Lajme nga vendi
Shaqiri pret ky 1 shtator të jetë me tekste shkollore, problem paraqesin lëndët për të cilat nuk janë paraqitur autorë
Pres këtë 1 shtator të jemi më të përgatitur se të gjithë 1 shtatorët e mëparshëm. Pres, besoj dhe jam i sigurt se MASH do ta japë maksimumin që gjithçka të jetë gati në kohë dhe viti shkollor të fillojë me materiale përgatitore për lëndët që tashmë kanë tekste shkollore të miratuara. Për shumicën, 80 për qind e lëndëve, tashmë janë dorëzuar doërshkrimet, deklaroi ministri i Arsimit dhe Shkencës, Jeton Shaqiri. Për lëndët për të cilat nuk paraqiten autorë në thirrjet për tekste shkollore, siç është Gjuha maqedonase për klasën e tretë, potencoi se do të kërkojë zgjidhje nëse ka nevojë, siç tha, “edhe me materiale përgatitore”.
“Mund të kemi probleme, por nuk besoj për të gjitha lëndët pasi tashmë kemi dorëshkrime. Mund të jenë për një, dy ose tri lëndë, por nuk mund të parashoh dhe besoj se edhe për ta nuk duhet pasur probleme… Ky vit ishte vit i sfidave në dy faza edhe në fazën e miratimit të teksteve shkollore, edhe në fazën e botimit të tyre. Nuk më gëzon fakti që teksti shkollor (i gjuhës maqedonase për klasën e pestë) arriti në fund të vitit shkollor, por më gëzon ajo që ai do të jetë në dispozicion për nxënësit vitin e ardhshëm shkollor”, tha Shaqiri duke iu përgjigjur pyetjes së gazetarëve pas takimit me përfaqësues të SASHK-ut dhe Federatës amerikane të mësimdhënësve.
Siç kumtoi edhe paraprakisht MASH, ai sqaroi se teksti shkollor konkret është vonuar pasi për tri thirrje nuk janë paraqitur autorët, ndërsa në të katërtin (në gusht) është paraqitur një ekip autorësh me nënshkrim të propozuar. Më pas ai dy herë është kthyer në korrigjim nga Byroja për Zhvillimin e Arsimit (BZHA) për shkak të harmonizimit të përmbajtjes me programin e ri mësimor për këtë lëndë për klasën e pestë.
Për tekstet shkollore për klasën e tretë dhe të gjashtë, për të cilat sipas aplikimit në etapa të Konceptit për arsim fillor, programet e reja mësimore të BZHA-së do të vendosen nga viti i ardhshëm shkollor, tha se tashmë janë dorëzuar dorëshkrimet nga autorët deri tek MASH-i. Në disa thirrje nuk janë paraqitur autorë për Gjuhën maqedonase për klasën e tretë dhe do të kërkohet, siç tha, zgjidhje urgjente për ta pasur më 1 shtator.
“E njëjta gjë ndodh edhe për klasën e gjashtë ku ka programe të reja… Në këtë periudhë në MASH secili e jep maksimumin që gjithçka të jetë në kohë”, potencoi Shaqiri.
Është pozitiv fakti, tha ministri, që këtë vit, pas disa viteshm 26 tituj janë botuar dhe janë dorëzuar në arsimin profesional.
Lidhur me gabimet në tekstet shkollore, pret vëmendje më të madhe nga të gjithë të përfshirit në procesin e miratimit dhe recensionit, nga BZHA dhe nga Këshilli nacional për tekste shkollore, me ç’rast potencoi se ligji ekzistues nuk parasheh sanksione për autorët apo recensentët të cilët lejojnë që të miratohet një tekst shkollor i cili ka gabime edhe përmbajtjesore apo teknike dhe vlerëson se autorëve të tillë nuk duhet t’u lejohet të konkurrojnë sërish me dorëshkrime në thirrjet e radhës.
