Lajme nga vendi
Komisioni i Sëmundjeve Infektive sot do të vendosë se me sa doza DiTePer do të lejohen shkuarja në kopsht
Të gjitha paqartësitë rreth vendimit për ndalimin e pranimit të fëmijëve në kopshte pa marrë vaksinën DiTePer do të diskutohen dhe zbardhen sot në mbledhjen e jashtëzakonshme të anëtarëve të Komisionit të Sëmundjeve Infektive. Kështu ka deklaruar dje ministri i Shëndetësisë, Ilir Demiri, pas reagimeve të prindërve, fëmijëve të cilëve iu është refuzuar pranimi në kopsht, pra nuk pranohen derisa janë në pritje të terminit për rivaksinim, transmeton Portalb.mk.
“Unë si ministër do të respektoj çdo koment që Komisioni për Sëmundjet Infektive do të bëjë për këtë situatë. U bëj thirrje prindërve të kenë durim. Më vjen keq që disa fëmijë janë vaksinuar me vonesë, kështu që tani ka pasoja”, tha ai.
Sipas tij, nëse fëmija është i vaksinuar, nuk ka asnjë arsye për ta penguar që të shkojë në kopsht. Demiri tha se anëtarët e Komisionit por edhe Inspektorati Shtetëror Sanitar Shëndetësor duhet të thonë nëse fëmijët që nuk janë rivaksinuar mund të shkojnë në çerdhe.
“Është shumë e rëndësishme t’i kushtohet vëmendje ndjeshmërisë së fushatës së vaksinimit sepse ka të bëjë me shëndetin dhe jetën. Fakti që kemi 14,000 fëmijë të vaksinuar jo plotsisht në kopshte gjatë një epidemie është shqetësues”, tha ai.
Në disa kopshte, prindërit e fëmijëve të refuzuar për t’u pranuar u drejtuan në pikat e vaksinimit, për të kërkuar një udhëzim në të ashtuquajturin Komisioni i Imunologjisë pranë Klinikës së Fëmijëve, ku supozohet se do t’u lëshohet një certifikatë e posaçme, me të cilën do të mund të shkojnë në kopsht. Meta iu drejtua Klinikës së Fëmijëve, ku thanë se dje kanë ardhur shumë prindër për një certifikatë të tillë, por më kot, sepse një komision i tillë brenda Klinikës nuk ekziston.
Qendra për shën
e disa janë vaksinuar pjesërisht. Fëmija më i vogël me pertusis i konfirmuar është 4 vjeç, ndërsa më i rrituri është 44 vjeç.
Kujtojm; se 50% e fëmijëve në çerdhet e Shkupit janë pjesërisht ose plotësisht të pavaksinuar plotësisht me vaksinën DiTePer. Inspektorët në terren do të vazhdojnë edhe në ditët në vijim. Fëmijët nuk do të pranohen në kopshtin e fëmijëve, qoftë privat apo publik, derisa fëmija të vaksinohet plotësisht sipas moshës.
Lajme nga vendi
E gënjeu se do të bëhej baba, ai i dërgoi 18 mijë euro Gruaja nga Gostivari e bindte partnerin nga Kosova se ishte shtatzënë
Një 33-vjeçare nga fshati Debresh i Gostivarit përballet me kallëzim penal, nën dyshimin se përmes një gënjeshtre për shtatzëni i ka marrë 18 mijë euro partnerit të saj nga Kosova.
SPB Tetovë ka paraqitur kallëzim penal kundër E.R., nën dyshimin se ka kryer veprën penale “mashtrim”.
Sipas informacioneve të policisë, gruaja e kishte bindur partnerin e saj se ishte shtatzënë dhe se fëmija ishte i tij. Duke i besuar, burri i kishte dërguar asaj para në disa raste përmes transferimit të shpejtë të parave. Në total, ai i kishte transferuar 18 mijë euro.
Pasi kishte marrë paratë, sipas policisë, gruaja kishte pranuar se e kishte gënjyer partnerin duke i thënë se ishte shtatzënë dhe se fëmija ishte i tij, me qëllim që ai të vazhdonte t’i dërgonte para.
Pas zbardhjes së rastit, policia ka paraqitur kallëzim penal, ndërsa për vazhdimin e procedurës do të vendosin institucionet kompetente.
Çmimi me pakicë i benzinës EUROSUPER BS-95 dhe EUROSUPER BS-98 rritet për 1,50 denarë për litër. Çmimi me pakicë i EURODIZELIT (D-E V) rritet për 3,50 denarë për litër. Çmimet e naftës tekalojnë tashmë shifrën prej 100 denarëve.
Komisioni Rregullator për Energjetikë (KRRE) ka marrë vendim për rritjen e çmimeve me pakicë të derivateve të naftës, mesatarisht me 2,62%, krahasuar me vendimin e datës 17.08.2026.
Çmimet referente të derivateve të naftës në tregun botëror, krahasuar me përllogaritjen e mëparshme, kanë shënuar rritje mesatare:
Nga 25 gusht 2026, në ora 00:01, çmimet maksimale të derivateve të naftës do të jenë:
EUROSUPER BS-95: 93,00 denarë/litër
EUROSUPER BS-98: 95,00 denarë/litër
EURODIZEL BS (D-E V): 101,50 denarë/litër
Vaj ekstra i lehtë 1 (EL-1): 100,50 denarë/litër
Mazut M-1 NS: 45,576 denarë/kilogram
Çmimi me pakicë i vajit ekstra të lehtë për amvisëri (EL-1) rritet për 2,00 denarë për litër.
