Të dielën me fillim nga ora  9:00 në Kodrën e Diellit, në organizim të klubit të Shahut ‘Anpasan’, mbahet edicioni i gjashtë  Turneu i Hapur i Shahut me moton ‘Vizioni M 2026’’ ku  pjesëmarrjen e kanë konfirmuar mbi 200 shahistë nga vendi dhe rajoni.

Në organizim nga Klubi i Shahut “ANPASAN” dhe në bashkëpunim me Shoqatën për Kulturë “Vizioni-M” të dielën në hapësirat e hotelit “Skardus” në Kodrën e Diellit mbahet edicioni i gjashtë Turneu ndërkombëtar të Shahut “Vizioni M  2026”, ku deri më tani  pjesëmarrjen e kanë konfirmuar mbi 200 garues nga vendi dhe  rajoni. 

Pjesëmarrja kaq e madhe e garuesve e bënë këtë turnir njërin nga më  masovik në Maqedoninë e Veriut.

Turneu do të zhvillohet sipas rregullave striktë të FIDE-s dhe me sistemin zviceran me 9 xhiro.

Organizatori tanimë ka siguruar të gjitha rekuizitat e nevojshme që Turneu të zhvillohet pa asnjë problem sa i përket pjesës teknike të organizimit. Gjithashtu nga ana e organizatorit kanë konfirmuar se për lojtarët më të mirë do të ketë shpërblime adekuate, ndërsa  të  gjithë  pjesëmarrësit do të jenë të veshur me fanella me logon e turneut.

Advertisement

Kodra e Diellit  edhe  kësaj radhe pritet të grumbullojë mjeshtrit e  vërtetë  të Lojës së Shahut nga vendi dhe rajoni.

Zv. Drejtori i Doganave, Mustafa Dauti, mori pjesë sot në konferencën ndërkombëtare “Skopje Security Conference 2026”, e organizuar nga Qendra për Studime të Sigurisë në Shkup, me temën “Siguria në Tranzicion: Orientimi ndërmjet Teknologjisë, Gjeopolitikës dhe Qëndrueshmërisë në një Botë në Ndryshim”. Konferenca mblodhi përfaqësues institucionesh, ekspertë të sigurisë dhe politikëbërës nga vendi dhe rajoni për të diskutuar sfidat bashkëkohore të sigurisë, përfshirë inteligjencën artificiale, sigurinë kibernetike, zhvillimet gjeopolitike, sigurinë ekonomike dhe ndikimin e ndryshimeve klimatike.

Gjatë pjesëmarrjes së tij, Dauti pati mundësinë të ndjekë diskutimet e ekspertëve vendorë dhe ndërkombëtarë, duke shkëmbyer përvoja dhe ide mbi qasjet moderne për përballimin e sfidave të sigurisë në nivel rajonal dhe global.

Ai vlerësoi se ngjarje të tilla janë të rëndësishme për forcimin e bashkëpunimit ndërinstitucional dhe për avancimin e njohurive profesionale në fusha që lidhen drejtpërdrejt me sigurinë dhe stabilitetin e shtetit.

Pas paralajmërimeve për protesta, me qëndrim doli edhe ambasadori bullgar në Shkup, Zheljazko Radukov. Ai shprehu mirënjohje ndaj të gjithë qytetarëve dhe organizatave për mbështetjen në “rrethana të vështira” dhe e konfirmoi të drejtën për protestë paqësore, por kërkoi që të mos bllokohen pikat kufitare. Protesta e planifikuar për të dielën, e cila parashikonte bllokadën e tre pikave kufitare mes Bullgarisë dhe Maqedonisë së Veriut – Gjueshevo–Deve Bair, Stanke Lisichkovo–Delçevo dhe Zlatarevo–Novo Selo – për momentin është anuluar, raporton Televizioni Kombëtar Bullgar BNT, transmeton Zhurnal.

Këtë e konfirmoi Viktor Stojanov, kryetar i Fondacionit “Maqedonia”, duke sqaruar se vendimi është marrë pas konsultimeve dhe bisedimeve me përfaqësues të Ministrisë së Punëve të Jashtme të Bullgarisë dhe ambasadorin bullgar në Shkup.

Sipas Stojanovit, vlerësimi i institucioneve ishte se çdo bllokadë e kufirit në këtë moment do të ishte kundërproduktive, do të krijonte tensione shtesë dhe do të angazhonte burime të konsiderueshme policore dhe administrative.

Nga Fondacioni “Maqedonia” theksojnë se, edhe pse ekziston interes i madh publik dhe tension i akumuluar në shoqërinë bullgare, të cilin Stojanov e definon si “energji qytetare” dhe “zemërim i drejtë”, megjithatë, kjo energji qytetare duhet të orientohet drejt formave produktive të veprimit.

Stojanov shton se institucionet përgjegjëse tashmë janë njoftuar, kështu që nuk po merren masa për organizimin dhe sigurimin e protestës.

Advertisement

Pas paralajmërimeve për protesta, me qëndrim doli edhe ambasadori bullgar në Shkup, Zheljazko Radukov. Ai shprehu mirënjohje ndaj të gjithë qytetarëve dhe organizatave për mbështetjen në “rrethana të vështira” dhe e konfirmoi të drejtën për protestë paqësore, por kërkoi që të mos bllokohen pikat kufitare.

“Interesi i vendit tonë kërkon prej nesh të jemi të hapur ndaj fqinjëve tanë jugperëndimorë, të stimulojmë njohjen e tyre me kulturën bashkëkohore bullgare dhe të promovojmë kontaktet mes familjeve të ndara prej kohësh. Ky është mënyra më e mirë për t’i kundërvënë urrejtjes”, tha ambasadori Radukov në një postim në faqen e Facebook të Ambasadës. Ai shtoi se shprehja e pakënaqësisë ndaj politikave të autoriteteve në Shkup duhet të ketë karakter konstruktiv.

“Vetëm kështu do t’u kujtojmë fqinjëve sa afër jemi dhe cilat janë përfitimet, jo vetëm nga historia jonë e përbashkët, por edhe nga e ardhmja jonë e përbashkët në Evropën e bashkuar”, shtoi ai.

Për anulimin e protestës sot informoi edhe Shoqata “Makam-trans”, nga ku thanë se presin që trafiku i mallrave dhe pasagjerëve të zhvillohet pa pengesa.

Fondacioni bullgar “Maqedonia” dy ditë më parë kishte paralajmëruar se të dielën do të bllokonte tre pikat kufitare mes Bullgarisë dhe Maqedonisë së Veriut dhe se bllokada ishte e koordinuar me Ministrinë e Punëve të Brendshme të Bullgarisë.

Advertisement

Qëllimi i bllokadës, siç theksuan nga Fondacioni në një postim në Facebook, ishte që kryeministrit Hristijan Mickoski t’i tregohej demonstrativisht se nuk mund të vazhdojë me ndjekjen e bullgarëve në vend, me sulmet dhe, siç thonë ata, me vendimet gjyqësore të fabrikuara kundër bullgarëve.