Dje përfundoi thirrja për paraqitjen e autorëve për tekst të ri shkollor të Historisë dhe shoqërisë për klasën e pestë pasi MASH-i mori vendim që të tërhiqet teksti paraprak për shkak të gabimeve dhe përmbajtjeve të palogjikshme. Shaqiri tha se akoma nuk ka informacion nëse në thirrje janë paraqitur autorë për tekst të ri.
Lajme nga vendi
Vandalizohen pajisjet e shënjimit dimëror në Kodrën e Diellit, reagon Ambasada e Austrisë
Vandalizohen pajisjet e shënjimit dimëror në Kodrën e Diellit, reagon Ambasada e Austrisë
Ambasada e Austrisë ka reaguar pas dëmtimit dhe largimit të një pjese të konsiderueshme të pajisjeve të reja për shënjimin dimëror të shtegut të Majës së Titos në Kodrën e Diellit, në gjatësi prej rreth 11 kilometrash.
Sipas njoftimit, më shumë se 45 nga gjithsej 112 shtylla janë shkatërruar, dëmtuar ose larguar, ndërsa dëmi financiar vlerësohet në të paktën 8 mijë euro, apo rreth 500 mijë denarë
Shënjimi dimëror është realizuar në kuadër të projektit “Slavkov – Shënjimi i shtigjeve malore në Maqedoninë e Veriut”, i mbështetur financiarisht nga Ambasadat e Austrisë, Republikës Çeke dhe Sllovakisë, si dhe nga Birraria e Shkupit. Në realizimin e projektit kanë marrë pjesë më shumë se 25 vullnetarë lokalë dhe biznese të vogla nga Tetova dhe Bogovina.
Nga Ambasada theksojnë se dëmi nuk është vetëm financiar, pasi shkatërrimi i shënjimeve mund të rrezikojë drejtpërdrejt sigurinë e alpinistëve, veçanërisht gjatë kushteve të vështira dimërore me borë, mjegull, erëra të forta dhe dukshmëri të reduktuar.
Rasti është raportuar në Stacionin Policor. Më 19 gusht 2026, një ekip profesional i policisë, në prani të përfaqësuesve të Parkut Kombëtar Mali Sharr, ka kryer inspektim në terren dhe ka dokumentuar lokacionet ku është konstatuar dëmtimi dhe largimi i pajisjeve.
Ambasada pret që institucionet kompetente të zbardhin të gjitha rrethanat dhe të ndërmarrin masat e nevojshme ligjore ndaj personave përgjegjës.
“Shënjimi i shtigjeve malore nuk është vetëm një shtyllë apo një shenjë. Në kushte me borë, mjegull dhe stuhi, ai mund të bëjë dallimin ndërmjet kthimit të sigurt dhe humbjes në mal”, thuhet në reagim.
Mashtruesit e BDI-së, përpara se ta hapin gojën për zgjedhje, duhet të shpjegojnë pse askush në partinë e tyre nuk mori përgjegjësi politike pas humbjes në zgjedhjet lokale. Ali Ahmeti vazhdoi të shiste mjegull me trukun e vjetër të tërheqjes, Bujar Osmani humbi Çairin dhe mbeti nënkryetar dhe lojtar kryesor për fronin e BDI-së, Bajram Rexhepi humbi Tetovën dhe mbeti në kryesinë e partisë, ndërsa Faton Ahmeti u shpërblye për humbjen e tij në zgjedhje me dy poste të reja në parti, nënkryetar dhe shef i kabinetit të Ali Ahmetit.
Në BDI, me sa duket nuk ka përgjegjësi për humbjen, por humbësit shpërblehen.
E njëjta histori përsëritet në Haraçinë, Bogovinë, Tearcë, Strugë, Zhelinë, Saraj dhe Dollnen. Humbën zgjedhjet, por askush nuk lëvizi, askush nuk dha llogari dhe askush nuk e lëshoi karrigen.
Bisedat për legjitimitet dhe kërkesat për zgjedhje të parakohshme janë vetëm për në shtëpi, për t’i mbajtur të njëjtët politikanë në kondicion dhe për t’u shitur shpresë se së shpejti do të kthehen në pushtet për të vjedhur përsëri. Por këto përralla nuk kalojnë më as në Reçicë të Vogël.
