Lajme nga vendi
RMV: Trajtimi i Diabetit me ilaçe “false”, marrja e ilaçit pa rekomandim të mjekut, rrezik
Ilaçi “Ozempik” për trajtimin e diabetit shitet edhe si i falsifikuar në farmacitë e vendit, alarmojnë autoritetet shëndetësore.
Agjencia e ilaçeve, Malmed njofton se i ka mbërritur denoncimi se ky ilaç është gjetur i falsifikuar dhe se shitet në barnatore edhe pse nuk guxon të shitet nëpër çdo barnatore por vetëm në ato të Spitaleve apo institucioneve tjera shëndetësore të shtetit. Sipas informacioneve, ky bar shitet pa recetë, pa rekomandimin e mjekut specialist si dhe keqpërdoret për trajtimin e sëmundjeve të tjera, siç është mbipesha dhe jo për qëllimin e tij kryesor – diabetin.
“Denoncimi deri në MALMED ka arritur nga mbajtësi i autorizimit i cili ka licencën për shpërndarjen në treg të ilaçit Ozempik. MALMED kryen mbikëqyrje të jashtëzakonshme inspektuese në kuadër të kompetencave të saj në fushën e shpërndarjes dhe shitjes së ilaçit Ozempik në të gjithë territorin e RMV, por deri më tash nuk kemi konstatuar ndonjë rast konkret. Abuzimi me këtë ilaç është shumë aktual dhe kjo vjen si pasojë e rekomandimeve në rrjetet sociale dhe ndikimit të njerëzve të njohur (influencerëve) të cilën ia imponojnë qytetarëve. Ky fenomen më i pranishëm, veçanërisht është tek popullata e re. Aplikimi i barit për të humbur peshë është jashtë zonës së miratuar të indikacionit dhe i njëjti paraqet rrezik për shëndetin”, thanë nga Agjencia e Ilaçeve “Malmed” .
Farmacistët alarmojnë për efektet anësore që ky ilaç sjell, derisa i njëjti përdoret për qëllime tjera përpos trajtimit të sëmundjes së sheqerit.
Aulon Ramadani, Farmacist 3:55 “ Si efekte anësore të këtij bari, i cili nëse nuk përdoret për qëllimin që e ka, atëherë kemi hiper glikeminë, e cila është sëmundje e sheqerit në gjak, kemi të vjella, të përziera, dhimbje të stomakut dhe diarre. Pa udhëzimin apo autorizimin e mjekut nuk guxojmë ta japim ilaçin pasi kemi ndëshkime të rrepta. 1:29 Momentalisht bari mungon nëpër barnatore”.
Edhe pse ilaçet rreptësishtë ndalohet të merren pa udhëzim të mjekut, qytetarët pranojnë se ju ka ndodhur të kërkojnë ilaçe kokë më vete./zhurnal.mk/
Ministria e Punëve të Brendshme i njofton qytetarët se, sipas informacioneve të pranuara nga organet kompetente të Republikës së Greqisë, më 27.07.2026 (e hënë) është paralajmëruar grevë e punonjësve të doganave në pikat kufitare greke Evzoni (Bogorodicë), Dojrani (Dojran) dhe Niki (Mexhitli).
“Gjatë periudhës nga ora 05:00 deri në 09:00 sipas kohës së Maqedonisë (06:00–10:00 sipas kohës së Greqisë), në këto pika kufitare, automjetet e udhëtarëve do të lejohen të kalojnë çdo 10 minuta, ndërsa qarkullimi i automjeteve të transportit të mallrave do të jetë plotësisht i ndërprerë, si për hyrje ashtu edhe për dalje nga Republika e Greqisë”.
“Ministria e Punëve të Brendshme do të ndërmarrë të gjitha masat e nevojshme dhe do të angazhojë të gjitha kapacitetet njerëzore dhe teknike për menaxhimin e situatës”, – thonë nga MPB.
Sipas të dhënave nga institucionet publike shëndetësore në Gostivar, gjatë ditës së djeshme (23.07.2026) janë regjistruar gjithsej 197 pacientë të rinj, përkatësisht persona që për herë të parë kanë kërkuar ndihmë mjekësore, çka tregon një ulje krahasuar me një ditë më parë.
Në Spitalin e Përgjithshëm “Dr. Ferid Murad” në Gostivar janë regjistruar gjithsej 117 vizita të reja, prej të cilave 82 në repartin e sëmundjeve infektive (pa shtrime të reja në spital dhe me tre pacientë të liruar), 40 në repartin e pediatrisë dhe 7 vizita në Qendrën e Urgjencës.
Në Shtëpinë e Shëndetit në Gostivar janë regjistruar 80 vizita të reja në shërbimin kujdestar, si dhe 13 thirrje në Shërbimin e Ndihmës së Shpejtë.
Lajme nga vendi
Hetime për kredinë hungareze 1 miliardë € që mori Maqedonia e Veriut, urdhëron Magyar
Qeveria në Hungari, e udhëhequr nga Péter Magyar, do të hetojë nëse ka pasur keqpërdorim të mundshëm të fondeve shtetërore në lidhje me kredinë prej një miliard eurosh që “Eximbanka” shtetërore ia dha Maqedonisë së Veriut.
Kështu njoftoi dje Magyar, i cili, siç raportuan mediat vendase, ndau se kredia e marrë nga Maqedonia e Veriut është një nga katër rastet e lidhura me “Eximbank”-un, për të cilat sot Ministria e Ekonomisë dhe Energjetikës ka dorëzuar ankesa, shkruan Fokus.
„Ministria e Ekonomisë dhe Energjetikës dorëzoi katër ankesa të enjten për mashtrim të dyshuar në vlerë totale prej një mijë miliardë forintash, në katër raste të ndryshme. Të gjitha kanë të bëjnë me aktivitetet e ‘Eximbank’-ut“ – tha Magyar.
Ai theksoi se kredia u dha në kushte shumë të favorshme me një normë interesi prej 3,25 për qind.
Kredia, tha ai, do t’i kushtojë buxhetit hungarez 90 miliardë forinta (rreth 248 milionë euro) për shkak të diferencave të interesit.
„Kjo paraqet një barrë prej 90 miliardë forintash (rreth 248 milionë euro) për buxhetin hungarez, ndërsa shteti hungarez mori përsipër garanci 100 për qind për kredinë nën udhëheqjen e qeverisë së Orbanit“, tha Magyar.
Sipas tij, norma e interesit me të cilën “Eximbanka” shtetërore i dha kredinë Maqedonisë është shumë më e favorshme se normat e interesit me të cilat kompanitë hungareze dhe qytetarët e vendit marrin hua.(INA)
MPB, të hënën në mëngjes grevë e doganierëve grekë në pikat kufitare
Spanja shpall emergjencën kombëtare për shkak të zjarreve masive, mbi 10 mijë persona evakuohen
Ulet numri i rasteve të qytetarëve që kërkojnë ndihmë mjekësore në Gostivar
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Azizi zbulon dyfytyrësinë e Ali Ahmetit: Ja vazali që e mbronte Gruevskin
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
