Lajme nga vendi
RMV, prindërit me të ardhura të ulëta nuk i kanë marrë në llogaritë e tyre 20 eurot e premtuara
Ministria e Arsimit dhe Shkencës (MASH) shpalli thirrjen e katërt publike për mbështetje financiare për nxënësit e shkollave fillore dhe të mesme nga familjet të cilat të ardhurat mujore nuk i kalojnë 50.000 denarë. Vazhdimisht piblikohen thirrje të reja, ndërkohë që qindra prindër nuk kanë marrë ndihmë financiare për asnjë muaj, edhe pse i kanë dorëzuar dokumentet e nevojshme në mënyrë të rregullt dhe në kohë, transmeton Portalb.mk.
Ndonëse ish-kryeministri Dimitar Kovaçevski në dhjetor të vitit të kaluar kishte paralajmëruar se në gjashtë muajt e ardhshëm nxënësit do të marrin çdo muaj ndihmë financiare, megjithatë, edhe pse tani është mesi i marsit, paratë nuk janë në llogaritë e prindërve.
“Mbi 105.000 nxënës të arsimit fillor dhe të mesëm, në 6 muajt e ardhshëm do të marrin 1.200 denarë, përkatësisht 1.800 denarë në muaj”, premtoi atëherë Kovaçevski, duke paralajmëruar pakon e re të masave.
Lidhur me këtë, Meta.mk i është drejtuar Ministrisë së Arsimit dhe Shkencës (MASH). Nga atje, ata përsëritën se përballen me një sfidë – shpesh në shkolla prindërit dorëzojnë të dhëna të pasakta, pra dorëzojnë llogari transaksionale të gabuara ose të mbyllura.
“Kjo e pengon pagesën”, pohojnë ata.
Për atë, nëse dhe për cilët muaj kanë marrë para prindërit Meta pyeti edhe në grupin në Facebook “Mbështetje për mësim online”, në të cilin numri më i madh i anëtarëve janë prindër. Pjesa më e madhe e komenteve janë se nuk ka pasur pagesë për asnjë muaj deri më tani.
“Në mes të janarit ka qenë një pagesë për muajin dhjetor dhe kaq”, thuhet në një nga komentet.
Kur u shpall kjo masë, Kovaçevski tha se masën pritet ta përdorin rreth 75 mijë nxënës të shkollave fillore dhe 30 mijë nxënës të shkollave të mesme. Aplikimi është bërë përmes shkollave, dhe pagesa është dashur të bëhet me faza, pra pasi shkollat dorëzojnë të dhënat në Ministrinë e Arsimit, kështu që të përgatiten urdhërpagesat.
Ndonëse vonesat në pagesa janë të mëdha, në buxhetin e Ministrisë së Arsimit për masat kundër krizës nga pakoja e nëntë e Qeverisë, thuhej se janë paraparë 843 milionë denarë, të dedikuara për nxënës dhe studentë. Ishte planifikuar që nga dhjetori i vitit të kaluar, deri në maj të këtij viti, që prindërit me të ardhura të ulëta të përfitonin çdo muaj nga 20 euro.
Kryetari i Komunës së Tetovës dhe njëri nga liderët e VLEN-it, Bilall Kasami, ka uruar medresantët për zgjidhjen e problemit shumëvjeçar me njohjen e diplomave të Medresesë, duke e cilësuar këtë si një hap historik drejt barazisë dhe drejtësisë në arsim.
“Sot, Qeveria e VLEN-it miratoi Propozim Ligjin për Shkollat e Mesme të Komuniteteve Fetare, i cili garanton që diplomat e Medresesë të trajtohen njësoj si diplomat e çdo shkolle tjetër të mesme në Maqedoninë e Veriut.Kjo është një fitore për të gjithë medresantët, për komunitetin besimtar dhe për të gjithë ata që besuan në ndryshim”, shkruan Kasami në Facebook.
Ai shton se Qeveria VLEN vazhdon të dëshmojë përkushtimin ndaj qytetarëve në çdo sferë e çdo nivel të pushtetit. Premtimet nuk mbesin fjalë, por shndërrohen në vepra konkrete.
Deputeti i VLEN Adnan Azizi në postimin e tij në Facebook ka përgëzuar miratimin e ligjit për shkollat e mesme fetare.
