Lajme nga vendi
EVN tenton të futet në Sllupçan, reagojnë banorët: Në Umindoll njëherë, pastaj orëmatësit jashtë shtëpive edhe në Sllupçan
Ekipe të shumta të EVN-Maqedoni kanë tentuar që në orët e hershme të mëngjesit të sotëm të futen në fshatin Sllupçan të Likovës dhe të vënë orëmatësit jashtë shtëpive, përkundër marrëveshjes ditë më parë mes banorëve dhe drejtorisë së EVN-së që, të përmbyllen bisedimet konkrete dhe më pas, të lejohen aktivitetet punuese të kompanisë energjetike.
Pasi janë organizuar, banorët e Sllupçanit kanë arritur t’i përzënë punonjësit dhe të përsëritin kërkesat e tyre drejtuar kompanisë, ndërsa kanë bërë thirrje për respektim të marrëveshjes, në të kundërtën mund të eskalojë situata. “Kjo që si hajdut vjen EVN herët në mëngjes, tregon se ata po përgatitin eskalim të situatës. Kjo është provokim i qartë”, ankohen banorët.
Banorët shprehen se nuk janë kundër orëmatësve jashtë shtëpive, por se kjo mund të ndodhë pasi të njëjtat të vihen edhe në fshatrat e banuar kryesisht me maqedonas siç është Umindolli, Ljubodragi, Novo Sella, Reçica, Rëzhanovci…
“Thjeshtë, ndjehemi të diskriminuar dhe të nënçmuar pasi përveç që na quajnë hajna, duan edhe integritetin dhe dinjitetin të na ulin, duke na paraqitur si njerëz të egër. Vetëm shikoni për rreth Kumanovës dhe i shihni fshatrat maqedonas ku asnjë shtëpi nuk ka orëmatës jashtë shtëpive. Në asnjë fshat maqedonas nuk ndodhë kjo. E këtu në Sllupçan nuk munden, sepse dinjitetin e kemi mbrojt kur është dashtë – para 22 vitesh dhe e mbrojmë edhe tani! E theksojmë se nuk jemi kundër orëmatësve, por kjo do të ndodhë kur të kompletohen fshatrat tjera. Nuk tolerojmë diskriminim etnik, jo pas asaj se çfarë kemi bërë kur ka qenë nevoja! Bujrëm, ejani le të vënë orëmatësit, por pasi të mbarojnë në Umindoll, Lubidrag, Reçicë, Novo Sellë…”, thonë banorët e fshatit Sllupçan.
Në ndërkohë, punonjës të EVN-së me tre kamionë dhe me 5-6 foristrada, po vazhdojnë të qëndrojnë në hyrje të fshatit, ndërsa banorët thonë se po tentohet të shoqërohen me pjesëtarë të policisë./Koha.mk/
Lajme nga vendi
Arrestohet polici nga Gostivari, dyshohet se ka vjedhur 25,000 € dhe ar në vlerë të 50,000 € nga Stacioni Policor
Nga Ministria e Punëve të Brendshme njoftojnë se gjatë ditës së djeshme është arrestuar një zyrtar policor nga Gostivari, pasi i njëjti dyshohet se ka vjedhur ar dhe para që ishin sekuestruar gjatë bastisjeve të Policisë. Nga MPB thonë se është arrestuar edhe një person, i cili dyshohet se e ka blerë arin.
“Më 03.07.2025, në orën 17:50, zyrtarët policorë nga SPB Gostivar kanë arrestuar zyrtarin policor D.S. (51) nga Gostivari, për shkak të dyshimeve të bazuara se ka kryer vepër penale sipas nenit 353 dhe 354 – “keqpërdorim i pozitës dhe autorizimit zyrtar” nga Kodi Penal. Ai nga dollapi në Stacionin e Policisë, ku ruheshin gjësendet e marra nga bastisjet, në të cilat kishte marrë pjesë si i punësuar në krim-teknikë në SP Gostivar, ka vjedhur rreth 25.000 euro dhe stoli ari në vlerë prej rreth 50.000 euro. Kontrolli në objektin e Stacionit Policor të Gostivarit u krye nga një prokuror publik nga Prokuroria Themelore Publike Gostivar, në prani të ekipit hetimor dhe udhëheqësisë së SPB Gostivar. Po ashtu, në orën 20:30 në rrugën “18 Nëntori” në Gostivar, zyrtarët policorë nga SPB Gostivar arrestuan I.Sh. (32) nga Gostivari, për shkak të dyshimeve se ka kryer veprën penale “fshehje”, përkatësisht se ka blerë stolitë e arit të vjedhura”, thonë nga MPB.
Kreu i komunës së Tetovë, Bilall Kasami ka njoftuar që nga sot në qytet do të operojnë 100 trotinetë elektrikë, të cilët qytetarët mund t’i marrin me qira për relacione të shkurtra. Kasami tha se minuti do të kushtojë 6 denarë, ndërsa përdoruesit duhet të jenë mbi moshën 13 vjeçe, ndërsa shpejtësia është e kufizuar në 25 km/h.
“Me vetëm një aplikacion në dorë, ti lëviz lirshëm në qytet, vetëm 6 denarë për minut. Përdoruesi duhet të jetë mbi 13 vjeç. Helmetë dhe jelek reflektues të detyrueshëm në kushte të caktuara. Shpejtësia e kufizuar në 25km/h, sepse siguria është mbi të gjitha. Ndalohen: vozitja nga më shumë se një person, heqja e duarve nga timoni si dhe transporti i sendeve!”, ka shkruar Kasami.
Kryeministri Hristijan Mickoski sot në debatin në qeveri, me temë “Trende demografike, sfida dhe zgjidhje të mundshme” – Zhvillimi i dokumenteve strategjike për rezistencë demografike, njoftoi se po mendojnë për vendosje të tatimit shtesë për personat e pamartuar. Mickoski tha se kjo mund të bëhet për të stimuluar rritjen e popullsisë.
“Këtu seriozisht mendojmë për vendosjen e tatimeve shtesë për të pamartuarit. Të nderuar, nuk ka asgjë më të shenjtë se jeta, dhe nuk ka asgjë më të trishtë nga ajo që sot shteti ynë ngadalë po zbrazet. Por gjithashtu, nuk ka asgjë më të guximshëm sesa populli që zgjohet. Për këtë themi, koha është për të ardhmen, për shtetin ku do të lindin më tepër fëmijë. Këtë e kemi imperativ kryesor, më shumë të rinj të hyjnë në martesë dhe të lindin më tepër fëmijë”, deklaroi Mickoski.
Arrestohet polici nga Gostivari, dyshohet se ka vjedhur 25,000 € dhe ar në vlerë të 50,000 € nga Stacioni Policor
Kasami: 100 trotinetë të rinj elektrik në Tetovë
Mickoski paralajmëron tatim shtesë për të pamartuarit në Maqedoni
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
Aksident tragjik në autostradën Tetovë – Gostivar, humb jetën një grua 33 vjeçare | VIDEO
Shkup, panairi i patundshmërive të Dubait! Citi Casa rikthehet në hapësirat e COWORK21 më 31 maj dhe 1 qershor
-
Lajme nga vendi3 years ago
Zyra e Avokatit të Popullit në Tetovë sot do të jetë e hapur
-
Lajme nga vendi3 years ago
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
-
Lajme nga vendi2 years ago
Kovaçevski paralajmëroi drejtor të ri të Drejtorisë për Zbatimin e Sanksioneve