Ndërsa çmimi i mazutit M-1 NS rritet për 1,850 denarë për kilogram, dhe tani do të kushtojë 45,576 denarë për kilogram.
Dje, në ora 09:50, në SPB Tetovë nga Qendra Urgjente e Tetovës është raportuar se te ta është pranuar një i mitur me lëndime dhe në gjendje të rëndë shëndetësore, i cili për shkak të seriozitetit të lëndimeve është transferuar në Kompleksin e Klinikave “Nënë Tereza” në Shkup. Pas ndërmarrjes së masave dhe kontrolleve të kryera, është konstatuar se rreth orës 08:30, në rrugën “Kiro Ristevski Drnc” në Tetovë, një 42-vjeçar nga Tetova, duke lëvizur mbrapa me automjetin e udhëtarëve “Volksvagen Touareg”, pa targa regjistrimi, me rrotën e pasme ka përplasur dhe ka kaluar mbi djalin e tij gjashtëvjeçar. Në vendngjarje ka kryer ekspertizë një ekip i SPB Tetovë, ndërsa po ndërmerren masa për zbardhjen e rastit.
Dje, në ora 14:35, zyrtarë policorë nga SPB Tetovë kanë privuar nga liria një 45-vjeçar, duke vepruar pas një denoncimi të mëparshëm nga një 37-vjeçar nga Tetova, se ai fizikisht kishte sulmuar djalin e tij të mitur. Pas dokumentimit të plotë të rastit, do të pasojë kallëzim përkatës.
Dje, në ora 14:00, zyrtarë policorë nga SPB Tetovë kanë privuar nga liria një 39-vjeçar nga fshati Tearcë, Tetovë. Ai dyshohet se më 21.08.2026 ka marrë një automjet “Renault Clio”, me targa të Tetovës, në pronësi të një 37-vjeçari nga fshati Xhepçisht, nga para shtëpisë së tij në Xhepçisht. Automjeti është gjetur dhe i është kthyer pronarit. Pas dokumentimit të plotë të rastit, do të pasojë kallëzim përkatës.
Dje, në ora 23:15, në Policinë në Gostivar, një 35-vjeçar nga Gostivari ka raportuar se djali i saj i mitur, për shkak të një mosmarrëveshjeje të mëparshme, është sulmuar fizikisht nga një person mashkull. Po ndërmerren masa për zbardhjen e rastit.
Dje, në ora 13:40, në Policinë në Gostivar, një 57-vjeçarnga fshati Trebishte, Gostivar, ka raportuar se në fshat është sulmuar fizikisht nga një 53-vjeçar nga fshati Trebishte, për shkak të një mosmarrëveshjeje të mëparshme. Po ndërmerren masa për zbardhjen e rastit.
Dje, në ora 18:45, zyrtarë policorë nga SPB Tetovë kanë privuar nga liria një 25-vjeçar nga fshati Bogovinë. Gjatë një kontrolli të komunikacionit rrugor në rrugën lokale Pirok–Tetovë, policia ka ndaluar një motoçikletë “Yamaha” pa targa regjistrimi, të cilën e drejtonte personi pa dokumentacionin përkatës dhe pa pasur të dhënë më parë provimin për patentë shoferi. Motoçikleta është sekuestruar dhe, pas dokumentimit të plotë të rastit, ndaj tij do të pasojë kallëzim përkatës.
Dje, në ora 18:30, zyrtarë policorë nga SPB Tetovë kanë privuar nga liria një të mitur 16-vjeçar nga Tetova. Gjatë kontrollit të komunikacionit, në bulevardin “Ilindenska” në Tetovë, policia ka ndaluar një moped me targa të Tetovës, të cilin i mituri e drejtonte pa pasur të dhënë më parë provimin për patentë shoferi, përkatësisht pa leje drejtimi. Mjeti është sekuestruar dhe, pas dokumentimit të plotë të rastit, ndaj të miturit do të pasojë kallëzim përkatës.
Dje, në ora 18:35, zyrtarë policorë nga Departamenti për Punë të Brendshme Gostivar kanë privuar nga liria një të mitur 15-vjeçar nga Gostivari. Gjatë kontrollit të komunikacionit, policia ka ndaluar një moped “Pezho” me targa të Shtipit, të cilin i mituri e drejtonte pa pasur të dhënë më parë provimin për patentë shoferi, përkatësisht pa leje drejtimi. Mjeti është sekuestruar dhe, pas dokumentimit të plotë të rastit, ndaj tij do të pasojë kallëzim përkatës.
E gënjeu se do të bëhej baba, ai i dërgoi 18 mijë euro Gruaja nga Gostivari e bindte partnerin nga Kosova se ishte shtatzënë
RRITEN ÇMIMET E DERIVATEVE TË NAFTËS – “DIZELI” TEJKALON 100 DENARËSHIN!
Kronika e zezë – Tetovë dhe Gostivar, 23 Gusht
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Azizi zbulon dyfytyrësinë e Ali Ahmetit: Ja vazali që e mbronte Gruevskin
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
