Lajme nga vendi
Vazhdon fushata për ndërgjegjësim më të madh ekologjik në Tetovë, Kasami paralajmëroi blerje të një cisterne për pastrimin e çdoditshëm të rrugëve
Komuna e Tetovës së bashku me Inspektoratin komunal, Departamentin për veprimtari komunale dhe mjedis, këtë muaj janë duke realizuar një sërë aktivitetesh për ngritjen e vetëdijes për mjedis të pastër.
Deri më tani janë mbuluar disa shkolla, ndërsa sot aktivitetet në kuadër të “Muaјit të ndërgjegjësimit mjedisor” janë realizuar në bashkëpunim me shkollën fillore “Naim Frashëri”.
Nxenesit përgatitën një leksion të shkurtër mbi rëndësinë e ruajtjes së mjedisit dhe ndërgjegjësimit të qytetarëve për një mjedis jetese më të pastër dhe më të sigurt. Vazhdojmë edhe në periudhën e ardhshme, duke përfshirë edhe shkollat e tjera të komunës sonë.
“Aksionet mjedisore në pjesën e sensibilizimit të qytetarëve, në pjesën e ruajtjes së mjedisit të shëndetshëm, ne përcaktuam se mënyra më e mirë është përmes shkollave, përmes fëmijëve, sepse duhet të mësojmë që në moshë të vogël se mjedisi duhet mbrojtur, të mos hidhen mbeturina kudo, por në vendet ku janë vendosur koshat. Vlerësojmë se ky aksion edukativ do të ndikojë dhe se pas punës me prindërit e tyre dhe aktorët tjerë në shoqëri do të kemi një mjedis më të shëndetshëm dhe më të pastër”, tha Bilall Kasami, kryetar i Komunës së Tetovës.
Për vërejtjen e gazetarit se pavarësisht njoftimeve nuk ka angazhim më të madh dhe rrugët e qytetit janë ende plot pluhur dhe baltë, Kasami bëri të ditur se do të blihet një cisternë vetëm për këtë qëllim.
Çmimi me pakicë i benzinës EUROSUPER BS-95 dhe EUROSUPER BS-98 rritet për 1,50 denarë për litër. Çmimi me pakicë i EURODIZELIT (D-E V) rritet për 3,50 denarë për litër. Çmimet e naftës tekalojnë tashmë shifrën prej 100 denarëve.
Komisioni Rregullator për Energjetikë (KRRE) ka marrë vendim për rritjen e çmimeve me pakicë të derivateve të naftës, mesatarisht me 2,62%, krahasuar me vendimin e datës 17.08.2026.
Çmimet referente të derivateve të naftës në tregun botëror, krahasuar me përllogaritjen e mëparshme, kanë shënuar rritje mesatare:
Nga 25 gusht 2026, në ora 00:01, çmimet maksimale të derivateve të naftës do të jenë:
EUROSUPER BS-95: 93,00 denarë/litër
EUROSUPER BS-98: 95,00 denarë/litër
EURODIZEL BS (D-E V): 101,50 denarë/litër
Vaj ekstra i lehtë 1 (EL-1): 100,50 denarë/litër
Mazut M-1 NS: 45,576 denarë/kilogram
Çmimi me pakicë i vajit ekstra të lehtë për amvisëri (EL-1) rritet për 2,00 denarë për litër.
Ndërsa çmimi i mazutit M-1 NS rritet për 1,850 denarë për kilogram, dhe tani do të kushtojë 45,576 denarë për kilogram.
Dje, në ora 09:50, në SPB Tetovë nga Qendra Urgjente e Tetovës është raportuar se te ta është pranuar një i mitur me lëndime dhe në gjendje të rëndë shëndetësore, i cili për shkak të seriozitetit të lëndimeve është transferuar në Kompleksin e Klinikave “Nënë Tereza” në Shkup. Pas ndërmarrjes së masave dhe kontrolleve të kryera, është konstatuar se rreth orës 08:30, në rrugën “Kiro Ristevski Drnc” në Tetovë, një 42-vjeçar nga Tetova, duke lëvizur mbrapa me automjetin e udhëtarëve “Volksvagen Touareg”, pa targa regjistrimi, me rrotën e pasme ka përplasur dhe ka kaluar mbi djalin e tij gjashtëvjeçar. Në vendngjarje ka kryer ekspertizë një ekip i SPB Tetovë, ndërsa po ndërmerren masa për zbardhjen e rastit.
Dje, në ora 14:35, zyrtarë policorë nga SPB Tetovë kanë privuar nga liria një 45-vjeçar, duke vepruar pas një denoncimi të mëparshëm nga një 37-vjeçar nga Tetova, se ai fizikisht kishte sulmuar djalin e tij të mitur. Pas dokumentimit të plotë të rastit, do të pasojë kallëzim përkatës.
Dje, në ora 14:00, zyrtarë policorë nga SPB Tetovë kanë privuar nga liria një 39-vjeçar nga fshati Tearcë, Tetovë. Ai dyshohet se më 21.08.2026 ka marrë një automjet “Renault Clio”, me targa të Tetovës, në pronësi të një 37-vjeçari nga fshati Xhepçisht, nga para shtëpisë së tij në Xhepçisht. Automjeti është gjetur dhe i është kthyer pronarit. Pas dokumentimit të plotë të rastit, do të pasojë kallëzim përkatës.
