumë gjasa bëhet fjalë për viroza sezonale dhe nuk ka lidhje epidemiologjike mes rasteve. Mjekët rekomandojnë që qytetarët të kenë kujdes më të madh për higjienën dhe zakonet e përditshme, veçanërisht gjatë periudhës së verës kur temperaturat janë të larta dhe rreziku nga infeksionet e zorrëve rritet ndjeshëm.
“Qytetarët duhet të jenë të kujdesshëm për shkak të numrit të shtuar të sëmundjeve të zorrëve, si nga uji ashtu edhe nga ushqimi. Para së gjithash, nuk duhet të konsumojnë ushqime që mund të shkaktojnë këto sëmundje, si ushqimet që nuk janë përgatitur mirë termikisht. Ushqimet dhe produktet duhet të jenë të freskëta. Gjithashtu, frutat dhe perimet duhet të lahen mirë para përdorimit. Dhe natyrisht, uji duhet të përdoret nga burime për të cilat qytetarët konsiderojnë se janë të sigurta”, rekomandoi dr. Mustafa.
Tri analizat e fundit të ujit nga ujësjellësi i Gostivarit, të kryera gjatë muajit të fundit nga Departamenti për Higjienë dhe Ekologji Shëndetësore pranë Qendrës së Shëndetit Publik, kanë treguar se uji ka qenë i shëndetshëm dhe i sigurt për përdorim.
“TETOVA N`FESTË”: MBAHET ORA POETIKE “PUHIZË NË VARGJE”
Kronika e zezë – Tetovë dhe Gostivar, 16 Korrik
AUV-ja po kryen analiza të jashtëzakonshme, analizat e fundit treguan se uji në Gostivar ka qenë i sigurt për pije
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Azizi zbulon dyfytyrësinë e Ali Ahmetit: Ja vazali që e mbronte Gruevskin
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