BDI-ja e di shumë mirë se më pak se një vit më parë, shqiptarët me votë i larguan nga të gjitha komunat me shumicë shqiptare dhe se çdo përballje e re me qytetarët do të thotë një tjetër shuplakë për ta. Në zgjedhjet e ardhshme, qytetarët do ta përfundojnë punën dhe kjo udhëheqje e pareformuar e cila funksionon si një politbyro, do ta dërgojnë direkt në pension politik.
Lajme nga vendi
Mickoski për vendimin e Abazit: 14 persona u dogjën të gjallë në spitalin modular në Tetovë, ndërsa Prokuroria nuk konstatoi përgjegjësi, rasti nuk ka përfunduar, gjithmonë mund të dalin detaje të reja
Kryetari i Qeverisë, Hristijan Mickoski, sot, duke iu përgjigjur pyetjes gazetareske se si e komenton vendimin e Prokurorisë Publike për Ndjekjen e Krimit të Organizuar, të udhëhequr nga Islam Abazi, për ta ndalur procedurën lidhur me ndërtimin dhe vendosjen e spitaleve modulare, pa ndjekje penale ndaj asnjë personi juridik apo fizik, theksoi:
„Opinioni duhet ta dijë se ky është një proces që zgjat tashmë 5 vjet. Proces i cili gjatë këtyre 5 viteve ka mobilizuar rreth vetes informacione të ndryshme. Por, ajo që është gjithashtu e rëndësishme të theksohet është se në spitalin modular në Tetovë u dogjën të gjallë 14 persona. Do ta përsëris, u dogjën të gjallë 14 persona në spitalin modular në Tetovë.
Për fat të keq, prokurori i cili tashmë është në largim – pasi, sipas informacioneve që kam, është shpallur konkurs për zgjedhjen e një prokurori të ri në Prokurorinë Themelore Publike për Ndjekjen e Krimit të Organizuar – supozoj se vendosi t’i përmbushë deri në fund detyrimet e tij ndaj qeverisë së mëparshme dhe nuk i bën përshtypje fakti që 14 persona u dogjën të gjallë. Do ta përsëris, u dogjën të gjallë 14 persona, kjo nuk do të thotë asgjë për të dhe vendos ta ndalë këtë proces.
Por, dua që opinioni ta dijë se kjo nuk është amnisti politike nga ana e këtij prokurori ndaj ish-urdhërdhënësve të tij, sepse gjithmonë mund të dalin detaje të reja që lidhen me këtë proces dhe gjithmonë ky proces mund të bëhet sërish aktual dhe të niset nga fillimi.
Kështu që, shumë herë i kam komentuar ato vendime në kuadër të sistemit tonë gjyqësor dhe për fat të keq një nga ato vendime skandaloze është edhe ky. Ajo që më huton mua dhe që vjen si mesazh nga opozita, është se deri dje ata që kritikonin për qasjen e organeve të drejtësisë, tani i lavdërojnë dhe janë plot lëvdata për punën e tyre dhe të ashtuquajturin objektivitet. Por, do ta përsëris, ky prokuror dhe njerëzit që e kanë udhëhequr këtë rast nuk gjetën prova për kryerjen e një vepre penale në një rast në të cilin njerëzit digjeshin të gjallë.“
Vandalizohen pajisjet e shënjimit dimëror në Kodrën e Diellit, reagon Ambasada e Austrisë
VLEN: BDI-ja e ka humbur betejën me shqiptarët, zgjedhjet do ta vulosin fundin
Mickoski për vendimin e Abazit: 14 persona u dogjën të gjallë në spitalin modular në Tetovë, ndërsa Prokuroria nuk konstatoi përgjegjësi, rasti nuk ka përfunduar, gjithmonë mund të dalin detaje të reja
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Azizi zbulon dyfytyrësinë e Ali Ahmetit: Ja vazali që e mbronte Gruevskin
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