Dje, në ora 23:15, në Policinë në Gostivar, një 35-vjeçar nga Gostivari ka raportuar se djali i saj i mitur, për shkak të një mosmarrëveshjeje të mëparshme, është sulmuar fizikisht nga një person mashkull. Po ndërmerren masa për zbardhjen e rastit.
Dje, në ora 13:40, në Policinë në Gostivar, një 57-vjeçarnga fshati Trebishte, Gostivar, ka raportuar se në fshat është sulmuar fizikisht nga një 53-vjeçar nga fshati Trebishte, për shkak të një mosmarrëveshjeje të mëparshme. Po ndërmerren masa për zbardhjen e rastit.
Dje, në ora 18:45, zyrtarë policorë nga SPB Tetovë kanë privuar nga liria një 25-vjeçar nga fshati Bogovinë. Gjatë një kontrolli të komunikacionit rrugor në rrugën lokale Pirok–Tetovë, policia ka ndaluar një motoçikletë “Yamaha” pa targa regjistrimi, të cilën e drejtonte personi pa dokumentacionin përkatës dhe pa pasur të dhënë më parë provimin për patentë shoferi. Motoçikleta është sekuestruar dhe, pas dokumentimit të plotë të rastit, ndaj tij do të pasojë kallëzim përkatës.
Dje, në ora 18:30, zyrtarë policorë nga SPB Tetovë kanë privuar nga liria një të mitur 16-vjeçar nga Tetova. Gjatë kontrollit të komunikacionit, në bulevardin “Ilindenska” në Tetovë, policia ka ndaluar një moped me targa të Tetovës, të cilin i mituri e drejtonte pa pasur të dhënë më parë provimin për patentë shoferi, përkatësisht pa leje drejtimi. Mjeti është sekuestruar dhe, pas dokumentimit të plotë të rastit, ndaj të miturit do të pasojë kallëzim përkatës.
Dje, në ora 18:35, zyrtarë policorë nga Departamenti për Punë të Brendshme Gostivar kanë privuar nga liria një të mitur 15-vjeçar nga Gostivari. Gjatë kontrollit të komunikacionit, policia ka ndaluar një moped “Pezho” me targa të Shtipit, të cilin i mituri e drejtonte pa pasur të dhënë më parë provimin për patentë shoferi, përkatësisht pa leje drejtimi. Mjeti është sekuestruar dhe, pas dokumentimit të plotë të rastit, ndaj tij do të pasojë kallëzim përkatës.
Kryetari i LSDM-së, Venko Filipçe, deklaroi se LSDM-ja është e gatshme për zgjedhje, madje edhe nëse ato do të mbaheshin menjëherë.
Ai potencoi se LSDM-ja nuk do të jetë alibi e Mickoskit për zgjedhje të parakohshme, duke vënë në dukje se kryeministri ka shumicë prej dy të tretash dhe mund të marrë vetë vendim për shpalljen e zgjedhjeve.
“Ne nuk do të jemi alibi për zgjedhjet e parakohshme të kryeministrit Hristijan Mickoski. Është e qartë se i vetmi parametër që e shtyn të kërkojë zgjedhje është fakti se nuk ka më para në buxhet për tenderët e tij kriminalë. Tani nuk ka as nga ku të marrë hua kaq lehtë, sepse mentori i tij Orban nuk është më në pushtet dhe nuk ka nga ku të marrë para kineze. Ne jemi të gatshëm për zgjedhje. Nëse mbahen nesër, ne jemi të gatshëm që nesër, edhe me ekipin, edhe me programin, me master-planin për Maqedoninë dhe marrëveshjen me qytetarët, të cilën do ta prezantoj gjatë shtatorit”
Filipçe, paralajmëroi gjithashtu se në prag të zgjedhjeve të ardhshme po forcohet makineria propagandistike e pushtetit përmes blerjes së mediave dhe hyrjes së strukturave mediatike serbe në Maqedoni.
“Dhe tani, në gjithë këtë situatë, kur duket qartë se po përgatiten për zgjedhje, pavarësisht nëse do të jenë të parakohshme, përveç mediave që ky pushtet tashmë i ka, 40 për qind e numrit të përgjithshëm të mediave në vendin tonë janë nën kontrollin e njerëzve të afërt me Orbanin, ndërsa tani po përgatitet të hyjë edhe artileria e rëndë propagandistike serbe, në krye me ‘Alo Media’”
Kryetari i LSDM-së, Venko Filipçe, deklaroi gjithashtu se bashkimi i opozitës mund të bëhet vetëm rreth politikave të qarta proevropiane dhe Frontit për të Vërtetën dhe Drejtësinë, ndërsa siç tha, “Levica” fillimisht duhet të heqë dorë nga politikat e saj proruse dhe nga Hristijan Mickoski./Tv Koha/
RRITEN ÇMIMET E DERIVATEVE TË NAFTËS – “DIZELI” TEJKALON 100 DENARËSHIN!
Kronika e zezë – Tetovë dhe Gostivar, 23 Gusht
FILIPÇE: GATI PËR ZGJEDHJE – POR “JO” SI ALIBI I MICKOSKIT!
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Azizi zbulon dyfytyrësinë e Ali Ahmetit: Ja vazali që e mbronte Gruevskin
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
