Gjykata Themelore në Ulqin ka dënuar me 45 ditë burgim S.Stojanovskën, 43-vjeçare nga Shkupi, pasi e shpalli fajtore për veprën penale “vrasje dhe keqtrajtim të kafshëve dhe shkatërrim të habitatit të tyre”.

Sipas aktgjykimit, më 24 korrik, në bulevardin “Teuta” në Ulqin, Stojanovska me automjetin e saj “Mercedes” të paktën dy herë ka kaluar mbi një qen të racës së Sharrit, i cili më pas ka ngordhur nga plagët e rënda.
Gjykata si rrethana lehtësuese ka marrë parasysh se ajo është nënë e dy fëmijëve, njëri prej tyre i mitur, se nuk ka qenë e dënuar më parë, si dhe faktin se në momentin e kryerjes së veprës kishte aftësi të konsiderueshme të zvogëluar për të gjykuar, gjë e konstatuar nga një ekspert psikiatër.

Në dënim do t’i llogaritet edhe koha e kaluar në paraburgim, që nga 24 korriku 2026.

Mbrojtja në rastin kundër gjyqtarit Gjoko Ristov ka nisur sot me dëshmitarët e saj. Para gjykatës dëshmoi avokati Aleksandar Varela, i cili përfaqëson prindërit e Ristovit dhe ka qenë i pranishëm gjatë bastisjes së shtëpisë së tyre në Negotinë.

Sipas dëshmisë së Varelës, policia kishte kontrolluar në detaje shtëpinë dhe hapësirat ndihmëse, përfshirë dhomat, dollapët, garazhin dhe hapësirën përreth objektit.

Vëmendje e veçantë iu kushtua kuzhinës, ku policët dyshuan te disa pllaka për shkak të tingullit të zbrazët. Pas heqjes së tyre, u zbulua një hapje në mur. Kur u pyet se çfarë kishte brenda, Zdravko Ristov, babai i gjyqtarit, sipas dëshmisë, u përgjigj: “Janë para.”

Policia më pas zbuloi 13 pako me para të fshehura pas murit. Sipas avokatit, paratë u nxorën dhe u numëruan gjatë bastisjes.

Varela tha se më vonë e kishte pyetur Zdravko Ristovin pse nuk i kishte treguar më herët për paratë.

Advertisement

“Nuk e dija se do të shkonin kaq larg, nuk doja që fëmijët ta dinin”, citoi avokati përgjigjen e tij.

Sipas dëshmisë, Ristov kishte deklaruar gjithashtu se paratë ishin të tij dhe se shuma ishte mbi 350 mijë.

Mbrojtja do të vazhdojë me paraqitjen e dëshmive dhe dëshmitarëve të saj në seancat e ardhshme.

Maqedonia e Veriut është vendi i fundit që ka ndërhyrë për të frenuar rritjen e çmimeve të karburanteve.

Nga 15 deri më 28 shtator, qeveria ka ulur TVSH-në për karburantet nga 18 në 10 për qind, ndërsa vijon edhe lehtësimi i akcizës.

Vetëm për naftën, efekti i masave përllogaritet në rreth 7 denarë për litër, duke shmangur një shtrenjtim të mëtejshëm për konsumatorët.

Cmimi final shkon në 99 denarë ose 1.48 euro.

 Edhe Italia ka zgjatur deri më 17 shtator uljen e akcizës për naftën, me rreth 17 centë për litër.

Advertisement

Masa synon të mbrojë familjet dhe bizneset nga rritja e fortë e çmimeve në tregjet ndërkombëtare.

Spanja po aplikon gjithashtu ulje të përkohshme të taksave për benzinën dhe naftën.

Qiproja, ndërkohë, ka zgjatur deri më 30 nëntor lehtësimin fiskal prej 8,33 centësh për litër për të dyja llojet e karburanteve.

Masa mbështetëse janë marrë edhe në vende të tjera, përmes uljes së akcizës, rimbursimeve apo subvencioneve të drejtpërdrejta.

Qeveritë e këtyre vendeve po përpiqen që një pjesë të kostos së krizës energjetike ta përballojnë përmes uljes së të ardhurave nga taksat, duke lehtësuar konsumatorët.

Advertisement

Synimi është që shtrenjtimi i naftës të mos përkthehet menjëherë në rritje të kostos së transportit, ushqimeve dhe produkteve të tjera.