Azizi ka theksuar se VLEN premtoi dhe realizoi – tashmë diplomat e Medresesë “Isa Beu” në Shkup do të pranohen si të barabarta me diplomat e shkollave të tjera të mesme në Maqedoninë e Veriut.
Në reagimin e tij, ai e ka quajtur këtë një fitore të madhe për shqiptarët, për besimtarët dhe për të gjithë ata që janë të përkushtuar ndaj dijes fetare dhe lirisë së besimit. Azizi nënvizoi se miratimi i Propozim Ligjit për Shkollat e Mesme të Komuniteteve Fetare nga ana e Qeverisë është një hap historik dhe drejtësi e vonuar për breza të tërë që u diskriminuan padrejtësisht për më shumë se dy dekada.
“Ky vendim është edhe një goditje ndaj atyre që 22 vite mashtruan dhe manipuluan me ndjenjat fetare, atyre që nga njëra anë kërkonin votën e besimtarëve, dhe nga ana tjetër i etiketonin si terroristë”, – ka shkruar ai.
Mbi 400 pjesëmarrës nga treva të ndryshme të vendit, Kosovës dhe alpinistë dhe mërgimtarë morën pjesë në Marshin e Parë Promovues, të organizuar nga Klubi Malor “Skardus” në fshatin Dobrosht. Ky aktivitet shënoi një moment të veçantë për këtë fshat sepse nëpërmjet natyrës, traditës dhe mikëpritjes bëri bashkë alpinistët dhe jo vetëm. Kryetari i Unionit të Shoqatave Bjeshkatare, Fari Rexhepi, theksoi se ky union luan një rol të veçantë në promovimin e bukurive natyrore të vendit dhe është përkrahës i shoqatave bjeshkatare të cilat poashtu lidhin adhuruesit e natyrës me natyrën tha Fari Rexhepi.
Të pranishëm ishin anëtarë të shumtë të shoqatave të ndryshme bjeshkatare nga vendi, të cilat promovojnë bukuritë natyrore të vendit tonë. Këto shoqata, të cilat funksionojnë nw bazw të plan programeve, ndikojnë në rritjen e numrit të bjeshkatarëve dhe adhuruesve të natyrës.
Fatmir Sulejmani – “Sytë e Sharrit”
Qerim Abazi – Kryetar i Shoqatës Malore “Sharri” Gostivar
Evzal Elmazi, drejtor i Parkut Nacional Mali Sharr, theksoi se kjo iniciativë është për tu përshëndetur dhe shpreson që do të ngelë traditë që do të organizohet edhe vitet e ardhshme. Elmazi deklaroi se do i përkrahin maksimalisht iniciativat e tilla.
Evzal Elmazi Rojtari i Zonave të Mbrojtura,
Fariz Farizi, apeloi që qytetarët të kenë kujdes në këtë periudhë të nxehtë, të shmangin zjarret dhe të respektojnë masat e qeverisë.
Fariz Farizi – Rojtar i Zonave të Mbrojtura
Ndryshe, Pjesëmarrësit përshkruan një distancë prej 8.5 km vajtje-ardhje, me një disnivel prej 530 metrash, duke ofruar një rrugëtim të këndshëm dhe energjik në natyrën e mrekullueshme të Dobroshtit.
Kasami: Pas dekadash padrejtësie dhe diskriminimi, drejtësia u vu në vend
Azizi: Urime, diplomat e Medresesë të barabarta me të gjitha shkollat e mesme
Klubi Malor “Skardus” organizoi Marshin e Parë Promovues (video)
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
Aksident tragjik në autostradën Tetovë – Gostivar, humb jetën një grua 33 vjeçare | VIDEO
Shkup, panairi i patundshmërive të Dubait! Citi Casa rikthehet në hapësirat e COWORK21 më 31 maj dhe 1 qershor
-
Lajme nga vendi3 years ago
Zyra e Avokatit të Popullit në Tetovë sot do të jetë e hapur
-
Lajme nga vendi3 years ago
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
-
Lajme nga vendi2 years ago
Kovaçevski paralajmëroi drejtor të ri të Drejtorisë për Zbatimin e Sanksioneve