Lajme nga vendi
MMJPH e filloi projektin për zbatimin e legjislacionit për menaxhim me mbeturinat
Ministria e Mjedisit Jetësor dhe Planifikimit Hapësinor sot e filloi projektin “Mbështetje në zbatimin e legjislacionit për menaxhim me mbeturinat dhe skema për përgjegjësi të zgjeruar të prodhuesit” i financuar nga BE-ja, ndërsa partnerë janë Hungaria dhe Austria. Me projektin harmonizohet legjislacioni vendor në pjesën e përgjegjësisë së zgjeruar me atë të Bashkimit Evropian.
Shefi për bashkëpunim në Delegacionin e BE-së, Stefan Hudolin theksoi se vendit do t’i ndihmohet me një milion euro për gatishmëri më të madhe në pjesën e legjislacionit dhe harmonizimit të ligjeve për mbeturina dhe riciklim. Hudolin theksoi se BE-ja në të kaluarën, bashkë me vendet anëtare, kanë mobilizuar fonde të mëdha për mjedisin jetësor dhe për mbeturinat, por, siç theksoi, ka vonesa kur bëhet fjalë për zbatimin dhe u bëri thirrje institucioneve që sa më shpejtë ta zbatojnë këtë projekt në teren.
“Kjo është për rritjen e përgjegjësisë së prodhuesve dhe përballjen me mbeturinat prej ku prodhohet, por para së gjithash suksesi në menaxhimin me mbeturinat në këtë vend varet nga zbatimi i ligjeve dhe si kjo do të ndiqet nga ana e kompetentëve”, tha Hudolin.
Ministrja e Mjedisit Jetësor, Kaja Shukova, në deklaratë për mediat, theksoi se vazhdimi i harmonizimit të legjislacionit vendor me atë të Bashkimit Evropian me ndihmën e mjeteve të BE-së, është i rëndësishëm për vendin.
“Ajo që është me rëndësi është se e harmonizojmë legjislacionin në pjesën e përgjegjësisë së zgjeruar ku kemi partnerë seriozë të cilët duhet të punojnë seriozisht në pjesën e uljes së sasive të mbeturinave të cilat përfundimisht i grumbullojmë dhe janë sipas parimeve të ekonomisë rrethore”, theksoi Shukova.
Lidhur me informacionet të cilat u paraqitën në media se po ndërtohet port në anën shqiptare të Liqenit të Ohrit, ministrja Shukova tha se nuk bëhet fjalë për gjë të tillë, por se po punohet në pastrimin e terenit. Sipas Shukovës, nuk ka reagim nga UNESKO se po ndërtohet një objekt i tillë.
Ministria e Punëve të Brendshme i njofton qytetarët se, sipas informacioneve të pranuara nga organet kompetente të Republikës së Greqisë, më 27.07.2026 (e hënë) është paralajmëruar grevë e punonjësve të doganave në pikat kufitare greke Evzoni (Bogorodicë), Dojrani (Dojran) dhe Niki (Mexhitli).
“Gjatë periudhës nga ora 05:00 deri në 09:00 sipas kohës së Maqedonisë (06:00–10:00 sipas kohës së Greqisë), në këto pika kufitare, automjetet e udhëtarëve do të lejohen të kalojnë çdo 10 minuta, ndërsa qarkullimi i automjeteve të transportit të mallrave do të jetë plotësisht i ndërprerë, si për hyrje ashtu edhe për dalje nga Republika e Greqisë”.
“Ministria e Punëve të Brendshme do të ndërmarrë të gjitha masat e nevojshme dhe do të angazhojë të gjitha kapacitetet njerëzore dhe teknike për menaxhimin e situatës”, – thonë nga MPB.
Sipas të dhënave nga institucionet publike shëndetësore në Gostivar, gjatë ditës së djeshme (23.07.2026) janë regjistruar gjithsej 197 pacientë të rinj, përkatësisht persona që për herë të parë kanë kërkuar ndihmë mjekësore, çka tregon një ulje krahasuar me një ditë më parë.
Në Spitalin e Përgjithshëm “Dr. Ferid Murad” në Gostivar janë regjistruar gjithsej 117 vizita të reja, prej të cilave 82 në repartin e sëmundjeve infektive (pa shtrime të reja në spital dhe me tre pacientë të liruar), 40 në repartin e pediatrisë dhe 7 vizita në Qendrën e Urgjencës.
Në Shtëpinë e Shëndetit në Gostivar janë regjistruar 80 vizita të reja në shërbimin kujdestar, si dhe 13 thirrje në Shërbimin e Ndihmës së Shpejtë.
Lajme nga vendi
Hetime për kredinë hungareze 1 miliardë € që mori Maqedonia e Veriut, urdhëron Magyar
Qeveria në Hungari, e udhëhequr nga Péter Magyar, do të hetojë nëse ka pasur keqpërdorim të mundshëm të fondeve shtetërore në lidhje me kredinë prej një miliard eurosh që “Eximbanka” shtetërore ia dha Maqedonisë së Veriut.
Kështu njoftoi dje Magyar, i cili, siç raportuan mediat vendase, ndau se kredia e marrë nga Maqedonia e Veriut është një nga katër rastet e lidhura me “Eximbank”-un, për të cilat sot Ministria e Ekonomisë dhe Energjetikës ka dorëzuar ankesa, shkruan Fokus.
„Ministria e Ekonomisë dhe Energjetikës dorëzoi katër ankesa të enjten për mashtrim të dyshuar në vlerë totale prej një mijë miliardë forintash, në katër raste të ndryshme. Të gjitha kanë të bëjnë me aktivitetet e ‘Eximbank’-ut“ – tha Magyar.
Ai theksoi se kredia u dha në kushte shumë të favorshme me një normë interesi prej 3,25 për qind.
Kredia, tha ai, do t’i kushtojë buxhetit hungarez 90 miliardë forinta (rreth 248 milionë euro) për shkak të diferencave të interesit.
„Kjo paraqet një barrë prej 90 miliardë forintash (rreth 248 milionë euro) për buxhetin hungarez, ndërsa shteti hungarez mori përsipër garanci 100 për qind për kredinë nën udhëheqjen e qeverisë së Orbanit“, tha Magyar.
Sipas tij, norma e interesit me të cilën “Eximbanka” shtetërore i dha kredinë Maqedonisë është shumë më e favorshme se normat e interesit me të cilat kompanitë hungareze dhe qytetarët e vendit marrin hua.(INA)
MPB, të hënën në mëngjes grevë e doganierëve grekë në pikat kufitare
Spanja shpall emergjencën kombëtare për shkak të zjarreve masive, mbi 10 mijë persona evakuohen
Ulet numri i rasteve të qytetarëve që kërkojnë ndihmë mjekësore në Gostivar
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Azizi zbulon dyfytyrësinë e Ali Ahmetit: Ja vazali që e mbronte Gruevskin
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
